|
|
| #11  19th February 2008, 03:08 PM | ||||
| ||||
| إقتباس:
 :h ech: __________________ يحق لك ان تلتزم الصمت,كل ما تقوله قد يستخدم ضدك في المحكمة,يحق لك التحدث مع محامي ويكون حاضرا معك عند الاستجواب,اذا لم تستطع توفير محامي ستعين لك المحكمة واحد علي نفقتها.وستحاكم ضمن محاكمة عادلة و ستسجن  |
| #12 19th February 2008, 03:40 PM | ||||
| ||||
| إقتباس:
ومين سمعك أنا من ساعة ما عمنا ميراج حطها وانا كل ما أبص عليها أقع من الضحك  |
| #13 19th February 2008, 07:32 PM | ||||
| ||||
| إقتباس:
نحن السابقون وأنتم اللحقون ياايرورر. الله يسامحكم من وقت مانزلتوا النكت المسخرة دى وانا مش قادرة امسك نفسى ،وخصوصا ميراج الله يسامحك على النكت اللى انت منزلها دى. نكت ايه ده كفاية صورتك ولا المواقف بتاعتك حراااااام عليكم أنا صاحبة مرض وصحتى على قدى. ومن وقت مانزلتوها واللى فى البيت عاوزين يدخلونى العباسية كل شوية بضحك ومش فاصلة............... __________________ لا تقلق قد لايحدث أبداً ولكن إن حدث ........... يمكننا أن نستعيده . |
| #14 21st February 2008, 07:27 AM | ||||
| ||||
| إقتباس:
بالنسبة لإفتار الزميل ميراج فأنا من عاشقي طائر البطريق وأحد الحيوانات المفضلة لدي عند مشاهدة قناة animal planet ودائما أشعر إن هو والقرد حركاتهم وردود أفعالهم شبه إنسانية ولطيفة والسيناريو القصير الموجود في إفتار الزميل ميراج كوميدي وتكتشف أنه حتي في عالم لطيف كعالم طائر البطريق هناك بلطجية وعالم غاوية أذية الأخرين بدون سبب والمغفل التاني مش يتعلم!!! ولكنه واضح إنه بطريق صعيدي!  Doubleposting merged by ”Tifnout”, an Artificial Intelligent Robot to Prevent Flooding أقولك ومتزعلش!! طيب أحلف إنك مش هتزعل!! مادام حلفت خلاص هقولك البطريق الصعيدي هذا بيفكرني برد فعل المسلمين بعد كل مصيبة يعملوها أو يقعوا فيها وبدل مايقعدوا يتدارسوا بهدوء أسباب الفشل وأوجه القصور لتلافي الأخطاء تجد رد فعلهم عاطفي وعصبي وبالتالي لايتعلموا الدرس وفي المصيبة التي بعدها يكرروا نفس الخطأ مرة أخري حرفيا ويخرجوا بنفس النتيجة وبرضه لايتعلموا الدرس!!!! وأوضح مثال علي ماأقوله هو موضوع سلمان رشدي والرسوم الدنماركية. |
| #15 21st February 2008, 02:23 PM | ||||
| ||||
| إقتباس:
 إفتار ميراج شفته زمان بس بالطريقة الأوروبية " أصل حكاية القفا دى إختراع مصرى أكيد " الطريف فى الموضوع إن اللقطة دى متركبة على لقطة حقيقية لبطريق بيقع فعلا فى الجليد |
| #16 21st February 2008, 02:29 PM | ||||
| ||||
| إقتباس:
انت عارف وانا عارف ان الموضوع دة ضرب على وتر حساس جدا .. يمكن اقولك لو كانت الرسوم دي على اي شيء تانى سياسي اجتماعي عفاريت زرقة حتى محدش كان هيفتح خشمة ( وفي رواية اخرى حنكة ) لكن انت عارف كويس الموضوع حساس اد اية .. وبالرغم ان حصل تجاوزات كتيير جدا انا كمسلم مرضاش ابدا عنها .. الا ان دة لا يبرر اطلاقا مبدأ حرية الرأي الخاطيء اللى اتبعوه في موضوع الرسوم دي ... وبالمناسبة الموضوع شكله هيتفتح تانى ... وشكله كدة هيتكرر كل سنة زي المناسبات الاجتماعية ... وكل ما جريدة اليولاندس بوست تتزنق في التوزيع وعايزة تعمل سبوبة حلوه ... تقوم ناشرة الصور دي ... والرأي العام يهيج والنديا تتقلب والمبيعات تزيد .والمقاطعة لكل ما يمت للدينمارك بصله نرجع من اول الجبنة الفيتا ..لحد شركة الشحن الشهيرة maersk وما بينهم __________________ يحق لك ان تلتزم الصمت,كل ما تقوله قد يستخدم ضدك في المحكمة,يحق لك التحدث مع محامي ويكون حاضرا معك عند الاستجواب,اذا لم تستطع توفير محامي ستعين لك المحكمة واحد علي نفقتها.وستحاكم ضمن محاكمة عادلة و ستسجن |
| #19 22nd February 2008, 04:50 AM | ||||
| ||||
| النت مليان نكت ع الريس ... بيقولك إن الريس أصيب بفشل كلوي المهم دخلوه المستشفى وبعدها بيومين خرج شوية النصابين إياهم وراحو المستشفى وهم بيهتفوا بالروح بالدم نفديك يا ريس المهم الريس سمع الصوت قال في نفسه كل الناس دي بتحبني أنا لازم أقول لهم خطاب المهم الريس قام باصص من الدور التاني بتاع المستشفى وقال السادة المواطنون أنا عارف إنكم بتحبوني وعشان كده أنا هأرمي ريشة واللي هتيجي عليه الريشة أنا هاخد كليته المهم الريس رمى الريشة من هنا وكل الواقفين قاموا قعدوا يهتفوا بحماس منقطع النظير بالروح بالدم (هففففففففففففففففففففففففففففففففففففففففف بينفخوا في الهوا ) نفديك يا ريس سأل مبارك نظيف : كيف حال الشعب بعد ما غلّينا العيش ؟فقال : يا ريس بياكل زفت فقاله : طيب غلي الزفت فى سنة 2076 سأل صحفى السيد الرئيس هيثم جمال مبارك :أنت ليه متجوزتش لحد دلوقتى؟قال: أتجوز ليه! منا مستمتع مع الشعب الرئيس مبارك كان بيفتتح مجموعه مصانع جديده .دخل اول مصنع لقاه حلو قوى , سال عاطف عبيد بتاع مين المصنع ده يا عاطف . رد عاطف : هقول لحضرتك بعدين يا افندم . عدوا على 10 مصانع وبعدين حسنى ساله : انا كل ما اسالك بتاع مين المصنع ده تقول هقولك بعدين . بتوع مين المصانع دى يا عاطف . رد عاطف : بتوع البيه الصغير ابن حضرتك يا افندم . قال حسنى : الشقى عمل كل دول من مصروفه .. اتنين صعايده ماشيين بصوا للسما . واحد قال للتانى : والله العظيم والله العظيم الطيارة اللى هناك دى طيارةالريس.فالتانى قال : انت فشار . لو كانت دى طيارة الريس طب فين الموتوسكلات قدامها و وراها . مبارك ماشي في الصحرا شاف تمثال ، قال لحبيب العادلي شوفلي التمثال ده بتاع مين يا حبيب ، ربع ساعة رجعله حبيب العادلي و قاله : ده رمسيس التاني يا فندم ، مبارك قاله : عرفت منين ، العادلي رد : اعترف يا فندم بيقولوا مبارك رسم وشم على دراعه على شكل خريطة فلسطين، قام نظيف بيقول له: ايه ده يا ريس؟ مبارك قال: دي خريطة فلسطين، حتى لا أنسى نظيف قال له: طب ها تعمل ايه لو فلسطين اتحررت و الوشم لا يمحى؟ قال مبارك: أقطع دراعي بيقولك فى عيد ميلاد حفيد حسنى مبارك ..كل وزير جابله هدية ..اللى جابله طيارة لعبة ..واللى جابله مسدس مية ..حبييب العادلى جابله تلات عربيات أمن مركزى وأربع مخبرين لعبة اشتكى حسنى مبارك لحبيب العادلى إن "حمو النيل "ما بيخلهوش ينام ..بعد تلات تيام اتصل بيه حبيب العادلى وقاله تمام يا فندم قبضنا على كل اللى اسمهم حمو وجارى ردم النيل سعادتك سبب عدم غناء محمد ثروت فى الحفلات الوطنية إنه مرة غلط وغنى :الله أكبر فوق كيد المعتدى مذيعة سألت حسنى مبارك إنت ليه محتفظ بنظيف لغاية دلوقتى ..فأجاب:أصله طويل قوى فده بيخليه يوطى لما يكلمنى توماتيكى فى عيد الأضحى طلب حسنى مبارك من حبيب العادلى عشر خرفان عشان ينقى منهم خروف يضحى بيه فى العيد ..بعد تلات تيام جابله خروف متعور ومتبهدل خالص ..فقاله :إيه ده يا حبيب ..جايبلى خروف حالته بالبلا ..فقاله :ده اللى فضل صاحى بعد التحقيقات يا فندم ..قاله :طب وباقى الخرفان ..فرد حبيب :طلعوا إخوان مسلمين يا فندم موظف راح يدى صوته فى الانتخابات فاختار لا وهو مروح قابل واحد صاحبه فسألو عملت ايه ؟ قاله علمت على لا لطم صاحبه وقاله روحت فى شربة ميه فسأله الموظف ايه الحل ؟ قاله ارجع بسرعه وصلح اللى كتبته واكتب نعم رجع الموظف لرئيس اللجنة وقاله :- جيت اعلم على نعم غصب عنى علمت على لا مسكه رئيس اللجنة من ودنه وقاله احنا صلحناه لك اوعى تعمل كده تانى ملحن دخل مبنى ماسبيرو( مبنى الاذاعة والتلفزيون) علشان يعتمدوه ملحن فقالوله كل جمله نقولهالك لحنها .. قال ماشى فقالو له..لحن( واحد حرامى ) راح ملحنها.. قالوله ( اتنين حراميه) .. راح ملحنها.. قالوله بقه لحن ( شله حراميه ) فقالهم بلادى بلادى بلادى جمال مبارك وعلاء بيتعاركوا مين يمسك الحكم وبعدين دخل عليهم ابوهم ومعاه وزير التربية والتعليم فالريس قال انا مش عارف اعمل ايه مع العيال دي الاثنين عايزين يمسكوا الحكم وطبعا ده ماينفعش فرد الوزير وقال ينفع ياريس فتره صباحيه وفتره مسائيه رئيس الوزراء يقول للريس والله يا ريس دي الناس بتحبك جامد دول لما بيسمعوا السلام الجمهورى وبيشوفوا صورتك بيفضلوا يسقفوا لحد ما تطلع فذهب الريس ليرى على الطبيعة و بالفعل و جد الناس حتنهار من التسقيف و ذهب لأكثر من سينما فوجد نفس الكلام فتنكر و ذهب إلى سينما مجهوله و وجد الناس تصفق بحراره و هو لم يصفق طبعا وفوجئ بأحد المتفرجين يضربه على.............و يقول له صفق السينما كلها مخبرين مره الريس نده نظيف وقال له " بناءا على توجيهاتى .... يكتب على كل باب فى مصر ( مبارك) " نظيف أوام طلع النوته وكتب فيها هذه الأوامر ، ثم غلبه حب الإستطلاع فسأل الريس " ممكن معاليك أعرف إنت عاوز ليه تكتب على كل باب فى مصر ( مبارك) ؟ " فأجابه مبارك " الأمريكان كاتبين على كل باب فى أمريكا ( بوش ) Push مرة الريس ماشي يتفقد الرعية شاف واحد فلاح نايم والجاموسة دايرة في الساقية نزل من العربية وقاله : إزاي سايب الجاموسة ونايم ، إفرض الجاموسة وقفت ، مش ده هايقلل الإنتاج قال الفلاح : ياريس أنا حاطط جرس في رقبة الجاموسة عشان لما تقف اعرف ، وقوم أمشيها قاله الريس : إفرض ياناصح الجاموسة وقفت وقعدت تهز في راسها ... كدهه ...كدهه رد الفلاح : مش كل البهايم بتفكر زي حضرتك يا فندم مرة حسني مبارك نزل متنكر هو ونظيف وركبوا تاكسي فبيسالو السواق أنت إيه رأييك في الحكومة قالهم كلهم حرامية ومفتريين وقالو طب إيه راييك في البرلمان قالهم كدابين ومنافقين . كل ده والريس زعلان أوي فقام نظيف وسأل السواق طب إيه رأييك في نظيف ومبارك قالو السواق الأول بهيمة والتاني جزمة وقبل ما يخلص كلامة لقى الريس خلاص كشف نفسه ووشو مليان غضب راح السواق كمل كلامه وقال والتالت كمان ما بيشتغلش , إيه العربية الزبالة دي  حسنى مبارك راح لشيخ الأزهر متعكنن جدا . وقاله :يا سيد أنا كل كام يوم نفسى بتهفنى على كاس أو اتنين وسمعت ان الخمرة حرام ..اتصرف .. راح شيخ الأزهر قاله: ابقى اشربها على وضوء يا ريس |
 |
| أدوات الحوار | |
|
|
 حوارات سابقة ذات صلة بموضوع: ممكن نضحك شوية؟؟ | ||||
| الحوار | الكاتب | الساحة | تعليقات | آخر مداخلة |
| ممكن سؤال | مذكرات | النادي الإجتماعي | 17 | 4th January 2008 08:15 PM |
| ممكن ترحيب | دلــــــــــوعة دبي | قاعة الإستقبال | 16 | 28th December 2007 09:19 PM |
| يا سنة سوخة يا ولاد | hany78 | السجن المركزي | 2 | 21st September 2007 04:21 AM |
