|
|
| #61  23rd June 2008, 04:18 AM | ||||
| ||||
| عجز الإمام الشافعى عن وصف من سيتحدث يوماً بأسمه و يترحم عليه بعبثية .. فهو لم يرى من الشافعى غير كلمات تصف السفاهة.. السفاهة التى قبل يومين ربما لم يكن يعرف كيف تُكتب.. الولوج لأبيات الشعر، مهرب البعض.. فهم يلجأون أليها حين تضيق بهم الكلمات.. لكن ليست كل الناس هكذا، فالبعض يلجأ أليها حين يفقد كل شئ فى حوار، حين يُفلس قبل أن يبدأ.. حين يتأكد أنه أعطى كل شئ حتى ولو كان لا شئ.. أرى كلمات الشافعى الجميلة صارت قناعاً أخر لمداخلة لم تستطع أن تعطى جديداً للقارئ.. فركاكة الفكر لا ترطبها جمال الكلمات.. هناك شئ يفتقده البعض ليعرف كيف يوظف أبيات شعر فى حوار.. هناك اشياء كثيرة يحتاجها البعض ليصير محترماً.. هذه الأشياء لا تعوضها أبيات شعر..  Doubleposting merged by ”Tifnout”, an Artificial Intelligent Robot to Prevent Flooding إقتباس:
بالقطع نظرت أليه، و أنتابتنى الحيرة.. كيف تختارى هذا التوقيع و يكون كل همك حوارياً أن "تكيدى العوازل"؟!؟! لكنى تذكرت "الوضع المهزلى" و "الثقة الكبرى".. و عرفت أن التناقض عند البعض ربما قد يصل إلى حد الإيمان بشئ و تطبيق شئ أخر.. __________________ أترى حين افقأ عينيك؟! ثم اثبت جوهرتين مكانهما، هل ترى ؟! هي اشياء لا تشترى! حُرّر بواسطة bolbol : 23rd June 2008 في الساعة 04:24 AM.  |
| #62 23rd June 2008, 06:49 PM | ||||
| ||||
| إقتباس:
|
| #63 23rd June 2008, 07:18 PM | ||||
| ||||
| إقتباس:
 إسألنى أنا  أصل لو شايف إن خصمى فى الحوار شخص سفيه يبقى المفروض أترفع عن الرد عنه فعلا مش أستخبى فى بيت شعر و أقول له " يا سفيه " و إنت بتناقض نفسك يا أبو الغلب الشافعى قال " إذا نطق السفيه فلا تجبه .. فخير من إجابته السكوت " يبقى الفروض متردش ع السفيه أصلا .. مش تحطله بيت الشعر ده أصل كونك إنك رديت عليه يبقى ده معناه أحد إحتمالين الإحتمال الأول ... إنتوا الإتنين سفهاء الإحتمال الثانى .. إن خصمك فى الحوار مش سفيه فعلا لكن إنت مزنوق و مش لاقى حاجة تقولها .. فرحت حاطط بيت الشعر قال إيه يعنى ... أنا كنت عاوز أتكلم بس مش هتكلم و أسمع سلام أحلى مبدأ حوارى غلباوى ... مقدرش أمشى و مقدرش أستنى |
| #64 23rd June 2008, 10:41 PM | ||||
| ||||
| سيدى القاضى هل يختلط الزيت بالماء لا يمكن أن يختلط الزيت بالماء إلى الفريق التقنى أرجو الإلتفات إلى مشاكل الأعضاء فقد وضعنى الزميل على قائمة التجاهل ويبدو أنها لا تعمل عنده حد يشوف الفيوز الملمس ويفصله رقيتك يا قائمة التجاهل من عين الحسود رقيتك يا قائمة التجاهل واللى يطق يموت __________________ أن تنتقد الفكر هذا حقك أن تنتقد صاحب الفكر تصبح حمار برأس عجل |
| #65 24th June 2008, 03:28 AM | ||||
| ||||
| إقتباس:
شافعى أيه اللى أنت جى تقول عليه، هو عارف قبلا معنى الشافعى أيييييييييييييييييييييييييييييييييه هناك حدوته قرأتها من فترة.. تتكون من سطرين على ما أظن ..قال الديك : انا افضل الطيور واقواها واحدها بصراً وانا اؤيد الجزار فيم يذهب اليه.. فقيل له: اجري يابوشخة شوف ال 25% من بني قومك الذين ذبحهم الجزار بعدين اتكلم.. فى الرواية الأصلية كان الرقم 5 لكن جعلته 25 لأنه عزيز عليا ..الحدوتة منقولة من صديق عزيز فى نادى الفكر.. __________________ أترى حين افقأ عينيك؟! ثم اثبت جوهرتين مكانهما، هل ترى ؟! هي اشياء لا تشترى! |
| #66 25th June 2008, 10:08 PM | ||||
| ||||
| إقتباس:
أسف فعلاً لو فيه أى حاجة فى كلامى ضايقتك لأن ده مكانش هدفى.. فكرت أقول الكلام ده فى رسالة أو بطريقة شخصية.. بس قلت ماينفعش أنتقد قدام الناس على العلن وأعتذر لو زودتها على جنب.. فيه سؤال عاجبنى سأله غلاباوى.. ليه التواجد الجماهيرى ده كله.. أقول لك يا سيدى.. البشر مش بيشارك فى الحاجات اللى تعجبه.. البشر بيشارك فى الحاجات اللى تثيره فكرياً وتستنفر همته بإنه عايز يضيف ولازم يضيف.. لو قريت مقال عجبك فمش هاتلاقى غير كلمة "الله ينور على اللى كتبه" بطريقة أو بأخرى.. لكن لو قريت مقال معجبكش.. فبعدد تحفظاتك فبعدد الكلام اللى هاتبقى عايز تقوله.. ولو قريت كلام بيحتمل حاجات كتير وحسيت إنه موضوعه مهم.. فبعدد أفكارك وظنونك بعدد الكلام اللى هاتبقى عايز تستوضحه.. حاجات كتير من دى بتحكم المشاركة والتواجد.. أمال إنت فاكر رسالة التقريع والمؤاخذة للكسالى وغير النشطاء دى مصاغة كدا ليه؟ شفت كام واحد كتب بسببها؟ سياق بقية الموضوع مش مريحنى.. إسمحولى أنتقد بعض السلبيات الغير مكتوبة فى الدستور.. يعنى هاكمل تسلق عليكم يا جماعة.. أنا لبلابى قوى.. بكل تأكيد الناس مش زى بعض ولا أفكارهم زى بعض ولا معاييرهم حتى فى القياس زى بعض.. من حقنا كلنا إننا ننتقد حتى بعض بأسلوب مباشر (مشخصن) لو القيمة الفكرية تستدعى ولو النقد ده مقبول للآخر.. الفكرة إنى زى ما بانتقد المجتمع بهدف إنه يكون أفضل.. فلازم لما أنزع لانتقاد شخص يكون هدفى الحقيقى إن الشخص ده يكون أفضل.. حاسس إن القيمة دى غايبة فى الحوار.. فيه خط فاصل بين النقد لخصم الحوار والتنكيل بخصم الحوار.. الأخيرة دى نوع من التعذيب.. نقطة تانى ممكن تكون حدثت وأنا مشارك فيها وسبب أساسى فى إعتذارى لبسبوسة.. لو فرضنا إن فيه واحد صاحبى وشفته كتب حاجة هايفة أو مش عاجبانى أو فيه إعتراض فكرى عليها.. رحت أنا داخل فى الحوار ومملص ودانه بطريقة شيك.. هوه فهم وعداها وتقبلها.. حبايب.. جه واحد تانى ومسك فى نفس الحاجة الهايفة ومعجبتوش هوه كمان وعنده نفس الإعتراض.. يروح داخل وعاصر ودانه.. ييجى تالت.. وراح مديها.. (ودانه خلاص إتهرت!) ييجى رابع وراح مديها برضه (ودان اللى خلفوه إتقطعت) طبعاً الموضوع كدا وكأن واحد غلط والمفروض ياخد جلدة واحدة.. وكله مش مستكفى ولا راضى غير بدور البطولة ومش معترف بأى جلدة قبل بتاعته.. إيه الفايدة إننا نكرر كلام بعض باسلوب مختلف وماتكيفناش من القلم اللى لطشه اللى سبقنى ولازم أسفخ السفخة المعتبرة اللى صوتها يرن فى كف إيدى أنا؟ ده بقى مش تعذيب.. ده حصار فكرى.. بنحسس بيه اللى عمل حاجة إنه كله بيرجم فيه.. نقطة تانية سلبية هاسميها إستعباط القارئ المفكر.. الإستعباط يعنى أتظاهر بالعبط وأنا مش عبيط دا أنا باعامل القارئ على إنه مش ذكى ومش هايفقسنى.. المداخلة بتكون شايلة رسالة.. والرسالة بيكون ليها هدف وفكرة عايز يوصلها الراسل.. الرسالة ممكن تتكلم فى أحداث.. وممكن تكون متوجهة لأشخاص باسمهم أو بتتكلم عن أشخاص باسمهم.. العقول العادية بتبص على الأحداث اللى فى الرسالة (الخبر نفسه) العقول الضعيفة بتبص على الأشخاص اللى فى الرسالة (معاييرهم مش ثابته وبتختلف بحسب الأشخاص) العقول السوبر بقى بتبص على الفكرة والهدف.. بتخطى فوق الحدث ومابتفرقش معاها أشخاصه.. بيهمها الفكرة المستخبية واللى كتب عايز يوصل لإيه.. الهدف ده رايح فين؟ لو رايح لشخصية فهى شخصنة حتى لو شلت اسم الشخص وحطيت مكانها "البعض".. هوه القارئ أهبل يا جماعة ومش قادر يربط إن المشار إليه ب"البعض اللى بيعمل كذا كذا" وبين ال"كذا كذا" نفسها ويشيل "بعض" ويحط مكانها الشخص المقصود؟ يبدو أن "البعض" يظننى أهبلاً.. الهدف لو رايح ناحية فكرة معينة عايز يقولها القائل ومالهاش علاقة بفلان ولا علان.. فده حتى لو إتكتب فيه أسماء ناس فهوه مش مشخصن.. ده بيسموه إستغلال للشخصنة (القميئة) فى توصيل فكرة يصعب إيصالها بدون إستخدام أمثلة واقعية لتجسيد الفكرة نفسها (أنا بخلط إصطلاحى سميته تسلق فى بداية المداخلة دى) سلبية تانى لاحظتها فى موضوع شعر الإمام الشافعى (سواء فى عرضها أو فى التخبيط فى الشافعى كإسقاط على اللى حطها) وحصلت قبل موضوع شعر الشافعى بالبخور والرقية.. فيه أوقات كتير المحاور بيبقى عايز يعبر عن وجوده وقراءته مع عزوفه عن الرد.. أقوى طريقة قابلتها فى حياتى كان إبتكرها "أوريجانوس" لما قال لى: إقتباس:
أنا يوم ما إتقال لى السطر ده.. حسيت بالعجز فعلاً إنى أرد عليه ووقفت زى المفضوح.. وكأن كلامى كله إتقلب عليا.. سلبية قابلتنى فى الحوار ده هاحاول أراعيها دلوقتى وماكملش.. التطويل ببشاعة.. طبعاً أنا أكبر رغاى فيكى يا دولة أبناء مصر ولازم أقف لأن كدا كتير قوى.. أتمنى ماكونش ضيعت وقتكم ع الفاضى.. __________________ نحن نثق فيمن لا نعرفهم لأنهم لم يخدعوننا من قبل.. |
| #67 25th June 2008, 10:53 PM | |||||
| |||||
| إقتباس:
و القارئ "الأهبل" مش محل نقاش أبداً عشان أستهدفه بكتابة شئ معين.. و أجدك مرة أخرى تحاول أن تفرض تقسيماتك و تقولب القرّاء فى قوالب لا تحاول حتى معرفة إلى أى قالب تنتمى أنت لتحافظ على موضوعية مداخلتك.. يعنى إفتراضاً أنى كقارئ سلمت بصحة تعريفك- اللى بيندرج عندى تحت مسمى التحليل الطوباوى المؤدلج الذى يحاول جاهداً -قبل أن يفشل- رسم تقسيمات علمية لقضايا إفتراضية-.. سأجد أن كلامك مثلاً يتنافى مع جملتك المكتوبة اليوم: إقتباس:
إقتباس:
عشان كدة برفض تقسيمك أو محاولة إضفاء تأثير علمى على كلام مبنى على خبراتك الشخصية اللى بتحاول تفرضها على القارئ بالعافية و كأنها حقائق مطلقة و قد لا تعى أنك تمارس فحواها بين الحين و الأخر على حسب الظروف.. بل مداخلتك نفسها هوت إلى شخصنة ثم أستدرجت لمناقشة أصول المنهجية بكوميديا سوداء اسود من اليوم اللى عرفتك فيه ..أوعى تبلغ عنى.. مغشوشة من أحدهم فيه فرق بين التقسيم الموضوعى و قولبه المواقف، و التقسيم المؤدلج الطوباوى الذى يقولب الأشخاص من على سفح كرسى عاجى تهزه الرياح بين القوالب التى صنعها بنفسه بين كل مداخلة و الأخرى.. و أنا سقطت فى هذا الشريط فى هذه النقطة.. إقتباس:
أما عن المنهج الذى سلمته لنا: بصمت.. حمل "كذا" الحجر الذي رجمه "كذا" عليه.. لست مقتنعاً به.. ولن أطبقه.. لأنى لا أجد فيه ما وجدته أنت و تحاول أن تفرضه على القارئ.. حاول أنت أن تطوره وحدك.. فأنا لم أتخذ منه إستراتيجية حوار حتى الأن.. ميراج أسمح لى أن أهدى لك جملة من مقال أعجبنى جداً: إقتباس:
و رأيت مداخلتك تجسيداً لهذه الكلمات.. فحذارى صديقى من سقطات البرج العاجى.. لا أنكر أنى أحياناً أرى فى الشخص مادة للحوار تبعدنى عن الفكرة لكنى و من منطلق أنى إنسان يُخطئ لا أسمح لنفسى بالتقسيم حتى لا اُشعر من حولى بالكبرياء أو حتى لا يعرف أحد مدى إرتفاع برجى العاجى.. مودتى! __________________ أترى حين افقأ عينيك؟! ثم اثبت جوهرتين مكانهما، هل ترى ؟! هي اشياء لا تشترى! حُرّر بواسطة bolbol : 25th June 2008 في الساعة 11:06 PM. |
| #68 1st July 2008, 06:00 PM | ||||
| ||||
| إقتباس:
إقتباس:
ديه عشان تحرم تستخدم البلورة السحرية و تقوم بدور العرافة .. شغت بقى أنك ممكن تدخل فى أى قالب من القوالب اللى حطيتها للقارئ.. أنا خلصت يا معلم.. وائل مش هيقتل رشا.. ده حتى أداها الأمان.. نصيحتى ليك، هدى انت بس أعضائك -الفكرية أقصد-.. مداخلة مش ذكية بالمرة .. مش بقولك أنت محسود و مهنج فكرياً الأيام ديه فى مداخلاتك.. يالا قوم شيش حجر تفاح تانى.. و سيب أم البلورة.. لأن أنت مش عارف تحط اللى بتتخيله فى مداخلاتك بطريقة صح، و بتعرضه كأنه هيتحقق .. كأنه حقيقة مطلقة.. عشان كدة الموضوعية غايبة عنك، و مش قادر تتعامل مع الكلام بحجمه.. فيه فرق بين الرأى و قاعدة الستات! و مداخلتك ديه قاعدة الستات.. __________________ أترى حين افقأ عينيك؟! ثم اثبت جوهرتين مكانهما، هل ترى ؟! هي اشياء لا تشترى! حُرّر بواسطة bolbol : 1st July 2008 في الساعة 06:11 PM. |
| #69 1st July 2008, 06:46 PM | ||||
| ||||
| أنا كنت داخل رايق النهاردة ولا اللى شارب قرعتين بوظة.. قريت مداخلة بلبل الأخيرة فقت على طول وطرشت كل اللى شربته.. منه للى حطت جوزها فى أكياس.. ماهو أنا شكلى محكوم عليا مايعديش يومين غير لما ييجى يهزقنى.. لو ماعملش كدا يمرض ويصاب بداء البطيحس.. تقسيمات علمية ايه يا عم الحاج؟ هوه إنت شايفنى قلت بحسب فرويد ما قال ولا نظرية بطيخ بتحكى عن؟ ما انا كاتب فى بداية المداخلة سلبيات شايفها.. يعنى منظور شخصى بحت.. فين أنا حطيت القراء فى قوالب؟ قصدك الحتة بتاعة العقول العادية والضعيفة والسوبر؟ أيوه أنا حطيت العقول فى 3 أنماط أساسية.. ايه الخطأ فى كدا؟ طيب والله لاعملها نظرية بجد وأنسبها لنفسى.. إحم إحم.. يزعم ميراج بن الجارديان أن البشر الطبيعيين أكثر ما يلفت نظرهم هو الحدث / الحركة / الموضوع.. وزعم أيضاً - حاسبه الله - أن هناك منحنى يأخذ الشكل الناقوسى يشكل المنطقة الوسطى فيه غالبية البشر الطبيعيين.. وزاد فى زعمه - لعنه الله - أن أحد أطراف المنحنى الناقوسى يمثل البشر ذوى الإدراك تحت المستوى الطبيعى.. وفى هذا الطرف يجلس المشخصنون الذين تتبدل فكرتهم ونظرتهم وأقوالهم وأحكامهم بحسب شخوص الحدث / الحركة / الموضوع.. وهؤلاء معاييرهم لم تبلغ الحد الأدنى من الموضوعية حيث أن معاييرهم لحكم على الأمور هى معايير متحركة بحسب الشخوص.. وبحسب الأهواء تجاه الشخوص.. وأخيراً زعم - قاتله الله - أن الطرف الثانى فى المنحنى الناقوسى يمثل البشر ذوى الإدراك فوق المستوى الطبيعى.. وفى هذا الطرف يجلس المفكرون الذين تتخطى عقولهم الحدث / الحركة / الموضوع وطريقة صياغته أو حتى عرضه لتغوص إلى لب الفكرة التى يريد الطارح طرحها.. هذا النوع من البشر لا يرى فى الإطروحة هدفاً بل يراها أدوات توصيل لفكرة ما.. وهو يبحث عن الفكرة فيتخطى اللفظ والأسلوب ولا ينخدع بجماله ولا يستاء لقبحه.. اتفضل ناقش (وإنتقد) النظرية المنسوبة لجلالة معالينا.. مش تمنعنى من حق طبيعى فى التأمل تخفى بداخله خوفك من النظرية.. المثال المضروب بموضوع "البعض" اللى عملته إنت وكايداهم مالوش علاقة بالتقسيمة ولا النظريات.. ومش محتاجة مستويات خارقة أو ضعيفة علشان الحمار يفهم إنكم بتكلموا بعض بتغيير الاسم وحط مكانه "البعض".. دى حاجة ممكن نفهمها أنا وانت باعتبارنا صيع منتديات وحوار وعارفين يعنى ايه شخصنة (وعارفين كيفية الإفلات من الشخصنة بالتبعيض) أو عارفين يعنى ايه تعميم مسئ (وعارفين كيفية الإفلات من التعميم بالتغليب وكأن إضافة "أغلب" غيرت المعنى) فخلاصة القول يا عم الحاج بلبل إن القوانين مصممة زى الإمتحانات.. على مستوى الطالب العادى.. أو على مستوى العقل الطبيعى.. فالقوانين ممكن تضايق وتخنق العقول المشخصنة.. لكن - بكل صراحة - لا تستطيع أن تنال من محترفى الحوار لأنهم جماعة سوبر ولمؤاخذة.. كلمة "البعض" و"أغلب" و"أرى أن" و"بزعمى الشخصى" وكل الحركات دى مترشقة فى مداخلاتهم وعاملة دروع ومن وراها يرموا اللى يعجبك بأجدع قالب طوب يبطحه فى نافوخه.. الإقتباسات اللى سيادتك إقتبستها من مداخلاتى فى مواضيع تانية لو عايزها على بلاطة.. فأنا راجل مش باحب أخبى مشاعرى الشخصية - حتى لو كانت قبيحة - بدروع الناقد الصايع حواريا.. باطرشها على طول واضحة صريحة مشخصنة.. بتعرف يا بلبل.. أنا عندى مشكلة كبيرة قوى مع الناس اللى على شاكلتك (شاكلة مهببة بعيد عن السامعين) بيحطونى فى رداء أوسع منى.. وبعدين ييجوا يحاسبونى أنا عليه.. يعنى إيه بافرض وجهة نظرى الشخصية بالعافية؟ الكلام ده ممكن يتقال لما الناس تقول شرق وأنا أقول غرب وأفرض على الكل إن الغرب ده صحيح.. أنا معملتش كدا.. أنا صاحب فكر بادعو إليه بوسائل مشروعة عبر منبر خطابى يمتلك من يعارضنى نفس الحقوق اللى ليا.. لكنهم - بلا وكسة - مش عارفين يعارضوا الفكرة فيروحوا هابشين فى صاحبها ويتهموه بإنه بيرهبهم فكريا وبيفرض وجهة نظره وكلام كبير قوى يدحضه مبدأ تكافؤ الفرص - حقيقة لا وهماً - مع المعارضين.. متفكرش فى الفقرة الأخيرة كتير.. إنت بس ناقش النظرية الأولانية الأول من غير ما تقرب لى.. لو ماعرفتش إبقى حط نفسك فى طرف المشخصنين مهما حطيت "البعض" وقصيدة "أيظن" كلها.. لو عرفت ابقى حط نفسك فى الطرف التانى بتاع المفكرين حتى لو كلمتنى وجها لوجه وقلت اسمى فى المداخلة مليون مرة.. ده فحوى اللى عايز أقوله.. أبص للفكرة مش للألفاط بجمود.. بيس يا مان؟ سلاحف.. Doubleposting merged by ”Tifnout”, an Artificial Intelligent Robot to Prevent Flooding لا دا أنت شخصونى شخصونى مش شخصونى تايوانى.. أنا أقصد المسيحيين والمسلمين بوائل ورشا.. طبعاً تلاقيها عندك ليها معانى تانية خالص.. يا ولدى بطل تكون ظنان تعبت اللى خلفونى! شيلوه من فوقيا لأقطعه!! __________________ نحن نثق فيمن لا نعرفهم لأنهم لم يخدعوننا من قبل.. |
| #70 1st July 2008, 07:09 PM | ||||
| ||||
| إقتباس:
إقتباس:
معلش معلش.. مفهوم أكيد مفهوم.. أنت محسود و على فكرة نظريتك ديه ممكن تعجب كفتجى لكن متكلش معايا.. أصلى عمرى ما بحترم نظرية صاحبها مبيعرفش يطبق غير عكسها.. و لو أنت صاحب فكر مش هتشتم حد و تدّعى إنها إحترافية و دروع.. ديه إسمها فى عالم المحاورين المحترمين زى بتوع نادى الفكر: إقتباس:
إقتباس:
يعنى توارى أرعن بين مداخلات، ربما للإستفادة من ضجيج خلاف ما.. فمش هتاكل مع عينتى عيش عشان أنا أتعودت أسمى الأمور باسمها.. يالا قوم من وشى عشان هعمل حاجة مهمة هرفع بيها مستوى مداخلاتك اللى هبط، و هبطت معاه حاجات كتير زى قدرتك على الإيحاء بصحة ما تسميه نظرية.. أصله مبقاش ياكل معايا.. عليا الحرام من دينى ما بياكل معايا.. أل نظرية أل.. __________________ أترى حين افقأ عينيك؟! ثم اثبت جوهرتين مكانهما، هل ترى ؟! هي اشياء لا تشترى! حُرّر بواسطة bolbol : 1st July 2008 في الساعة 07:18 PM. |
 |
| كلمات مفتاحية |
| سؤال |
| أدوات الحوار | |
|
|
 حوارات سابقة ذات صلة بموضوع: سؤال | ||||
| الحوار | الكاتب | الساحة | تعليقات | آخر مداخلة |
| ممكن سؤال | مذكرات | النادي الإجتماعي | 17 | 4th January 2008 08:15 PM |
| سؤال للقرأنيين | عمرو | عقائد وأديان | 35 | 2nd September 2007 02:33 PM |
| سؤال مهم | حسام | الميدان الحرّ | 5 | 7th August 2007 04:40 PM |
