|
|
| #1  19th June 2008, 06:57 PM | ||||
| ||||
| بين النساء والرجال والزواج :) بصراحة تجمع عندي مجموعة من آراء الآخرين عن الزواج ووجدت أن الرجال دئما يتزوجون وبعدين يضربوا نفسهم بالكوتشي والحال هو الحال بالنسبة للنساء أيضا ولما كنت قد تجمع عندي مجموعة من ال Mails تتحدث في ذات الموضوع فقلت لما أطرحها للمناقشة يمكن حد يقدر يقول للعبد لله إيه اللي بيحصل وأبدأ أولا بسؤال لأعزائي الرجال بتحب مين أكثر...مراتك ولا شغلك رجل يسأل ويجيب كما هو آت (سؤال أتمنى أن أسأله لكل المتزوجين وكل العزاب أيضا بالله عليك بتحب أو حتحب مين {لغير المتزوجين} أكثر...؟؟؟؟ مراتك...........ولا..شغلك تتهم كل نساء العالم الرجال بأنهم بيحبوا شغلهم اكتر مابيحبوهم كزوجات أو كخطيبات أو كحبيبات........، وأنا بالنيابة عنى أعترف بأن هذا صحيح..........صحيح......صحيح ليه....؟؟؟؟؟؟؟ لي أسبابي ومبرراتي التي أرجو منكم التفكير فيها بعين العقل: أولا..........الشغل بيصرف عليا.......بس أنا اللي بصرف عليها!!! ثانيا........في الشغل ممكن تزعق براحتك و زعيقك يجيب نتيجة... مع مراتك صعب انك تزعق براحتك ومهما زعقت مش هييجى بنتيجة.......... ثالثا........ممكن تزوغ من الشغل في أي وقت من غير ماحد ياخد باله أو حد من الزملاء يغطيك أنما تزوغ من مراتك........هيهات.......أنسى يا عمرو رابعا........في الشغل عندك مدير ممكن ترضيه لو أشتغلت كويس..... إنما مراتك لو عملت قرد.........مش ممكن ترضيها !!! وإذا رضيت....... عندك حماتك عمرها ما ها ترضى أبد !!!!!!! خامسا.......في الشغل من حقك تاخد أجازه.......عندك عارضه..و اعتيادي.....ومرضى دا غير يوم الجمعة....والعطلات الرسمية.....بصراحة الشغل ريحه خفيف ع القلب..... أنما مع مراتك...مش ممكن تاخد أجازه......بالعكس دانت لازم تلزق فيها يوم الأجازة بتاعتك و إلا يبقى نهار اهلك مالوش ملامح.....لك أجازه واحده فقط......و طويلة جداً !!!!........ سادسا........في الشغل ممكن تترقى و تاخد منصب بيه....وباشا كمان ويبقى لك مكتب لوحدك ..... و فراش.....و سكرتيره خاصة.....والكل يضرب لك تعظيم سلام في البيت هاتعيش زوج وتموت زوج......واللقب الوحيد اللي ممكن تاخده لما تنادى عليك مراتك وتقولك....يابو العيال......أو...... .يا حاج.......... ولما تعجز.......وتسلم النمر...تقولك............ .يا بركه........... سابعا.......الشغل لو زهقت منه ممكن تسيبه بدون مشاكل....وبسهوله.... أنما مع مراتك......لو روحك طلعت.....لازم تحط ف بقك كوتشى وتفكر مليون مره.....في المحاكم والمؤخر و النفقة....والعيال وتلاقى نفسك في الآخر بتغني.....أنا اللي أستاهل....كل اللي يجرى لي الغالي بعته رخيص........ولا أحسبوووووش غاااااالى ..{ العزوبية}طبعا. ثامنا........ في الشغل...لو سبته أو سويت معاشك....أو بلغت سن المعاش بتاخد مكافأة كبيره....ومعاش...وحفله تكريم.....، أما مراتك لو سبتها قبل ما تموت...أنت اللي هاتدفع مكافأة ومؤخر ونفقه......وشقه كمان.......و تتحبس لو مادفعتش.......... تاسعا.........ممكن تغير شغلك وتتنقل لغيره لو لقيت شغل أحسن منه....... في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها.........ظلم عاشرا........في الشغل....متأمن عليك عشان لو حصل لك حاجه....... ولو حصل لك حاجه.....مراتك هي اللي هاتقبض التأمين في النهاية....بتحب مين أكثر...مراتك ولا شغلك.. الإجابة..أكيد مراتي طبعا !!!!!! ) منقول (وقديم كمان)  |
| #2 20th June 2008, 03:38 AM | ||||
| ||||
| ده يعلم الرجاله انهم يفكرو كويس قبل مايتجوزو وفى الآخر هيتجوزو بردو ويفكرو أكتر قبل ما يقولو بنحب الشغل أكتر عشان الكلام الغلط بندفع تمنه غالى قوى __________________ أن تنتقد الفكر هذا حقك أن تنتقد صاحب الفكر تصبح حمار برأس عجل |
| #3 20th June 2008, 05:51 PM | ||||
| ||||
| إقتباس:
ومادام الحديث عن التفكير جيدا قبل الزواج (للنساء والرجال) فإليكم مميزات العزوبية  (مميزات العزوبية للبنــات أولا : تنامي براحتك على السرير وتتحركي كما تشائين بدون أن تزعجي اللوح اللي نايم جنبك . ثانيا : غطاء الفراش لكي وحدك بدون أن تستيقظي في منتصف الليل لتجديه اختفى مع البني ادم اللي جنبك ثالثا : تستمتعين بنوم هادئ بدون إزعاج شاكمان العربية اللي على السرير رابعا : ريموت التلفزيون سيظل لكي وحدك بدون استغلال الطرف الأخر لمشاهدة ماتشات الكورة خامسا : اذا قمتي بتنظيف البيت سيبقى نظيفا لمده طويلة لعدم وجود ساكن الزريبة سادسا : تستطيعين شراء اي شيء نِفسك فيه مهما كان الثمن بدون الاستماع إلى العبارة الشهيرة: في حاجات أهم من كده يا هانم سابعا : لن تضطري إلى استضافة أصدقائه الذين يقضون السهرة في الحديث عن ملكات الجمال ومذيعات القنوات الفضائية ثامنا : لن تضطري إلى مشاهدة النشرات الإخبارية والبرامج السياسية والرياضية بالأخبار تاسعا: تشيلي مسئولية بيته ليه؟ هوّ كان من بقيّة عيلتك؟ ******* مميزات العزوبية للشبـاب اولا : تنام على السرير براحتك زى الطيارة بدون أن يدفعك حد أو يوقعك على الأرض بتعمد ثانيا : ما فيش إزعاج من المدام على أي صوت غريب أو أنها خايفة من الضلمة أو أي شيء يقطع عليك منامك و راحة بالك ثالثا : تصيع زي ما انت عايز.. تطلع الصبح زي ما تحب و ترجع وقت ما تحب وتقعد مع من تحب, من غير ميعاد معين لرفع الشبشب رابعا : تتفرج على التليفزيون براحتك من غير المدام اللي بتموت فى هم و غم المسلسلات او برامج الطعام الثقيلة خامسا : جعان؟؟ مفيش ابسط من كده.. اتلقح على أي مطعم و كل وجبة سريعة أو حتى اطلب بالدليفري او حتى نام خفيف سادسا : الغسيل؟؟ سهل قوي.. غسالة فول اوتوماتيك او حتى هاف (نصف) اتوماتيك تقضّي الغرض وتخلي غسيلك زى الفل و لا الحاجة سابعا: تلاقي وقت كافي لممارسة رياضتك المفضلة ثامنا: والمهمة جدا : قرشك في جيبك في الحفظ والصون, بدون المحاولات المستميتة من المدام للاستيلاء على أموالك) منقول (وقديم برضه) |
| #4 20th June 2008, 06:11 PM | ||||
| ||||
| انا شايفة ان الرجالة اللى بتفكر كدة ليهم نظرة احادية فى الزواج وهية الفوضى+عشيقة مش مسئولية +زوجة ومش عارفين الرجالة بتمردهم دة رايحين على فين ..... ومش لازم نعرف لانهم فى الاخر جايين جايين.... نياهاهاها نياهاهاها  __________________ judge people by their questions not their answers |
| #5 20th June 2008, 06:24 PM | ||||
| ||||
| إقتباس:
  Doubleposting merged by ”Tifnout”, an Artificial Intelligent Robot to Prevent Flooding  |
| #6 20th June 2008, 06:53 PM | ||||
| ||||
| إقتباس:
حالة صعب المتزوجة ترجع لها تانى ودة طبعا للمسميات اللى بتلصق بيها بعد الزواج سواء مدام او مطلقة او ارغملة.... عكس الراجل كتير رجالة بيعيشوا عزاب وهما متزوجينوالالقاب التانية بتسقط من عليهم بمرور المدة كمان العزوبية بالنسبة للبنت شىء غير مستحب اجتماعيا ولو ما تجوزيتش بمزاجها هتتجوز علشان تخلص من رزالة المجتمع وبعدين لما البنات تعيش عزبة امال مين ينكد على السادة الرجال كدة مصير البشرية هيدحور على الاقل احنا كدة بنحاول نعدل مسار الرجالة اللى بيحاولوا ينعوجوا واللة الموفق واخيرا احب اقول هتروحوا مننا فين ....هتدفينيها يعنى هتدفينيها __________________ judge people by their questions not their answers |
| #7 20th June 2008, 08:58 PM | ||||
| ||||
| يا محمد مهما كان مفيش واحدة تقدر تنكر فضلنا عليهم واننا بننقذهم من لقب سخيف نوعا ما اسمة عانس .. احنا ممكن نقعد لحد 40 سنة ومحدش يقولنا حاجة واسمنا رجالة وما يعيب الراجل غير جيبة .. لكن هما بمجرد ما الواحدة توصل 22 سنة تلاقي بقي الاسطوانات المشروخة تسلخ نفسيتها في الرايحة والجاية وشبح العنوسة الوغد يطاردها في كل حين ... احنا اينعم مش ملايكة ولكن مع ذلك قادرين تماما على انقاذهم . بوجودنا وصدق المثل القائل ضل راجل ولا ضل حيطة __________________ يحق لك ان تلتزم الصمت,كل ما تقوله قد يستخدم ضدك في المحكمة,يحق لك التحدث مع محامي ويكون حاضرا معك عند الاستجواب,اذا لم تستطع توفير محامي ستعين لك المحكمة واحد علي نفقتها.وستحاكم ضمن محاكمة عادلة و ستسجن |
| #8 20th June 2008, 10:27 PM | ||||
| ||||
| إقتباس:
تصدق صح، على كده بقى (بالنسبة للبنات طبعا) مميزات العزوبية وشكمان العربية، كل ده كلام فارغ بس معنى كده إن مميزات العزوبية للرجال لو انتشرت ح تعود بنكبات على البنات  يا نهار فوشيا كده يبقى أنا عملت عمله وحشه قوي النهارده بنشر المميزات أعلاه! |
| #9 21st June 2008, 04:41 AM | ||||
| ||||
| إقتباس:
وبعدين يا ريت كفايه التضحيات دى واللى عايز يتجوز يا اما يعرف يعنى انو هيتجوز ست مش كرسى ولا ترابيزه يا اما يوفر عليها وعلى نفسه إقتباس:
بلا نيلللللله (مع الإعتذار لمارى منيب) __________________ أن تنتقد الفكر هذا حقك أن تنتقد صاحب الفكر تصبح حمار برأس عجل |
| #10 21st June 2008, 10:34 AM | ||||
| ||||
| إقتباس:
طبعا الواحد لما يتجوز إنسانة يبقى لازم تستحق منه الرعاية والاهتمام زي ما هو كمان عايز منها الرعاية والاهتمام  إنما في الآخر نحن (الرجال) شموع تحترق من أجلكن |
 |
| كلمات مفتاحية |
| الزواج, النساء, بين, والرجال, والزواج |
| أدوات الحوار | |
|
|
