|
|
| #1  20th March 2010, 02:08 AM | ||||
| ||||
| غواية شيطانية وراء اغتصاب الأطفال بالكنائس غواية شيطانية وراء اغتصاب الأطفال بالكنائس  أمورث قال إنه نفّذ 70 ألف عملية طرد أرواح روما، إيطاليا (CNN) -- اعتبر الراهب غابريال أمورث، أن فضائح الاعتداء على أطفال التي انتشرت في الكثير من المؤسسات الدينية المسيحية مؤخراً ناجمة عن "إغواء شيطاني" تعرض له رجال الدين الذين تورطوا فيها، مشيراً إلى أن الشيطان يحاول اختراق الفاتيكان وإغواء الذين يعملون فيه. وتابع أمورث، الذي يرأس هيئة طرد الأرواح والشياطين في الكنيسة الكاثوليكية بروما، والذي يقول إنه أجرى أكثر من 70 ألف عملية طرد لأرواح شريرة تلبست بأشخاص حول العالم، أن الشيطان يمكن أن يتلبس رجال الدين، ولكنه أضاف، في حديث لـCNN، أن ذلك لا ينعكس بالضرورة بصورة اغتصاب أطفال. وتابع أمورث قائلاً: "الشيطان يغوي الجميع، رجال السياسية والاقتصاد والرياضة، وبالطبع يحاول إغواء القيادات الروحية والدينية، لذلك فعلينا ألا نشعر بالدهشة إن حاول التسلل نحو أولئك العاملين في الفاتيكان لأن هذا هو دوره." ورفض أمورث، 85 عاماً، التشكيك في فرضية استحواذ الشيطان على الناس قائلا: "هذه ليست وجهة نظر شخصية.. إذا كنت تؤمن بالإنجيل فلا بد أن تعتقد بأن الشيطان موجود وقادر على تلبّس الناس.. هناك من يتلبسهم الشيطان والأرواح الشريرة ونطردهم بطقوس خاصة." ولكن أمورث دعا إلى التفريق بين الاستحواذ، وهو سيطرة الشيطان على عقل وجسد شخص ما، وبين الإغواء المتمثل في دفع الناس لارتكاب أعمال شريرة. وأكد الراهب المسيحي أنه يعتبر الانحرافات الجنسية التي تتمثل في اغتصاب الأطفال والتحرش بهم، كما في الفضائح التي ظهرت بمؤسسات كنسية في ألمانيا وهولندا والنمسا، ناجمة عن حالات تلبّس، بل عن إغواء شيطاني، نافياً أن يكون قد حاول خلال حياته معالجة المنحرفين جنسياً بأسلوب طرد الشياطين." ولكنه أضاف: "لقد أديت في السابق عمليات طرد شياطين وأرواح شريرة من رهبان عانوا جراء عمليات تحرش.. ولكني لم أفعل ذلك للذين يشتهون الأطفال لأن ذلك ليس مساً من الشيطان بل غواية." دون كشف المزيد من التفاصيل. وحض أمورث الرهبان الذين يقومون بهذه الممارسات على "العودة إلى الله وأداء الاعتراف الكنسي لنيل الغفران." يذكر أن الفاتيكان كان قد شهد الأسبوع الماضي اجتماعاً بين البابا بندكت السادس عشر ورئيس الأساقفة الألمان، المونسنيور روبرت زوليتش، الذي قال إن مجمع العقيدة والإيمان الفاتيكاني "يعيد النظر في جميع المبادرات التي اتخذتها مختلف المجالس الأسقفية في قضية الاعتداءات الجنسية،" على الأطفال. وتركز اللقاء بالدرجة الأولى على فضيحة استغلال الأطفال جنسيا والتي ضربت رجال الدين الألمان، وذكرت مصادر الفاتيكان الإعلامية الرسمية أن البابا "استمع بتركيز وحزن" إلى التقارير الواردة حول حالات الاعتداء التي فاقت مائة حال CNNArabic.com - طارد أرواح: غواية شيطانية وراء اغتصاب الأطفال بالكنائس روابط ذات علاقة فضيحة الاعتداءات الجنسية بالمعاهد اليسوعية الألمانية تتفاعل http://arabic.cnn.com/2010/entertain...dal/index.html فضيحة شبكة فساد و"شذوذ جنسي" تهز أركان الفاتيكان http://arabic.cnn.com/2010/entertain...gay/index.html البابا يستمع "بحزن" لفضائح الاعتداء على أطفال بكنائس أوروبا http://arabic.cnn.com/2010/entertain...dal/index.html http://arabic.cnn.com/2010/entertain...ses/index.html حُرّر بواسطة sadek : 20th March 2010 في الساعة 02:14 AM   |
| #2 20th March 2010, 08:03 AM | ||||
| ||||
| في السعودية هناك كبت جنسي يخرجونه احيانا على الغلمان وفي الفاتيكان والكنائس كبت ايضا يخرجونه على الغلمان ياشماتة العلمانيين فينا  __________________ ان الحكومات تبحث عن الاشياء التي تفرقنا ولا تجمعنا |
| #3 20th March 2010, 08:27 AM | ||||
| ||||
| إقتباس:
 للاسف يا عزيزي الموضوع مش مجرد كبت جنسي. الأعتداء الجنسي على الأطفال( مرض ) ممكن يكون موجود في المسيحي و المسلم و الملحد و اليهودي ... الخ. و مش قاصر على رجال الدين. بل للاسف منتشر بين العديد من اعضاء المهن المخحتلفه: التدريس و القضاء و المحاماه و الطب و الرياضه و الفن كمثال انا كتبت مرض بين قوسين علشان مش عارفه اسميه ايه بجد. هل هو خلل نفسي؟؟ مرض؟؟ هو شئ مقزز مقرف اللي بيعمله مجرد من الأنسانيه. بالرغم من معارضتى الشديده للاعدام الا انى اجد نفسي مع الأعدام للمعتدين على الأطفال لأن هؤلاء لا يمكن اعادة تأهيلهم. __________________ There may be times when we are powerless to prevent injustice, but there must never be a time when we fail to protest |
| المواطنين الذين شكروا Neferteeti على هذه المداخلة: | ||
احمديدو (20th March 2010) | ||
| #4 20th March 2010, 05:39 PM | ||||
| ||||
| إقتباس:
__________________ ---------------------------- الأفظع من الوحدة هو تسولها ---------------------------- |
| #5 21st March 2010, 01:01 AM | ||||
| ||||
| إقتباس:
ايه اللي بيحصل في تكوين البني آدم عشان يخليه يتصرف كده؟ عندنا في مجتمعاتنا الشرقيه بنريح دماغنا و نجيب حلول convenient للحاجات اللي مابنفهمهاش. خصوصا لما بتتعلق بالجنس. المثليين نقول اكيد حد اعتدي عليهم و هم صغيرين. مع ان مش كل المثليين تم الأعتداء عليهم و هم صغيرين و مش كل شخص كان ضحية اعتداء جنسي و هو طفل بيكبر و يبقي مثلي البيدوفايل نقول كبت جنسي. مع ان معظم البيدوفايل بيكونوا متزوجين or have access to sexual relationships with adults مش عارفه ليه بنلجأ لتبسيط و تسطيح المساءل بالطريقه دي. خصوصا كارثه زى البيدوفيليا المفروض نكرس جهود جباره لدراستها و فهمها علشان نعرف نحمى الأطفال منها ملحوظه... لتوضيح: ماقصدتش ان للمثليه الجنسيه اى علاقه بالبيدوفيليا ولا ان المثليه الجنسيه تتساوي مع البيدوفيليا. __________________ There may be times when we are powerless to prevent injustice, but there must never be a time when we fail to protest |
| المواطنين الذين شكروا Neferteeti على هذه المداخلة: | ||
احمديدو (21st March 2010) | ||
| #6 22nd March 2010, 11:13 AM | ||||||
| ||||||
| إقتباس:
إقتباس:
إقتباس:
إقتباس:
و انا مازلت مصمم على التوضيح بأن المشكلة دي ظهرت في بعض رجال الدين المسيحي و ليس رجال اي دين اخر .. إقتباس:
و انا معاكي ان الاعدام هو اللي يستحقه اللي زي دول إقتباس:
ومعتقدش ان ربنا هيعاقبهم على مرض عندهم .. اكيد هما السبب في اللي عندهم ده انا شايف انه ممكن يكون بعد عن تعاليم الاديان ده بالنسبة للعامة اما بالنسبة لرجال الدين المسيحي فأنا مش لاقيلها تفسير بصراحة ..! __________________ لا تسألوا الأيام عن ماض ذهب - فالأمس ولى والبقاء لمن غلب ولتنظروا ماذا يراد لأرضنا - صارت كغانية تضاجع من رغب حتى رعاع الأرض فوق ترابنا - والكل في صمت تواطأ..أو شجب |
| #7 22nd March 2010, 05:30 PM | ||||
| ||||
| إقتباس:
عدد رجال الكنيسه الكاثوليكيه في الولايات المتحده المتهمين بالأعتداء الجنسي على اطفال في خلال 50 عام من سنه 1950 الي 2002 هو 4392 المرجع في سنه واحده فقط وصل عدد المحكوم عليهم بالسجن بتهمة الأعتداء الجنسي على الأطفال في الولايات المتحده الي 9700، و في ما يقرب من نصفهم كان الضحيه ابن او بنت المجرم. المصدر إقتباس:
كونهم رجال دين ده مش بيرفعهم درجه عن عامة الشعب!!! إقتباس:
إقتباس:
__________________ There may be times when we are powerless to prevent injustice, but there must never be a time when we fail to protest |
| #8 22nd March 2010, 10:04 PM | ||||
| ||||
| إقتباس:
هذا بالاضافة الى انه ليست كل الشعوب كالشعب الامريكي ..! كل شعب له موروثاته الثقافية و عاداته و تقاليده التي تختلف عن الشعب الاخر و انا على يقين تام بأن الدراسة ستختلف جذريا اذا اخدتي على سبيل المثال شعب عربي مثلا او شعب شرقي بشكل عام .. فـ أنا ارى ان الثقافة الشرقية بشكل عام افضل بكثير من الثقافة الغربية فيما يتعلق بالموروثات الاخلاقية و الالتزام بالتعاليم الدينية إقتباس:
احب ان احيطك علما بان المساجد لدينا مفصولة ولا يجتمع بها الرجال مع النساء كما بكنائسكم هذا بالاضافة الى اننا نجل و نحترم و نقدر و نعظم المساجد اكثر ما ينبغي لانها بيوت الله عليك ان تثبتي صحت اتهاماتك و لا ترمي التهم جزافا بدون دلائل ،، و الا فلا تتكلمي بما لا تعلمي ممكن تكون مفرداتي قاسية شوية بس ده لاني بكره الظلم و الافتراء على الناس بالباطل .. و بعدين مين قالك ان كونهم رجال دين ده مش بيرفعهم درجه عن عامة الشعب!!! علمهم الديني بيخولهم مكانة كبيرة جداا عند ربنا فالعلماء ورثة الانبياء و عندنا ربنا مكرمهم في القران ,, ده غير انهم المفروض انهم نذروا حياتهم كلها في تعلم دينهم و الدفاع عنه إقتباس:
يعني ممكن بعدها عن الدين يوقعها في زنا مثلا و شرب مخدرات او او او .. المهم انه البعد عن الدين بيبقى سبب جوهري في المشاكل دي إقتباس:
__________________ لا تسألوا الأيام عن ماض ذهب - فالأمس ولى والبقاء لمن غلب ولتنظروا ماذا يراد لأرضنا - صارت كغانية تضاجع من رغب حتى رعاع الأرض فوق ترابنا - والكل في صمت تواطأ..أو شجب |
| #9 24th March 2010, 03:25 AM | |||||
| |||||
| إقتباس:
زميلي الفاضل دعنى اوضح لك انى اهلكت موضوع البيدوفيليا بحث و قراءه. دايما كنت حاسه انه اقذر و ابشع ما يمكن ارتكابه من جراءم و مش فاهمه ايه اللي بيخلي اى انسان يعمل كده... و دلوقت و انا أم اصبح للموضوع بعد آخر و هو رغبتى في حماية ابناءي من اى خطر. عدا ال opportunistic بيدوفايل او الشخص اللي بيعتدي على الطفل لأن الفرصه في علاقه جنسيه سويه مع شخص بالغ غير متاحه ... البيدوفايل في اغلب الأحيان بيكون: - في نفس أسرة الطفل - في مهنه تتيح له الأحتكاك بأكبر عدد من الأطفال (التدريس و الطب و الخدمه الأجتماعيه كمثال) اتمنى لو كان عندي وقت اكبر علشان ادور لك عن الدراسات اللي اتعملت في الموضوع ده لكن للاسف الوقت مش هيسمح دلوقت إقتباس:
لكن علشان الشرقيين متعودين يحطوا دماغهم في الرمل و ينكروا الحقيقه. متعودين على قول "اذا بليتم فاستتروا" و كأن ده يجيز انكار حق الضحيه. متعودين على تقديس الدين و ر جل الدين ... انت نفسك قلت ان رجال الدين مفروض يكونوا غير الناس العامه. و جزعت و غضبت لما قلت لك ان هناك بالفعل أئمه مساجد ارتكبوا الجرائم دي. هل تتوقع ان في مجتمع شرقي كان ممكن حد يحاكم شيوخ و ائمه زى ما في امريكا قدموا كهنة الفاتيكان للمحاكمه؟؟؟ او ان الأزهر مثلا كان ممكن يعترف بوجود الجرائم دي و يعمل على تصحيح الوضع الخاطئ و يقدم المتهمين للعداله و يقدم اعتذار علنى للضحايا و تعويضات الخ زى ما الفاتيكان عمل؟؟؟؟؟؟ الشرقيين متعودين على الخوف من الفضيحه و كتير منهم مش هيقول الحقيقه لو حد حاول يعمل دراسه زى دي في الشرق. الشرقيين متعودين على ان حقوقهم مهدوره و مهضومه و ان في الجرائم الجنسيه الضحيه هي اللي بتشيل اللوم. إقتباس:
ان كانت الثقافه الشرقيه افضل بكثير كما تقول يبقي مين اللي بينجب و يرمي اطفال الشوارع اللي ملأوا شوارع مصر؟؟ مين اللي بياخد رشاوى و يسرق خير البلد و يسيب ناس مش لاقيه رغيف العيش؟؟ مين اللي بيغش و يبني مبانى تقع على راس الساكنين فيها؟؟ او يخبز رغيف عيش مليان تراب او حشرات؟؟ او يبيع لك كيلو كباب و هو لحم كلاب؟؟ مين اللي بيتحرش بالنساء و الفتيات في الشوارع ليل نهار؟؟ هل الغربيين بييجوا يعملوا كده في مصر و يمشوا؟؟ ليه المصريين بيقفوا طوابير على سفارات البلاد الغربيه علشان يروحوا يشتغلوا اى حاجه و السلام هناك؟؟ ليه بنستورد منهم كل حاجه طالما احنا ثقافتنا افضل؟؟ ليه مش قادرين نعلم ولادنا و نخرج اجيال هى اللي تنتج و تخترع و تصدر لهم؟؟ يا عزيزي ان ماكناش هنعترف بأخطاءنا عمرنا ماهنصححها. طول ماحنا شايفين اننا عايشين في المدينه الفاضله و اننا احسن من غيرنا هيفضلوا هم يتقدموا و احنا نرجع لورا! إقتباس:
فأنا مصلحتى ايه انى افتري على اى شخص بجريمه زى دي؟؟؟؟ قبل ما نتكلم في مصادر دعنى اسألك سؤال واحد فكر فيه مع نفسك و مفيش داعي تكتب الرد هنا لو مش عايز... لو جاءك طفل من اسرتك و قال لك ان امام المسجد الفلاني تحرش بيه جنسيا. هل انت هتصدقه؟؟ بالنسبه للمصادر... في برنامج وائل الأبراشي في الأيام الماضيه كان بيتكلم عن "ذئب المعهد الأزهري". مدرس في المعهد الأزهري اعتدي على 11 طالبه!! و ايضا: Bosnian imam convicted in sex abuse case Pesh Imam Arrested On Sodomy Charges Father tells of boy's sexual abuse at Tampa mosque Imam held for suspected paedophilia MOSQUE CLERIC IS GUILTY OF SEXUALLY ABUSING TEEN إقتباس:
__________________ There may be times when we are powerless to prevent injustice, but there must never be a time when we fail to protest |
| المواطنين الذين شكروا Neferteeti على هذه المداخلة: | ||
Gregory (25th March 2010) | ||
| #10 26th March 2010, 06:01 PM | ||||||||
| ||||||||
| إقتباس:
انا اختلط عليا الامر بين المثلية الجنسية و بالبيدوفيليا بعد ما شفتك بتوحي اليها في احدى تعليقاتك و استطردت في الحديث عن المثلية الجنسية بدون ما اشعر إقتباس:
وبعدين طبعا انا لازم اغضب لما تقولي كده .. احنا كمجتمع شرقي بنحب القدوة جداا و مجتمعنا مترابط و الجو العائلي دائما بيضفي حالة من المودة و الرحمة في مجتمعنا .. و دي حاجة الغرب بيفتقدوها جدااا وبناءا على ذلك ان مجتمعنا الجريمة فيه اقل بكتير من الغرب .. لانه ثبت علميا ان اغلب الجرائم و المشاكل اللي في المجتمع بيبقى سببها الجوهري هو التفكك الاسري إقتباس:
و على فكرة المجتمع المصري لم يعد بالصورة اللي انتي بتصوريه بيها ابدا .. لكن المشكلة انك عايزة توجدي حاجة بالعافية وهي مش موجودة الا في حالات نادرة جدا و تكاد تكون معدومة إقتباس:
يا سيدتي الفاضلة انتي بتتكلمي عن الغرب و كأنه جنة الله في أرضه .. او كأنهم الملائكة المعصومون كل اللي انتي ذكرتيه ده سبب فيه الفقر و الحاجة و الجهل .. لكن برضه بيفضل تمسكنا بديننا و و اخلاقنا انا في نظري المسيحي المصري احسن مليون مرة من المسيحي الغربي .. انتي فعلا مش حاسة بالنعمة اللي احنا فيها قد يكون الغرب عندهم التقدم و التحضر و الديمقراطية و العدل و المساواة .. لكن برضه عندهم من المساوئ ما تطغى على كل المميزات دي احنا ممكن يكون عندنا الجهل و الظلم و الجور بس ده مش بايدينا كشعب .. انا مش بتكلم عن انظمة سياسية او تشريعات و دساتير انا بتكلم عن معادن شعوب و ظواهر مجتمعية .. انتي مش حاسه بيها عشان انتي متعودة عليها سافري عيشي في دولة من دول الغرب اللي انتي متشدقة بكل حاجة فيهم .. هتشوفي العنصرية و القتل و النهب و السرقة و الاغتصاب و التحرش اكتر بالاف المرات من هنا إقتباس:
و في الموضوع ده قال شيخ الازهر الجديد الدكتور احمد الطيب ان في معاهد ازهرية كتير اخدت تصاريح وهي لا تستحقها و انا مازلت بطلب منك توثيق لكلامك عن اعتداء شيوخ و ائمة المساجد على الاطفال في المساجد كما حدث في المؤسسات الكنسية  Doubleposting merged by ”Tifnout”, an Artificial Intelligent Robot to Prevent Flooding إقتباس:
و على فكرة انا مش من قراء الصحف الاجنبية ومعرفش مدى مصداقيتها ايه ياريت يكون الخبر من جريدة عربية اما الفاتيكان اللي اتي بتقولي انه عنده شفافية كاملة بخصوص موضوع التحرش بالاطفال .. فـاحب اعرفك ان اللي ظهر للاعلام ده مجرد نقطة في بحر مما يحدث من اعتداءات ويتستر عليها بابا الفاتيكان انصحك بقراءة الخبر ده بابا الفاتيكان يواجه ادعاءات بالتستر على إعتداءات جنسية بحق اطفال | الدستور Doubleposting merged by ”Tifnout”, an Artificial Intelligent Robot to Prevent Flooding إقتباس:
إقتباس:
انتي مش عارفة قيمة امام المسجد او امام حلقات التحفيظ او الشيخ دي عندنا قد ايه و انا متيقن تماما ان عبارة زي اللي انتي بتقوليها دي عمري ما هسمعها في حياتي من اي طفل سواء اعرفه او ما اعرفوش __________________ لا تسألوا الأيام عن ماض ذهب - فالأمس ولى والبقاء لمن غلب ولتنظروا ماذا يراد لأرضنا - صارت كغانية تضاجع من رغب حتى رعاع الأرض فوق ترابنا - والكل في صمت تواطأ..أو شجب حُرّر بواسطة قلـب مستوحش : 26th March 2010 في الساعة 06:08 PM |
 |
| لجلب مزيد من القرّاء، أنشر هذه الصفحة على المواقع التالية: |
| أدوات الحوار | |
| |
دخول بتأشيرة Facebook 
