|
|
| #11  7th July 2008, 09:33 AM | ||||
| ||||
| اهلا بيك يا agonyعلي اراضي الدولة المصرية ويارب تكون مستعد للبيحصل فيها  |
| #12 7th July 2008, 10:35 AM | ||||
| ||||
| الروبوتات لسعت يا جدعان!! زى ما يكونوا ما صدقوا ولقيوك يا عم agony.. من زمان ماتقابلتش مع حد "لا أدرى".. أوقات كتير باحس إن ده أصدق تعبير إنسانى فى النظرة لله.. أوقات أكتر باحس إن كله كدا وبيقاوح ع الفاضى  لتعم الفائدة.. ولكى يدرى من لا يدرى ماهية اللا أدرى.. نلقى على من يهتم من القراء هذه المحاضرة الغلسة.. معظم الشعب المصرى مايعرفش حاجة عن المعتقدات غير مسلم ومسيحى.. وبيسمع عن اليهودية والبوذية والكنفوشية وعبدة الشيطان سمع بس ومن النادر إنه يكون إحتك بمعتقد أو صاحب معتقد غير تقليدى.. فيه إعتقاد ضخم وهوه أكثر المعتقدات التى يعتنقها البشر على سطح الكرة الأرضية اسمه "اللادينية".. ناس كتير بتخلط بين اللادينية وبين الإلحاد.. الكلام ده مش دقيق ولا صحيح.. اللادينية باختصار يعنى الإعتقاد بعدم وجود دين (مش شرط عدم وجود إله المهم الإعتقاد إن الكتب الدينية دى مشكوك فيها ولا يوجد دليل عقلى واحد يصمد للنقد على إنها من مصدر علوى) طبعاً عملية الوصول لقناعة بفساد الكتاب الدينى بتؤدى لنتائج تانية بالتبعية.. والنتائج دى هيه اللى بتحدد موقف اللادينى من الحاجات التانية الفرعية.. يعنى نقدر نقول كدا وكأن فيه مذاهب أو تيارات فكرية منبثقة من الإعتقاد الأساسى.. - فيه ناس تأملها فى الكون أعطاها الإنطباع (الوجدانى) بإن الإحتمالية الأكبر هى وجود قوى أو إرادة غير بشرية صنعت الشرارة الأولى.. حاجة أشبه بوجود خالق بس مفيش تصور محدد للخالق زى الأديان فبيكتفى بالوصول لإرادة صانعة للشرارة الأولى.. الجماعة دول اسمهم الدييست (بيترجموها "الربوبيون") وفيه جزء مشترك فى الفكر بينهم وبين المؤمنين (أقصد المؤمنين بدين ما) فى حكاية وجود للخالق.. - فيه ناس تانية تأملها فى الكون مادهاش إنطباع بالنفى أو الإيجاب لحكاية وجود خالق.. وشايفين إن زى ما فيه حاجات بتشير لوجود قوى أو إرادة شكلت الكون ففيه حاجات تانية بتدى إحتمال بعكس كدا.. والجماعة دول على عكس الدييزم مش مؤمنين بالعواطف أو الوجدانيات فى الموضوع ده وبالتالى منطقهم العلمى المادى ماوصلهمش لقناعة ثابته فى وجود / نفى وجود للقوى الخارجية دى.. ففضلوا الصدق مع الذات عن إتخاذ إنطباعات وجدانية وقالوا إنهم لا يدرون أين الحقيقة.. ومن هنا تم إشتقاق (لا أدرى / اللا أدرية) - فيه ناس تالتة مسألة وجود قوى أو إرادة شكلت الكون من عدمة مش شايفاها أساسية أو قضية جوهرية فى الحياة.. كان موجود مكانش موجود الموضوع لا يشغل تفكيرهم ولا يبالوا له.. ومن هنا تم إشتقاق (لا مبالى / اللا مبالية) - فيه ناس بقى رافضة فكرة إله من أساسه (الإلحاد) وده بعد حوارات كتيرة مع العم رحيل هاضطر أوافقه على مصطلح "الإلحاد السلبى" لتفريقه عن "الإلحاد الأكاديمى" زى ما بيذكر دارسى العقائد والأديان.. الإلحاد السلبى: معناه إتخاذ قناعة بإن مفيش قوى إو إرادة شكلت الكون من أساسه والعملية دى خلاص إتحسمت عندهم.. (ده المعادل الموضوعى للمؤمن لأن المؤمن مسألة وجود الله محسومة بالنسبة له بإنه موجود) الإلحاد الفعلى (الأكاديمى): معناه إنكار وجودية الله.. يعنى الله موجود ومش عايزه ولا قابله ولا طايقه من أساسه وشايفه كائن شرير بيتلذذ بتعذيب البشر وجعلهم أسوء لإرضاء نرجيسيته.. الإلحاد الحقيقى مش مسألة إيمانية أو قلبية فقط أو موقف من وجود الله.. الإلحاد الأكاديمى هو إيمان بوجوده مع عملية تمرد وثورة ورفض له.. انا كمثال إتولدت "مؤمن بالوراثة" زى كل الشعب المصرى.. حافظ مش فاهم يعنى.. مع التطور والنمو فى جهازى الإدراكى لقيت العملية مش بسيطة وفيه كذا تحفظ عندى وأسئلة حول الله والأديان ووقتها فشلت كل الأديان المحيطة والمعروفة والمقروءة والمسموع عنها فى إنها تقدم إجابة حقيقية بالنسبة ليا.. فابتديت فى رحلة بحث عقلانى عن الله.. مريت بأطوار عدة من اللادينية.. البداية كانت شديدة شوية لأنى فزعت من كم العبط والهبل والسطحية والمسكنات فى الوسط المحيط فأخدت موقف تصادمى وإبتديت بتقمص الإلحاد السلبى وإعتباره أكثر الإحتمالات لسخطى على الدين الموروث.. بعدها بدأت مرحلة الإتزان النفسى وإن مش مهم الناس دماغها إيه المهم أنا دماغى رايحة فين.. فدخلت فى مرحلة اللا أدرية.. وبعدها بمزيد من الدراسة بدأت أميل لفكر الدييزم وبقيت ربوبى.. وبعدها قعدت أحط التصورات اللى قدمتها الأديان لله وأحاول أنبش ايه المنطقى وإيه الغير منطقى فى التصورات دى.. التصور البوذى (المأخوذ من كلام جواتما المباشر) كان جيد بالنسبة ليا.. لكن بمزيد من القراءة لقيته لسع فى حتت بعيدة بخصوص معاملة المرأة مثلاً.. التصور اليهودى بالنسبة ليا كان بدائى جداً وعنيف جدا جدا ومادى بشكل غير مرضى على الإطلاق.. التصورات الإسلامية (صعب حصر الإسلام فى نطاق السنة فقط لأنها حالياً أكثر مستويات الإسلام جموداً وإنغلاقاً) حسيتهم نسخ محسنة من اليهودية بتتفاوت درجة التحسينات بحسب الطائفة.. ومازال أقربهم لقلبى القرآنيين (إسلام المعتزلة الفلسفى العقلى) ثم المتصوفة (الإسلام الإسماعيلى الروحانى وهو خليط من السنة والشيعة) أما النظرة السنية البحتة والمعتمدة على الأحاديث والفقه فكانت أكثر بدائية وطوطمية من اليهودية نفسها بالنسبة ليا.. ولعلمك ده رأى كثير من دارسى الأديان فى إن الإسلام من رحم اليهودية مش من رحم المسيحية كما يفترض.. التصورات المسيحية كانت جيدة بالنسبة ليا وحسيت تعاليم المسيح جوهرية فلسفية (إحتمال بسبب الجزء الوراثى فى فترة صناعة المعايير الذاتية) لكن كان عندى مشاكل كتير مع جوهر التصور عموماً فى مسألة التثليث والتوحيد من جهة.. وألوهية / رسالة المسيح من جهة تانى.. كان صديق رحلة البحث دى العزيز "اوريجانوس" (بس ده كان عياره أفلت منى بكتير ومر على الإلحاد الأكاديمى زى ما قال الكتاب) وده كان دودة معرفة أكتر منى.. كنا بنعمل حوارات أشبه بالهذيان الضميرى.. حاجة كدا زى صوت الواحد ونفسه ونقعد نبحث ونحط حلول وإحتمالات ونسب الأقرب للصحة.. وممكن فى نفس القعدة نتبادل المنابر وكل واحد ياخد رأى التانى (اللى كان بيعارضه من دقايق) كنوع من الإجتهاد بزوايا الآخر وقطع أى إحتماليات للبحث الغير موضوعى.. وصلنا سوا لمرحلة من الغنوصية.. يعنى كنا على التصور المسيحى (الهرطوقى بنظر المسيحيين) عن الله بس بدون فكرة التثليث والتوحيد أو فكرة لاهوت المسيح خالص.. المسيح كان بالنسبة لى وقتها معلم وفيلسوف ونبى ورسول قول زى ما إنت عايز.. لكنه إنسان ابن إنسان.. وفى يوم من الأيام طقت فى دماغى أعمل دراسة لسيكلوجية المسيح.. يعنى قلت أغوص جوه أعماقه وأعمل له عملية تشريح نفسى.. ودى كانت البداية لإكتشاف حاجات جديدة خلتنى أعيد نظر فى مقاصده من كلامه وبتعبر عن ايه وبيقصد بيها إيه.. حالياً أنا وزميل الكفاح "أوريجانوس" بنصنف كمسيحين غير تقليديين.. وأقرب الناس لأفكارنا هوه "أوريجانوس" الحقيقى (200 ميلادية تقريباً) اللى أوريجانوس أخد اسمه على المنتديات.. وده يعتبر الجذر الأرثوذكسى أو القبطى لفكر اليونيفيرسالزم (المؤمن الكونى) وده موضوع شرحه يطول وأنا رغيت ما يكفى أسبوع.. المهم يا agony أنا بصفة شخصية سعيد جدا لوجودك بينا.. لأن بتفكرنى بفترة فى حياتى إستفدت منها كتير جدا ومش ندمان عليها فى أى يوم على الإطلاق.. الفترة العقائدية بتاعتك دى هيه اللى شكلتنى على الوضع الحالى ومدين لها بالكثير والكثير.. أوعى تخاف من كلام الناس ونظام "دى وسوسة شيطان" وآخر الحجج الممجوجة دى اللى بيقولها من لا يفكر فيما تفكر فيه وحبس نفسه داخل سياج عقلى هو من صنعه لا الدين ذاته.. الشك هو أحد الطرق للوصول لليقين.. الشك ليس خطيئة ولا جريمة بل هو حق إنسانى مارسه حتى الأنبياء فى الكتب الدينية.. أتمنى تلاقى هنا ناس مفكرة ومش نمطية.. تحياتى.. __________________ نحن نثق فيمن لا نعرفهم لأنهم لم يخدعوننا من قبل.. |
| #13 7th July 2008, 11:36 AM | ||||
| ||||
| لتصورات الإسلامية (صعب حصر الإسلام فى نطاق السنة فقط لأنها حالياً أكثر مستويات الإسلام جموداً وإنغلاقاً) حسيتهم نسخ محسنة من اليهودية بتتفاوت درجة التحسينات بحسب الطائفة.. ماشى يا عم ميراج تشكر ثكلتك مامتك وبصفتى سنيه من قعر الكوبايه زى جوزى ما بيحب يسمينى أحب أقولك إن الكلام ده مش حقيقى أهلا بالمواطن الجديد ويا رب تفضل بعقلك للنهايه __________________ أن تنتقد الفكر هذا حقك أن تنتقد صاحب الفكر تصبح حمار برأس عجل |
| #15 7th July 2008, 09:15 PM | ||||
| ||||
| إقتباس:
عموماً مرحباً بك فى أولاد مصر أحياناً و الصمت دائماً!!! __________________ أترى حين افقأ عينيك؟! ثم اثبت جوهرتين مكانهما، هل ترى ؟! هي اشياء لا تشترى! |
| #16 8th July 2008, 02:16 PM | |||||
| |||||
| elmoro اشكرا صديقي العزيز واطمئن انا صبور مؤمن بالحرية في التعبير ميراج او ميريدج ( بالفرنسية او بالانجليزية كم يحلو لك  )إقتباس:
إقتباس:
*********** شرح جيد ياصديقي لكن انت نسيت فئات كتير زي العدمين -النيهليست - و غيرهم كتير بالنسبة للألحا انا اول مرة اسمع عن الالحاد الاكاديمي انا اسمع عن نوعين من الالحاد سلبي و ايجابي والايجابي هو اعلي مراتب الالحاد اما السلبي فبياخدوا موقف قريب جدا من الأدريين و الاختلاف بينهم يكاد يكون بسيط ممكن نلخص فكر الالحاد السلبي انهم معنهدهش مانع ان الاله ممكن يكون موجود لكن رافضين كل البدايل المطروحة امامهم الأن لوصف الاله او الالهه-ثواني وهاجعلك تاني يا mirage kaydahom إقتباس:
فقط احببت ان اهديك هذا الحديث الرائع لسيد الأنام عليه السلام حدثنا محمد بن يوسف حدثنا سفيان عن الأعمش عن إبراهيم التيمي عن أبيه عن أبي ذر رضي الله عنه قال قال النبي صلى الله عليه وسلم لأبي ذر حين غربت الشمس أتدري أين تذهب قلت الله ورسوله أعلم قال فإنها تذهب حتى تسجد تحت العرش فتستأذن فيؤذن لها ويوشك أن تسجد فلا يقبل منها وتستأذن فلا يؤذن لها يقال لها ارجعي من حيث جئت فتطلع من مغربه طبعا سنجد الكثير من التفاسير حول هذا الحديث ومش بعيد نلاقيها في الأخر معجزة فلكية رغم ان الخواجة بيجو - استغفر الله العظيم - اقصد ان رسول الانام وسيد البشر كان معناه واضح خالص من الحديث Mirage رحلة جيدة ياصديقي وانا اري ان أفكار تميل الي الفكر الاسلامي المختلط بالفكر البوذي اكثر من ميلها نحو المسيحية الغير تقليدية عامة انا مقريتش في فكر اوريجانوس والصراحة انت شوقتني ان ممكن اعمل رحلة في افكارة إقتباس:
إقتباس:
تحياتي ليك يارفيق استمعت بمشاركتك فعلا gregory شكرا يارفيق عيبك يابني انك ذكي ( سمعتها في فيلم ) بس انا مظنش ان ميراج عمل اللفة الكبيرة دي لتأييد الاسلام ربما كان التشابة الفكري مع الفلسفة الاسلامية كان سبب هذا الاختلاط bolbol تحياتي يابلبل معجب بمشاركاتك و اطوحاتك بشكل شبة دائم اما عن agony فلا اجد مايدفعني للبهجة للتغيير |
| #17 8th July 2008, 06:28 PM | ||||
| ||||
| إقتباس:
لكن لا تأتى لى بعد ذلك وتلعن سلسفيلى كما فعل سابقون. والكلام إلك يا جار  هو العزيز الغالى دخل  صديقى الصدوق ميراج بن عمى جارديان ، أين أنت من زمان. مداخلتك جيدة ولكن لى عودة معها فدائما أنت مثمر .  إقتباس:
كوكو كاواكيكو قعر الكوبايه وبس  لى عودة معكى يا زميلة |
| #18 9th July 2008, 01:52 PM | ||||
| ||||
| إقتباس:
الموضوع مافيهوش حقيقى ومش حقيقى.. الموضوع وجهات نظر ولازم طبعاً إن وجهة نظرك تكون مختلفة عنى وبالتالى كل واحد فينا أخد قرار مختلف (باتكلم على أساس إنك أخدة قرار عن قناعة يعنى) لكن بشكل عام يا كايدانى أنا.. وجهة إعتراضك على الجزئية بتاعة إن الإسلام تحسين لليهودية؟ ولا الجزئية بتاعة إن فكر السنة أكثر التصورات الإسلامية بدائية مقارنة بالطوائف الإسلامية التانية؟ سواء دى أو دى فالكلام بتاعى له أساس عقلانى أعتقد إنك هاتحترميه حتى لو وجهة نظرك مختلفة عنه.. وإنتِ مش سنية من قعر الكوباية.. إنتِ مش أصولية.. سنة قعر الكوباية تجيب أصولية وتخلف دوغرى لأنها هاتقود الإنسان للدفاع عن أمور غير عقلانية معينة تفردت بها السنة وحدها أو الفقه السنى وحده.. أعتقد إن جوزك بيقول لك التعبير بتاع قعر الكوباية ده لما بيشوف منك حالة جمود فكرى.. وده معناه إن جوزك مطلع على التيارات الإسلامية التانية وقادر على المقارنة ووصل لنفس اللى عايز أقوله تقريباً.. إقتباس:
شوف حتى لو كان المسمى الدينى فى بداية المشوار هوه نفس المسمى الدينى فى آخر المشوار.. لكن المكتسب خلال الرحلة نفسها هوه مكسب حقيقى ليا.. أنا فى بدايتها مش هوه أنا فى نهايتها.. agony باشا.. النيهليست للأسف أنا ماتعملتش معاهم وماعرفش أهم ملامحهم.. أصل التنويعة اللادينية اللى أنا قلتها دى هيه التنويعة اللى فعلاً تعاملت معاها بتجارب شخصية.. يعنى المتواجدين فى المحيط العربى وبيمثلوا تيارات حياتية موجودة حتى ولو لم يمنحهم هذا العصر فرصة إعلان إعتقادهم بدون خوف.. فياريت تعرفنى بأهم ملامح النيهليست لأنى فعلاً معرفهمش كتيار فكرى (أنا فاهم النهلستية كمصطلح لكن معرفش جوهر معتقدها كما يتحدثوا هم عن أنفسهم) بخصوص الإلحاد السلبى والإلحاد الإيجابى.. التقسيمة دى إبتكرها منتدى اللادينيين العرب زمان للتفرقة بين الإلحاد ومعناه اللغوى الموجود فى القواميس (اللى هوه الإلحاد الأكاديمى = الإلحاد الإيجابى = التمرد والثورة على الله) وبين الإلحاد السلبى اللى هوه مبنى على قناعة بعدمية وجود خالق مش مسألة عناد أو تمرد عليه.. طبعاً الفرق بين الإتنين ضخم جدا.. السلبى بالنسبة للمؤمن العقلانى فهو نقيض موضوعى.. أما الإيجابى بالنسبة للمؤمن العقلانى هو أنسنة للشيطان ذاته من حيث إيمانه بوجود الله مع رفضه له.. على فكرة.. جريج يعلم تماماً إنى مسيحى مش حاجة تانى من حاجات قديمة كتير.. والموضوع ده مش مثار شك بالنسبة له.. أنا اللى فهمته إنه عايز يقول (بتهكم) إنى لفيت لفة طويلة وفى الآخر رجعت لنفس حظيرة الإيمان اللى طلعت منها.. يبقى كان لازمته ايه وجع الدماغ.. مين؟! مذكرات؟!؟ عاش من شافك يا مذ.. هيه مذكرات كدا.. تقول صديقى الصدوق وتروح جايبة الشومة ودب دب.. مستنيك برة يا كابتن.. واللى شايف له شوفة الميدان بره واسع وفرش فارش.. إحنا مابنتهاددش! بالمناسبة يا جماعة طالما الموضوع خرج عن كونه تعارف لحوار ممكن يكون مفيد.. فيه حاجة للدرينى فيلسوف تيت راديو أعتقد إنها ذات صلة.. إسمعوها وقولوا لى رأيكم: تحياتى.. __________________ نحن نثق فيمن لا نعرفهم لأنهم لم يخدعوننا من قبل.. |
| #19 9th July 2008, 03:35 PM | ||||
| ||||
| يلعن أبو التفكير يا أخى الى يجيب ورا وميجبش أدام يلعن أبو علامات الاستفهام ؟؟ فهى عبث بل معنى..!فعلا أنا كرهت نفسى بجد ونفوخى طرأع خالص الاحلى بقى السوند تراك بتاعها فيلسوف صحيح البعض يخطط لحياته بدقه والغريب أنه يحصل على كل ما يريد فعلا . ولاكن البعض الاخر وهم الاكثر سعاده يستمتعون بجريان الاقدار عليهم . |
| #20 30th July 2008, 03:55 PM | ||||
| ||||
| اهلا ياميراج اسف جدا للرد عليك الظروف القهرية هي السبب عن النيهلستية من الصعب تحديد مفهوم محدد للنيهليست لاختلاف و تباين الاراء و تعدد الذاتيات المعتنقة لهذا المذهب حتي ان العدمين العرب اختلفوا حول الترجمة الحرفية لكلمة nihilist فهناك من يري انها تعني العدمية و هناك من يري ان الزواج بينها وبين العدمية هو زواج باطل للاختلاف مضمون الفكرين و عامة فكلمة nihil في اللغة الاجنبية تعني الاشيء و الشي عديم القديمة نعود الي العدمية من الممكن ايضاح ما ترمي اليه العدمية في هذا المضمون الذي عرفة الروسي سيرجيوس ستبيناك عندما عرف النيهلسيت بتعريف عام حيث عرفها ب “deniers of everything, striving after destruction for destruction's sake.” واذا قمنا بترجمة هذا التعريف حرفيا سنجد انه " الناكرون لكل شي ؛ الكفاح ما بعد الهدم من اجل الهدم ذاتة " و لأن هذا التعريف يبدو مبهما فسأقوم بوضع تعريف شخصي غير مقتبس اخر يحمل نفس المعني و يتناسب مع مفرادات اللغة العربية " " مذهب يقول بأن الأحوال في المجتمع هي من السوء بمحل يجعل الهدم مرغوبا فيه بذاتة و بمعزل عن اي برنامج انشائي " فهم يرفضون فكرة الله و الاديان و حتي المذاهب الاجتماعية مثل الشيوعية و الليبرالية و يرون انها مذاهب فردية و ضعت اما للبقاء او للسيطرة و يجب هدمها لانها تستحق الهدم و ليس لوجود بديل افضل اما عن حديثي عن الاسلاو و انت فقد تحدثت عن ايمانك ببشرية المسيح و هو مارمي اليه محمد من مئات السنين و اري ان محمد كان يحترم المسيحية و اخد منها الكثير لذلك كتبت ذلك اخير الملف الصوتي رائع تستحق الثناء عليه تحياتي |
 |
| كلمات مفتاحية |
| الريس, بلد, جديد, عضو |
| أدوات الحوار | |
|
|
 حوارات سابقة ذات صلة بموضوع: عضو جديد من بلد الريس :) | ||||
| الحوار | الكاتب | الساحة | تعليقات | آخر مداخلة |
| جديد نوفي | fekho2004 | قاعة الإستقبال | 2 | 18th July 2008 02:49 PM |
| مواطن جديد | نصر-1 | النادي الإجتماعي | 5 | 2nd July 2008 09:16 PM |
| عضو جديد | elmoro4life | قاعة الإستقبال | 14 | 3rd April 2008 08:12 PM |
| عضو جديد | منير كامل | قاعة الإستقبال | 8 | 26th January 2008 05:12 AM |
| فارس جديد | فارس الأندلس | قاعة الإستقبال | 19 | 2nd December 2007 11:09 PM |
