ممكن نضحك شوية؟؟

[eve_y]

راجل عنده 3 اولاد 2 حلوين مووووووووووووووووت و واحد وحش خالص المهم الراجل دا كان بيحتضر و هو علي فراش الموت كان بيبص لاولاده جدا و بيقول لمراته هاسالك اخر سؤال في حياتي قبل لما اموت قالتله قول .....قالها الولد الوحش دا ابني قعدت تقوله و تقسم له انه ابنه و من صلبه و بعد لما مات اخدت نفسها و قالت الحمد لله انه ماسالش عن الاتنين التانيين


مرة واحد ماكنش بيغير على مراتة فراحت لجارتها وقالتلها جوزى مبيغرش عليا قالت..خدى شبشب ابو حمادة حوتية ع الباب وفعلا حطتة جة جوزها قالها شبشب مين دة قالتلة.. ابو حمادة قالها رجعيهولو ليكون عايز ينزل استغربت وراحت قالت لجارتها ولا عمل حاجة قالتلها خدى بدلة ابو حمادة حوتيها ع السرير شافها جوزها وقالها رجعيها لابو حمادة راحت لجارتها وقالتلها خدى ابو حمادة نفسة حتية فى الدولاب فلما جية جوزها قالتلة انا عايزة اشترى فستان قالها منا لسة جايبلك فستان قالتلة طب تعالى نعد ، فتح الدولاب وقالها أدي 1-2-3 تعالى كدة يا ابو حمادة شوية -4-5 ...

صعيدي وامريكي الامريكى قال للصعيدي وصلتوفين بالتطور الصعيدي رد وقال
ياعم تطور ايه دا اححنا رجعنا لورا، ثم سأل الصعيدي الامريكي انتو وصلتو فين بالتطور؟ الامريكي قاله اححنا وصلنا بالتطور اذا القمر الصناعى عطل في السما نقدرنصلحه الصعيدي فكر شويةوقل يااااااااااااااه هو المفك بتاعكم طوله أد ايه



اثنين من الصاعيده هاجموا الناس الي بتطلع عليهم نكت وطلبوا من أي شخص بحراوي يعملهم أختبار لذكائهم فدخل الصعيدي
الأول وسأله البحراوي:حاجه بنلبسها لونها أسود وليها رباط
فجاوب الصاعيدي:جزمه طبعآ
فرد البحراوي عليه:شكلك هتخلينا نغير تفكيرنا في الصاعيده نادي على ذميلك ألي بره
الصعيدي وهو خارج همس في ودان ذميله وقال له:هيسألك عن الجزمه
سأل البحراوي الصاعيدي الثاني حاجه لونها أسود بتتألي في الزيت وبتتاكل أه هيه؟
رد الصاعيدي:برباط يا بيه!!!
قاله البحراوي:لأ
رد الصاعيدي:تبجى بلغه يا بيه



اتنين صعايده دخلوا الجيش الاول الضابط بيسئله اسمك ايه قاله
محمدين
سأله الضابط ايه اللى فى ايدك دى
قاله "بندجية" رد الظابط وقال لا دى مراتك وشرفك وبلدك .
سابه وراح للى جانبه وقاله اسمك ايه
رد وقال حسنين
قاله ايه اللى فى ايدك دى
قاله مرات محمدين

[Gregory]

الشعب المصري أهدى الرئيس مبارك
قفص فيه 27 فـــــــــأر
و قفص فيه كلب صغير
و قفص فيه كلب كبير !
الرئيس إستلم الهدية و ما فهم القصد منها ؟
جاب عراف يفســـــــــــر له معنى الهدية !؟
العراف قال له :
الشعب بيقول لك
كفاية 27 سنة فأر (فقر) يا كلب يا أبن الكلب

واحد ذكي راح للجح فسأله جيرانه ومعارفه عن الحج فقال انه امر ممتاز ومريح وأوصي كل من يريد الحج ان لايذهب الا الى السعودية.

أعلن حظر التجول في قرية الاذكياء فخرجوا جميعا للشارع ليعلموا ماالامر؟

واحد ذكي سأل صديقه الاذكى عن طريقة ليبيع بها سيارته نوع تويوتا فنصحه بتبديل علامتها الى بي أم دبليو فقط . رأه الاذكى بعد أشهر وسأله هل بعت سيارتك؟ فقال الذكي وهل انا غبي لابيع سيارة بي ام دبليو؟

ذكي سقطت طائرته التي كان يقودها. ففحضوا الصندوق الاسود ، فسمعوا صوته يقول للمساعد، أفتح النافذة رجاء لنشم قليلا من الهواء.

ذكي لبى طلب زوجته واتى لها بخادمة، فتعاركت زوجته مع الخادمة، ولكي يفض النزاع وضع كل واحدة ببيت خاص بها.

ما أقدم كائن حى على الارض .. ؟
الحمار الوحشى *Zebra* لانه ابيض واسود وليس ملونا.
ما أحدث كائن على الأرض .. ؟
القنفذ لأنه لسه بشوكه

إماراتي سحب من صراف في القاهرة 5 آلاف جنيه و طلب على العملية إيصال ... طلع الايصال و مكتوب عليه:''إيه الحلاوة دي يا باشا'' ربنا يزيدك من نعيمه ....

سأل الطفل والده: بابا . .. الحمار يتزوج ؟ رد عليه ابوه ... اصلآ مايتزوج إلا الحمار !!

ذكي شاف علامه (!) فى الشارع قال لصاحبه إيه دى ؟ دى يعني لا تبول هنا حتى ولو نقطه

[hany78]

توثيقاً لما قيل بواسطة Gregory

الشعب المصري أهدى الرئيس مبارك
قفص فيه 27 فـــــــــأر
و قفص فيه كلب صغير
و قفص فيه كلب كبير !
الرئيس إستلم الهدية و ما فهم القصد منها ؟
جاب عراف يفســـــــــــر له معنى الهدية !؟
العراف قال له :
الشعب بيقول لك
كفاية 27 سنة فأر (فقر) يا كلب يا أبن الكلب

ملعوبة, فعلاً أحنا شعب "فأري"

[hany78]

الرجال 3 أنواع




الأوروبي



عنده زوجة واحدة
و عنده صديقة واحدة
بس يحب زوجته أكثر




الأميركي:



عنده زوجة واحدة
و عنده صديقة واحدة
بس يحب صديقته أكثر




العربي

:

عنده 4 زوجات
و عنده 4 صديقات
بس يحب الخدامة اكثر

Doubleposting merged by ”Tifnout”, an Artificial Intelligent Robot to Prevent Flooding

غلاسه اااااخر حاجه بس هتضحك جامد اوي فى اى واحده منهم (انت و زوقك )ظ
............ ......... ................. ......... ................. ......... .................


- ليه السمك بيخاف من اتصالات؟
علشان أقوى شبكة.....


- طب ليه عملاء موبينيل هيدخلو الجنة؟
علشان هما أحسن ناس.....ـ


و ليه القطنه هتدخل معاهم؟
عشان مدام نظيفه قالت القطنه متكدبش....


- طب ليه عملاء فودافون ما بيبردوش؟
علشان فودافون أقوى تغطية.....


_ امتى السما يبقى لونها بتنجانى
لما الدنيا تبقى مسقعه.....


ليه الهوت دوج مش راجل
علشان سوو-سيس.....


ليه القطر مهم
...... عشان تحتيه خطين


ليه سندوتشات الكفته والبطاطس بتجري
...... عشان وجبات سريعه


ليه اليابان معندهاش حنان
........... عشان ف قاره آسيا )


ليه البرازيل معندهمش تين
............ .عشان ف امريكا اللاتينيه )


ليه الفيل بينزل البحر بالشورت الاحمر .
.......... عشان الشورت الاخضر مش نضيف


ليه الصعيدي بيحط جنبه منبهين
............ . عشان واحد يضرب والتاني يحوش


عكس نجيب محفوظ ؟؟ .
....... نودي محفوظ


واحد بلدياتنا ماشي تحت الكوبري و رافع ايده ليه ؟
......... عشان الكوربري مسلح


ليه الكلب بيهوهو
.......... عشان القطه بتنونو


ليه الصعيدى بيربي شنبه؟
عشان الدبانه تمسح رجليها قبل ما تدخل.....


عسكرى زهق من البندقيه عمل ايه
جاب حمصية.....

طماطمية عطست قالت
.... كا كا كاتشبب

واحد بيقول لواحد هى الساعة كام قالو انت فاكرنى جزرة وخد الشاكوش عالعجلة ومشى


حاجه بتجري وعندها راسين و 8 رجول
....... كلبين بيجروا جنب بعض


ليه القرد سريع
....... عشان القرد في عين امه غزال


اول مخلوق ظهر عالارض هو الحمار الوحشي ليه ؟؟
. ........ عشان ابيض واسود


و اخر مخلوق ظهر القنفد ليه ؟؟
عشان لسه بشوكه......


حاجه ليها اربع رجلين وطايره في الهوا.
....... قطه مضروبه بالشلوت


عاوزين نطير كلب نعمل ايه
.......... نضرب في ( 1\كلب )الكلب يطير مع الكلب


ليه النمل مش بترضي تركب الفيل قدامها عالعجله
........ عشان بيلعب في الجرس


فرخه معلقه سلسله فيها صوره بيضه ليه ؟؟
............ صورتها و هي صغيره


فرخه معلقه سلسله وفيها صوره طبق بيض اومليت ليه ؟؟
........... صوره اخوها الشهيد


ايه الفرق بين عمرو دياب و إليسا ؟؟
إليسا بتعمل شريط كاسيت ....
و عمرو دياب بيعمل شريط كاراجل ....


ليه المنبه بيرن
....... عشان مش معاه رصيد يتصل


ليه القطه بتدخل عن الحلاق_
...... عشان الباب مفتوح


طب ليه الأقرع بيدخل عند الحلاق _
........ عشان ياخد القطه


ليه الصيدلي بيبني عماره_
........ عشان يسكن الآلم


طب وليه العماره وقعت
......... عشان بنااادول إكسترا )


ليه قبضوا على صاحب شركه جهينه
.......... عشان ( زبادو ) متلبس


ليه القطه بتخربش
............ . عشان نفسها تكسب


ليه الأهرامات تلاته بس
.......... عشان الشلن مش هايكفى نحط واحد كمان


ليه السائح بيتصور جنب الاهرامات
.......... عشان يطلع في الشلن


ليه الام مدرسه
........ عشان بتذاكر لولادها


عكس بالونه ايه ؟؟ .
........ نشفونا


ليه الفيل بيلبش شرابات خضرا
........ عشان خضرا بتلبس شراباته


عاوزين نحط فيلين في برطمان من غير ما يلمسوا بعض نعمل ايه ؟؟ ......
نحط فيل ما بينهم و نحطهم في البرطمان


ليه عمر دياب و هو بيقول فى اغنيه راجعين مخبطش فى اللى وراه
عشان طلعت زين واقف وراه وبيقولو تعالا تعالا


عاوزين نركب 4 افيال على عجله نعمل ايه ؟؟
........... نركب فيل و نديله البرطمان يمسكه في ايده


حكموا على صاحب شركه موبينيل احكام كتيره اوووي ليه
..... عشان بيتحاسب بالثانيه


خمسه صعايده قاعدين في اوضه كل يوم يخرج واحد ليه
...... بيلعبوا ستار ميكر


قطر ماشي بسرعة 60 كلم في الساعة فكم عصفورة في الشجرة اذا كان الببسي ب75 قرش؟


ايه وجه الشبه بين البطيخ و الشمام
....... الاتنين اجازه الحلاقين


حاجه صغيره و لونها احمر و بتاكل الزلط
......... بنت الحاجه الكبيره اللي لونها احمر و بتاكل الزلط


طب حاجه لونها اسود و بتاكل الزلط.
........ ظل الحاجه الصغيره اللي لونها احمر وبتاكل الزلط


ليه الفراعنه ريحه بقهم حلوه
......... عشان كان عندهم ابو الهولز


طب عندنا ازازه حاجه ساقعه و فيها طوبه .. عاوزين نطلعها من غير مانكسر الازازه ؟
........ نجيب الحاجه الحمرا الصغيره اللي بتاكل الزلط و نحطها في الازازه


ليه الفراعنه كانوا عيال
........... عشان كانوا بيرسموا عالحيطه


طب ليه ابو الهول كان وشه اصفر
......... من خوفو


طب اتنين فراعنه قعدوا عالفهوه هايطلبوا ايه ؟؟
...... اتنين اااااامون و حجر رشيد لايت


واحد ماشي في الشارع و لابس كوتشي ابيض ليه ؟؟
........... عشان ماشي مع الطقم


واحد بلديتنا واقف قدام المرايا و مغمض عنيه ليه ؟؟
............ ......... .... بيشوف شكله و هو نايم


مهندس كمبيوتر، حلل دمه، طلعت فصيلته

.......... HP

لية السمك بيخاف من الجنية....؟!
علشان الجنية فية 100 قرش.........


فيزيا بقه

واحد تايه في الصحرا ومعاه مسطره حرف تي ..يعمل ايه ؟؟ .......... يسمك المسطره ويقيس مسافه ... يكاملها تبقى سرعه ...
يكاملها تاني تبقى عجله ... يركب العجله


ليه اللبن جايب ( ض.ج ) في الرسم ؟؟
............ .. عشان لما بيقطع مش بيهشّر


ليه اللبن جايب ( ض.ج ) في الرياضه ؟؟
............ .. عشان لما بيــ( كامل الدسم ) بينسى يحط الثابت



القاضيه بقى

قطه بنت عم قطه تانيه ... وقطه تالته بنت عم التانيه ... و قطه رابعه تبقى بنت اخت التالته ...... و قطه خامسه تبقى عمه الرابعه ... وقطه سادسه تبقى بنت خاله مراة عمه الخامسه ...
تبقى القطه الاولى تقول القطه السادسه يا ..... ايه ؟؟





تقولها ناو ناو

[bony]

غلاسه اااااخر حاجه

تصدق صحيح

[غلاباوي]

حاجات نصها قديم بس بصراحة حلوة ......

[eve_y]

غلسين موووووووووت اخر حاجه في الدنيا الصراحه بس حلوين اوي برضه مش عارفه ازاي
ليه عمر دياب و هو بيقول فى اغنيه راجعين مخبطش فى اللى وراه
عشان طلعت زين واقف وراه وبيقولو تعالا تعالا

طب ليه ابو الهول كان وشه اصفر
......... من خوفو :h ehehe::heh ehe:

[hany78]

· فاقد الشيء .. يدور عليه.

· تأتي الرياح .. محملة بالأتربة.

· اللى معاه قرش محيرة .. يجيب حمام ويحمره.

· جت الحزينة تفرح .. شغلت شريط حكيم وقعدت ترقص.

· اللى ياكل لوحده .. يشبع.

· لا تبكي على اللبن .. في البسكوت.

· اقطع عرق .. وحتة بتلو لو سمحت.

· قال اطبخي يا جارية .. الأنبوبة فاضية يا سيدي.

· لو كان حبيبك عسل .. حطله طحينة.

· وبكرة ريما ترجع .. من عند خالتها في مارينا.

· اصوم اصوم وافطر على المدفع.

· القرش الأبيض بيعوم في البحر الأحمر.

· اللى مايشفش من الغربال يكشف نظر.

· المال السايب يعلم الطلبة.

· من خرج من داره .. ماينساش يقفل الترباس.

· الباب اللى يجيلك منه الريح .. شيله وركب قبنوري.

· المضطر يركب التاكسي.

· رب صدفة خير من الف ليلة وليلة.

· المركب اللى ليها ريسين .. يلعبوا طاولة.

· اللى خدتو القرعة تاخده ام الخلول.

· اللى مايعرفش يقول what .

· اكل العيش يحب الطعمية.

· العين عليها lenses .

· قالوا للحرامي احلف قال وحياة قلبي وافراحه.

· ماتبصليش بعين رضية .. دانا طلع عين امي في السعودية.

· مثل خاص ومش هتسمعوه غير هنا: لو نهر النيل كان من صلصة .. مكانش كفى الكوسة اللى في البلد

[مذكرات]

غراب وحمار راكبين طيارة
كل شوية الغراب يضرب الجرس للمضيفة تيجى تقوله عاوز ايه يقولها ولا حاجة أنا بتدلع
الحمار حب يقلده ضرب الجرس
المضيفة جات تقوله عاوز ايه قالها أنا بتدلع
واستمروا على كده لحد لما المضيفة زهقت وراحت لقائد الطيارة قالت له
راح القائد ماسك الغراب والحمار على بابا الطيارة وهيرميهم
الغراب بيسأل الحمار انت بتعرف تطير قاله لا
قام الغراب قاله لما انت مبتعرفشى تطير بتدلع ليه

[FERO]

واحد راح السوق يشتري حاجات
وكل ما يسأل ع سعر حاجه يلاقيها غليت
يبص للسما ويقول منك لله يا عوض
وكل شوية يقول منك لله يا عوض
منك لله يا عوض
قام العسكري قفشه ووداه القسم
الظابط بيقوله عمل ايه ده يا عسكري
قاله يا سعادة الباشا اصله مش عارف اسم الريس..

وبمناسبة الامثال
اللي بيته من أزاز....ما يغيرش هدومه ف الصالة.