امن مصر ليس امن المسلمين

[Neferteeti]

كريستينا عبدالمسيح متنصرة ومخطوفة فى السجون المصرية

كده النتيجه بقت كام يا فانسي؟

*****************

عزيزي راسبو

وبدل مانشوف مظاهرات كبيرة لصدور قانون دور العبادة الموحد بأ كل اهتمام الأقباط اليوم
ياترى هنرجع ماريان وكريستين إزاى ؟!

يبقي انت مش متابع القضيه كويس
فيه مظاهرات عشان الحقوق القبطيه اللى بتتكلم عنها فعلا اتعملت. فيه عمل جاد للسعى من اجل الحقوق دي فعلا. يمكن جهود مش منظمه بالشكل اللي الواحد يتمناه لكن فيه جهود.

و على فكره موضوع ماريان و كريستين مكانش قضيه كبيره في حد ذاته. القضيه الكبيره و المصيبه اللي المفروض كل مصري يعترض عليها هى تواطؤ اجهزة الدوله في اختفاء قاصرات و تغيير اوراقهن الرسميه و تزويجهن و ده ضد القانون.

تانى شىء كيف يثق قطاع عريض من الناس فى الكنيسة بعد اليوم وهى تنادى بالحرية الدينية
ثم هى أول من لايحترمها ؟

الناس مش مطالبه باحترام الكنيسه او الثقه بها. اللي بنطالب بيه هو احترام الفرد المسيحي المصري كمواطن مصري

وكيف يثق قطاع عريض فى أقباط المهجر وكل ماسمعه من إدانة "لغسيل المخ المغسول"
هو تنويعة على لاتعايرنى ولا أعايرك وزى ماضربتونا فى النزلة هناخد بناتنا ومحدش ليه حاجة عندنا

يعنى يا راسبو انت عايز تفهمنى ان حد كان بيثق في اقباط المهجر اساسا؟؟ مين هم اقباط المهجر دول اصلا انا نفسي افهم اصلا؟؟

ما علينا.

انا اللي ذكرت موضوع النزله مش حد تانى. انا الفرد نفرتيتي فقط. و ما قلتش كده عشان قصدي واحده بواحده ... قلت كده عشان اوضح مدي ازدواجية المجتمع اللي احنا عايشين فيه. عشان اقول لك ان المجتمع ده مش من حقه يدين تصرف هو قام بأبشع منه

على حد علمى الأمن لم يتدخل فى قضية منتصر الجوهرى أو محمد حجازى ويجبرهم على تغيير ديانتهم بالقوة ؟!
والأزهر لم يكن شريكا يوما فى ذلك

الأمن لم يتدخل و الأزهر لم يتدخل في موضوع حجازي و الجوهري
لكن الي الآن ولا حد فيهم يقدر يثبت في اوراقه الرسميه انه مسيحي

عموما مش ده قصدي anyway
انا قصدي وضحته بحديثي عن موضوع النزله.

ثانيا : إن كان زيادة التحفز ضد طائفة من طوائف المجتمع أمر غير مهم فأنا لا أدرى ماهو المهم حقا

لا انا ماقلتش انه مش مهم
انا بس باقول انه مش هيفرق كتير في موضوعنا
ماهو على رأى المثل ضربوا الاعور على عينه.. قال: خسرانه خسرانه

و بعدين يعنى المفروض نمشي على قشر بيض عشان ما نحفزش الأخوة المسلمين مثلا؟؟ ليه محدش كان بيحاول يمنع الأحداث اللي أدت لتحفز الأقباط من اساسه؟؟

يعرفوا إنهم لو لعبوا ماتشات الدورى كله لن يتغير جديد

مش فاهمه يار اسبو!!

********

عزيزي فانسي

مقصدتش بالامن ( جهاز الامن ) , لكن مفهوم الناس لما يسمى بالامن القومي

اوكي انا فاهمه قصدك بس ده مايمنعش ان اجهزة الدوله كلها و كل القائمين على تنفيذ القانون خذلوا الأقباط في اكثر من حادثه

[Fancyhoney]

توثيقاً لما قيل بواسطة Neferteeti

كده النتيجه بقت كام يا فانسي؟

هوه مدام مختطفة ف السجون المصرية يبقى لسه الكورة ف الملعب
لو عرفنا نجيبها حيبقى الجون
و زي بتوع السلة
رمية ثلاااااااااثية كمان

ده مايمنعش ان اجهزة الدوله كلها و كل القائمين على تنفيذ القانون خذلوا الأقباط في اكثر من حادثه

هوه انا مش مصدق ان فيه اجهزة للدولة
يعني العسكري المسكين اللي نايم قدام الكنيسة ده = جهاز الامن اللي بيحمي الكنيسة ؟
ده مجرد مخبر عشان لو الكنيسة دخلت رمل ولا زلط يبلغ ع طول غير كدة دول اول ناس بترمي السلاح
فانتي بتتكلمي ان جهاز الامن لازم يحمي ؟
ده لو وقت العركة يفضل مكانه يبقى كتر خيره


ف احد نوبات عملي , تهجم الناس علي المدير , فطلبا الامن
حضر سيادة الرائد
دخل الاوضة اللي حابسين فيها المدير
ثم خرج يجري و هو يسب و يلعن

بعده خرج احد زملائنا المحبوسين مع المدير مفتوح الرأس
و لم يقترب اي ( جهاز امني ) طيلة نصف ساعة , لغاية ما زهق ( البلطجية الخمسة ) م الوقفة فقرروا الخروج من عند المدير
طلع ان البوكس كان مستنيهم برة , و خدهم و هما طالعين !
متشكرين يا عم الامن


جهاز الامن عندنا بيقبض ع الحرامي فقط لما يبلغ عنه الحرامي صاحبه بعد ما ياخد علقة سخنة
طب انا اتحدى ان يكون فيه قضية فيكي يا مصر اتعرف الجاني فيها عن طريق البصمات
هوه بس فيش و تشبيه و شوية ورق كل ما حد يروح يعمل حاجة يطلبوها منه عشان الكام لحلوح اللي بيدخلوا ( خزينة جهاز الامن )


ده يوم لما رجعوا ولد لعيلته - حصل من كام شهر - لان الخاطف الاهبل كان بيتكلم من خط الولد , عملوا برامج ع التلفزيون يحسسك انه الطريق الي ايلات
يعني يعتبر بالنسبة لهم اعجاز فزيع انهم اخيرا منعوا حاجة قبل وقوعها

و اؤكد لسيادتك
ان اصدقائي الحشاشين , بيشتروا الحشيش ف عز الازمة من الامن شخصيا
اخبرني بهذا احدهم قبل ان نضرب السيجارة سويا

بهزر ف النص التاني لكن فعلا صديقي بيشتري الجشيش من عسكري ف مكافحة المخدرات

[Neferteeti]

الفتنة مستيقظة.. لعن الله من نيمها

نوارة نجم

كل شيء في مصر يتحول لمسرحية هزلية، حتي تلك الأزمة الطائفية التي يبدو، والله أعلم، أنها لن تمر علي خير، اللهم إلا إذا قام النظام الذي أشعلها بإطفائها كما يفعل كل مرة.

الكوميديا السوداء تتجلي في اشتعال الكنيسة بالتظاهرات لأن كاميليا أسلمت، وما أن تسلمت الكنيسة كاميليا حتي هدأ كل شيء، بل إن الكنيسة، التي كانت تؤكد إسلام كاميليا، وجدناها تقول: هو كل واحدة تطفش تبقي أسلمت؟

الله؟ هذه هي الجملة التي كان يقولها المسلمون وقت اختفاء كاميليا حين كان يتظاهر المسيحيون لعودتها، وحتي بالأمارة كانوا يقولون: ما تشوفوا ستاتكم بتطفش ليه؟ لكن بمجرد عودة كاميليا تظاهر المسلمون في المساجد لعودة كاميليا، هذه المرة للمسجد وليس للكنيسة.

انتشرت الفيديوهات الحماسية علي اليوتيوب التي تتعهد بنصرة دين الله - أيا كان دين الله المقصود في الفيديو مسلما أو مسيحيا. فجأة شعرت أنني في أجواء مباراة الجزائر، وأن كاميليا هي حسن شحاتة، وأن نجيب جبرائيل هو فردوس عبد الحميد، وأن المسلمين محتجون علي أن الحكم لم يحسب الهدف النظيف الذي أحرزوه في المسيحيين، بينما المسيحيون يؤكدون أن المسلمون لطالما فازوا في المباريات برشوة الحكم.

الطرفان يشعران بالظلم، المسلمون يقولون إن الكنيسة أكلت البلد، وفجأة أصبح اسم السادات يتردد كثيرا في مظاهراتهم «السادات قالها ومات» - ما هو المرحوم اسمه لا يغيب أبدا عن هذه المناسبات السعيدة، رحمه الله، ترك صدقات جارية كثيرة نحتاس فيها حتي الآن - وتساءل المتظاهرون عن «مصدر السلاح» الموجود في الكنيسة! وإنني في غاية العجب، لما لم يتساءلوا عن الأسود في البدروم؟ وعن القس الذي يبصق في عجين القربان؟ وعن الأعمال والسحر التي يلقيها القساوسة علي عتب المسلمين وكل أساطير الموروث الشعبي المروية في الأروقة؟.

المسيحيون يشعرون أنهم مظلومون، وأن المسلمين طمعانين في بناتهم، وهم غير مهتمين بأي مظهر من مظاهر التمييز ولا يأبهون حقا للمواطنة، كل ما يهمهم أن تبقي الحريم في البيت، صعايدة بقي.

انقلب المشهد، فأصبح المسلمون يعترضون علي التمييز بنفس الطريقة المسيحية المعهودة: التظاهر في دور العبادة، وأصبح المسيحيون يتجاهلون المسلمين، و"يغلسون" عليهم، تماما كما كان يفعل المسلمون. مما يؤكد أننا شعب واحد، لا فضل لمسلم علي مسيحي ولا لمسيحي علي مسلم إلا بعدد الحريم الطفشانة.

أما الحقيقة التي يجب ألا تخفي علي أحد، أن الطرفين سعداء: المسلمون في قمة السعادة أنهم هذه المرة هم المجني عليهم. المسيحيون يحلقون في السماء من السعادة أنهم أخيرا هم الذين يمارسون القهر والقمع. ربنا يفرح قلوبكم يا ولاد، وتولع البلد.

قام بعض المسترزقين - الذين لم تذكر أسماءهم، وإن كان قلبي دليلي، وقد زغزغني علي بعض المعروفين بالشره في الاسترزاق - بإرسال خطاب لأوباما متمنين له النجاح، وملتمسين منه التدخل لإنقاذ كاميليا و"إعطاء العرب والمسلمين درسا في الديمقراطية"! طب بتسترزقوا.. بتشتمونا ليه؟

هذا، ويذكر أن أمن الدولة الذي سلم كاميليا شحاتة للكنيسة، هو ذاته الجهة التي تفتح المساجد للمتظاهرين ضد تسليم كاميليا. عسل يا مصر عسل