بالنسبه لمكتبه ابناء مصر

[kifak-inta]

طيب يا عم ميراج
شغل جميل بتاع المكتبه دي
لكن انا مش فاهم هل انا اضيف الكتب و الصوتيات مباشره في المكتبه ولا اشتغل عادي والتقنين يقسموه براحتهم
واذا انا اللي كنت هضيف الملفات مباشره في المكتبه ازاي .

[Mirage Guardian]

كويس إنك فتحت الموضوع ده..

المكتبة عبارة عن حاجتين.. أقسام + ملفات محطوطة فى الأقسام دى..
حاجة كدا زى جهاز الكمبيوتر العادى (فايلز وفولدرز - ملفات ومجلدات أو حافظات)

بشكل عام المكتبة فى التليين.. ففيه خصائص لسة مقفولة هاتتفتح.. وخصائص مفتوحة هاتتقفل..

كمثال فحاليا ممكن المواطن يصنع تصنيف كتب (زى رف فرعى أو مجلد جوه المكتبة) يضم مجموعة كتب أو أغانى ذات سمة مشتركة مع بعض..
حكاية إنك تضيف تصنيف دى هاتتقفل مستقبلاً والمكتبة هايكون لها أقسام محددة.. لكن لأن المكتبة لسة فاضية ومحدش يعرف نوعية الكتب أو الملفات اللى هاتتحط.. فمتسابة الحكاية دى مفتوحة وحطوا براحتكم إن شاله كله على بعضه..
لما نوصل لمرحلة إن الكتب أو الأغانى كترت واتدربكت.. هاينظموها الجماعة التقنيين فى أقسام بحسب الكتب نفسها اللى توافرت كانت ايه..

فبشكل عام متشغلوش بالكم بموضوع التصنيف أو التقسيم فين.. عرفت تقسم ماشى معرفتش مش مشكلة

لعمل قسم جديد:
خش جوه القسم اللى إنت عايز تعمل تصنيفك الجديد جواه.. يعنى كأنك بتقف فى المجلد اللى هاتعمل منه مجلدك الفرعى الجديد..
فوق على اليمين فيه قائمة اسمها "أقسام المكتبة"
إختار منها "إضافة قسم جديد"
هاتطلع لك صفحة الإضافة.. تعامل معها لأنها واضحة (اسم القسم.. وصفه ايه.. متفرع من قسم ايه.. إلخ إلخ)
وبشكل عام لو حاجة معرفتهاش سيب خانتها فاضية مفيش مشكلة..

ده مثلا عن الأقسام كحاجة مفتوحة حاليا وهاتتقفل مستقبلا..

فيه حاجات مقفولة بقى حاليا وهاتتفتح مستقبلاً.. زى رفع الملفات من جهازك للمكتبة دوغرى..
يعنى حالياً لا يمكنك الرفع المباشر.. لازم تحط الملف على وسيط خارجى.. وبتضيف الرابط بتاعه..
حاولوا تبعدوا عن نظام الرابيد شير والحاجات الشبيهة بيه قد ما تقدروا.. إستعملوا المواقع اللى بتسمح بالروابط المباشرة..

المكتبة فى وضعها الحالى بتسمح بكل ما يخطر على بالك من أنواع الأوديو والفيديو..
يعنى مثلاً رابط اليوتيوب أو الجوجل فيديو أو ملف صوتى.. كافى إن كل حاجة تطلع وتتسمع وتتشاف بدون تحميل الملف نفسه على المكتبة..

لإضافة ملف جديد:
خش على القسم اللى عايز تحط الملف جواه..
إختار من فوق "إضافة محتوى جديد" (هاتلاقيها رابع واحدة من اليمين)
هاتطلع لك صفحة إضافة المحتويات وبرضه تعامل معها لأنها واضحة..
الاسم : ده الاسم اللى انت عايزه يظهر كاسم للملف بتاعك
الوصف: ده الوصف اللى هايظهر للحاجة اللى حطيتها..
كلمات مفتاحية: ده لتسهيل عملية البحث وممكن تطنشه مفيش مشكلة
URL : ده المهم بقى.. ده الرابط بتاع الملف اللى عايز تضيفه سواك كان صوت ولا صورة ولا فيديو ولا كتاب..
صورة: ده إختيارى.. بيعمل thumb (صورة مصغرة) لو مثلاً عايز تحط غلاف للكتاب.. صورة الCD بتاعة الأغنية.. إلخ إلخ
Parent Categories: ده بتستخدمه لو عايز تحط الملف فى قسم تانى غير اللى انت واقف عليه..
ترتيب العرض: ده مش مهم خالص وسيبه.. ده لو إنت عايز ترتب الملفات ورا بعض فالملف اللى برقم 1 يبقى فوق وتحته 2 وتحته 3 وهكذا..


المكتبة بيتعمل عليها فحص من حين لآخر لمعالجة الأخطاء لو حد قام بيها..
ولو مثلاً حد حط كتاب محظور أو ممنوع.. فبيتسحب ويتحط على سيرفر الدولة علشان لو حد شاله من موقعه الأساسى..

مستقبلاً هايكون فيه فريق عمل منكم يمسك الملفات دى ويفرزها ويحسنها ويظبط التصنيفات (أمناء المكتبة)
ووقتها هاتتفتح خاصية التحميل المباشر بحيث لو حد عايز يرفع ملفات من جهازة..

كل الموجود حاليا ده أمثلة.. مستقبلاً هايبقى الوضع متطور أكتر وهايظهر كل اللى ساهموا فى تأسيس المكتبة دى وبكام كتاب..
وشكراً لمجهود الناس اللى عرفت إزاى تضيف لوحدها (ومفيش شكر للكابتن اللى عمل قسم حط فيه كتاب واحد يتيم ونام على كدا)

[kifak-inta]

جميل حملت شويه موسيقي واستني عليا شويه في الكتب
بس مش حاسس انك نسيت حاجه
مكتبه لليرامج زي بقيت المنتديات