مصر بحاجة الى اتاتورك وليس روسو

[Gregory]

عدوى التسطيح التى انتشرت والتى صورت كل الأمور كثنائية محددة الملامح لايحيد عنها أحد لم تسمح لك ولا لجريج من قبلك من رؤية أى شىء خارج ثنائية (إخوان - علمانيين) كما لم تسمح للبعض الأخر برؤية أى شىء خارج ثنائية (مسلم - مسيحي)

نقطة خارج الموضوع ..
أنا عارف إن هزارى كان رخم و تقيل بخصوص كلامى دايما عنك و تشبيهك بأشخاص تانيين
معلهش إعتبره ترحيبى الخاص بيك فى الدولة ..
و هو مجرد هزار متخلهوش فى دماغك كتير

[raspotin]

نقطة خارج الموضوع ..
أنا عارف إن هزارى كان رخم و تقيل بخصوص كلامى دايما عنك و تشبيهك بأشخاص تانيين
معلهش إعتبره ترحيبى الخاص بيك فى الدولة ..
و هو مجرد هزار متخلهوش فى دماغك كتير

ولايهزك يامقدس أنا فاهم قصدك تماما
أنا مابحطش الكلام ده فى دماغى ومليش مزاج ازعل من حد معرفوش :]
لكن الهزار حتى وإن كان مجرد هزار مش مقصود بيه إنك تزعلنى أو شىء "وأنا فاهم كده"
إلاإنه مش كلام عشوائى أو بيخرج من الإنسان بدون هدف بالتأكيد هو جزء من صورة اكبر
فى مجتمعنا الصغير أومجتمعنا الكبير .

العواف

[Gregory]

توثيقاً لما قيل بواسطة raspotin

إلاإنه مش كلام عشوائى أو بيخرج من الإنسان بدون هدف

فعلا


يا أحمديدو كفاية شكر بقى يا أخى
مش عارف أتكلم مع راسبو
طب خد

[احمديدو]

طيب ياجريج عشانك انت بس ياغالي

[badawi]

أنت فى مداخلتك هذه لم تحاول محاورة راسبوتين الذى هو أنا بل حاورت ذلك الراسبوتين الذى فى عقلك

العزيز راسبوتين
اسمحلي أعلق على كلامك
أنا قلت الجملة دي في المنتدى مالا يقل عن خمس مرات لميراج وغيره
وهي أحد أسباب كفري بصلاحية الحوار مع ميراج
لأن ميراج وغيره في هذا المنتدى هم من أسرى القوالب والنظرة السلبية المسبقة
ميراج يخترع شخصا في خياله ويقولبه في قالب معين ويظل طيلة الوقت يتحدث إلى هذا القالب الذي يختلف اختلافا كليا عن شخص الطرف الثاني من الحوار

ياعزيزى راسبوتين يختلف عن بدوى وغلاباوى قدر اختلاف بهجت عن زيتونة لكن عدوى التسطيح التى انتشرت والتى صورت كل الأمور كثنائية محددة الملامح لايحيد عنها أحد لم تسمح لك ولا لجريج من قبلك من رؤية أى شىء

والله العظيم انت راجل بتفهم
أنا استعجبت من تشبيه جريج لينا (رغم إن يشرفني هذا التشبيه وهذا ليس نفاقا بل حقيقة فأنا بالفعل أتعلم منك)
ولكن الحقيقة هذا شرف لا أدعيه ولا أراه حادثا مطلقا ولا حتى قريبا
فالاختلافات واضحة وبينة بيني وبينك وبيني وبين غلباوي
الشبه الوحيد بيننا هو أننا "لسنا من المؤيدين لسمو الأمير ميراج ومريديه"
وده بيوضح أن ميراج ومريديه يصنفون الناس بطريقة "انت معانا واللا مع التانيين"
هذا المرض الذي وصفته أنت بالتسطيح والنظرة الثنائية
طبعا ميراج وغيره هيفتكروني داخل أطبل لك وفاكرين إننا عاملين جماعة علشان نؤيد بعض
والشيء اللي ما يعرفوهوش إني ما أعرفكش أساسا ولا عمري كنت من المطبلاتية (هتلاقيهم كتير في أيقونات الشكر لميراج وبهجت)

[alfollaly]

توثيقاً لما قيل بواسطة raspotin

بالمناسبة ياميراج بلاش نغمة دق طبول الحرب هذه
والشللية والإستقطاب
ببساطة إذا كنت مش شايف إن فيه فايدة منى فتوقف عن حوارى
ولو كنت شايف إن مفيش فايدة منك وإن إنتا داخل فى معركة تكسير عظام قولى كى أتوقف ببساطة عن حوارك
فلا أثقل على قلبى من إضاعة دقائق طويلة فى مجادلة لاهدف لها سوى إحراج وإفحام ومحاربة شخص لا أعرفه ولا أراه ولايؤثر فى حياتى سلبا وإيجابا .

مش جديدة على ميراج يختتم مداخلاته الممتعة بسهم طائش .

Doubleposting merged by ”Tifnout”, an Artificial Intelligent Robot to Prevent Flooding

توثيقاً لما قيل بواسطة badawi

"انت معانا واللا مع التانيين"

قصدك انت من دشنا ولا من ديش العدو

[badawi]

طيب نرجع تاني لمداخلة ميراج
بتقول:

مداخلاتك باتجاهل معظمها لأن دي طريقة تعاملي مع الهيافة

وده مش حقيقة لأنك لو بتتجاهل فعلا مداخلاتي كان من باب أولى إنك تتجاهل المداخلة اللي انت قعدت تعلق عليها وتولول وتقول يخرب بيت الغباء
الحقيقة إنك مش بتتجاهل الهيافة
الحقيقة إنك بتيجي في الهايفة وبتتصدر
علشان كده انت بتنقي أي مداخلة انت شايفها هايفة مني أو بره الموضوع علشان تعلق عليها
معلش يا ميراج ياخويا احنا عشرة سنتين وعيب لما أنا اكون في المنتدى معاك لمدة سنتين من غير ما أعرفك حاجة عن نفسك

راسبوتين:

مشكلتك ياعزيزى هى الإختزالية والرؤية المسطحة لخصومك بالإضافة لخطابك السجالى الذى يقترب لتراشق الرصاص بدلا من التواصل .

ده جزء قليل من مشكلة ميراج
ولو سألته ليه بتعمل كده هيلاقي نفسه مقتنع إنه بيعمل كده بتفويض من العناية الإلهية لإنقاذ البشر من أمثالك
هيقولك إنه على استعداد للذبح والشنق والحرق وكافة أنواع التنكيل في سبيل تحقيق الرسالة المقدسة
وإن أي اعتبارات أخرى هي ضئيلة في سبيل الهدف النبيل اللي ميراج اتعين علشانه من قبل أن يكون العالم
باختصار ميراج ناقم على الحياة والناس لأنهم مش قادرين يسلموا تسليما إنه نبي وإنه كلمة الإله

[Neferteeti]

توثيقاً لما قيل بواسطة مؤمن

انا كنت عارف انك حتختلف معايا ومعاك مسلم
كنت متوقع نقاش بين 3 مجموعات
بهجت وبلبل ومؤمن مجموعة خلينا نسميها سياسيين تتعامل مع ما هوكائن وارى فانسى حينضم لنا
ميراج ومسلم قبط مجموعة ممكن نسميها حقوقييين تتعامل مع ما يجب ان يكون
وجريج كنت متوقعة بين المجموعتين ويبدوا ان حيكون معة نفرتيتى مجموعة تتنازعها الرغبة فى الوصول للأمثل ولكنها ترى ان الواقع لا يبشر بخير

تخمينك بالنسبه لى صحيح الي حد كبير يا مؤمن .... نفسي اشارك في الحوار بس الظروف مش سامحه دلوقت. اقدر اقول لك انى considering the current climate in Egypt
اميل الي وجهة النظر المطروحه من جهتك اكتر.

It's not ideal ... but it is realistic

I hope to be able to participate more meaningfully in this discussion later. In the meantime I am following it with interest. Thank you and everyone who participated

[Fancyhoney]

برافو راسبوتين

توثيقاً لما قيل بواسطة raspotin

من يخلط بين الإخوان المسلمين والإسلام ذاته ويخلط بين الإسلام وبين نظام حكم فى عهده

كلمة قلتها و اعجبتني
بالفعل
انا اخلط بين ( الاخوان ) و ( الاسلام ) لان الاسلام هو مصدرهم
اخلط بين ( نظام الحكم الاسلامي ) و بين الاسلام , لان النظام يستمد من الاسلام اسسه

صحح لي ان ( ابن لادن ) يستند الي نظريات و اسس اسلامية .
صحح لي ان ( ابن سعود ) كان مجرد الذراع العسكري لنظريات ( ابن تيمية ) الذي سبقه و التى تجلت في خليفته ( ابن عبد الوهاب ) فكان النظام السعودي الحالي .
صحح لي تفريخ ( الاخوان ) لفئات اكثر ( تدينا \ تطرفا ) امطرت صدور مصر بالرصاص , و ان ( شكري مصطفى ) خليفة ( التكفير و الهجرة ) هو اخواني في المنبع .
صحح لي ان المعارضين لحركات الاسلام السياسي يشتكون من اضطرارهم الوقوف امام ( نظريات الاسلام ) وهو ما يضعهم في موقف حرج و يجعل خصمهم ( على العرش استوى )

فان لم تخطئ كلمة مما سبق , فاكتب فوق مرآتك ( ضيق الافق ) تراها عندما تقف امامها فتذكر يوم سخرت فيه من قولي عن استمداد الاسلام السياسي نظرياته من احداث مثل ( تولية يزيد )
يوم ان فكرت بكيبوردك , فلم يصنك

لست في مجال الحديث عن وحشية دين او حنانه , و لا اتكلم عن المسيحية من باب افضليتها سياسيا فليذهب الدين السياسي الي الجحيم
لذا لا تظن ابدا ان حدثا فعلته محكمة تفتيش فلانية يقتدي به المسيحيون مثلما يقتدى المسلمون بافعال ( السلف الصالح ) , و لا تظن ان استمرارك في سوق تلك الحجة سيؤثر على من يفضل قيادة مسيحية على اسلامية , فمنطقك ساقط و كان لغيري ان يمطرك سخرية لو قابلته بمثل هذا .

و هنا لا تخطئ النظر فنحن نتفق على استبعاد الدين من السياسية و انت تصر على الاختلاف - الا ان كنت تظهر غير ما تخفي - و لكن

ماعدنا نحتاج الي ( علي عبد الرازق ) ليحدثنا عن ( غياب السياسة عن الاسلام )
بل من غير المسلمين من هو قادر على كتاب مثله , و اكثر
قادر على كتابة ما يلصق السياسة بالاسلام و يظهر كم هي قذرة تلك السياسة .
و هذا كله لان الاسلام بحسب الاغلبية ( عشرات الالاف من النصوص ) و ( الاف من مواقف السلف ) يختار منها كل مؤلف ما شاء


لماذا اربط بين حركة سياسية و بين الاسلام
لانه في كل لحظة يقرأ فيها احد هؤلاء السياسيين نصا او موقفا من ( خير القرون ) وارد ان يقوم بتطبيقها , و ليس امامك الا ان ( تصلي ) ان يكون النص الذي قرأه ( نص انساني محترم )


حرب.

Doubleposting merged by ”Tifnout”, an Artificial Intelligent Robot to Prevent Flooding

اما انك لا تفهم ما معنى ( فرض الوعي ) فلا يمنحك هذا ان تتخيله شيئا و تبدأ بمهاجمة هذا الشئ
و هي المرة الثانية التى تفعل و اظن انك معتاد على هذا
لا تفرض مفاهيمك على كلام غيرك

[Neferteeti]

تعليق على ما دار بين راسبوتين و فانسي:

كل الأيدلوجيات سواء حين يتم التعصب لها من كان لديهم الكتاب المقدس
تمطع كبير صقورهم ذات يوم فأحرق وخوزق 5 ملايين امرأة وتمطع عقابهم ذات يوم فأحرق ملايين المسلمين واليهود فى أيبريا وزأر أسدهم يوما فأقام الحروب الدينية ياريت بلاش منطق أنه دين أحسن ده
وواحد يحط يسوع على راسه والتانى يحط الله ونقعد نزعق أنه أحسن .

عزيزي راسبوتين
متهيألي انك خلطت الأمور شويه؟؟

فانسي بيكلمك عن موقف الأقباط في مصر و واقع عايشينه حاليا

و انت رحت جايب له تاريخ صليبيين و محاكم تفتيش في اوروبا!!!

ايه العلاقه يا عزيزي؟؟؟

احنا بنتناقش في مصر في الوضع الحالي في العصر اللي احنا عايشين فيه النهارده. مش في اوروبا من مئات السنين.

ولا احنا حتى بنتناقش في دين مين اللي احسن ولا تعاليم دين مين اللي احسن. احنا بنتكلم في واقع الفئة دي شكله دي بالمقارنه مع واقع الفئه دي شكله ايه.

نعم الإخوانى يستحق البكاء بوصفه إنسان ، إنسان محروم من حقوقه السياسية والمدنية إنسان مطارد أمنيا ويحاكم عسكريا ويخرق ألف ميثاق دولى فى المعاملة معه كل يوم ، إن كنت لاترى لمعارضيك حق المعاملة الكريمة اصلا
فلماذا تطالبهم باحترامك ياعزيزى

نعم معارضي يستحق المعامله الكريمه ولا يستحق التعذيب و القمع و المطارده. ايه المشكله هل تري ان احد هنا يطالب بتعذيب و قمع اى انسان بسبب ميوله السياسيه؟؟؟

الكلام كان عن نظرة الدوله للفئتين: الاخوان و الأقباط. من وجهة نظر الدوله الأخوان يمثلوا خطر بسبب تاريخهم و فلسفتهم و سياستهم.

لكن ايه الخطر اللي بيشكله القبطي على الأمن في الدوله؟؟؟؟

دي حاجه.

الحاجه التانيه انت بتقول:
نعم الإخوانى يستحق البكاء بوصفه إنسان ، إنسان محروم من حقوقه السياسية والمدنية

اولا: ايه هى الحقوق المدنيه و السياسيه اللي محروم منها الأخوانى؟
ثانيا: ليه مش بيتم المطلبه بالحقوق دي؟؟؟

*************************************

بالنسبه للموضوع الأصلي

فكرنى بأول حوار اشتركت فيه مع الأستاذ بهجت و كان عن الحريه و طرح فيه الأستاذ بهجت افكار جون ستيوارت ميل للنقاش. كان من الأفكار دي فكره مارتحتلهاش و رفضتها في الأول:

- لا يجوز منح الحرية قبل أن يصبح الشعب ناضجا و مدركا لصالحه ، يعي حرية المناقشة و يعرف معنى المساواة ،و إلا وجبت عليه الطاعة المطلقة لحاكمه

بس بعد النقاش لقيت ان في بعض الاوقات بيكون هو ده الحل الوحيد للاسف. في بعض الأوقات مابيكونش فيه مكان للمثاليه و الحلول المنمقه

الأمريكان ظنوا انهم هيتخلصوا من صدام و بقدرة قادر يمنحوا العراق الديموقراطيه. ايه اللي حصل؟؟ فوضي!! نفس الشئ حصل في افغانستان من قبلها.

هنروح بعيد ليه؟؟ مصر بعد الثوره حصل فيها ايه؟؟؟ اتخلصنا من الملك لكن هل فعلا اصبحنا جمهوريه يعنى الشعب هو اللي بيحكم؟؟؟

*****************

مقال لقيته له صله بالموضوع

تولع الديموقراطية

كتبها د. ماهر حبيب

كلمة قوية ومعبرة قالها الإعلامى الناجح عمرو أديب فى برنامج بدون رقابة والحقيقة لقد أعجبنى التعبير فنحن جميعا نقول تولع الديموقراطية لو جابت الإخوان للحكم فتلك الديموقراطية على الطريقة الغربية ستتحول على أيد إخوان المحظورة إلى ألعن أشكال الديكتاتورية الدينية وشهادة وفاة رسمية للدولة المدنية التى تحتضر الأن فى مصر ويتم علاجها فى العناية المركزة ولكنها لم تمت الموت الإكلينيكى بعد وهى قابلة للشفاء لو أدخلت غرفة العمليات لبتر غرغرينة الدولة الدينية وبعد البتر يقوم العلاج الطبيعى بتأهيل البلد للنقاهة من تلك العملية المريرة حتى تعود مصر للحاق بدول العالم المتقدم بدلا من سعيها للحاق بدول القاعدة فى أفغانستان والصومال.

الديموقراطية فى عالم تسوده الأمية التعليمية والسياسية مثل أن تعطى ضريرا سيارة فيرارى من أحدث طراز لا يستطيع قيادتها وإن إستطاع تحريكها فلن تكون أسعد حظا من الفيسبا التى قادها محمود عبد العزيز فى فيلم الكيت كات وفى بلادنا نتفوق عن الكثير من الدول فى الأمية التعليمية والسياسية ولو أطلقنا العنان لمارد الجهل والتخلف الذى يعشش فى نفوس الكثير من أبناء وطننا فلا نستبعد أن يكون صاحب مقولة طظ فى مصر وإللى جابوا مصر ريسا علينا وكل من لا يردد وراءه أمين سوف يرى النجوم فى عز الضهر.

ولتلك الأسباب السابق ذكرها تتحول السياسة فى مصر إلى سرطان سيأكل الأخضر واليابس وكل الحلول مليئه بالسموم التى تأكل فى جسد المحروسة فبقاء الوضع الحالى لن يغير شئ وستظل السنجة بتقع والكومسارى بينزل يركبها وإللى بنبات فيه نصبح فيه بل يمكن أن نقول فى حسرة :الأمس كان يوما أسود من قرن الخروب لكنه أحسن من النهاردة إللى قرن الخروب بالنسبة له ناصع البياض ولو جه الإخوان بالديموقراطية المضروبة يبقى عليه العوض ومنه العوض فى مصر وشعب مصر لأننا سنحكم بواسطة آيات الله التى تحكم بأسم الله وعندها لن يستطع كائن من كان أن يفتح فاه لأنها ستكون معارضة كافرة لا تستحق إلا نار جهنم و بئس المصير.

والمصيبة الكبرى وهى الفرحة الأخيرة بظهور فارس جديد إعتقد الكثيرون وأنا منهم أنه الأمل الجديد الذى سينقلنا إلى العالم المتحضر فى خطوة واحدة وهو الدكتور البرادعى ولكن فرحة ما تمت خدها الغراب وطار فلقد نزل علينا سهم الله عندما وجدناه يخلط السمك واللبن والتمرهندى لكى ما يقدم خلطة سحرية للفوز بالحكم دون أن يدرى أن تلك الخلطة تصيب من يأكلها بتلبك معوى وجايز تسمم غذائى يؤدى بحياة المريض وتلك الغلطة أو الخلطة هى ضم البرادعى الإخوان بجانب الوفديين مع حزب التجمع لكى ما يشكلوا جبهة معارضة واحدة تقف فى وجه الحكومة ولو أصر البرادعى على كده يبقى ضرب مصر فى مقتل و حايبقى حصان طروادة إللى حا يستخبى فيه الأخوان لغاية ما تخلص التمثيلية وبعدها يخرجوا من بطن الحصان علشان ياكلوا طروادة بإللى فيها.

يا عم الدكتور لو جاى علشان تبقى الريس لازم تبقى فاهم إنت بتتعامل مع مين ولما تيجى وتتحالف مع إخوان طظ فى مصر يبقى عملنا أيه ولو فتحنا الباب على البحرى زى ما سعادتك طالب من الحكومة إنها تفتح الباب لكل واحد عايز يرشح نفسه حنلاقى فيه 3 أفراد مترشحين مرشح الحزن الوطنى أين من كان وسعادة الدكتور البرادعى ومرشد الأخوان ولو فيه إنتخابات مفيهاش تزوير إنت ومرشح الحزن مش حا تاخدوا تلاتين أربعين فى المية والباقى لمرشح الإخوان مش علشان المرشد أحسن منكم لكن لأن القوة التنظيمية لإخوان طظ فى مصر عالية ومنظمة والناس حا تروح ترشح من هو ضد الحكومة نكاية فيها ولأجل العند فقط وعلشان يفشوا غلبهم منها وساعتها المرشد حا يقولكوا باى باى ولو جه فبراير تلاتين يوم حا ترجعوا تدخلوا الإنتخابات تانى.

بصراحة يا دكتور لو جاى علشان تدخل الإخوان فى اللعبة حنقول لك ما يلزمناش ما إحنا عندنا الحكومة مخليه الإخوان بعبع قدامنا علشان نفضل ننتخبها وبتخلينا نقول إللى نعرفه أحسن من إللى منعرفهوش ولو إنت جاى تجيب لنا العريان وإخواته حنقول لك تولع الديموقراطية بدل ما تولع البلد كلها وياريت ما تكونش نتيجة دخولك الإنتخابات زى ما فؤاد المهندس كان بيغنى ويقول رايح أجيب الديب من ديله وأقلق نومه فى نص الليل وإن مقدرتش أجيبه حسيبه وأرجع أقول ملقتلوش ديل وإحنا نكون خسرنا كل حاجة ولا حصلنا لا الديب ولا ديله