الرد علي فرقة وكر العصفور السعودية

[d3m-host.com]

توثيقاً لما قيل بواسطة payoo

يا جماعه كل شعب فيه الصالح وفيه الطالح وإذا كانوا هما عندهم عشرات طالحة فاحنا بالصلاة على النبي عندنا مئات
وانا أرى أن من حق "دعم هوست" أنه يقول إللي هوه عاوزه بالأسلوب إللي يحبه وإحنا من حقنا أننا نشجب ونستنكر ونعمل فيها المثقفين الرافضين لهذا الحوار المتدني ومن حق وزارة الخارجيه أنها تعلن ان ما جاء في أغنية "دعم هوست" لا يمثل الشعب المصري (ومن تحت لتحت تكون الحكومة مدعمة "دعم هوست" ورفاقه

دوس يا هوست وعبر عن نفسك بطريقتك نحن في عصر حرية التعبير (هو ده الشعار الجديد للأغفية التالته) ومش مهم نتحرق أحنا ونسمع الكلام القذر والتهكمات على الرموز بطريقة مبتذلة تحت هذا الشعار الخنيق

Doubleposting merged by ”Tifnout”, an Artificial Intelligent Robot to Prevent Flooding

هذا الشعار هو السبب في ظهور أمثال فريق "وكر العصفور"
وهو السبب في وجود أمثال "دعم هوست"

وأحنا إللي مظلومين في الوسط بين هذا الفاسد وذاك

فاسد هههههه انت محسسني اني بخون بلدي يا عم الله يصلح حالك وبعدين مش انا الي مألفها

وفيه حاجه كمان

العين بالعين والسن بالسن والبادئ اظلم


بالتوفيق يا اخ << مش مصري برده

توثيقاً لما قيل بواسطة ronnyvolcano

انا ما اتبسطش خالص لا من الكليب الاول ولا من الكليب اللى عملناه بالعكس انا حزنت للمستوى اللى البشر وصلوا ليه وانا مع بايو لما قال كل بلد فيها الصالح والطالح ومع غلاباوى الكلاب تنبح والقافلة تسير وكان اولى ناخذ حقنا منهم بكليب محترم يدل على عظمتة اهل مصر ورقى مستواهم وكان ممكن نهزأهم بالذوق لكن نسلك نفس الاسلوب دة الخطأ اللى عملناه
انا حزينة مش هقول علشان كلنا عرب والوحدة الوطنية والكلام اللى مابقتنعش بيه انا هقول عشان كلنا خلق لرب واحد يعنى العالم بأسره اسرة واحدة وهل لو فى عائلتى فرد طالح اهدر كرامته وابيح لنفسى الحق فى تهزيئه؟ ام ان المفروض ان اعزل نفسى عن معاشرته والتعامل معه حتى يصلح من نفسه واتركة لربنا قادر على كل شيئ
لكن متزعلوش منى بالشكل دة احنا تساوينا معهم وبقينا زى بعض

اقولك الصراحة الكليب الأول كان باضني وكنت مخنوق علي الأخر بدرجة اني فتحت كل اميلاتي وكلمت الناس وطبعا فيه سعودين بيشتموني ويشتموا المصرين وفيه ناس بتقول عادي الي علي راسه بطحة يكسرها ولا يحسس عليها طبعا انا ميرضنيش اسمع كدا واسكت ولما صاحبي اداني الكليب التاني كان احسن شئ ريح نفسيتي بجد

توثيقاً لما قيل بواسطة Mirage Guardian

يادى النيلة يا جدعان.. قلبتوها حزاينى وأحبطتوا العيال الصيع اللى عملوها..
ما قلنا من حيث السفالة فهيه سافلة سافلة.. مفيش فى أبناء مصر أشخاص شريرين غيرى ولا ايه؟ أه يا ملائكة غير صادقين مع أنفسكم..

إحنا بس بنهدى النفوس..

محدش فيكم بينزل شارع بيئة؟ كلكم خلاص عايشين عيشة برجوازية؟
مسمعتوش عن قوانين الشوارع اللى ماشية بشريعة أوسخ من شريعة الغابة؟
متعرفوش إن فى قوانين الشوارع لو حد شتمك وإنت قلتله "الله يسامحك" فإنت فى نظرهم لا تقى ولا صالح ولا أى حاجة غير إنسان ضعيف؟

أنا بكل تأكيد مع الطرق الشرعية فى الإعتراض.. مع الدعوة بإن اللى يشتمك تروح تشتكيه فى القسم وماتسبش حقك وكله بالأدب والذوق..
لكن بصراحة مشفتش حد أخد طريق الإعتراض المشروع على "وكر العصفور"..
لا شفت تعبير رسمى عن إستياء ولا مظاهرات ولا كلمتين للسعودية تلم الصيع بتوعها وتصادر الأغنية السافلة بتاعتهم وتعاقبهم بالحبس أو الغرامة..
مشفتش أى حاجة محترمة إتعملت..
دى الحاجة الوحيدة اللى شفتها إتعملت بطريقة عملية..
نعارضها إزاى لكونها سافلة وهيه كل المتاح؟
يعنى لا إحنا عملنا حاجة عدلة.. ولا سايبين غيرنا يعمل حاجة لأنها مش عدلة؟؟
طيب يعنى حق مصر الضايع فى وكر العصفور ييجى إزاى؟ بالإنتظار السلبى ولا بتقويض التحركات لأنها صايعة؟




شوف يا عم دعم هوست..
العيال بتوعنا سافلة سفالة موردتش على حد..
لكن عندهم برضه كمية وطنية مشفتهاش عند الجماعة اللى بينتقدوا سفالتهم..
الموضوعية تقتضى منى إنى أقول عليهم وطنيين سفلة وصيع.. وهما عندى أحسن بمليون مرة من واحد خلوق ومحترم وماشى جنب الحيط..
بلدنا مش هاتتغير بالمشى جنب الحيط..
والعيال دى لو حصل لهم أى حاجة نتيجة الكليب اللى ردوا فيه على السعودية.. إدينى خبر وهاتلاقينى مع جيش من الحقوقيين جايين ندافع عنهم كدا وش..

لو ليك علاقة باللى عملوا الكليب.. فأنا مستنى فيرجن2 المصمم بحيث يراعى الآراء المعارضة..
يعنى خفوا شوية كمية السفالة مش معقول كدا.. فكروا بعملية شوية وإن السفالة لو قلت هاتكسبوا إنتشار أكبر..
ممكن يكون اللى عملها قاصد كدا علشان تكون قاسية.. لكنها كدا متنفعش غير للشوارعجية اللى زى حالاتى..
فياريت الإصدارة الجديدة تكون شتيمة بالأدب..



ينصر دينك يا أستاذ خليـــــــــفـــــــا

ههههههههه كل شوية تقول سفاله سفاله سفاله

وبعدين يعني امن الدولة هايعمل ايه ناس علي النت دخلوا ألفوا اغنية هايجيبهم منيين هههههههه والله اخر واحد يتكلم عن الموضوع دا

توثيقاً لما قيل بواسطة payoo

أنا مع هذا الاقتراح جدا جدا جدا

وأرى أنه كان من الأولى بنا أن نصنع
كليب رياضي مثلا يوضح إنجازات المصريين الرياضية بداية من الكابتن "عبداللطيف أبو هيف" رياضي القرن الـ20 ومرورا بـ "محمد رشوان" و "أنور العماوي" و "رانيا علواني" و "كرم جابر" و "محمد رمضان" و الكثير والكثير من الذين انجذوا إنجاز يصعب على أصحاب الكلب أن يفهموه

كليب علمي للحاصلين على جائزة عالمية مثل جائزة نوبل بداية من الرئيس الراحل "أنور السادات" ومرورا بـ"محفوظ" و"زويل" و"البرادعي" وغيرهم من العلماء المصريين الذين رشحوا لهذه الجائزة مثل الدكتور "المشد"

كليب حضاري يعرض أعرق الحضارات التاريخية على مستوى التاريخ بأكمله وسوف يشاهدوا مصر متربعة على عرش التاريخ في الدنيا بأكملها

كليب ديني يعرض مدى إيمان هذا الشعب بـ الله سبحانة وتعالى على مدى تاريخه في حين كانوا هم يعبدوا الأصنام ويدفنون بناتهم وهم احياء

كليب صناعي نستعرض فيه المصانع المصرية الكبرى التي تخدم 80 مليون مصري مثل قطاع الحديد والصلب على سبيل المثال وصناعة الموبيليا وصناعة وتشكيل الذهب والفضيات ونستعرض المناطق الصناعية بداية من "برج العرب" مرورا بـ"6 أكتوبر" و"العاشر من رمضان" و"العبور" و"بدر" غيرها من الكثير والكثير

كليب إنساني يرصد مواقف مصر تجاه المحيطين بها على مدار التاريخ ومدى تاثيرها على كل المحيطين بها

كليب ثوري يعرض مدى قوة هذا الشعب أمام أعتى القوى الدولية وثوراته الدائمة على مغتصبي حقة في الحياة في حين أننا لا نرى عندهم إلا معارك قبلية عقيمة

وهناك الكثير من الكليبات التي لن تكفي لها أكبر المساحات التخزينية لرصد دور و اهمية مصر في التاريخ

دعوهم لأغنامهم ودعونا نحاول أن نحيي تاريخ مصر داخلنا بدلاً من أن ننزل معهم إلى آتون الغباء

اشطا يا معلم شوف اليوتيوب فيه حاجات للجيش

بس الي عمل الفيديو حاب يلفت انظارهم

توثيقاً لما قيل بواسطة ronnyvolcano

يا سلام عليك يا بايو دايما تجيب التايهه عن بالى والله افكارك فى منتهى الرقى والجمال ويا سلام يا استاذ ميراج لو اقتبست منها وعملت فيديو راقى ترد بيه كرامة المصريين خصوصا انك قالت من قبل انك راجل متمكن فى صناعة مثل هذه الافلام واللذى منه والا كان كلام ليل مدهون بذبدة يا عم ميراج

هههههه عايز تقولي ان فيه حد في مصر مش بيعرف الشتايم

توثيقاً لما قيل بواسطة payoo

يــُــنــصـــر ديـــنـــك يــــاااا "روني" (بس ماينصروش على الأسلام )

بجد بقى ازاي تاهت عننا الفكرة دي يا جدعان ؟؟؟؟
أحنا بدل ما أحنا قاعدين نحككككي مع بعض ونرد ونغني على بعض ... طب مانعمل حاجه وننشرها على الـYoutube وفي كل حتة نرد بيها على التفاهة و الهبل بتاع العيال دول

ياللا يا جدعان إللي له في الجرافيك والمونتاج يطلع لنا بحاجه تشرف "أبناء مصر" وننشرها ردا على المُسيئين والحاقدين والجهلاء


ياللا يا جدعان مين هايبتدي



فين "بلبل" يا رجالة؟ وللا هو مالوش غير في الافلامك الـTRAGEDY والـACTION والـ SUSPENSE بس ؟
مين المخرج إللي أخرج هذا العمل بأسم أبناء مصر ؟ - دولة أبناء مصر

ههههههههه ايه يا عم انت محسسني ان كل المصريين هايبقوا ماشين صفوف وراك

دا اذا كان سمعوا الاغنية ويقولولي كبر هههههههه


وكبرت والله

توثيقاً لما قيل بواسطة عمرو

في فرق بين إنك تشتم علي فترات متقطعة واحد كسر عليك بالعربية ولا واحد بيتصل بيك الساعة 2 الصبح ويقولك معلهش النمرة غلط وبين إنك تتخذ من الشتيمة أسلوب حوار وبرنامج عمل ورسالة .

هناك عدة زوايا للنظر للموضوع

ثقافة" الراب" نفسها إذا جاز أن نطلق علي تلك القمامة لفظ ثقافة. الراب دخيل علينا وهو في أصله نشأ وترعرع في السجون الأمريكية بين السود والمجرمين والراب ليس فقط مجرد أغاني تحتوي علي كلمات بذيئة ولكنه أسلوب حياة وعقيدة وشريعة ودين ودولة وصالح لكل زمان ومكان زي الإسلام بالظبط.

البنطلون الجينز الباجي البرئ اللي وسطه ساقط لحد الركبة والتي شيرت اللي بيجرجر في الأرض هم في حقيقتهم محاكاة لملابس السجن لأن لو ربنا أكرمك ودخلت السجن فهناك مفيش مقاسات مختلفة للملابس ولكن ماشيين بنظامone size fits all وبالتالي الهدوم هناك عبارة عن أشولة ومن السجون أنطلقت تلك الصيحة للخارج علي يد نجوم الراب الذين في معظمهم كانوا بالسجن في وقت أو أخر من حياتهم الحافلة وأصبح الكثيرين حول العالم يرتدونها وهم لايعرفون أساسها ومنبعها.

أنا لاأعرف إن كنت تستمع للراب الأمريكي أم لا لكنه من وجهة نظري شئ مقرف ومقزز ولايجوز أن يطلق عليه فن بأي حال من الأحوال.

عندك في مصر شخصين مثل نجيب سرور وأمل دنقل; الإثنين شعراء ومبدعين ولهم نفس الإتجاه السياسي تقريبا لكن نجيب سرور وبمحض إختياره قرر إنه يستخدم مفردات الشارع البذيئة في أعماله في حين
أن أمل دنقل ظل محافظا بالنسبة لمفرداته ولغته, ماذا كانت النتيجة؟ إن نجيب سرور أصبحت اليوم أعماله مادة للتفكه والضحك ولاأحد يعيرها إنتباه في حين أحتفظ أمل دنقل برونقه وسواء إختلفت أو أتفقت معه فلاتملك إلا أن تحترمه بخلاف قعدات الغرز التي كان نجيب سرور غارقا فيها.

بعض السفهاء في العالم العربي وبسبب إنبهارهم بأي شئ قادم من أمريكا بدأوا في محاكاة الراب وطبعا جاءت النتيجة حتي أسوأ من الأصل القذر لدرجة جعلتني أعيد تقييمي لشعبان عبد الرحيم وإعتباره فنان شعبي بخلاف هؤلاء وعلي الأقل شعبان عبد الرحيم بيقول حاجة مفيدة زي" هبطل السجاير وأبقي إنسان جديد"

أحد مشاكل الراب إنه بيؤصل ويشرعن للبذاءة ويدخلها ضمن التيار الرئيسي للمجتمع فالبذاءة موجودة منذ ظهور الإنسان علي الأرض ولكنها كانت محصورة في طبقات السفلة والرعاع ولايسمح بها في الأماكن المحترمة وبين الطبقات المتعلمة والراب ماهو إلا محاولة من السفلة والرعاع بنشر مفرداتهم وثقافتهم وإعتبارها جزء من الثقافة العامة لاغبار عليها.

لو قبلت اليوم بما يقوله هؤلاء بحجة الدفاع عن مصر فتأكد أن غدا نفس الكلاب المسعورة ستنهشك ووقتها لاتلومن أحدا إلا نفسك.

أنت مش مبسوط إنهم النهاردة بيشتموا السعودية, صبرك بالله وكلها شهرين ولاتلاتة وهتلاقي أغنية أوسخ منها علي البابا شنودة والمسيحية والمسيحيين وأبقي قولي ساعتها مشاعرك هتكون إيه!!

هذا الباب باب شر ولو فتحناه اليوم بحجة الدفاع عن مصر لن نستطيع إغلاقه بعد ذلك وسينفذ منه كل سافل وأحمق ومن الأفضل الأخذ علي أيديهم مبكرا قبل أن يستفحل أمرهم ونضطر أن نقبل بالتعايش مع تلك الحثالة.[/b]

Doubleposting merged by ”Tifnout”, an Artificial Intelligent Robot to Prevent Flooding

هناك صورة كلنا أو بعضنا شاهدها في الحياة وهي صورة الطفل الذي يدربه أهله علي الشتيمة والسفالة منذ الصغر بإعتبار هذا نوع من خفة الدم وإظهار لنبوغ الطفل المبكر وتلاقي أب ماسك إبنه وبيقوله قول لعمو ياحمار وياكذا وياكذا وبمجرد الطفل ماينطق تلك الألفاظ تنهال صيحات التهليل والإعجاب والضحكات إعجابا بالطفل!!! والسفيه الذي صنع تلك الأغنية هو بالظبط مثل هذا الطفل الذي ينتظر بعد كل شتيمة يتلفظ بها تهليل وضحكات الأخرين ويجب أن نحرم هذا الأخرق من مجرد إبتسامة هذا إذا لم نبصق علي وجهه ونمضي.

ههههه ياريت والله ياعمرو يكونو يعرفو في الراب اصلا

ربنا معاك يا حاج

والله انا عادي مع المسيحين مش بكره حد غير الي يكرهني ويكره الي احبه

بس كان فيه مقطع في اليوتيوب حطوا واحد مصري مسيحي ويقول المسلمين استولوا علي مصر مش عارف الناس دي بتبقي جنبي طيبين ويبقوا في الكنيسة مش بيحبوا المسلمين

الله اعلم

بالتوفيق يا حاج

توثيقاً لما قيل بواسطة Muslim Copt

الاغنية جامدة يا دعم هوست انا كمان ادعم هوست
و مفيش مشاكل عندى لو شتمتوا البابا شنودة بعد شهرين انا تبع الانبا ماكسيموس

لا يا حاج نشتم اه بس ندخل في الأديان دا الي مش يرضي حد

توثيقاً لما قيل بواسطة مذكرات

انتم للاسف كالعادة مسكتوا فى الطرق الملتوية مع ان الطريق المستقيم ادامكم .
اللى عملوا كليب زى اللى فات بتاع وكر العصفور او الحلوين بتوعنا اللى عملوا الرد.هما الاتنين عملوا ده من فضاهم اه من فضاهم ،
وكر العصفور تعانى من فضى وان لم يكن فراغ عقل فليكن فضا من كثرة الاموال ويجدون مالديهم من مال يدوسوا بيه على خلق الله براحتهم ولاشغلة ولامشغلة غير انهم يشاكلوا فى غيرهم واكيد شفتم كليباتهم وشتيمتهم فى الفرق السعودية التانية والعكس صحيح .اما بقى ولادنا فعندهم فضا من نوع تانى وهو انهم لاعندهم فلوس ولاعندهم دخل حتى زى اللى بيسموه اعانة بطالةيعنى فراااااااااااااااااااااااااااااااااااااااااااااااغ طبيعى لمايلاقوا حاجة زى دى هايكون التطور الطبيعى للحاجة السافلة رد سافل زيها , وده مش جديد لان دى ثقافة شارع وان كانت ثقافة مجتمعات كمان زى المناطق العشوائية وخلافه بل فى فى القرى والمدن أيضا وان كان ده رد شبابنا فده لانهم لايمتلكوا الألية التى توجههم للرد السوى ولاحتى اتعلموا ان الكلاب تعوى والقافلة تسير لانهم حتى ماعندهمش قافلة علشان تسير طب دلوقت الحل انى اقولهم bravoooooo go on>ولا أحاول أوجههم انهم يردوا صح وفى نفس الوقت اخليهم يدوروا على حقوقهم ،فكروا فيها شوية وياترى رأيكم ايه.

لا اصل مش تبقي انت عارف ان بلدك كانت بتساعد البلد دي لحد ماوققت ومهندسين ودكاترة وصيدلين ومدرسين ومشاريع كانت بتساعد السعودية طبعا من طرف المصرين

واول لما ربنا رزقهم بالبترول شتموا المصرين

وادي جزاة الي ميسمعشي كلام بابا

وحسبي الله ونعمة الوكيل

توثيقاً لما قيل بواسطة payoo

على فكرة يا جماعه أنا سمعت الأغنية بتاعت دعم هوست مرة تانيه ومش عارف ليه حسيت أني بسمعها لأول مرة.... بس ما عالينا .... بصراحة الاغنية سافله سافله حقيقي



_______________________
أخشى أن أوقع بما أريد أن اعبر به عن نفسي
يـأتـيـنـي وكـيــل نـــيــابــة ويــقــوم بـحـبـسـي

سافلة سافلة والله ياخي الغالي مش عارفين ليه مش بنقول الحقيقة

كلنا نعرف اننا عارفين كل الشتايم وبنقولها علني

توثيقاً لما قيل بواسطة Gregory

يا جماعة إنتوا مكبرين الموضوع على إيه ..
دى حتة أغنية لا راحت و لا جت
كله شغل عيال من الآخر
شوية عيال قالوا علينا شحاتين " وبصراحة معاهم حق "
رحنا إحنا ردينا عليهم بنفس أسلوبهم
يعنى عركة شوارع و خلصت خلاص

كل ما فى الموضوع بصراحة إنه كشف قد إيه العرب بيكرهوا بعض . . .

يعنى إحنا عطول نقول أمريكا تساند إسرائيل و أمريكا وحشة و هتروح النار و ربنا يهد أمريكا ع اللى فيها
لكن فى الواقع لما تشوف واحد أمريكانى تروح ضارب له تعظيم سلام و تبقى عاوز تتصور جنبه و يا سلام بقى لو إداك دولار هدية تفرج العيال عليه فى البيت

فى حين إنك لما بتشوف واحد سعودى أو خليجى فى الغالب بتشعر بالقرف من واحد " محدث نعمة " كل اللى بيسأل عليه لما ينزل مصر إزاى يوصل لشارع الهرم


و أعتقد من زمان و إحنا كعرب مش طايقين بعض
مصر بتحاول تلمهم من زمان لكن بتحس إنك بتتعامل مع بنى أدمين معندهمش مخ يفكروا بيه


أما عن موضوع كليب حضارى و كليب رياضى و كليب ثقافى و كليب مش عارف إيه نعبر بيه عن مصر
مش هو ده الرد اللى ينفع مع العرب دلوقتى ..
لأن العرب " إتكرعوا " من كتر الكليبات اللى بنعملها عن حضارتنا و ثقافتنا

و هما أصلا مش بيفهموا يعنى ثقافة و يعنى إيه حضارة و يعنى إيه علم
و الدليل إنهم فى شتيمتهم لينا بيقولوا " أدعس ع الأهرامات و أبو الهول و ع النيل "
يبقى إزاى أكلمهم أنا عن الأهرامات و هما مش مقدرين أصلا معنى كلمة حضارة

و هما شايفين إنهم بفلوسهم يقدروا يبنوا ميت هرم أجدع من الأهرامات بتاعتنا " هما شايفين كده يعنى "
فيبقى مكنش فيه حل معاهم إلا إننا نديهم على دماغهم بالرد المصرى " السافل إياه " عشان نحرق دمهم زى ما حرقوا دمنا

لكن مسألة إننا نقولهم مصر النيل و مصر الحضارة و الأهرامات ..
فده شئ مش هيفهموه
و كأننا بنرمى دررنا للخنازير ..

اسمع

العين بالعين والسن بالسن والبادئ اظلم

توثيقاً لما قيل بواسطة payoo

بس متهايقللي هايفهموا يعني أيه أنجاز رياضي
يعني أيه أنجاز علمي
يعني أيه أنجاز صناعي
يعني أيه أنجاز ثوري
يعني أيه أنتصار ومحاربة الأعداء وعدم الخضوع (وحرب أكتوبر هي أخر شاهد على ذلك)

ممكن يفهموا كل ده لأن ده أمر واقع حاصل حاليا
لأننا ما بنعملش زي ما بيعملوا وبنجيب لاعبين من جنسيات تانيه ونديهم الجنسية المصرية عشان يجيبوا ميدالية عالمية للبلد بالزيف والخداع والكذب
لأننا مابنسرقش علماء غيرنا ونسترضيهم ونديهم إللي هما عايزينه عشان يعملوا حاجه باسم بلدنا
لأننا ما بنجبش أيد عامله من دول تانيه عشان تبني وتشغل وتدير المصانع على أرضنا
لأننا أصحاب تاريخ ثوري لا ينكره جاحد وبلدنا حرة لا يحتلها الغرباء بحجة حماية البلاد لأننا قادرين على حماية بلدنا بعكسهم
لأننا قادرين على عبور المستحيل والشاهد على ذلك خط برليف وقناة السويس


نحن شاءوا أم أبوا أصحاب تاريخ وعزة وكرامة وأبداع وإنتصارات ولا يعبينا إلا أننا أقتصاديا لا نرقى لمستوى تاريخنا ولكنها كبوة لن تستمر كثيرا بإذن الله




__________________
أخشى أن أوقع بما أريد أن أعبر به عن نفسي
فيـأتـيـنـي وكـيــل نـــيــابــة ويــقــوم بـحـبـسـي

اشطا يا معلم

توثيقاً لما قيل بواسطة kifak-inta

احكيلكم علي حكايه
في غرفه من غرف البالتوك
غرفه عملينها خليجيين عشان بس سب المصريين
تعرفوا مين كان بيرد عليهم
واحد اماراتي
اه والله واحد اماراتي
و مكنش بيشتم
قعد يقلهم ان المصريين هما اساس اللي هما فيه من عز دلوقتي
مينفعش ابدا يا جماعه ان عشان شويه عيال من عندهم شتموا يبقي كلهم في سله واحده
و مينفعش انو نحسسهم دايما انهم اقل مننا و لا هم ينفع انهم يعايرونا بفقرنا

ممكن يكون عندهم نقص في حاجات
لكن منقدرش ننكر ان ليهم انجازات في رياضه
منقدرش ننكر انهم شاركوا في انجاز اكتوبر بشكل او باخر
و منقدرش ننكر ان ليهم تاريخ
منقدرش ننكر انهم بيشاركونا في احزانا و افراحنا
انا منهم و هم مني

فيه ناس مابتنسي فضل المصريين

بس فيه ناس ولاد .................

بينسوا مجرد ما يجي الأخر

والله شعب سعودي غريب

بدل ما يروحوا يشتموا الأمريكان ولا اسرائيل رايحين يشتموا المصريين ههههههههههههههه

والله ناس متخلفة فشخ فشخ فشخ

بالتوفيق

Doubleposting merged by ”Tifnout”, an Artificial Intelligent Robot to Prevent Flooding

هيا كوسة ولا ايه يا جماعة

[agmalamir]

مشكوووووووووووووووووور

Doubleposting merged by ”Tifnout”, an Artificial Intelligent Robot to Prevent Flooding

مشكووووووووووووووووووووووووووووووووور

[شهد999]

السلام عليكم ورحمة الله وبركاته .........
تعرفوا لما دخلت موضوعكم هذا انبسطت مع انني"" سعودية"" عارفين ليه؟؟؟
لأنه في الواقع لما سمعت اغنية فرقة وكر العصفور"الخراب" تأثرت كثير لأن حسيت فيها تعدي على شعب بكامله غير انه يحوي على استهزاء بأشياء خارجه عن إرادة المصريين بل هي قدر الله مثل الفقر وهذا ما أغاضني أكثر لأن استخدام هالشيء كوصمة عار يعتبر سفاهه وقلة خوف من الله, والله سبحانه قادر على تغيير الأحوال متى شاء والرسول اللهم صلي وسلم عليه نهى أن يسخر المسلم من أخيه المسلم أو يلمزه أو يسبه وورد في الأثر" لاتسخر من أخيك فيعافيه الله ويبتليك" وهذا شيء احنا كسعوديين مانرضاه بالإضافة الى ان غالبية الشعب السعودي يحب إخوته المصريين ويكن لهم كل مودة,
السؤال.........
ليه انبسطت "حسيت بسعادة"؟؟ لأن الكليب اللي انعرض في هذي الصفحة مسيء بنفس الدرجة وبالتالي ثأر المصريين أو من يمثلهم في هذا الكليب لأنفسهم ... ولعل هذا يشفع لنا عند الله سبحانه وتعالى فلا يعاقبنا ويبدل احوالنا بما فعل (السفهاء منا) ..
على العموم أنا حبيت أقول ان هذي الفرقة لا تمثل الا نفسها ومعروف عنها انها مكونة من اشخاص قليلي الأدب والتربية فهم لم يكتفوا بالغلط على المصريين بل هم يستهزؤون بالجميع حتى داخل المجتمع السعودي والمجتمع لايتقبلهم لذا تجد اعمالهم غير رسمية و منتشرة فقط عن طريق الانترنت لأنهم يعلمون انهم لو كشفوا عن انفسهم فسيعاقبون من قبل المجتمع والسلطات .

[عمرو]

ليس لنا ثأر مع الشعب السعودى حتى يثأر لنا منهم هذا الصايع الذى لايمثل إلانفسه أيضا ومصر أكبر من أن ينال منها منحط كهذا.

[ronnyvolcano]

توثيقاً لما قيل بواسطة شهد999

السلام عليكم ورحمة الله وبركاته .........
تعرفوا لما دخلت موضوعكم هذا انبسطت مع انني"" سعودية"" عارفين ليه؟؟؟
لأنه في الواقع لما سمعت اغنية فرقة وكر العصفور"الخراب" تأثرت كثير لأن حسيت فيها تعدي على شعب بكامله غير انه يحوي على استهزاء بأشياء خارجه عن إرادة المصريين بل هي قدر الله مثل الفقر وهذا ما أغاضني أكثر لأن استخدام هالشيء كوصمة عار يعتبر سفاهه وقلة خوف من الله, والله سبحانه قادر على تغيير الأحوال متى شاء والرسول اللهم صلي وسلم عليه نهى أن يسخر المسلم من أخيه المسلم أو يلمزه أو يسبه وورد في الأثر" لاتسخر من أخيك فيعافيه الله ويبتليك"
ليه انبسطت "حسيت بسعادة"؟؟ لأن الكليب اللي انعرض في هذي الصفحة مسيء بنفس الدرجة وبالتالي ثأر المصريين أو من يمثلهم في هذا الكليب لأنفسهم ... ولعل هذا يشفع لنا عند الله سبحانه وتعالى فلا يعاقبنا ويبدل احوالنا بما فعل (السفهاء منا) ..
.

اختى شهد تقبلى اعتذارى نيابة عن كل من اساء لشخصك فى هذا الكليب فكل ما اهانك اهاننى فنحن فى الاول والاخر اخوة سواء فى الاديان او فى الله مش لازم بس نكون فى الاسلام واعلمى جيدا انى كنت متوقعة ومنتظرة مثل هذه المداخلة حتى اعتذر بإسم كل مصرى حر لا يرضى بمثل هذه الافعال المشينة والتى تدل على المستوى الفكرى المتدنى الذى اتى منه وفى النهاية كلنا تساوينا فى الخطاء لان كل منهم رفض ان يتنازل ويحارب خاطر الحرب بالود والوئام والمحبة والسلام وحقيقى لو تنازل كل العرب عن مثل هذه الافعال ولم يلتفتوا لها ودعوا الكلاب تنبح كانت كل القبائل تسير الان فى مسارها الصحيح لكى منى خالص المحبة والاحترام

[kaydahom]

أولا أحب أوضح نقطه مهمه جدا عشان منظلمش حد الأمارات و أهلها ليس لهم أى علاقه بدول الخليج من حيث التفكير و المستوى الفكرى و الدليل ما وصلو له من تقدم دول ناس حرثو البحر بجد مش مجازا
ثانيا رد شهد 999 بصراحه كنت مستنيه هذا المستوى من الرد من الأخوه اللى بيجوبو النت بحثا عن أدله لتقطيع بعض فى الحوار الدينى
المصيبه ان دلوقتى أصبحنا متساويين محدش غلط فى حد وده كله سسبه الفرقه اللى أحنا فيها لما الفرقه السعوديه عملت كليب شتيمه كان كل المطلوب حد يرد رد وافى و بشكل محترم ان مكانش عشان احنا محترمين يبقى عشان نبقى أحسن منهم بس اللى حصل ان شويه راحو عملو كليبب يندى له الجبين (والله العظيم أنا ما عرفت أكملو و كان على وشى علامات الذهول زى الصعيدى اللى أول مره يشوف مترو الأنفاق) و شويه ادوها المصريين أهما وحبه أنا المصرى كريم العنصريين و خلصت الخناقه و كل واحد يروح يلعب قدام بيتهم و سلم لنا بقى ع الترماى
و لاعطاء كل ذى حق حقه تعليق عمرو كان يستحق القراءة

[عمرو]

وحقيقى لو تنازل كل العرب عن مثل هذه الافعال ولم يلتفتوا لها ودعوا الكلاب تنبح كانت كل القبائل تسير الان فى مسارها الصحيح

قبائل إيه بس اللى تسير ياست.... إحنا قاعدين فى قريش هنا ولا إيه

[ronnyvolcano]

ماشى يا استاذ عمر انا يعنى غلطت فى البخارى خلاص يا عم القوافل بس المشكلة شرحتها من قبل فى انى بكتب على كى بورد مفيهاش حروف عربى
وادى اخرتها بتعيرونى على انى لادغه فى الحروف

[Muslim Copt]

انا يعنى غلطت فى البخارى

على فكرة البخارى يستحق الغلط

بل هي قدر الله مثل الفقر

قدر الله على المصريين الفقر ؟؟
الفقر نتيجة لسياسات اقتصادية فاشلة و فساد و عدد سكان ضخم يأكل كل جهود التنمية فى السعودية عندكم اول اتنين بالاضافة لبحر من الجاز عطية الله لكم التى حولت النوق لسيارات فارهة و مشايخ البدو لقوة مالية كبيرة

[شهد999]

ليس لنا ثأر مع الشعب السعودى حتى يثأر لنا منهم هذا الصايع الذى لايمثل إلانفسه أيضا ومصر أكبر من أن ينال منها منحط كهذا.

بالتأكيد ياأخي ليس بيننا إلاكل خير .

اختى شهد تقبلى اعتذارى نيابة عن كل من اساء لشخصك فى هذا الكليب فكل ما اهانك اهاننى فنحن فى الاول والاخر اخوة سواء فى الاديان او فى الله مش لازم بس نكون فى الاسلام واعلمى جيدا انى كنت متوقعة ومنتظرة مثل هذه المداخلة حتى اعتذر بإسم كل مصرى حر لا يرضى بمثل هذه الافعال المشينة والتى تدل على المستوى الفكرى المتدنى الذى اتى منه وفى النهاية كلنا تساوينا فى الخطاء لان كل منهم رفض ان يتنازل ويحارب خاطر الحرب بالود والوئام والمحبة والسلام وحقيقى لو تنازل كل العرب عن مثل هذه الافعال ولم يلتفتوا لها ودعوا الكلاب تنبح كانت كل القبائل تسير الان فى مسارها الصحيح لكى منى خالص المحبة والاحترام

شكرا لك أختي العزيزة ronnyvolcano ردك ينبض بالنبل والأخلاق والرقي وفعلا بالنهاية احنا إخوة يجمعنا الدين اولا وإذا لم يكن هوالقاسم المشترك فتضل اللغة التي نتواصل بها الآن والمصير المشترك نقطة اتصال قوية ,, وليت العرب يعون ويقدرون التخلف الذي يعيشون فيه ويتعالون على خلافاتهم التافهه لكان الوضع مختلف عن ذلك بكثير .

ثانيا رد شهد 999 بصراحه كنت مستنيه هذا المستوى من الرد من الأخوه اللى بيجوبو النت بحثا عن أدله لتقطيع بعض فى الحوار الدينى

عفوا kaydahom لم افهم مغزى حديثك لذا سأكتفي بشكرك على الرد.

قدر الله على المصريين الفقر ؟؟
الفقر نتيجة لسياسات اقتصادية فاشلة و فساد و عدد سكان ضخم يأكل كل جهود التنمية فى السعودية عندكم اول اتنين بالاضافة لبحر من الجاز عطية الله لكم التى حولت النوق لسيارات فارهة و مشايخ البدو لقوة مالية كبيرة

it seems that you didn't get my point
انا ما اقصد أن الإساءة , ما أردت ان اوصله ان الحالة المادية للدول العربية بشكل عام والفوارق بينها ليست بشطارة بعضهم وبلادة الآخرين لتستخدم كوصمة عار بين الطرفين بل المسألة كلها بأقدار الله فالله انعم على بلادنا بالجاز كما تفضلت فليس من المروءة او من الأخلاق أن نزدري غيرنا بغنى جاءنا برحمة من الله وليس بصناعة او تقدم علمي ايضا عوامل الفقر في مصر من كثرة عدد السكان وتسلط من بعض المسؤولين...الخ بقدر الله فلا تعارض بين ما قلته في ردي سابقا وبين ما بينت في ردك.