|
|
 29th July 2008, 07:59 PM | ||||
| ||||
| طيب م الآخر يا جماعة انا إتفرجت ع الفيلم ومش شايف فيه حاجة تستدعى القلق اللى معمول عليه.. الفيلم يعتبر من نوعية السينما الوثائقية.. يعيبه بس إنه متعمد طرح الأمر على إن إغتيال السادات صدفة وتوفيق من عند ربنا.. الكلام ده مش صحيح وفيه حاجات كتير (الفيلم مطنشها أو متعمد يمر عليها مرور العابرين) تدل إن الموضوع معد بدقة وإحكام وتخطيط مدروس مش هبل هيه العملية والراجل مات بالتساهيل.. زاوية رؤية المخرجة "فروز رجايي فر" إنتقائية لحد بعيد.. ويمكن ده بسبب كونها رئيسة مؤسسة تكريم شهداء العالم الإسلامى وبالتالى عايزه تلصق لقب "شهيد اسلامى" للإسلامبولى منفذ الإغتيال دون أن تجد أى أدوات "دينية" تقنع المشاهد بيها.. يعنى أنا مشفتش حاجة غير إن السادات شتم معلمه وشبهه بالكلب.. هل ده ينفع يتصاغ منه سبب دينى للقتل ونسمى ده "شهيد اسلامى"؟ صياغتها للمنطقة الرمادية فى حياة الإسلامبولى على إنه راجل تقى وورع وبتاع ربنا أخرج فى النهاية صورة مؤسفة باعتقد إنها تدين الإسلام نفسه لأنها لم توضح الفارق بين "التدين" وبين "الإرهاب".. يعنى على سبيل المثال جماعة الجهاد المنضم ليها الأخ ورد فى سياق الفيلم إنها بتكفر الحاكم وبتعتبر الإلتحاق بالجيش ده نوع من الكفر.. ده نسميه تدين ولا تطرف؟ برأيى الفيلم أخد ضجة لا يستحقها.. أما نشوف شغل العيال بتاع الرد بفيلم "إمام الدم" ده لاخر هايطلع ايه.. وعجبى.. __________________ نحن نثق فيمن لا نعرفهم لأنهم لم يخدعوننا من قبل..   |
| 29th July 2008, 09:15 PM | ||||
| ||||
| انا لسه مشوفتش الفيلم لكن فعلا غريب ان بلد تتهز مره من مسلسل و مره من فيلم __________________ بكيت عندما جئت إلى هذا العالم وكل يوم يمر في الحياة يبرر لي أسباب ذلك البكاء |
| 30th July 2008, 10:46 AM | ||||
| ||||
| على فكرة يا ميراج .. مش ده الفيلم الإيرانى خالص دى حلقة وثائقية عملتها الجزيرة و أنا عندى الحلقة كاملة نزلتها من تورنت كان عندى و هو معقولة الفيلم الإيرانى هيستضيف جيهان السادات و بعد كده جيهان ترفع قضية ع الفيلم !! و معقولة فيلم إيرانى هيكون التعليق عليه بصوت عربى و فيه ترجمة فارسية من تحت !!! الحلقة دى إتعملت فى الجزيرة من تلات سنين و الموقع بتاعها هنا http://www.aljazeera.net/NR/exeres/0...90666441C4.htm |
| 30th July 2008, 05:19 PM | ||||
| ||||
| لا هوه يا جريج.. الفيلم كله بالعربية (والترجمة الفارسى لأنه متسجل من العرض على قناة إيرانية اللوجو بتاعها ظاهر أعلى اليمين) وفعلاً فيلم "إعدام فرعون" عبارة عن توثيقات متعددة من الجزيرة + مصادر أمريكية.. ده كلام المخرجة نفسها: إقتباس:
__________________ نحن نثق فيمن لا نعرفهم لأنهم لم يخدعوننا من قبل.. |
| 30th July 2008, 06:10 PM | ||||
| ||||
| لأ مش معقولة خالص يا ميراج ... حلقة برنامج الجزيرة موجودة عندى كاملة و أنا سبق و أشرت لجزء منها زمان من حوالى خمس شهور هنا فى المشاركة رقم 32 هادم الهرمين و خد بالك يا ميراج ... فيه شعار فعلا محطوط أعلى اليمين فى الفيلم الموجود فى مشاركتك فوق لكن برضه تلاحظ إن فى الفيلم الأصلى " أقصد حلقة برنامج الجزيرة " هتلاقى شعار قناة الجزيرة من اليمين من تحت و هتلاحظ إن اللى رفع الحلقة ع اليوتيوب و قال عنها إنها الفيلم الإيرانى إنه عمل " تمويه " لشعار قناة الجزيرة و دى بتتعمل ببرامج سهلة جدا يعنى عمل تمويه على شعار قناة الجزيرة .. و حط شوية كلام فارسى من تحت .. و شعار قناة غريبة كده من فوق ع اليمين لكن الحلقة هى هى بالظبط .. بالحرف الواحد أنا نزلت كل أجزاء اليوتيوب الموجودة فوق و لقيتها هى هى بالنص و الحرف حلقة قناة الجزيرة القديمة و قارنها بالنص المكتوب فى موقع الجزيرة http://www.aljazeera.net/NR/exeres/0...90666441C4.htm و لاحظ إن حلقة قناة الجزيرة معمولة من تلات سنين فاتوا و كمان فيه تسجيل صوتى للحلقة على موقع قناة الجزيرة تقدر تسمعها لما تدوس ع العلامة دى  هتلاقى كمان حتى الموسيقى التصويرية هى هى فلو المخرجة الإيرانية هتعتمد على وثائق من قناة الجزيرة فمش منطقى إنها هتاخد حلقة قناة الجزيرة كوبى بست و تحطلها بس ترجمة فارسى و كمان مش منطقى إنها تموه شعار قناة الجزيرة .. أعتقد مش شئ قانونى فى مسائل الحقوق الفكرية و الحاجات دى إنه يتعمل كده و خصوصا لو كانت المخرجة الإيرانية صرحت " حسب صحيفة الخليج " إنها إعتمدت على وثائق من قناة الجزيرة طب ما هى لو عملت كده .. يبقى شالت ليه شعار قناة الجزيرة !!! و دليل تانى على كلامى إن مصر إعترضت ع الفيلم الإيرانى لأنه قال عن السادات إنه خائن و قال عن الإسلامبولى إنه شهيد بص فى الملفات اللى فوق .. مش هتلاقى الكلام ده إتقال خالص أنا على فكرة بقالى فترة كبيرة بدور ع الفيلم الإيرانى ده أول ما سمعت عنه .. لأنى بحب السادات قوى  لكن اللى فوق ده مش الفيلم الإيرانى فعلا  Doubleposting merged by ”Tifnout”, an Artificial Intelligent Robot to Prevent Flooding و بين الجزء اللى أنا حطيته فى آخر مشاركة هتلاحظ إن كل ما يظهر بانر من تحت بطول الشاشة بيقول إسم المتكلم و على جنب إسم البرنامج " جريمة سياسية " هتلاقى حصل تمويه للشريط كله |
| 30th July 2008, 07:48 PM | ||||
| ||||
| كدا إنت خليت الفار يلعب سيجة فى عبى فعلاً.. لااااااااااااااااا.. انا ماحبش أتقرطس وأساهم فى قرطسة غيرى.. حد يشوف لنا الفيلم ده يا جدعان من أول التترات بتاعته لحد The End ماهو برضه مش معقول كل المعترضين على الفيلم ماشافوش حلقة الجزيرة.. أكيد مختلفين.. __________________ نحن نثق فيمن لا نعرفهم لأنهم لم يخدعوننا من قبل.. |
| 31st July 2008, 03:26 PM | ||||
| ||||
| الفيلم الوثائقى إغتيال السادات .. روابط مباشرة الجزء الأول http://ia331327.us.archive.org/3/items/sadat/sadat.wmv الجزء الثانى http://ia331335.us.archive.org/0/ite...at2/sadat2.wmv اللنكات دى لقيتها فى منتدى بتاريخ أكتوبر 2006 http://www.gulfson.com/vb/f136/t13649 الفيلم يستحق المشاهدة و هو من إنتاج قناة الجزيرة و عجبنى فى الفيلم إنه جايب لقطات من خطاب السادات الشهير بتاع سبتمبر و اللى بعدها مات بــ 33 يوم و إن كان نفسى ألاقى تسجيل كامل للخطاب ده فيديو .. لكن مش لاقيه خالص و الفيلم ده غير الفيلم الإيرانى فعلا يا ميراج ... |
| 1st August 2008, 01:13 AM | ||||
| ||||
| كلام جريجورى مظبوط. الفيلم الوثائقى ده اساسه من الجزيرة ونفس الأسلوب ،ويبان من لهجة المعلق انه مصرى تحديدا. ومن خلال رؤيتى للفيلم المذكور أعلاه مش فيه أى مشكلة أو إهانة لشخص السادات . غير ان اسم الفيلم هو اللى صنع الضجة بجد،على أساس ان فرعون بالنسبة لعامة الناس يقصد به الطاغية والكافر و..............الخ بالرغم من جهلهم لقيمة الإسم المهم صيغة اعدام وهى التى تستعمل عادة فى السجون وأماكن الإجرام ومع اقرانها بكلمة فرعون،بالكلمتين دول صنع منتجى الفيلم ضجة كبيرة فالإهانة فى عنوان الفيلم لا مضمونه ان كان ما شاهدناه هو الفيلم الأصلى... ولو ده فعلا الفيلم الحقيقى يبقى مجرد لعب عيال وهبل من الهيئة الإنتاجية للفيلم. Doubleposting merged by ”Tifnout”, an Artificial Intelligent Robot to Prevent Flooding والمفروض انى لما أعمل فيلم بعرضه على مستوى بلدى يكون بلغة البلد لا باللغة العربية الفصحى كما نطق المعلق. يعنى المعلق كان المفروض يكون ناطق للفارسية وتظهر ترجمة مكتوبة باللغة العربية،والعكس فى حوارات الناطقين بغير الفارسية تكتب ترجمة للكلام باللغة الفارسية لا بلغة المتحدث. |
 |
| لجلب مزيد من القرّاء، أنشر هذه الصفحة على المواقع التالية: |
| كلمات مفتاحية |
| مشاهدة, الآن, يمكنك, فيلم, إعدام فرعون |
| أدوات الحوار | |
| |
 LinkBacks (?) LinkBack to this Thread: http://forum.sonsofegypt.net/t4670.html | ||||
| بواسطة | For | Type | بتاريخ | |
| Digg - فيلم | This thread | Refback | 3rd October 2010 08:43 PM | |
| فيلم "إعدام فرعون" | This thread | Refback | 13th July 2010 07:13 AM | |
| حوارات سابقة ذات صلة بموضوع: يمكنك الآن مشاهدة فيلم "إعدام فرعون" | ||||
| الحوار | الكاتب | الساحة | تعليقات | آخر مداخلة |
| العفو الدولية: إعدام السعودية لامرأة بتهمة الشعوذة "صادم" | Socrates | سياسة وأخبار | 0 | 13th December 2011 11:54 AM |
| فيلم كاهن الوهابية فى مصر "محمد حسان" | Socrates | الواحة الفنّية | 11 | 28th September 2011 07:55 PM |
| دور بنفسك جوه نفسك - فيلم "طير إنت" | Geb | الواحة الفنّية | 0 | 23rd March 2010 08:56 PM |
يتابعه: 
يتابع: 
