يعنى اية عورة؟

[احمديدو]

هناك شئ يسمى العرف ففي كل بلد لها عرف معين (او ثقافة او عادات وتقاليد شئ متعارف عليه), وهو يُراعي غالبا من قبل الفقهاء او المفتيين قبل اصدار رأيهم او فتواهم فهي تتغير تبعا للزمان والمكان والظروف الخاصة بكل بلد واهلها , فالشافعي رحمه الله غير فتاواه التي كانت في العراق عندما جاء الى مصر(يقول الفقهاء انه لم يغير حقيقة انما الذي تغيرت الظروف ولو رجع لعاد) وهناك قواعد واصول يعرفها اهل الفقه قبل اصدار فتواههم , فالمفتي في بلاد الحجاز والتي غالبا ما تسودها الصحراء وحياة البدو(بالذات من وقت ليس ببعيد) سيفتي في الدين واضعا في اعتباره هذا العرف الخاص باهل بلده وما عرفه هو والناس المحيطة به وهو بالتأكيد سيختلف ان عرجنا الى بلد آخر ولو كان مجاورا لكن ظروف اهله مختلفة تماما فيجب هنا ان يفتي المفتي بفتوة مختلفة بسبب العرف الذي تغير وبسبب الظروف المختلفة في المكان المختلف .

فلا تعيبوا على هؤلاء الفقهاء بما افتوا واجتهدوا في نطاق عرفهم وعلمهم لكن عيبوا من يأخذ بفتوى لا تناسبنا ويعتقد انها الصحيحة والمناسبة ومن يأخذ باشد الامور معتبرا بذلك انه يحتاط لدينه , ان كنت تحتاط لدينك فطبقه على نفسك وانت حر! وان علّمت غيرك فاختر اهونه , فقد كان النبي صلى الله عليه وسلم ما خييّر بين أمرين الا اختار ايسرهما .

[sammerasker]

مؤمن يا صديقي أنا مش معترض على وجود الفكر الذي تذكره بقدر إعتقادي أن مصدره ليس فقط الصحراء و هقولك ليه بس خليني الأول أعلق على نقطة

فالرجل هو رجل فحل يستطيع ان ينكح الار

عشان بس محدش يقرأ الموضوع و يقول أننا عمالين نتلاعب الألفاظ النكاح هو الزواج و ليس الوطء أو المعاشرة الجنسية .
مش عايز أحظ إقتباس لسان العرب للطول و لكن لو بحثت عنه ستجد ان من أول المعنى على أنه المعاشرة عدد قليل جدا من البشر و ان هذا المعنى لا يعتد به , فالمعنى الدارج لكلمة نكح هو تزوج
يعنيفلان نكح فلانة أي فلان تزوج فلانة , بالتالي الجملة السابقة يمكن تعديلها ل يمكن للكائن الصحراوي إذا كان مسلم أن ينكح 4 نساء ....أي يتزوجهم .

أقولك بقى يا سيدي لماذا لا أعتقد ان فكر البادية هو الفكر الأصلي الذي أثر على المجتمع ,
1- لأننا لو افترضنا هذا يكون إعتراف منا أننا مجتمع ضعيف إنقيادي , وهو الغير صحيح تاريخيا فالفرنسيين دخلوا مصر و حاولوا تحديدا التأثير على ثقافة الشعب و لكن ما نسبة نجاخ التجربة و بعدهم الإنجليز و ما بينهما و حتى يومنا هذا و لكن الأبسط و الواقعي من وجهة نظري أن ثقافة الصراء (كما تسميها ) هي عامل من عوامل كثيرة ساعدت على ذلك.
2- مجتمعنا في الأصل منذ زمن طويل مجتمع ذكوري , لم يأخذ إلا خطوات ضئيلة لتغير ذلك فحتى الحركات التحررية و النسوية اللتي ظهرت على فترات كان أثرها محدود مثلها مثل الحركات الإصلاحية حاليا حركات نخبوية , لو أنت في الوسط المنكشف عليهم قد تتأثر و لكن غير ذلك هتسمع عن المعركة فقط .
كل ما سبق من كوارث مجتمعية أدت لضعف التعليم و ده له دور كبير ..كيف؟
أقولك , الرغبة الذكورية في السيطرة على الأنثى مش شيء غريب من الخيال العلمي , بل هو طبيعة من بواقي التطور في الإنسان (لو كنت تطوري ) , لازم تقتني أكبر عدد الإناث لأن ده علامة ذكورية (في الحيوان ) عشان تبقى Alpha male و لازم يطفو على السطح سلوك جيني آخر ...السيطرة ,هي موجودة من البداية , راقب كل المخلوقات السلوك موجود...القضية كلها اننا كمجتمع لم نتطور سلوكيا we are lacking behind on the chain of human behavior
مع كل ما سبق ( و غيره كثير ) نحن فقط بنتكلم في جزئية الذكر و لكن ان التطور السلوكي هذا أيضا لم يصل لكل الإناث لذلك سترى أن هناك إناث أيضا يرون نوع من الصواب في البروباجندا الأصولية ., الموضوع كله يا عزيزي سلسلة متواصلة لو حليت (لو أستطع أصلا ) حل معضلة الأصولية تكونواهم لو ظننت ان المكشلة إتحلت , المشكلة فينا محتاجين نبتدي عملية تطور سلوكي الأول قبل ما نغير الأدوات .

[Moomen Sallam]

لأننا لو افترضنا هذا يكون إعتراف منا أننا مجتمع ضعيف إنقيادي , وهو الغير صحيح تاريخيا فالفرنسيين دخلوا مصر و حاولوا تحديدا التأثير على ثقافة الشعب و لكن ما نسبة نجاخ التجربة و بعدهم الإنجليز و ما بينهما و حتى يومنا هذا و لكن الأبسط و الواقعي من وجهة نظري أن ثقافة الصراء (كما تسميها ) هي عامل من عوامل كثيرة ساعدت على ذلك.

نعم نحن مجتمع ضعيف انقيادى عندما تكون وسيلة السيطرة هى الدين ومقارنة الحملة الفرنسية والاحتلال الانجليزى بالغزو الفكرى السعودى اعتقد انها فى غير محلها بل انا اتوقع ان يخرج شخص علينا الان يصرخ ويعترض على كلمة غزو سعودى فهم اخوة الدين ومنبع العقيدة وارض النبوة فمن حقهم يجوا ويقعدوا ويحكموا كمان انت نسيت الرئيس اللى من مالزيا اللى ممكن يحكمنا.
الفرنسى او الانجليزى هو شخصية شقراء ملونة العينين واهم من كلة دة كافر فطبيعى ان اجهزة المناعة تشتغل بشكل فورى والمضدات للاجسام الغريبة تنشط للتصدى لهذا الجسم الغريب اما السعودية فدخلت باسم اخوة الدين ولو رفضتها تبقى كافر
وخلينى كدة انشط ذاكرتك وممكن احفزك على قرأة معينة ياريت تقارن الفقة الدينى وليس السياسى للإخوان المسلمين (ايوة الاخوان المسلمين تصدق؟) حتى الستينات والفقة الدينى للاخوان من اول السبعينات بعد عودة الهاربين من السعودية

مجتمعنا في الأصل منذ زمن طويل مجتمع ذكوري , لم يأخذ إلا خطوات ضئيلة لتغير ذلك فحتى الحركات التحررية و النسوية اللتي ظهرت على فترات كان أثرها محدود مثلها مثل الحركات الإصلاحية حاليا حركات نخبوية , لو أنت في الوسط المنكشف عليهم قد تتأثر و لكن غير ذلك هتسمع عن المعركة فقط .
كل ما سبق من كوارث مجتمعية أدت لضعف التعليم و ده له دور كبير ..كيف؟

متفق معاك لكن كان فى خطوات كتير اتخدت من ايام ثورة19لحد اواخر الستينات ماذا لو كانت هذا الخطوات تم استكمالها على مدى الاربعين السنة اللى فاتوا بدل الانتكاسة اللى حصلت وتقريبا وصلنا لمرحلة ماقبل ثورة19 ومش بعيد بعد كام سنة لمرحلة ما قبل قاسم امين ومين عارف يمكن شوية كمان وكل واحد فين يقعد ومعاة اربعة من الزوجات و200من الجوارى

[sammerasker]

أنا مش مختلف معاك أبدا في أن في غزو , أنا بس بقول أنه مش أصل المشكلة لوحده , أنا شايفه عامل مساعد ...Catalyst
عارف فكر الأخوان و خلينا نكمل النقطة دي في موضوعك التاني بتاع حسن البنا ...إديني بس (ممكن أكون مشغول فردودي هتتأخر )

متفق معاك لكن كان فى خطوات كتير اتخدت من ايام ثورة19لحد اواخر الستينات ماذا لو كانت هذا الخطوات تم استكمالها على مدى الاربعين السنة اللى فاتوا بدل الانتكاسة اللى حصلت وتقريبا وصلنا لمرحلة ماقبل ثورة19 ومش بعيد بعد كام سنة لمرحلة ما قبل قاسم امين ومين عارف يمكن شوية كمان وكل واحد فين يقعد ومعاة اربعة من الزوجات و200من الجوارى

ممكن ...
بس أنا فاكر أنت اللي فلت (على ما أظن يمن متكونش أنت ) أن الشغل دلوقتي محتاج يكون على الشارع

العالمنيين سواء كانوا ليبراليين او يساريين ينسوا حكاية الاحزاب والانتخابات لانها مضيعة للوقت ينزلوا يشتغلوا على الشارع على عقول وقلوب وجيوب الناس بمحاولة حل مشاكلهم اليومية.
حتى ممكن استخدام اساليب الاسلامجية فى التجنيد لان اكيد كتير منكم تعرض لاساليبهم دى فى الجامعة
واحد يصاحبك، يلا بينا رحلة، ما تيجى نصلى، عندنا افطار النهاردة تعالا افطار معانا، ما تيجى نحفظ قران، عندنا معسكر، هوب بقيت فى مجموعه واتصنفت ابتدائى هوب المجموعة بقيت اسرة ومبروك بقيت اخ عامل وعقبال ما تبقى نقيب ان شاء الله.

قبل محاربة تيار بعينه ثقف اشعب , إحنا عندنا تصور أن الناس هترفض الثقافة و الحقيقة ان أكيد هيحصل مقاومة في الأول عشان الجناعات كلها بلا إستثناء هتحس بالخطر فهتحاربك و لكن مع الوقت الناس من نفسها فترفضهم و ترفض خزعبلاتهم , مينفعش في رأيي نفترض أن إقصاء طرف من الساحة هيحل مشلكة ...لأن هيخترعوا واحد تاني ( أو هيخترع نفسه ) عشان يقوم بنفس الدور ...يمكن دي النقطة الوحيد اللي يمكن بتفق فيها مع "عمرو" , انا شايف ان السلفية الحالية ( أهل السنة و الجماعة ) أخطر بكثير على الأقل الإخوان أنت عارف و كل الناس عارفة ان أهدافه سياسية و الحكومة كده كده على عداء معاهم ...الأخطر اللي ممكن يتحالف ضدك و ضد الأخوان.

[Moomen Sallam]

ايوة انا اللى قلت ومازلت بقول ويمكن كلنا بنتفق على الموضوع دة بس ممكن اكون بمختلف معاكم فى طريقة التعامل مع تنظيمات الاسلامجية واللى كلها تنظيمات سرية بالمناسبة واللى بتشوفهم على السطح غير اللى بيحركوا الامور من وراء الستار ودى مينطبقش على الاخوان بس وكمان على السلفيين يعنى حسان والحوينى ويعقوب والمصرى كل دى صور وابواق دعاية البهاريز كلها والعقول المدبر واللى بتدير الامور هناك فى اسكندرية فى الظل وهم الاباء المؤسسين للوهابية الجديدة وهم بالفعل اخطر على المجتمع من الاخوان.
انا باصص للموضوع على انة حريقة فى البيت المصرى وتعامل رجال المطافى مع النار مش بيكون باطفائها بس لكن الاول بيحاصرها عشان متنتشرش والهدف التانى بيكون اطفائها
وعشان كدة التيارات دى لازم تتحاصر عشان النار متمسكش فيما تبقى من البيت المصرى بالتوازى مع جهود الاطفاء
وانا وانت عارفين ان التنافس مع هذه التنظيمات هو تنافس غير شريف بالمرة من هذه التنظيمات
هل حضرتك تقدر تطلع تخطب الجمعة وتقول للناس افكارك؟
هل احنا نقدر يكون لنا مساجد ننشر منها افكارنا فى كل حارة وكل شارع؟
هل عندك تمويل دولى سواء من افراد او حكومات يخليك تقدر تأكل الناس وتشربها وتلبسها؟
هل عندك خزاين مفتوحة تخليك تطبع كتب ونشرات وتوزعها ببلاش او بسعر التكلفة على الناس؟
هل عندك رجال اعمال يعملولك فضائيات تنشر منها فكرك ليل ونهار وتغسل بيها دماغ الناس؟
اذا كان هو بيستخدم سلطة المال لفرض فكرة اية المشكلة لما تستخدم سلطة السياسة فى مواجهتة؟

[sammerasker]

ايوة انا اللى قلت ومازلت بقول ويمكن كلنا بنتفق على الموضوع دة بس ممكن اكون بمختلف معاكم فى طريقة التعامل مع تنظيمات الاسلامجية واللى كلها تنظيمات سرية بالمناسبة واللى بتشوفهم على السطح غير اللى بيحركوا الامور من وراء الستار ودى مينطبقش على الاخوان بس وكمان على السلفيين يعنى حسان والحوينى ويعقوب والمصرى كل دى صور وابواق دعاية البهاريز كلها والعقول المدبر واللى بتدير الامور هناك فى اسكندرية فى الظل وهم الاباء المؤسسين للوهابية الجديدة وهم بالفعل اخطر على المجتمع من الاخوان.

لا خالص , إحنا مش مختلفين حتى في دي ...طبعا كله ستار , بل ده ستار و وراه ستار و وراه ستار , حتى اللي في الأسكندرية برده عرائس ماريونيت زي ما بيحركو عرائس هما كما في اللي بيحركهم.(مع الإعتذار لبينوكيو ) .

انا باصص للموضوع على انة حريقة فى البيت المصرى وتعامل رجال المطافى مع النار مش بيكون باطفائها بس لكن الاول بيحاصرها عشان متنتشرش والهدف التانى بيكون اطفائها
وعشان كدة التيارات دى لازم تتحاصر عشان النار متمسكش فيما تبقى من البيت المصرى بالتوازى مع جهود الاطفاء
وانا وانت عارفين ان التنافس مع هذه التنظيمات هو تنافس غير شريف بالمرة من هذه التنظيمات
هل حضرتك تقدر تطلع تخطب الجمعة وتقول للناس افكارك؟
هل احنا نقدر يكون لنا مساجد ننشر منها افكارنا فى كل حارة وكل شارع؟
هل عندك تمويل دولى سواء من افراد او حكومات يخليك تقدر تأكل الناس وتشربها وتلبسها؟
هل عندك خزاين مفتوحة تخليك تطبع كتب ونشرات وتوزعها ببلاش او بسعر التكلفة على الناس؟
هل عندك رجال اعمال يعملولك فضائيات تنشر منها فكرك ليل ونهار وتغسل بيها دماغ الناس؟
اذا كان هو بيستخدم سلطة المال لفرض فكرة اية المشكلة لما تستخدم سلطة السياسة فى مواجهتة؟

كلامك سليم, و صح 100%

بس أنا دائما ببص للحل مع المشكلة...مين اللي هيحاصر ؟
أنا بصراحة أظن انهم بالفعل عقدوا صفقات تخلي حصارهم صعب و فعلا توغلوا مش بس في المجتمع بل في المؤسسات الدينية فمين هيحاصر؟
أنا مش معترض على كلامك بقدر ما انا بفكرك معاك .

[Moomen Sallam]

جميل خلينا نكمل تفكير مع بعض
اولا احب اقول عشان الامر ميختلطش على البعض انا لا اطالب باعتقالات او تعذيب او اى نتهاك لحقوق الانسان زى ما حصل ايام عبد الناصر انا اقصد بالحصار تطبيق القانون فى المقام الاول ونزع الاسلحة غير المشروعة من ايد الاسلامجية وفى خطوات محددة
1- انهاء سيطرتهم على المساجد
2-منع القنوات الدينية فقط السماح بقناتين قناة تابعة للازهر رسمية مش كدة وكدة وقناة تابعة للكنيسة
3-تطبيق قانون منع استخدام الشعارات الدينية فى الانتخابات او استخدام المساجد للترويج السياسى وطبعا دة يتطلب الغاء المادة الثانية من الدستور عشان القضاة اللى بيحكموا فى كثير من القضايا السياسية بناء عليها
4-منع اشتغال الجمعيات الخيرية بالسياسة واغلاق اى جمعية يثبت ترويجها لاى شعارات سياسية
هى دى الاسلحة الرئيسية للاسلامجية وهى كلها اسلحة غير مشروعة بالمعايير السياسية رغم عد اخلاقية الممارسة السياسية فى الاساس الا ان هناك حد ادنى من اللاخلاقية اتفق عليها رجال السياسة وهى عدم استخدام الدين كوسيلة للدعاية او استغلال العمل الخيرى
دى وسائل الحصار
اما وسائل الاطفاء فهى اطلاق الحرية للتيارات الفكرية والسياسية لمواجهة الفكر المتطرف للاسلامجية وعدم تهديدهم بدعاوى الحسبة والتى قد تصل الى حد الحجز على عفش البيت لتسديد الغرامات للبدرى ابو بدار او وحش الشاشة المحامى (معلش مضطر اللعب فى الاسامى عشان ميرفعوش علية قضية ههههه)

[sammerasker]

1- انهاء سيطرتهم على المساجد

معاك و لكن بعد توغلهم حتى في الأزهر , مين هيصلي بالناس...دي مشكلة حقيقية .
فعلا مم حصار مقرهم الرئيسي و لكن كيف , مش هيحصل ده غير أمنيا و ده لو حصل هتلاقي وجههم القبيح بدأ يظهر تناني فبعد ماكانوا وقعوا و اقروا عهود أمان لما كان معتقلين في قضايا الإرهاب هيفكوا عهودهم ( المفكوكة أصلا) و هنرجع لعصر التفجير...
أحيانا بحس ان حتى الخيار ده مش وحش , خلي الناس تشوف وجههم الحقيقي .

-منع القنوات الدينية فقط السماح بقناتين قناة تابعة للازهر رسمية مش كدة وكدة وقناة تابعة للكنيسة

معاك و تنفيذه سهل لو الحكومة عايزة .بس لازم ييجي مع خطوات تانية متزامنة زي وقف مواقعهم على النت الصادرة من مصر...بس بسأل نفسي مش ده إخلال بمفهوم حرية التعبير ,
بعدين برجع و أقول لأ مش إخلال ده تنظيم و ممكن بالعكس بعد فترة يسكح بأنهم يعملوا قنوات تكون تحت رقابة مشددة ...بس برده أسألك ما عادي هيبثوا على أقمار تانية ومن دول ثانية و البشر المغسول دماغها هتجري وراهم و هيحولوها برده لحرب على الدولة كلها

3-تطبيق قانون منع استخدام الشعارات الدينية فى الانتخابات او استخدام المساجد للترويج السياسى وطبعا دة يتطلب الغاء المادة الثانية من الدستور عشان القضاة اللى بيحكموا فى كثير من القضايا السياسية بناء عليها

مفتكرش دي مشكلة كبيرة , في الأصل الحكومة بتسيب بس اللي هيا عارفة انها سايباه و في ظل قانون الطواريء أو حتى قانون الإرهاب الجديد وجود المادتين مش مهم اصلا ....بس إحنا عايزين نوقف العمل بالقانون ده و لا هنمدده تاني , و تالت...

4-منع اشتغال الجمعيات الخيرية بالسياسة واغلاق اى جمعية يثبت ترويجها لاى شعارات سياسية

تمام
خليني أضيف نقطة أهم
5-الرقابة المالية الشديدة و المتعسفة على كافة الجمعيات الأهلية و مؤسسات المجتمع المديني ذات الطابع الديني أو من يشتبه بهم في ذلك و تجميد الأرصدة الحالية لجميعها و مراجعة حسابتها بدقة....
شيل الفلوس و إقطعها عنهم عشان تعرف تتعامل معاهم .


بالنسبة لأبوبدار و وحش الشاشة هم و أمثالهم مش بس دلاديل جماعات الأسوء أنهم كمان كلاب سلطة ( مع إعتذاري عن اللفظ بس هوه ده الوحيد الصالح لوصفهم )

[Moomen Sallam]

العزيز سامر اعتذر عن التأخر فى الرد
1- بالنسبة لمشكلة ائمة الجوامع فهى ذات شقين الكم والكيف
من ناحية الكم فدى مشكلة اللى عاملها الحكومة لانها سايبة كل من هب ودب يبى زاوية تحت بير اى سلم وهى من الناحية الفقهية حتى لا تصلح مكان للصلاة فمابلك صلاة الجمعة لكن طبعا الاسلامجية بيتغاضوا عن الامور الفقهية دى فالسياسة اولا. فاذا تم اغلاق كل هذه الحجيرات المسماة مساجد فى صلاة الجمعة فيمكن عدد الخطباء اللى حتحتاجهم ممكن يقل لاقل من النصف يعنى انت بص فى المنطقة اللى حواليك وشوف كام جامع ينطبق علية المواصفات الفقهية لمسجد الجمعة حتلاقى واحد او اتنين.
اما الكيف وهو غزو الفكر الوهابى لشيوخ الازهر فمتنساش يا عزيزى اننا كمصريين بنخاف على لقمة عيشنا ولما الخطيب يلاقى نفسة متحول تحقيق ولا متحول لعمل إدارى اكيد حيلتزم بسياسة الوزارة وفى كمان حل الخطبة الموحدة ممكن يكون فعال وهو مطبق فى كل دول الخليج.
2- بالنسبة للانترنت فانا عندى عليها ملحوظة ان الانترنت تعتمد فى معظمها على القرأة وبالتالى فهى فى مجتمع مثل مجتمعنا تسودة الامية التعليمية والثقافية فان تاثير الانترنت فى هذا الجانب ضعيف وربما هذا ما يفسر سر ارتفاع عدد المتصفحين لمواقع البورنو فى بلادنا الامية
كما ان لى حساسية خاصة من سياسة حجب المواقع بسبب تجربتى فى هذه البلاد حيث يتم حجب فى مقابل كل موقع بورنو عشر مواقع ثقافية وسياسية وفى بعض الاحيان بدون اى منطق وعشان اضحكك اسمع دى
فى الويكيبديا لو كتبت Vagina حتلاقى بلوك
لكن لو كتب Penis الصفحة مفتوحة

[sammerasker]

عزيزي مؤمن أعذرني أنت أيضا فقد شغلت قليلا لدرجة أنني أحاول كتابة موضوع منذ عدة أيام و لا يسعفني الوقت ...

بالنسبة لنقطة الكم و الكيف و نقطة النت فأرى الثلاثة مرتبطين ببعض.
فالكم ...كم خريجي الأزهر من أئمة يصلحون لإعتلاء منبر كم غير موجود عمليا و كثيف نظريا فقط . فكل هؤلاء الخريجين ينقصهم الكثير ليصبحوا "علماء" دين , و سمعت منذ أيام وزير الأوقاف يتحدث حول جزء من هذا الموضوع فيقول ( بنحاول ندي للجدد دورات تدريبية قبل تعينهم ).
طيب بالله عليك كيف؟ كيف يكون خريج أزهر قسم شريعو و فقه مثلا و يحتاج لدورة لكي يصبح مؤهل ؟ في ماذا يؤهل الأزهر إذا ؟
في نفس الوقت اللذي يسمح فيه الأزهر ذاتته لمراكز في مساجد بعينها بإعطاء دورات لغير خريجين الأزهر أصلا يحصلون في نهايتها على شهادة تجعل من حقهم إعتلاء المنبر ؟ كيف؟
المنطق بكل صراحة في مؤسسة الأزهر منعدم و يحتاج لإعادة تنظيم كبرى .
الإرتباط هنا في أولئك الذين تخلا عنهم الأزهر و أعتبرهم "ناقصي" تأهيل و سعيهم للحصول على ذلك التأهيل حتى و لو خارج الأزهر و هنا يأتي دور النت الذي حتى و إن لم يكن متشرا في أوساط بعينها ( أشك ) فهو متاح للجميع على الأقل بجنيه الساعة ...و منه يدخل هؤلاء لمنتديات و صفحات الأصولية للحصول على ما يلزمهم من كتب قد تندر أو غلى ثمنها أو حتى يريدون فقط قراءتها لإعداد بحث ما , فعلى ماذا يحصلون ؟
يحصلون على الكتب مع شرح أصولي "فوق البيعة" من "علماء" التلفزيون المشاهير وأئمة مقاطع ال ريل ميديا و الأم بي ثري , أشخاص "صنعوا " مكانتهم الوهمية عن طريق الإغراق الكمي...
هنا يتحول جزء غير هين من خريجي الأزهر لأصوليين أخطر من الأصوليين الأصليين , لأن هؤلاء مؤهلين بجكم دراستهم في الأزهر للدخول في قياداته أو على أقل تقدير التأثير عليه ...و الكيان الأصولي المدعو ب"جبهة علماء الأزهر" ليس منا ببعيد .

هذا بخلاف الصدام الأصلي بين الأزهر كمؤسسة حاليا أشعرية و الأصولية والنظر للتكوين الديني الإنتمائي لهؤلاء أيضا هام .
فالأزهر لم يكن دوما أشعريا و لكن جائت الفترة ( وهو موضوع قد أكتبه يوما ) التتي تحول فيهاهو باقي الأغلبية المسلمة في العالم الإسلامي للأشعرية فحتى القرضاوي ( الإخواني التوجه ) أشعري و هاجم متقدي أشعرية الأزهر في أكثر من موقع و حدث , لكن لا يمكن أن ان ننسى أيضا التأثير الصوفي أحيانا .
فقدا جاءت العصور اللتي كان يقول فيها الاشاعرة ما يقوله السلفية الوهابية الآن (حرفيا ) من أنهم مذهب السلف و ان الصحابة كانوا أشاعرة و انهم الفرقة الناجية...الخ ذلك مما أعتبره شخصيا هراء (من الأثنين ) .
بالتالي يا صديقي ما يحدث الآن هو عملية تحول خطيرة بالفعل تحول في المؤسسة القيادية الدينية في مصر من الأشعرية إلى السلفية الوهابية الأصولية ( وهذا النوع من التحول من تيار لآخر ليس الأول من نوعه في أروقة الأزهر ) , هذا الصراع هو ما ينتج خريجين لا يعرفون إلى ماذا ينتسبون ؟ وهي كارثة ...
كارثة لأن ذلك تحول من أن المسلم ينتسب في الأصل لدينه و كفى إلى الإنتساب إلى تيارات بعينها في إطار تعتيم متعمد من أصحاب تلك التيارات عن هدفها السياسي الغير متصل بالدين أصلا .