|
|
 15th February 2010, 10:04 PM | ||||
| ||||
| كليبات ! الموضوع ببساطة عن فيديوهات على اليوتيوب .. لحد كده وشيء عادي ولو دورت شوية في الدولة ممكن الاقي موضوع مشابه ليه بس أهداء مثلا ...  عموماً ... الفيديوهات اللي ححطها هنا من اليوتوب مختلفة شوية .. لاني ببص للفيديو كامل خصوصاً الإخراج .. الأغاني الحلوة كتير .. وطبعا ده لاختلاف الأذواق بين كل إنسان والتاني .. . بس مش كل فيديو بيحاول يوصل فكرة أو مغزى .. أو حتى جمال إخراجه يخليك تقف عنده .. وطبعا لان المجموعة المفضلة عندي منهم مش كتير ... ححاول انزل فيدوهين تلاتة في كل مرة مع تعليقي الشخصي عليه .. وطبعا المجال مفتوح لأي حد شاف فيديو عجبه أو بيوصل فكرة فعلا انه يحطه ومعاه رأيه  Nickelback - Never Gonna Be Alone من ألبوم Dark Horse الاغنية مغزاها بالنسبة ليا كان عاطفي اكتر .. لانها مرتبطة بوجود أب في حياة بنته وقبل النهاية بتكتشف انه مكنش موجود اصلاً ..وان ده كله تمنى من البنت نفسها مع احساسها بوجود الاب في حياتها .. واللي بيبان في الاخر في فرحها لما بتحط الوردة التانية لجوزها المستقبلي انا شايفة ان المقصود هنا انه موجود جواها بالرغم من عدم وجوده الفعلي في حياتها او انتهاء وجوده .. الفكرة مش جديدة طبعا .. بس حقيقي تنفيذها جميل جداً وخصوصاَ انها متناسبة مع معنى الاغنية كمان .. و مفاجأة أن طول الوقت الأب متوفى بتبان قبل النهاية بشوية .. وهي قوية لدرجة- ياريت محدش يضحك وإلا  - أني دمعت فعلاً .. بالنسبة للفريق .. ليه اكتر من اغنية جميلة خصوصا اغنية  تاني اغنية ححطها هي Five For Fighting - Chances جدير بالذكر ان الاغنية هي الساوند تراك لفيلم The Blind Side (2009) نتكلم عن الفيديو بقى .. اول مرة شوفت التصوير قعدت اعيد فيه اكتر من مرة لانه عجبني جدا وفي حتة أنا أشرت ليها في قصة التجربة .. وهي التكرارية والاحتمالات اللي صعب تخيل وجودها .. هو صورها هنا ببساطة شديدة ..البداية هادية أوى .. بيانو بيعزف وبعد كده مكان شكله عتيق شوية وتعدي ديكورات كتير وتركز بعدها على كرة .. تشبيه للأرض .. والقصة اللي بتدور فيها تبسيط لنفس قصة آدم وحواء .. وطبعا المراقب .. ممكن يكون مقصود بيه الإله ! الألوان هادية جدا .. تحسسك بالنقاء والجو الصحي جدا .. وشكل الأرض كأنها متلمستش من إنسان ... مع أن فيه مشهد بيين شاحنة قديمة هما قاعدين عليها .. بس برضه الفكرة مبتتغيرش عندك .. اختيار الموديل نفسه سواء الولد أو البنت .. في سن مراهقة أو اكبر شوية .. وتحس أن المخرج ركز شكلهم يكون بريء ..هتلاحظ اكتر في شكل شعر الموديل الاحمر وفستناها البسيط جدا ولونه هنا ابيض .. اعتقد كل ده علشان يكمل الصورة .. النهاية بمفاجأة أنا شيفاها رائعة وهي أن المراقب أو الإله بيخرج من المكان االلي عايش فيه لكوكب برده شبه الكوكب اللي كان بيراقبه .. وتبتعد الكاميرا بدون أي تفسير زيادة .. الأغنية الأخيرة هي .. OREN LAVIE - HER MORNING ELEGANCE تصويرها ابهرني لان بالرغم من شكله البسيط فهو على حد اعتقادي صعب التنفيذ ... وكمان الأغنية رقيقة أوى وهادية واللي بيغنيها تحس انه بيغني بخفوت متناسب مع نعومتها والتصوير وحتى شكل الموديل ! من غير كلام كتير اعتقد إنها هاتعجب معظم اللي هايشوفها أنا عارفة أن الموضوع خفيف طبعا .. بس بتمنى انه يعجبكم وتتفاعلوا معاه   |
| 4 من المواطنين سجلوا إعجابهم بـليالي على هذه المشاركة: | ||
Gregory (15th February 2010), Messi (15th February 2010), Neferteeti (16th February 2010), دنيا1 (16th February 2010) | ||
| 15th February 2010, 10:50 PM | ||||
| ||||
| إقتباس:
 إختيارك جميل _________ وسع سكـه يعدى الضى |
| 15th February 2010, 10:51 PM | ||||
| ||||
| بالعكس الموضوع جميل جدا وفكرته جديده ع الاقل بالنسبة لي .. عادة معظم الكليبات اللي بتتحط صاحبها مش بيتكلم او يشرح الكليب لمسه ازاي او هو شايفه ازاي .. راجعلك يا ليالي __________________ وحشتيني يا مصر ..... |
| 16th February 2010, 02:13 PM | ||||
| ||||
| إقتباس:
إقتباس:
..ومنتظرة عودتك يا ميسي  حُرّر بواسطة ليالي : 16th February 2010 في الساعة 02:18 PM |
| 16th February 2010, 05:29 PM | ||||
| ||||
| طبعا انا مش هتكلم على مشهد الخناق ولا مشهد القبض على العصابة لانه مش بيشدني عموما .. ف ياريت نقدم اللقطة لمشهد الفينال بتاع الفيلم اللي انا بستهدفه .. بصراحة بعشقه .. المشهد الاخير من فيلم النمر والانثى لما وحيد (عادل امام) ماشي جنب نعيمة (آثار الحكيم) وهيا بتوصله عند محطة القطر والمفروض ان المهمة انتهت وهيودعها .. ماشيين بتثاقل اكنهم مش عايزين يوصلوا لباب القطر .. وفجأة بيفصح وحيد عن احتياجه لنعيمة وانه لقى فيها كل الدنيا مع ثقته الكاملة انه مستحيل انهم يكونوا تحت سقف واحد بسبب الزمان والمكان اللي فارض عليهم مجموعة من القيود والعقبات الكتييييييييييييرة زي كلام الناس ونظرة مجتمع لظابط يحب ويرتبط ببنت عندها ملف في الاداب حتى لو البنت دي بقت اشرف بنت في الدنيا .. لكن ازاي ودي تيجي وهم البنات خلصوا من البلد يعني وكلام من ده .. عظمة اداء عادل امام وهو مابين ابتسامة رجل تعتصرها دمعه محبوسة وبيقولها (لو كنا في زمن غير الزمن اللي احنا عايشين فيه كنا اتجمعنا تحت سقف واحد) وكانه بيفكرها ويفكر نفسه .. ايوه احنا لينا عذرنا باننا نقتل حبنا وسعادتنا بايدينا لاسباب مهمة ومنطقية تتناسب مع عادات مجتمعنا اللي مابيرحمش مع دخول موسيقى الموسيقار محمد سلطان الرائعة ( انا لحد دي الوقت بدندنها مع نفسي احيانا ) اللي ولعت المشهد .. وبيتحرك القطر ووحيد مش راضي يسيب ايد نعيمة لآخر لحظة وبيحاول انه يفضل متصل بيها لاخر لحظة من خلال طراطيف صوابعه وهو بيبعد وهيا بتجري ورا القطر وهو بيتحرك .. وكلام كتيروحيد بيقوله لنفسه جواه .. (ايه اللي انا بعمله) .. (سعادتي معاها) .. وهواجس وهواجس وخوف من نظرة مجتمع لينتهي المشهد بقنبلة من العيار الثقيل وهيا ان الحب احيانا ممكن ينتصر ويقضي على عقبات قد تبدوا في نظر البعض هيا الصراط المستقيم الذي لن يجرؤ احد مجرد النظر لما تحته من اهوال .. لكن الحب الحقيقي ممكن في لحظة يقتل ويكسر كل المتناقدات والرواسب المجتمعية المترتبة في شريط الزامي ضمن مجموعة انسان شرقي . __________________ وحشتيني يا مصر ..... حُرّر بواسطة Messi : 16th February 2010 في الساعة 05:43 PM |
| 17th February 2010, 12:01 PM | ||||
| ||||
 إقتباس:
هاتخليني اتفرج على الفيلم من تاني .. انا شوفته بس زمان جدا ومكنتش فكراه بصراحة ..سعيدة اوي بمشاركتك الرائعة ومنتظرة كليبات تانية تحتها رايك ليا عودة طبعا |
| 17th February 2010, 12:49 PM | ||||
| ||||
| إقتباس:
في مشاهد من افلام او مقاطع صغيرة من كليبات اغاني بتلزق في الذاكرة لمدة طويله لانها غالبا ما بتبقى مرتبطة بشخصياتنا وميولنا وعادة بتستمر معانا في السبكونشيس لحد ماتيجي حالة او مود معين نعيشه وبنسترجعها تاني إقتباس:
بصراحه كان في وقته تماما مستنيكي __________________ وحشتيني يا مصر ..... |
| 17th February 2010, 07:27 PM | ||||
| ||||
| إقتباس:
للاسف انا بره البيت حاليا فمش هاعرف احط كليبات كتير .. الكليب اللي معايا دلوقتي لليونا لويس .. الاغنية قديمة نوعا لانها من اول البوم ليها .. ليونا لويس من المطربات المفضليين عندي .. هي انجليزية .. ابتدت في برنامج وبعدها اشتهرت اكتر من خلال اغنية bleeding love تاني اغنية اشتهرت ليها - بحكم شهرة الفيلم طبعا - هي اغنية i see you ساوند تراك فيلم افتارالمهم الاغنية هي : Leona Lewis - Footprints In The Sand مش هاتكلم عن روعة الاداء ولا الكلمات اللي بجد تلمس اي إنسان .. والكليب متناسب معاها تماما .. لانه إنساني من الدرجة الاولى .. حقيقي اتمنى يعجبكم ويلمسكم زي ما لمسني .. ولو عرفت ادخل تاني النهاردة اكيد هكمل  |
| المواطنين الذين شكروا ليالي على هذه المداخلة: | ||
Messi (18th February 2010) | ||
| 18th February 2010, 02:31 PM | ||||
| ||||
| إقتباس:
مشكلة فعلا بس جميل الكليب جدا يا ليالي .. Really touched me inside __________________ وحشتيني يا مصر ..... |
| 18th February 2010, 02:50 PM | ||||
| ||||
| سلام للجميع الموضوع جميل جدا يا ليالي. اسمحيلي اشارك معاكم ... الفيديو كليب ده لكيللي كلاركسون (فازت في اول سنه للAmerican Idol) الكليب مؤثر جدا و مهما شفته بيفضل مؤثر زى اول مره شفته فيها. بيبدأ بمشهد مشاجره بين زوجين و في لحظه بيكون الزوج على وشك يكسر صورتهم و هو متجه ناحيه الباب كأنه هيسيب البيت الكليب بيقف .... و كأن الزوجه (كيللي) بتشوف نفسها و هى صغيره و بتفتكر حياتها مع اب و ام في خلاف دائم في وسط خلافاتهم بينسوا ان معاهم طفله جميله بتحبهم و محتاجه رعايتهم. و بيركزوا كل طاقتهم بأنانيه في مشاجراتهم و بعد كده بيسيب الأب البيت و بتشعر البنت انها هى اللي بتشيل هم الأم الأغنيه كلماتها بتعاتب الأب و الأم و بتقول لهم ان انانيتهم و اهمالهم سببوا لها كتير من المشاكل و خلوها مش قادره تثق في نفسها ولا في اى حد تانى. لكن في نفس الوقت بتقرر انها مش هتعيش حياتها شايله الحمل الثقيل ده و تخسر حياتها و سعادتها و تعيد مأساتها في بنتها. ملحوظه: كيللي في مقابله ليها اتكلمت عن الأغنيه دي و قالت ان ليها معزة خاصه لأنها بتتكلم عن تجربه هى مرت بيها في طفولتها. علشان كده لو دققتو في الكليب (الدقيقه 2 تقريبا) هتلاقو انها بتبكي فعلا في آخر الجمله اللي بتغنيها كلمات الأغنيه: I will not make the same mistakes that you did I will not let myself Cause my heart so much misery I will not break the way you did, You fell so hard I've learned the hard way To never let it get that far Because of you I never stray too far from the sidewalk Because of you I learned to play on the safe side so I don't get hurt Because of you I find it hard to trust not only me, but everyone around me Because of you I am afraid I lose my way And it's not too long before you point it out I cannot cry Because I know that's weakness in your eyes I'm forced to fake A smile, a laugh everyday of my life My heart can't possibly break When it wasn't even whole to start with Because of you I never stray too far from the sidewalk Because of you I learned to play on the safe side so I don't get hurt Because of you I find it hard to trust not only me, but everyone around me Because of you I am afraid I watched you die I heard you cry every night in your sleep I was so young You should have known better than to lean on me You never thought of anyone else You just saw your pain And now I cry in the middle of the night For the same damn thing Because of you I never stray too far from the sidewalk Because of you I learned to play on the safe side so I don't get hurt Because of you I try my hardest just to forget everything Because of you I don't know how to let anyone else in Because of you I'm ashamed of my life because it's empty Because of you I am afraid Because of you Because of you __________________ There may be times when we are powerless to prevent injustice, but there must never be a time when we fail to protest |
 |
| لجلب مزيد من القرّاء، أنشر هذه الصفحة على المواقع التالية: |
| أدوات الحوار | |
| |
يتابعه: 
يتابع: 
