|
|
| #1  12th February 2008, 08:45 PM | ||||
| ||||
| تدوينـــات أعجبتنى من مدونة رَقبَة الحَمَامَة ياسر العدل ، واحد مصرى عنده حَمَامهُ وغَاوى يطيّرها Wednesday, November 07, 2007 !! شهادة البنت 00 نوسه - لو سمحت يا دكتور، ممكن أتكلم مع حضرتك. - أهلا بك فى مكتبى، اتفضلى اجلسى، أهلا يا بنتى . - أهلا بك يا دكتور، أنا نوسه ، أنا سعيدة أنى بكلم حضرتك. - أهلا بك يا نوسه، وأنا أسعد بالتعرف على نوسه الجميلة؟ - أنا نوسه ، طالبة فى الكلية عند حضرتك، بابا أشتغل سنوات كثيرة فى دول الخليج وهو لسه قاعد هناك، وماما ربة بيت قاعدة معانا هنا فى مصر، أنا أتولدت هناك، وإحنا ثلاث بنات ولنا أخ واحد، حاليا إحنا ساكنين فى أحسن منطقة فى مدينة المنصورة، ساكنين فى شقه فخمة فى عمارة كبيرة تطل على النيل. - ايه رأيك فى بلاد الغربة يا نوسة. - عشنا هناك عيشه حلوة يا دكتور، الناس هناك ماشيين على شرع ربنا. - رجعتوا من السفر إمتى يا نوسه. - الحمد لله ربنا سترها معانا، لما قربنا من شهادة الثانوية العامة، بابا رجعنا من الغربة علشان نتعلم فى الجامعة فى مصر، قلنا نرجع بلدنا اللى إحنا بنحبها وكفاية غربة، صحيح كثير من المصريين غلابة ومتخلفين وجعانين وعطشانين، وكثير من الشباب فى مصر مش متربيين، لكن مصر بلدنا وإحنا بنحبها. - على فكره يا نوسه إنتى ملابسك شيك قوى، الظاهر عليك انك مخطوبة. - الحمد لله ربنا سترها معانا، أنا مخطوبة لواحد من معارف بابا، خطيبى والده بيشتغل فى الإمارات، لكن أمه وأخواته البنات عايشين هنا فى مصر، خطيبى سافر للسعودية وإنشاء الله أسافر معاه بعد الجواز. - يعنى ممكن تسافرى قبل انتهاء الدراسة من الجامعة. - الحمد لله ربنا سترها معانا، أنا رأيى انه مفيش سفر قبل البكالوريوس، علشان البكالوريوس شهادة جامعية ممكن أشتغل بيها فى السعودية ويكون دخلنا أحسن، وعلى كل حال أمر السفر راجع لرأى والدى ولخطيبى. - قولى لى يا نوسه، إنتى ناويه تدرسى إيه من مواد التخصص فى الكلية. - الحمد لله ربنا سترها معانا، أنا ادرس أى حاجه يا دكتور، كلها دراسة محصله بعضها، أنا عاوزه شهادة بكالوريوس من الجامعة والسلام، المهم أنى لا أدرس علم التأمين. - إيه السبب يا نوسه. - يا دكتورالتأمين حرام، بابا بيقول إن التأمين حرام، كيف نحسب على الناس أرزاقهم؟، يا دكتور عمليات التأمين فيها حساب لأرزاق الناس. - إنتى إيه رأيك فى الكلام ده؟. - الحمد لله ربنا سترها معانا، أنا موافقة على رأى بابا أن عمليات التأمين ودراسة التأمين حرام، إحنا إزاى نحسب عمر الإنسان ونحسب له المصائب اللى بتحط عليه، دى مقادير كلها قسمة ونصيب من عند ربنا، ولا يجب أن نتدخل فى قدرة ربنا. - يا بنتى التأمين علم، والعلم مطلوب علشان الناس يفهموا الدنيا. - يا دكتور، التأمين يتعارض مع الدين. - لو سمحتى يا نوسه، ممكن أقول حاجة. - اتفضل يا دكتور، أنا نفسى أسمع رأى حضرتك. - يا نوسة انت لا جميلة ولا حاجة، أنت جهاز عديم الشخصية يعدونه لإنتاج أطفال متخلفين، أبوك عبد فلوس مسعور، وأمك لا تعرف معنى الأسرة، وأهلك نوع من البشر يفكرون بعقول متحجرة ويعيشون مشردين من غير وطن. كتبها د. ياسر العدل   |
| #2 20th February 2008, 12:52 PM | ||||
| ||||
 أرنى صك عتقك … فبراير 12, 2008 لم اكتب عن أحداث حدثت فى الفترة الماضية ومنها حكم ” الشرطة ” فى خانة الديانة للبهائيين والإفراج عن المسيحية البسيطة السيدة / شادية السيسى ، لأنى أرى بمنتهى الصراحة أن هذه الاشياء مجرد إجراءات شكلية وهمية لتبييض وجه النظام المصرى أمام منتقدى سجله الحقوقى دون أن تمس أصل الداء وهو حرية العقيدة … وهذه المراوغة هى سلوك حكومى نمطى فى تعامل الحكومات المصرية المتعاقبة منذ يوليو52 مع أغلب مشاكل مصر، وهى طريقة مألوفة نسميها نحن المصريين ” الضحك على الدقون” ….. و يأتى على قمة هرم” الضحك على الدقون ” فى مصر مؤخرا حكم المحكمة الإدارية العليا فى قضية العائدين للمسيحية ، فقد كان أمام المحكمة خياران لا ثالث لهما كما كنت اعتقد ، أولهما أن ترفض إثبات ديانتهم المسيحية معنلة أنهم مسلمين شاءوا أم أبوا ، مؤكدة ما أعلنه بعض أعداء حرية العقيدة من قبل بأن طريق الإسلام إتجاه واحد بدون رجوع ، إما ذلك أو أن تعلى مبدأ حرية العقيدة وتعطى للعائدين للمسيحية الحق فى أن يسجلوا دينهم المسيحى فى أوراق هويتهم بنفس السهولة التى غيروا بها بيانات خانة الديانة من المسيحية إلى الإسلام … لكن المحكمة فجأتنى بحكم يبدو فى ظاهره الرحمة لكنه يبطن العذاب ، فظاهر الحكم أنه يحترم حرية العقيدة بإلزامه وزارة الداخلية بسماحه بتسجيل المسيحية فى خانة الديانة للعائدين بدلا من الإسلام لكنه يضيف أضافة شديدة الخطورة تفرغه من أى مضمون وهى أن يضاف لخانة الديانة أنه أعتنق الإسلام لفترة …… وإنى أتسائل هل بطاقة الهوية سجل لتاريخ الشخص أم أنها أعلان لواقعه الحالى ، وهل من يغير إسمه مثلا يكتب فى بطاقته الأسم : فريد فهمى حاليا سالم نافع سابقا ؟؟؟ ببساطة لقد أرجعتنا المحكمة لوحشية العصور القديمة التى كان يدمغ فيها العبيد بالكى بالنار فى وجههم أو أعناقهم أو أى مكان ظاهر من اجسادهم ليكونوا موصمين ” بوصمة عار” ليسهل التعرف عليهم ومطاردتهم إذا حاولوا الهرب وأيضا إذلالهم بعار العبودية طيلة حياتهم حتى لو تم عتقهم أوتحريرهم فمن حق أيا كان أن يوقفهم ليسألهم عن صك عتقهم ليتأكد أنهم ليسوا عبيد هاربين … وهذا ما أرادته المحكمة للعائدين الذى سيحمل كل واحد منهم فى جيبه وثيقة إرتداده عن الإسلام ليسهل إذلاهم وبهدلتهم أمام أى ضابط يستوقفهم فى الشارع وأمام أى موظف كبر مقامه او صغر سيضطر العائد لإطلاعه على أوراقه ليحصل على أى خدمة أو معاملة لتتحول حياته بهذا الشكل إلى جحيم لا يطاق لا يجد معه سوى أن ينكر مسيحيته مرة اخرى ويعود للإسلام ” على الورق ” ليستطيع الحياة وساعتها طبعا لن يتهمونه بأنه متلاعب بالأديان يغيرها بحسب هواه بل ستفتح له الأبواب المتسعة كما فتحت له من قبل معلنة أنه عاد لرشده وإسلامه من جديد بمنتهى الحرية وبكامل إرادته لأن لا إكراه فى الدين … كفى عبثا … العدل أساس الملك … |
 |
| أدوات الحوار | |
| |
دخول بتأشيرة Facebook 
