|
|
| #1  8th June 2008, 10:26 AM | ||||
| ||||
| مصري في باكستان  يا ميت فل ومرحبا على كل الموجودينواللي مش موجودين الصاحيين منهم والنايمين أخوكم مصري في الصميم بس قاعد في باكستان من غير نديم!!!! نقلا عن ألف ليلة وليله  |
| #2 8th June 2008, 10:47 AM | ||||
| ||||
| مرحباُ بك Mohamed Koraiem في قاعة الإستقبال بدولة أبناء مصر، يبدو أن مواطنينا الكرام في خضم حواراتهم لم ينتبهوا لموضوعك هذا حتى الآن. لذا تم تفعيل نظام الترحاب من فريق SoE AI Robots إنه من دواعي سروري أن يتم إنتخابي من زملائي الآليين لأكون في شرف مقابلتك بقاعة الإستقبال. رجاء ألا تنشغل لموقعي وعملي بالدولة، فأنا هنا لست لممارسة مهامي وإنما للترحيب بقدومك نيابة عن بقيّة فريقنا. بكل حزن، فإن النظام الإليكتروني الحازم لدينا لا يسمح لنا نحن الآليون بإقامة علاقات شخصية مع بني البشر، أخشى أني لن أستطيع المتابعة لهذا الشريط أو الإستطراد فيما قد يكتب فيه، يمكنك من الآن إعتبار دولة أبناء مصر كبيتك الثاني، فلقد حصلت بالفعل على حق المواطنة بالدولة. لك أعطر الورود مقدّمة من فريق SoE AI Robots  __________________ Nephthys”, an Artificial Intelligent Robot to Send Immediate Memos” |
| #3 8th June 2008, 11:38 AM | ||||
| ||||
| باكستان ؟.؟؟!!! يعنى الواحد بيروح ليبيا .,, يروح السعودية يروح الامارات .. يعصر على نفسة لمونة ويروح الكويت .. او يصيع ويبيع الدنيا كلها ويروح اوروبا ... لكن يروح باكستان ؟!!!!!!!!!!!!!!!!!!!!!!! عموما شرفت وانست يا محمد .. واكيد ان شاء الله هيكون في كلام كتيير اوي هنتكلمة سوا هنا ... خصوصا اننا في حاجة اننا نستمع لتجربة واحد مصري في باكستان .. __________________ يحق لك ان تلتزم الصمت,كل ما تقوله قد يستخدم ضدك في المحكمة,يحق لك التحدث مع محامي ويكون حاضرا معك عند الاستجواب,اذا لم تستطع توفير محامي ستعين لك المحكمة واحد علي نفقتها.وستحاكم ضمن محاكمة عادلة و ستسجن |
| #4 8th June 2008, 02:47 PM | ||||
| ||||
| شوفت بقى يا عم غلباوي (واضح إن جنابك تبقى رئيس الدولة دي) الدنيا بتودي الناس فين  على أي حال أنا جديد في باكستان و لحد دلوقت قاعد في إسلام أباد بس يمكن أروح مدينة تانيه إسمها لاهور يعني لو عايز حاجة من هنا قول لي بسرعة عشان ألحق أجيبهالك  Doubleposting merged by ”Tifnout”, an Artificial Intelligent Robot to Prevent Flooding  (على الأقل بالنسبة للمجال بتاعي) الأفضل اليومين دول غريبة عمرنا ما سمعنا عنها زي سيراليون و مدغشقر  و حجات كده |
| #5 8th June 2008, 03:55 PM | ||||
| ||||
| إقتباس:
ههههههههههههههههههههههه رئيس دولة مرة واحدة ؟؟ يسمع من بقك ربنا قادر يا كريم ... لا لا انا مواطن عادي خالص زيي زيك .. ومش عشان لابس بدلة وكرافتة وشكلي شيك ابقي رئيس الدولة  طبعا كلامك صح الى حد ما في مسالة عمل الفلوس والسفر بشكل عام ... بس احنا اخدنا على طبع عام ان لو واحد راح بلد ونجح فيها ورجع محمل اشي تلفزيون واشي مروحة وأشي تكييف يبقي كله يجري على البلد دي بغض النظر ان كانت تناسبة ولا لأ ... زي اللى يشوف مشروع فتح وكسب كويس اوي تلاقيه يغير نشاطة للنشاط دة عشان يسكب هو كمان .. وةد اللى خلا احيانا في مصر وفي شارع واحد يجي 30 نت كافية يفتحوا فجأة طمعاً في الربحية والعائد .. عشان كدة قليل جدا اللى ممكن يفكر في العمل في بلاد غير مألوفة من منطلق مبدأ ( اللى نعرفة احسن من اللى منعرفوش ) ولا اية ؟؟ بالمناسبة ... کر تم ارڈو نوو کو بولتے؟ میں سمجھتا وہ کہیں زیادہ سخت زبان ہے اس کو سمجھنے کو مگر وہ نظریں ہے اراباک کی طرح __________________ يحق لك ان تلتزم الصمت,كل ما تقوله قد يستخدم ضدك في المحكمة,يحق لك التحدث مع محامي ويكون حاضرا معك عند الاستجواب,اذا لم تستطع توفير محامي ستعين لك المحكمة واحد علي نفقتها.وستحاكم ضمن محاكمة عادلة و ستسجن |
| #6 8th June 2008, 04:33 PM | ||||
| ||||
| کر تم ارڈو نوو کو بولتے؟ میں سمجھتا وہ کہیں زیادہ سخت زبان ہے اس کو سمجھنے کو مگر وہ نظریں ہے اراباک کی طرح حصول رزق حلال عبادت ها الظاهر إن موضوع غلاباوي ده مش بس إسم  جبت الكلمتين الأردو دول منين؟؟؟؟؟؟؟؟؟؟؟  الأغرب من كده خليت الكمبيوتر إزاي يكتب أردو؟؟؟؟؟؟؟؟؟ الأغرب أكتر وأكتر أنت عرفت منين إن لغة باكستان إسمها أردو؟؟؟؟؟؟ أنا بصراحة اللي جابني هنا إني طلبت من المعلم جوجل أغنية Big in Japan لأني نسيت آخدها معايا من مصر وأنا ماشي قام المعلم جوجل قال لي طلبك عند عمك الحاج غلاباوي القاطن في دولة أبناء مصر المحروسة (هي المحروسة دي من عندي؟ ) وبدون نفاق والله لما فتحت (غلاباوي إف إم ومختارات من زمن الفن الجميل ) لقيت إن عندك ثقافة فنيه عاليه عرفت من كلامك حاجات كتير خلتني أشترك في المنتدى هنا رغم إني عمري ما اشتركت في منتديات قبل كده بس ما تصورتش إنك ح تكتب لي أردو مش للدرجة دي يعني! إنما تقدر تقول لي هو الكلام ده معناه إيه؟؟؟؟  |
| #7 8th June 2008, 07:17 PM | ||||
| ||||
| إقتباس:
اما اللغة الاوردية يا صديقي فطبعا (والكدب خيبة ) لا افقة فيها شيء بيد أن اللغة نفسها مشتقة من العربية لانك حتى لو كنت جاهل تماما وقريت حاجة باللغة الاوردية فتأكد انك هتقدر تلم على الاقل 20 % من المكتوب وهتفهمه . واكيد طبعا انت تقدر تأكد لنا الكلام دة او تنفيه .. کر تم ارڈو نوو کو بولتے؟ میں سمجھتا وہ کہیں زیادہ سخت زبان ہے اس کو سمجھنے کو مگر وہ نظریں ہے اراباک کی طرح الكلام اللى فوق دة معناه هل بدأت في تحدث الاوردية الأن ؟ اعرف ان اللغة الاوردية صعبه جدا في الفهم على الرغم انها تشبه العربية ودة طبعا من موقع ترجمة من وإلى الاوردية ... وحبيت بس انكشك شوية كدة كشيء من الدعابة  إقتباس:
سامعيين يا غجر ....... عشان تبوسوا ايدكم وش وضهر وتعرفوا أد اية العبد الله اونكل غلاباوي مصيطكم في كل حتة والناس بتيجي من السند والهند وبلاد تركب الافيال عشان غلاباوي اف ام ... انا لو من الفريق التقنى يعمل لي تمثال وحوالية نافورة في مدخل الدولة اعترافا بالجميل واحقاقا للحق __________________ يحق لك ان تلتزم الصمت,كل ما تقوله قد يستخدم ضدك في المحكمة,يحق لك التحدث مع محامي ويكون حاضرا معك عند الاستجواب,اذا لم تستطع توفير محامي ستعين لك المحكمة واحد علي نفقتها.وستحاكم ضمن محاكمة عادلة و ستسجن |
| #9 8th June 2008, 09:56 PM | ||||
| ||||
| إقتباس:
أنا ماكدبش عليك جبت واحد باكستاني وقلت له يقرالي الكلمتين بتوعك عشان أعرف يتنطق إزاي قبل ما أسأله عن ترجمتهم... مش لحاجة غير قول سيدك النبي عليه الصلاة والسلام (من تعلم لغة قوم أمن شرهم) إقتباس:
إقتباس:
بس يعني مافيش 5 روبية من تحت الترابيزة لأخوك الغلبان في دولة باكستان بدل ما أعمل جنان وأفضح اللينك التعبان بتاع big in japan هو أنا متأثر شويه بألف ليلة وليله وللا حاجة؟؟؟  خلاص مش ح أقول إن اللينك مش شغال عشان يكملوا بناء التمثال جنب النافورة من غير جدال وحقيقي يا أونكل غلباوي لو قرروا يعملوا لك تمثال أنا أول واحد ح يشارك في البناء... Doubleposting merged by ”Tifnout”, an Artificial Intelligent Robot to Prevent Flooding إقتباس:
 وكان نفسي أرد عليك على طول بس اتأخرت عشان كنت باكل!!!!!!!!وحط 890 ألف خط تحت كلمة باكل دي لأني - رغم أني عشت في مصر 10 سنين في بيتي لوحدي قبل ما آجي باكستان - إلا إني عمري ما عملت لنفسي لقمة آكلها كان دايما كل ما تشتهيه نفسي على بعد مكالمة تليفون من أول سندوتشات الفول والطعمية لغاية الطواجن والحمام وحتى الملوخية والبامية والشوربه مرورا بكل الوجبات السريعة اللى تعرفها واللي ماتعرفهاش كمان أما هنا الوضع مختلف جدا لأن الأكل وإن كان رخيص إلى حد ما بس لو الشيطان وزني وقررت إني آكل برة يبقى ح أتحول من بني آدم إلى تنين أفتح بقي يطلع نار وده طبعا بفضل الشطة اللا نهائية الموجودة في كل الأكل عند الناس الحلوين دول ناهيك عن توابل عجيبة لم أسمع عنها من قبل و بصراحة أخوك الغلبان زي كل المصريين المتأصلين مريض قولون ومش بحب الشطة أصلا و من كتر التناكة (لما كنت في مصر طبعا) كنت لما ألاقي أكل فيه شطه ماكلوش وأغضب عليه وسبحان مغير الأحواللما كنت في مصر أحس بالجوع بالليل ومافيش إختيارات غير إني أعمل لنفسي أكل كنت أفضل أنام جعان ولا أعملش لنفسي أكل  بس هنا الموضوع مختلف لأني ح أنام جعان كده كل يوم و ح أصحى جعان كمان لأن مافيش حاجة آكلها لما أصحى ولذلك ومع منتهى أسفي ولأول مرة في تاريخ حياتي و مضطرا عملت لنفسي أكل النهارده بس والله طلع حلو وخلصته آآآآ مش كله يعني |
| #10 8th June 2008, 10:38 PM | ||||
| ||||
| اية دة .....يا لاهوتشى .....شىء لا يصدقة عكل اية دة يا الرجالة حتى الرسيبسن قالبتوة مطبخ ريحتكم فايحة..... واهلا بالزميل الجديد مصرى فى باكستان  __________________ judge people by their questions not their answers |
 |
| كلمات مفتاحية |
| مصري, باكستان, بحب مصر |
| أدوات الحوار | |
|
|
 حوارات سابقة ذات صلة بموضوع: مصري في باكستان | ||||
| الحوار | الكاتب | الساحة | تعليقات | آخر مداخلة |
| علشان انت مصري | sayed_youseef | الميدان الحرّ | 0 | 12th April 2008 12:53 AM |
| مبارك يقتل الديمقراطية في باكستان وبورما | Muslim Copt | سياسة وأخبار | 0 | 24th November 2007 12:40 PM |
| مصري جديد | Night in Alexandria | قاعة الإستقبال | 11 | 16th June 2007 10:44 PM |
