مصري في باكستان

[Mohamed Koraiem]

توثيقاً لما قيل بواسطة غلاباوي

يا اهلا يا اهلا بيك يا عم محمد واتاري الجو منور و( مشعشع ) الجو كله اهو .. بس اعتقد والله اعلم ان الواحد لما يجي يسلم عليك لازم يكون معاه Geiger-Muller Counter للاحتياط يعنى ..خصوصا انت الوحيد اللى لو قعد على قهوة ويطلب شاي بيقولهم ( واحد شاي سكر خفيف وشاي خفيف على مية تقيلة )


حاجة سريعة للعلم فقط وليس للفذلكة ... قرد بالاردو = بندر وليس بنجر وتكتب هكذا بندریں

الحقيقه يا معلم أنا أخدتها بالسمع مش بالكتابة والعالم دول بياكلو الكلا (الكلاام ياعني) - مع الإعتذار لمحمد رضا وسماح النوبه

توثيقاً لما قيل بواسطة غلاباوي

هو اسمة إلتهاب رئوي ولا التهاب نووي ؟؟

توثيقاً لما قيل بواسطة غلاباوي

:h ehehe:

تصدق إن جدي للحاجة والدتي يبقى إسمه النواوي؟ وبلده إسمها نوى يعني عداد المعلم جايجر ما يفارقش جيبك طول ما أنت هنا
والله و بقيت مهندس نووي يا واد يابو حميد من غير ما تعرف
ــــــــــــــــــــــــــــــــــــــــــــــــــ ــــــــــــــ
مصري في باكستان

Doubleposting merged by ”Tifnout”, an Artificial Intelligent Robot to Prevent Flooding

بصو يا أولاد أنا ح أكتب كلمتين بسرعة هنا قبل ما النور يقطع عشان الساعة 8 بتوقيت القاهرة ح يقطع النور عندي ويرجع تاني الساعة 9 بس إوعو تمشو وتسيبوني في الضلمة لوحدي (عااااااااااااو - يا ماما)
الحقيقة فيه حاجات غريبة بتحصل هنا ولو كان ما غريب إلا الشيطان على رأي عمي غلاباوي ف ممكن نقول حاجات مش متعودين نشوفها!!!!


سألت نفسي أأجدك أم يحجب بيننا ستار
أم سأموت بحثا وتحول دوننا الأعمار

(نقلا عن قصيدة أين عيناك – القصيدة الوحيدة للعبد لله - حاجة شبه الحلزونه كده)
أولا تصدقوا إني لقيت بقرة ماشية في الشارع كده من غير لا صاحب ولا سلبه (حبل) في رقبتها ولا أي حاجة من دي! مع إني ماشفتش هنا كلب ولا قطة هنا في نفس الموقف!!!
لو كنت في الهند كنت ح أقول ماشي إنما هنا البلد دي مسلمين بنسبة 99,5% (يعني أكتر من نسبة مجلس الشعب) والباقي ديانات متعدده بس رغم كده الناس كانت بتتعامل مع الموضوع زي ما إحنا بنتعامل مع أي قطة بلدي ماشية في الشارع (كأنهم مش شايفينها) ... أنا متخيل لو كان فيه حاجة زي كده عندنا أنا أول واحد كنت ح أقوم عليها بالسكينة وأدبحها وأعمل عليها فته وآكل وأكل الحي بتاعنا كله وممكن أوزع منها على الغلابة كمان .. أو على الأقل كنت ح أربطها وأحلبها كل يوم وأشرب أنا و جيراني لبن صابح وزي الفل ولا حوجة لجهينة وإخوانها ولا تقول أورجانيك ولا أورجاني وأهي حاجة ببلاش كدة ووالله لولا إن أنا مش دارس طباع الناس دي كويس كنت أخدتها معايا الفيللا واهي حتى تونسني بالليل (موووووووووه).
الظاهر إن الناس هنا أكلو الكلاب والقطط وسابوا البقره
ــــــــــــــــــــــــــــــــــــــــــــــــــ ــــــــــــــ
مصري في باكستان

[غلاباوي]

المهم بس نصيحة من اخ .. خلي بالك من نفسك في الغربة وخلي اختلاطك بسيط اوي بالناس ..
غالبا الموساد هيحاول يغتالك او عملاء من الهند هيحاولوا يخطفوك ودة أمر طبيعي جدا فماتخدش في بالك خالص بس الاحتياط واجب شوفلك حتة سلاح صغيرة كدة عندك لزوم الدفاع عن النفس برضة وليكن حاجة بسيطة زي دي كدة




او دي ....



لمجرد الاحتياط ليس إلا ....

[Mohamed Koraiem]

توثيقاً لما قيل بواسطة غلاباوي

المهم بس نصيحة من اخ .. خلي بالك من نفسك في الغربة وخلي اختلاطك بسيط اوي بالناس ..
غالبا الموساد هيحاول يغتالك او عملاء من الهند هيحاولوا يخطفوك ودة أمر طبيعي جدا فماتخدش في بالك خالص

لا ياخويا مش واخد في بالي وربنا يطمنك

توثيقاً لما قيل بواسطة غلاباوي

بس الاحتياط واجب شوفلك حتة سلاح صغيرة كدة عندك لزوم الدفاع عن النفس برضة وليكن حاجة بسيطة زي دي كدة
لمجرد الاحتياط ليس إلا ....

هااااااااااااااااااه
لأ مش للدرجة دي أنا مش بالعب Doom2 هنا ده كده يبقى ح اتسجن رسمي يا إما آخد بعضي وأعدي الحدود عشان أقعد مع عمو أسامة شوية تعرفه؟؟؟؟؟؟؟؟؟؟!

Doubleposting merged by ”Tifnout”, an Artificial Intelligent Robot to Prevent Flooding

يابن آدم
قابلت طير ملاك أوام هواك قال لك شاريك
بكيـــت شكيت لقـــاك داواك وحـــس بيـــك
أيــام وسـلام سـلام وأوام حنيت لطير نسيك
دورت على الحنان ما كان زمان أدام عينيك
وعجبي
أرجع تاني للحاجات الغريبة اللي شوفتها هنا
الحاجة التانية الأغرب إني لقيت مرسوم في أرض الشارع خط مقطع بطول الشارع (يعني حارتين مروريتين) ودي حاجة عادية بنشوفها عندنا في مصر كتير وعلي اليمين خط أصفر مستمر (يعني مش مقطع) وعلى الشمال واحد تاني زيه ودي كمان عادي شوفتها قبل كده في طريق الأسكندريه والعين السخنة وغيرهما اللي مش عادي بالمره إن الخطوط دي ماحدش كان ماشي عليها( وكأنها ح تفرم شاسيه العربيه مع إن ماكانش فيه Cats eyes) لكن الناس كانت ماشيه دايما في النص بين الخطوط وبعضها وماحدش واخد الخط في نص عربيته لحسن يتوه
لأ مش كدة وبس
دا كمان رغم إن خارج الخط الأصفر مرصوف برضه إلا إن ماحدش فكر ياخد غرزة من بره ويرجع تاني (بصراحة لو كنت أنا اللي سايق كنت عملتها – يمكن عشان كده جابولي سواق) والأدهى والأمر إن ساعة الإشارة ما قفلت الناس وقفت طابورين بس بين الخطوط المقطعة وماحدش حاول إنه يزنق نفسه في النص بين عربيتين ولا حد خدته الفتاكة وراح سد السكة على اللي داخل شمال (الدريكسيون هنا يمين زي إنجلترا) حاجات غريبة صح؟؟؟؟؟؟؟
وياريت على أد كده وخلاص لأ ده في الشوارع الموجود فيها علامة (ممنوع الوقوف قطعيا – حد عارف شكلها إيه) عمري ما لقيت أي ابن هرمة واقف في نص الشارع (ولا حتى على جنب) عشان يغير فردة كاوتش وللا حتى عشان عربيته سخنت كأن الكاوتش مابيفرقعش والعربيات مابتسخنش عشان هنا ممنوع الوقوف قطعيا ولا حتى تاكسي بيركب زبون مع إني والله العظيم ركبت واحد صاحبي تاكسي فوق كوبري 6 أكتوبر (هو دي كمان العيب على الحكومة؟؟ بلاش نعلق أخطاءنا على الشماعة دي كتير)
الحاجة التالته بقى أغرب من كل دول (على فكرة البلد دي متأخرة عنا بكتييييييييييييييييييييير وحرام إن إحنا نكون من دول العالم التالت لو كانت بلد من الأغبياء زي باكستان من دول العالم التالت – ظلمناكي معانا يا حبيبتي يا مصر)
الظاهر إني بقيت رغاي بجد ؟؟؟ أريحكم مني شوية وبعدين أكمل
ــــــــــــــــــــــــــــــــــــــــــــــــــ ــــــــــــــ
مصري في باكستان