|
|
 11th November 2011, 04:42 AM | ||||
| ||||
| Persepolis فيلم بلاد فارس الفيلم ليه اكتر من فكره وليه اكتر من زاويه رؤيه حبيت اشاركم اياه ..  تحياتى للجميع __________________ no one but human   |
| 2 من المواطنين سجلوا إعجابهم بـtamtam على هذه المشاركة: | ||
Mirage Guardian (12th November 2011), مذكرات (3rd December 2011) | ||
| 12th November 2011, 03:58 PM | ||||
| ||||
| أنا قلت أأجل تعليقي لحد ما أتفرج على الفيلم.. بصراحة.. مش عارف أعلق.. لازم تشوفوه يا جماعة.. أنا حملته عندي لأني أكيد هاتفرج عليه أكتر من مرة.. __________________ نحن نثق فيمن لا نعرفهم لأنهم لم يخدعوننا من قبل.. |
| 12th November 2011, 04:38 PM | ||||
| ||||
| إقتباس:
__________________ ---------------------------- الأفظع من الوحدة هو تسولها ---------------------------- |
| 13th November 2011, 02:59 PM | ||||
| ||||
| إقتباس:
عندك مشكلة في المتصفح أو في الفلاشات بشكل عام ولا ايه؟ عموماً ده يوتيوب لنفس الفيلم برضو بس من نسخة تاني غير اللى جابتها طمطم لو حصلت معاك مشاكل لا منطقية فممكن تعمل إقتباس من مداخلة طمطم أو مداخلتي وبالتالي تقرا كود رابط اليوتيوب نفسه وتعمله كوبي بيست في المتصفح وتتفرج عليه من خلال اليوتيوب.. بس ده معناه إن المشكلة هنا في الدولة (وده مستحيل طالما غيرك شايفه) ومازلت أرجح إن المشكلة في متصفحك الشخصي (يوزر سايد بروبلم) الفيلم يا جماعة تحفة.. أنا اتفرجت على أوله هنا لما جابته طمطم.. مقدرتش أقوم من غير ما أخلصه.. المبهر في الفيلم هو بساطته الشديدة.. وفي نفس الوقت لو شافه محلل سياسي هايلاقي كم معلوماتي رهيب ومذهل عن التحولات السياسية.. لفت نظري بشدة إن مفيش معلومة مباشرة.. ده مش فيلم وثائقي يعني.. فيه تفاصيل إجتماعية دقيقة جدا.. حقيقية جدا.. حد حاسس جدا.. حد طفل جدا.. وتكوينك للرؤية العامة كله مبني على التراكم للسفاسف الصغنونة الغنية جدا في الفيلم.. بحيث في الآخر ممكن تفهم كل حاجة وولا حاجة مع بعض.. إتنقل لك إحساس مش مجرد أحداث.. لما لقيت كدا في الفيلم قلت في عقل بالي إن ده مجهود فريق عمل خرافي وقعد مع مئات الفتيات الإيرانيات ودرس عشرميت رأي سياسي حول التحول في إيران.. أصله حقيقي جدا في حاجات مينفعش تتقال ولا تتحس إلا من أفرادها اللى عاشوها.. دورت على قصة الفيلم ده على الإنترنت.. بصراحة ذهلت أكتر !! إتضح إنه سيرة ذاتية وبيحكي قصة مخرجته وباسمها الحقيقي جوه الفيلم: "مرجان ساترابي" وإن اللى ألفت (أو حكت) القصة هيه المنتجة هيه المخرجة هيه محركة الرسوم (صانعة الفيلم) هيه بطلة الفيلم مع بعض.. باختصار إنت قدام عمل شبه فردي.. وحقيقي.. واحد بيعبر عن نفسه بكل ما فيها من إتساق وتضارب وتحولات ورؤى..  "مرجان ساترابي" نشأت في طهران من عائلة شيوعية انخرطت في العمل السياسي في إيران قبيل الثورة الإيرانية.. وفي نفس الوقت في طفولتها تتلمذت في مدرسة "الليسيه" الفرنسية حيث شهدت تناقص الحريات المدنية وآثار الأحداث السياسية على الحياة اليومية بما في ذلك سقوط الشاه، ونظام الخميني، والحرب بين العراق وإيران.. وعلى فكرة،، هي إبنة حفيدة ناصر الدين شاه (شاه فارس منذ 1848 حتى 1896) إلا أنها تقول: "الملوك القاجاريين كانوا يتخذون مئات الزوجات وينجبون آلاف الأطفال، لذا فعند ضرب عدد الأبناء في عدد الأجيال تجد لديك، لا أدري، عشرة أو خمسة عشر ألف أمير وأميرة، لذا فلا شيء مميز في هذا" درست التواصل البصري ونالت فيه شهادة الماجستير للفنون الجميلة، وهي تعيش حاليا في باريس حيث تعمل رسامة ومؤلفة كتب الأطفال. كان السبب في شهرة "مرجان ساترابي" هو الفيلم الذي نتحدث عنه الآن: رواية السيرة الذاتية الرسومية المعنونة "برسبوليس" التي ألفتها بالفرنسية والتي تصف فيها طفولتها في إيران ومراهقتها في أوروبا.. نالت هذه الرواية (وهي مكتوبة كقصة مصورة) جائزة العمل الأول في مهرجان أنجوليم العالمي للروايات المصورة.. وفي 2007، أُنتجت نفس الرواية في فيلم كارتوني (الذي تشاهدونه) وعرض في مهرجان كان في مايو 2007 وتقاسم جائزة التحكيم الخاصة مع فيلم Luz silenciosa (ضوء ساكن).. كما رُشحت الإصدارة الناطقة بالإنجليزية من نفس الفيلم لجائزة أكاديمية فنون وعلوم الصور المتحركة في يناير 2008. حد عايز يحكي في أحداث الفيلم؟ أو حد عارف يحكي في أحداثه؟ __________________ نحن نثق فيمن لا نعرفهم لأنهم لم يخدعوننا من قبل.. |
 |
| لجلب مزيد من القرّاء، أنشر هذه الصفحة على المواقع التالية: |
| أدوات الحوار | |
| |
4Likes
يتابعه: 
يتابع: 
