|
|
| |||||||
| ميدان التحرير ("الميدان الحرّ" سابقاً) للحوار الحرّ فيما لا يدخل تحت نطاق الساحات الأخرى |
 |
| | LinkBack | أدوات الحوار |
 1st September 2010, 07:27 PM | ||||
| ||||
| إقتباس:
مفهمتش أدوات الدين دى حاجة مهمة و لا لأ ؟! و مفهمتش إزاى إهانة أدوات الدين بتكون إهانة لكامل الفكرة ؟ إقتباس:
لما أقول على الصليب أو الكعبة مثلا إنها أوثان .. هل أنا كده برفض و لا بهين مقدسات دينية ؟؟؟ إقتباس:
لو المسيحيين قالوا إن المسلمين بيطوفوا حول وثن اللى هو الكعبة .. هل ده رفض و لا إهانة ؟ بالنسبة لنقطة الوطن ... ممكن نخليها فى موضوع منفصل لوحده خالص ..   |
| 2nd September 2010, 12:35 AM | ||||
| ||||
| إقتباس:
إقتباس:
إقتباس:
الفكرة هنا فين؟ فين أن انا أشوف كلامك و أفكر فيه ...مش لازم ولا مهم أقتنع بيه أو حتى بجزء منه و و أنت أيضا , المهم اننا نشوف وجهات نظر بعض كوجهات نظر و نفكر فيها على هذا الأساس...الكارثة بقى لما واحد فينا (أنا أو أنت ) يفتكر أن رأيه و نظرته الأحادية دي هيا الحل الأوحد و الأمثل و أنه المنقذ . لانه الحل مش عندك لا عندي و لا عند راسبو و لا عند عمرو ...الخ الحل عندنا كلنا , الحل كخطوة أولى أننا نحترم بعض . بعد كل ده مفيش مانع أشرح رأيي ... الفرق بين انك تقول الكعبة وثن أو واحد يقول الصليب وثن و بين الإهانة واضح و خليني أوضحوا زيادة . يعني أيه وثن ؟ ( بفتح الثاء) الكلمة مشتقة من كلمة وثن ( بسكون الثاء , يعني الثاء من غير أي تشكيل ) و معناها الساكن الراكد او الثابت بدوام الثبوت فلا يتحرك . و كلمة الوَثَنُ ( بفتح الثاء ) يعني صنم , و الأصنام معروفة ...الخ هنا الكلمة زيها زي كلمة كافر , أنت تقدر ( ومن حقك ) تقول علي كافر , و العكس صحيح , لو أنا أو أنت إخترنا أننا منقولش لبعض كده عشان الأصل حقيقته أحنا عارفين أنه أصولي و إستغلال للكلمة و مظهرها المهين هدف منهم ده. إخترنا منقولش لأننا بنحترم بعض . و بنفس المنطق بالنسبة ليك الكعبة وثن و فعلا لو أنت قلت الكعبة وثن مش هدايق ليه ؟ عشان أنت مش مسلم إزاي هتعترف بكيان دين أنت لا تدين بيه و العكس بالنسبة لي صحيح فالكلمة في ذاتها مش إهانة و لكن أنا و أنت بنختار أن لا نقولها عشان بنحترم بعض و عارفين أن أصلها يمكن مش مهين و لكن الأفلام اللي صورت الكلمة دي و كلمة كافر ب أصنام شكلها و العياذ بالله و بشر لا بسين أبشع الملابس و غضب أي إله نازل عليهم خلى المعتقد العام الغير حقيقي أن معنى الكلمة مسيء , في حين ان الكلمة في ذاتها عادية و لفترات طويلة جدا لا مسلمين و لا نصارى أستخدموها ...( سواء هي و لا كافر ) لكن خلينا حتى مع الفهم ده نعتبر فيها نسبة إهانة بسيطة , ( و المثال التالي سيكون فيه إساءة فبعتذر مسبقا و هي غير مقصودة إلا للشرح , بعتذر للمسلمين و أستغفر الله لو كنت على خطأ ) لو قلت ان المسجد أشبه بمرحاض عمومي . هل دي زي ما أقول إنها وثن ؟لا . الأولى فلة أدب و سفالة,( و معلش أنا مش هعكس المثل على المسيحية , إختيار مني أنني أكون محترم ) أما لما اقول انه وثن ...فمع الإساءة البسيطة العقل بيقول ان الموضوع نسبي لو أنت مسلم هي مش وثن لو أنت صاحب دين آخر هي وثن و لو أنت ملكش أصلا , كل لأدوات الدينية دي بالنسبة ليك أشكال هندسية , في كل الحالات و في كل الامثلة ليه شخص يجد الحاجة أصلا أنه يبقى قليل الادب و سافل ؟ أظن الفرق بين الألفاظ واضح إلا عند اللي بيتعمد ال...إهانة فقط . فأكيد لما تقول مثلا وثن هيكون ليك هدف و لا أنت ماشي بتشوف المباني الدينية و بتصنفها ؟ أكيد فيه هدف , سواء إثبات شيء ديني أو في نقاش ما أو...الخ , أما لما تقول كلام سافل فأكيد مفيش هدف لأن مفيش سبب في الكون يخلي إنسان يقول لإنسان تاني يا أبن ال.... مفيش سبب غير أنه إختياريا عايز يكون قليل الأدب ...ولا أيه. فطبعا وثن رفض , أنا مش معاه لكن لو أنت عايز تستخدمه أنت حر ...ففيه مسلمين بيستخدموا هذه المصطلحات ( كافر , وثن ...الخ) و في مسلمين لا يفعلون ذلك وأظن كلنا عارفين من يستخدم المصطلحات دي و هدفه من ترويجها أيه ! شوف يا جريج أحنا عاملين زي واحد "مأنتخ" بياكل و يشرب و يدخن و مفيش مانع يشرب شوية صحي يوم الصبح راح لابس الشورت اللي دخل بالعافية من كبر كرشه و قرر يجري كل يوم 6 كيلو !!! و الكارثة الاكبر هو مش بيجري عشان صحته هو هدفه يربي sex-pack . إحنا كده. بصينا على الحرية بره و قلنا بس إحنا عايزين من ده...لا , إحنا عايزين كل ده . مفكرناش لثانية أن الحرية في الخارج هذه نتاج لتجربة و تجربة دي كلمة مش سهلة , تجربة يعني تاريخ , كتاب و فلاسفة و علماء كتبوا و بحثوا و أتصلبوا و إتحرقوا وجاء غيرهم فكتبوا و أتعذبوا و جاء غيرهم فكتبوا و أنتحروا و أتجننوا ...الخ لحد ما وصلوا للنتيجة اللي هي الحرية بشكلها عندهم . الحرية في الغرب نتيجة تجربة الغرب , إحنا عايزين ناخد بقى النتيجة على أساس ليه بقى نتعب نفسينا و نكافح , لا ناخد و نفذ على طول ...نصحى الصبح يبقى عندنا كل شيء زي ما في إنجلترا , طيب المجتمع و تجربته و قثقافته اللي أصلا محتاج تمر بمراحل التجربة عشان تنضج و تتحول لشيء يصلح بعد كفاح لحرية...لا مش مهم المهم يبقى "شكلنا", شكلنا بس زي الناس بره. لا يا جريج صدقني مينفعش و عمره ما هينجح لازم يكون لينا كتاب و فلاسفة و أدباء و متعلمين و مثقفين وناشطين , يكافحوا و يتعبوا و تقف الناس ضدهم ساعات و معاهم ساعات أخرى , لحد ما المجتمع هو اللي ينتج حرية مش نفرضها عليها بالعافية, عشان مينفعش إزاي يبقى إسمها حرية لو لو لم تكن إختيار ذاتي للمجتمع ؟ إزاي بقه كل ده و إحنا اصلا معندناش فلاسفة , معندناش غير نسبة محدودة من أدباء بيكتبوا من أجل القيمة الأدبية , معندناش مفكرين متحمسين لتحرك جماعي بين كل ده عشان ناخد خطوة واحدة بس كمجتمع ...معندناش متعلمين , معندناش ....حجات كثير محتاجة تبقى عندنا الأول. بالنسبة لنقطة الوطن ماشي شفت موضوعك الثاني ... __________________ يحيا الشعب حُرّر بواسطة sammerasker : 2nd September 2010 في الساعة 12:45 AM |
|
| لجلب مزيد من القرّاء، أنشر هذه الصفحة على المواقع التالية: |
| كلمات مفتاحية |
| اللحية, الصحية, الفوائد |
| أدوات الحوار | |
| |
يتابعه: 
يتابع: 
