|
|
| |||||||
| الميدان الحرّ للحوار الحرّ فيما لا يدخل تحت نطاق الساحات الأخرى |
 |
| | LinkBack | أدوات الحوار |
| #1  13th March 2010, 08:45 PM | ||||
| ||||
| مش بس ..هجاص...بل مدلس.....ومزايد .... شنّت صحيفة مصرية, الأحد 7 مارس 2010، هجوما عنيفا على كاتب مصري دعا إلى إنشاء كعبة في سيناء يحج إليها الناس من جميع الملل والنحل والأديان، وتدرّ على مصر 30 مليار جنيه سنويا. ووصفت صحيفة (النبأ) المصرية الأسبوعية في عددها الصادر الأحد 7/3/32010، دعوة الكاتب المصري سيد القمني ؛ بأنها "ازدراء للإسلام"، ذاكرة أنه دعا في حوار صحفي إلى إنشاء كعبة لجميع الأديان في (الوادي المقدس) بسيناء، ليحج إليها الناس من جميع الملل والنحل من شتى بلاد العالم، وطوال العام, حتى يتم قطع السبيل على بيت الله الحرام في مكة المكرمة. ووفق الصحيفة، فإن القمني زعم أن مقترحه سوف يدرّ على الخزينة المصرية نحو 30 مليار جنيه سنويا, وطالبت بإحالة الكاتب إلى النيابة العامة المصرية ومحاكمته بتهمة ازدراء الدين الإسلامي. وزعم القمني, وفقا للصحيفة, أن العلاقة مقطوعة بين الإسلام من جهة, وبين العلم والاقتصاد من جهة أخرى, نافيا الإعجاز عن القرآن الكريم, مشيرة إلى ادعاء الكاتب المصري المثير للجدل، الذي يذهب بعضهم في نقده إلى حد تكفيره بسبب آرائه وأطروحاته المناهضة للإسلام؛ أن العالم بات يحتقرنا (المسلمين) بسبب الإسلام, واصفا منتقديه بأنهم جهلة، وهاجم بضراوة الداعية المصري الراحل الشيخ محمد متولي الشعراوي, معتبرا أنه "عمل على تبخيس العقل الإنساني, كما أن تفسيراته للقرآن الكريم مزيفة، لأنه حاول إقناعنا بأن كل ما أنجزه العقل البشري موجود في كتاب الله". وذهب القمني إلى أكثر من ذلك, زاعما أن الدعوة إلى الإسلام انتهت بموت النبي صلى الله عليه وسلم, مدللا على ذلك بالآية الكريمة "اليوم أكملت لكم دينكم وأتممت عليكم نعمتي ورضيت لكم الإسلام دينا". يُشار إلى أن القمني دأب على إطلاق كتابات اعتبرها كثيرون أنها تنال من الإسلام وتطعن في ثوابته وعقيدته وقيمه, الأمر الذي يثير حوله جدلا كبيرا في مصر وفى حواره مع برنامج 48ساعه.... بدى وكانه يدافع عن حقوق الفقراء الذين يذهبون الى الحج ويضيعون فيها تحويشه العمر....كما انتقد ايضا رجال الاعمال الذين يذهبون للحج اكثر من مره... الغريب انه مجبشى سيره اللى بصيفوا فى اوربا...او امريكا.....اوحتى اللى بيقضوا الويك اند فى دبى... اذن المقصود مش الفلوس اللى بتنصرف المقصود ...انتوا عارفينوا وفى مداخله لمختار نوح المحامى....طالبه ...بالكتابه عن حقوق الفقراء التى تنتهكها الدوله من خلال الاسعار او الضريبه العقاريه....اوالاجور ...لكن القمنى التف حول الموضوع مدعيا انه يكتب فيما يعرفه ....يقصد علم الاجتماع ...وكان علم الاجتماع ربنه خلقه ...لمناهضه الدين الاسلامى وتحطيم ثوابته ... بل ذهب القمنى الى ابعد من ذلك عندما حاول اقحام الاخوان فى الموضوع بقوله ان جماعتكوا ترفض الاخر....والمعروف ان نوح انفصل عن جماعه الاخوان منذ فتره طويله ... اجمل شىء فى الموضوع تعليق همس ابنتى على الموضوع .... الراجل ده ...ما بيجبهوش فى برنامج موجه استند اب ليه يابابا .....  قولتلها اصله هجاص....ومدلس ....وكمان مزايد.....   |
| #2 13th March 2010, 11:55 PM | ||||
| ||||
| لو كان الأمر مجرد أفكار إنسانية فكان الأولى بأن هاجر تعمل برأى القمنى فتتوجه الى صحراء سيناء بدلا من صحراء مكة لأنها أقرب لأهلها بمصر هذا لو كانت الفكره بإختيارها بأنها تريد أن تعيش فى الصحراء وتجيب رزق لها وكمان لأهلها بمصر بسبب أنها زوجة إبراهيم رسول الله فبدلا من ان تترك فلسطين وتتوجه الى مكة وهى مسافه بعيده جدا لتعيش هناك بالصحراء حيث تبعد عن أهلها بمصر فكان الأفضل لها أن تختار سيناء بمصر لأنها اقرب لأهلها وبها أيضا مكان صحراء مثل مكة لكن الأمر ليس بإختيارها ‘نما هى تنفذ تعليمات والقمنى لايفهم ذلك كذلك بأن الحج بموعد وهو وقفة عرفات |
| المواطنين الذين شكروا sadek على هذه المداخلة: | ||
احمديدو (14th March 2010) | ||
| #3 14th March 2010, 08:43 AM | ||||
| ||||
| إقتباس:
بجد الراجل ده متخلف ومحدش يقولي ده مفكر وابحثو عن كلمات بلال فضل عنه وكتاب اخرون . [url]http://forum.sonsofegypt.net/t11857.html[/url] __________________ الدين لله .... والارض للجميع |
| #4 14th March 2010, 12:23 PM | ||||
| ||||
| إقتباس:
انا معنديش اى مشكلة فى انكم تقولوا على سيد القمنى متخلف لانى بصراحة معنديش اى مشاعر ايجابية او سلبية ناحية الراجل لكن ممكن بالمرة توضحوا مع الهجوم اسبابه يعنى يا ريت مثلاً انت يا فللى تقول ايه مظاهر التخلف و الاساءة للمفكرين عند القمنى و انت يا اخ ابو هنا تقول ليه شايف القمنى مهرج و مدلس يا ريت بجد لانى بكل اخلاص عايز افهم و لانى دورت فى مداخلة ابو هنا مالقيتش جرايم تستاهل اوصافكم دى |
| #5 14th March 2010, 01:32 PM | ||||
| ||||
| إقتباس:
لما يطلع واحد معدود على المفكرين في مصر والعالم العربي ويطالب ببناء كعبة في سيناء حتى يزورها الفقراء رافة بهم من زيارة مكة المكلفة بالنسبة لهم .. بالله عليك هل هذا كلام عاقل .. او صادر من رجل عاقل .. هي ستغني زيارة المعبد بعد ان قام بتعديل الاسم من كعبة الى معبد لكل ديانة .. هلي سيغني ذلك عن اداء فريضة الحج او العمرة بالنسبة للمسلمين.. وما هي الشعائر التي ستقام في تلك المعابد يقدر بعقليتة المتخلفة يقول لنا ما هي تلك الشعائر. __________________ الدين لله .... والارض للجميع |
| #6 14th March 2010, 11:38 PM | ||||
| ||||
| إقتباس:
 __________________ نحن من التراب وسوف نعود له لكن الروح خالده فى دنيا الوجود |
| #7 15th March 2010, 03:40 AM | ||||
| ||||
| إقتباس:
إقتباس:
سيبك من انه جد فى مطالبته بالفكرة او لأ تعالى نشوف جدوى الفكرة و بعدها نشوف اسبابها اولاً هو اختار مكان مقدس فى الديانات الابراهيمية الثلاثة يعنى فعلاً ممكن يسافر له ناس من كل انحاء الارض ثانياً اختار انه يكون مفتوح للزيارة طوال العام و ده معناه ان السياحة لمصر هتزيد جداً و فعلاً الاقتصاد هيستفيد من مليارات تضخ فيه طوال العام طيب تعالى نشوف الاسباب . سبب مهم و رئيسى و مشكلة حقيقية فعلاً فى مصر هو العدد الضخم من الحجيج كل عام اللى اغلبهم مبتكونش دى الحجة الاولى له ملايين كتيرة محتاجها الشعب المصرى الفقير بشدة بذمتك يا فللى اى ثواب هياخده واحد رايح يحج للمرة الثانية او حتى الاولى و جيرانه فى الشارع اللى وراه نايمين من غير عشا ؟؟ او و الاف الاطفال نايمين على الرصيف فى القاهرة غرقانين فى الجريمة و المرض ؟؟ فيه حديث جميل منسوب للرسول بيقول فيه عن الكعبة (ما أطيبك وأطيب ريحك ما أعظمك وأعظم حرمتك والذي نفس محمد بيده لحرمة المؤمن أعظم عند الله حرمة منك ماله ودمه وأن نظن به إلا خيراً) اى ان هدم الكعبة اقل حرمة عند الله من حرمة دم المسلم او ماله فبالله عليك فى بلد لا ينتهى فيها الفقر و هناك ملايين بحاجة ماسة لتلك الاموال من اجل الغذاء و العلاج اليس هذا العدد الضخم من الحجيج مشكلة ؟ سبب تانى هو ان د.القمنى شايف ان الكعبة مجرد مشروع سياحى حافظ عليه الرسول لدعم اقتصاد و تجارة شبه الجزيرة . طيب ده سبب ممكن تختلف معاه لكن هل نحاسبه على رأيه لانه مختلف ؟؟ و نتهمه بالتخلف و الاساءة و التهريج ؟؟ د.القمنى لما قال الكلام ده مكانش جاد فى الدعوة لانه كما اعتقد راجل واقعى لكنه كان يقصد لفت الانتباه لمشكلة حقيقية فى مصر ملايين بنصرفها كل عام بحجة التقوى و الايمان و حب الله و احنا سايبين عباده عريانين و جعانين |
| #8 15th March 2010, 08:45 AM | ||||
| ||||
| إقتباس:
لو كانت الجدية فعلا في تطبيق ما قاله الرسول صلى الله عليه وسلم كما اشرت حتى يتم انتشال العرايا والجائعين والمشردين من المسلمين.. فانا معك ولكن ليس بمنع اقامة شعيرة من شعائر الدين وركن من الاركان.. اثناء دراستي اطلعنا على مشروع رسالة ماجستير في الاقتصاد الاسلامي .. بالتحديد الزكاة .. وتم التطبيق العملي على قرية صغيرة من القرى النائية .. تم فيها تحصيل الزكاة من القادرين وتوزيعها على المحتاجين . ارتفع متوسط دخل الفرد من القرية اضعاف ما كان عليه قبل تطبيق الدراسة... حتى انه لم يعد هناك من يدعي الفقر او صعوبة المعيشة. اللي عايز اقولو لحضرتك ان مش منع الحج والعمرة هو الحل للمشكلة .. ممكن تتكلم عن حفلات مارينا والساحل الشمالي وما يحدث فيه من اسراف وبذخ . وما يصرف على المهرجانات والحفلات الحكومية والغير حكومية .. يا راجل ده فرح ممثلة واحدة يكفي رعاية نصف العاطلن في مصر... بينما الحفاة العراة الجائعين يملاون شوارعنا وارصفتنا...تصدق بالله يا مسلم انت لو سالت واحد من الجائعين العراة المشردين دول نفك فايه حيقولك احج او اعمل عمرة.. يعني وهو مش لاقي ياكل نفسه يحج لمكة او يعتمر ولو قولتلو اوديك سينا تزور جبل الطور وتحج هناك حيتهمك بالسخرية منه لانه فقير. مش كده ولا ايه __________________ الدين لله .... والارض للجميع |
| #9 15th March 2010, 09:00 AM | ||||
| ||||
| إقتباس:
 )؟؟ هل الفقراء اللي كان بيتوزع عليهم الزكاه بيشتغلوا ولا لأ؟ و ازاى نسبة الزكاة بتتحدد و مين اللي بيحددها؟؟ و مين بيتولى مراقبة عملية جمع الزكاه و توزيعها؟؟و هل كل الفقراء بياخدوا نفس النسبه ولا دي بيتم تحديدها و تختلف من شخص لآخر حسب الحاجه؟؟ و برضه مين اللي قائم على تحديد احتياجات كل فرد او اسره؟؟ سؤال سياسي حبتين  ... على اعتبار اننا لو هنطبق التجربه دي على نطاق واسع علشان نحل مشكله الفقر في مصر ... و مصر مش مسلمين و بس، مصر فيها المسلم و المسيحي: هل لو فقير بس مش مسلم ممكن تتوزع عليه الزكاه برضه؟؟ و لو غنى مش مسلم تؤخذ منه ما يوازى الزكاه؟؟؟معلش انا اسفه اسئلتى كتيره. مش باغلس صدقنى بس هو فضول مش اكتر التجارب الأجتماعيه اللي بتسعي لتحسين اوضاع الناس اللي بيعانوا بجد دي بتعجبني جدا و باحب اعرف عنها اكتر قدر ممكن. __________________ There may be times when we are powerless to prevent injustice, but there must never be a time when we fail to protest |
| #10 15th March 2010, 09:46 AM | ||||
| ||||
| إقتباس:
ولاده الجعانين و عريانين زيه اولى بفلوس الحج و لو معندوش اولاد فولاد جاره اولى و بم انك اتكلمت عن الزكاة فليه الراجل اللى طالع يحج ميتبرعش بالالاف دى لفقراء مصر المسيحيين و المسلمين ؟؟ تفتكر ربنا هيفرح بيه اكتر لما يروح يزور مبنى فى السعودية ولا لما يساعد اخوانه ؟؟ اما عن حفلات مارينا فالراجل(القمنى) مكانش بيرقص مثلاُ فى حفلة منها عشان تسأله عنها الراجل كان بيتكلم فى قضية محددة ناس بتدفع عشرات الالاف و ساعات اكتر عشان تسافر بغرض التقرب من الله و الله موجود جنبهم فى بيوت الفقرا و اطفال الشوارع مصر دولة فقيرة يا اخ فللى و الزكاة او اى تشريع دينى لعلاج الفقر مش حل الاهم هو اصلاح المصرى عشان يحس بحجم المشكلة اجابة لسؤال الفاضلة نفرتيتى الزكاة لها تشريعات و نسب عند السنة اما عند القرآنيين مثلاُ فهى التصدق و ملهاش نسب محددة يعنى مش ضريبة للدولة |
|
| لجلب مزيد من القرّاء، أنشر هذه الصفحة على المواقع التالية: |
| أدوات الحوار | |
| |
دخول بتأشيرة Facebook 
