|
|
| #11  10th August 2008, 06:26 PM | ||||
| ||||
| أعتقد يا سقراط لو جمع منصوب أو مجرور لكلمة "يُبدون" تبقى صحيحة.. (لاحظ الضم على أولها) بس خلى بالك.. دى مش جمع الكلمة بتاعة "بدا يبدو".. دى الجمع بتاعة "أبدى يبدى" (اللى هيه بمعنى "أعرب عن" أو "أظهر") يعنى زى ما أقول "الرجال يبدون تخوفهم من زوجاتهم" = "أظهر / أعرب الرجال عن تخوفهم من زوجاتهم" لكن الكلمة الأولانية بتاعة "بدا يبدو" (واللى معناها بالبلدى "والظاهر كدا" / "محتمل").. دى ماعتقدش ليها جمع فى جملة مفيدة.. "يبدو إن النساء مخيفات" = "محتمل / الظاهر إن الستات بتخوف" فرغم إن النساء جمع لكن برضه استعملنا "يبدو".. أصل الكلمة "يبدو" دى دايما بتعبر عن وجهة نظر أو إعتقاد لدى واحد بيتكلم عن نفسه وبيظن ويشك فيروح "يبدو" له كذا كذا.. بغض النظر عن اللى بيبدو له ده يطلع مفرد ولا جمع ودكر ولا نتاية.. وعلشان تطلع جمع يبقى لازم ال"يبدو" يقع ال"إبداء" بتاعها على جمع.. وده أنا مش عارفه ومش عايز أعرفه لو موجود لأن العملية بقيت ملوخية معايا خالص.. هذه المرأة تبدو طويلة (مفرد مؤنث) هذا الرجل يبدو طويلاً (مفرد مذكر) هؤلاء النساء ....... هؤلاء الرجال ........ حد يكمل مكان النقاط علشان دماغى لفت! حكاية "ال" التعريف دى بسيطة خالص.. دى حالة شاذة.. بتتنطق وكأنها همزة قطع (اللى فيها حزقة ولمؤاخذة).. لكن رغم نطقها بالحزقة لكنها بتتكتب ألف وصل مش همزة قطع (يعنى بتتكتب دون همزات عليها أو تحتيها رغم نطقك للهمزة) يعنى أى كلمة تعجبك هاتحط قبلها "ال" التعريف.. هاتنطقها "ء - ل" وهاتكتبها "ا - ل" عكس ما بتنطقها __________________ نحن نثق فيمن لا نعرفهم لأنهم لم يخدعوننا من قبل..  |
 |
| كلمات مفتاحية |
| الأخطاء, الشهيرة, العربية, الضعف الإملائي, الكتابة, باللغة |
| أدوات الحوار | |
|
|
