|
|
| #1  15th February 2010, 04:29 AM | ||||
| ||||
| نيكسون / أحمد فؤاد نجم قال أحمد نجم حفظه الله  :شرفت يا نيكسون بابا يابتاع الوتر جيت عملوا لك قيمة وسيما سلاطين الفول والزيت فرشوا لك أوسع سكة من راس التين على مكة وهناك تنفذ على عكا ويقولوا عليك حجيت ما هو مولد ساير داير شيلاه يا صحاب الييت جواسيسك يوم تشريفك عملولك دقة وذار وبواقي الزفة عناكب زاحفين على حسب الصيت ما هو مولد ساير داير شيلاه يا صحاب البيت عزموك فقالوا تعالى تاكل بمبون وهريسة امت انت لانك مهيف صدقت ان احنا فريسة طبيت لحقوك بالزفة يا عريس الغفلة يا خفة هات وشك خذلك تفه شوبش من صاحب البيت واهو مولد ساير داير شيلاه يا صحاب البيت خد منى كلام يبقالك ولو انك مش حتعيش لاحجول اهلا ولا سهلا ولاتيجي ولا ماتجيش ليه ليه؟؟ بيقولوا اللحم المصري ماطرح مابيسري بيهري وده من تأثيرالكشرى والفول والسوس ابو زيت واهو مولد ساير داير شيلاه ياسى صحاب البيت __________________ ان الحكومات تبحث عن الاشياء التي تفرقنا ولا تجمعنا   |
| #2 19th February 2010, 07:19 PM | ||||
| ||||
| كلب الست قال أيه كمان السيد أحمد فؤاد ودى ليها قصة ... إن شاب بسيط غلبان - طالب جامعة فقران - حب يعمل فيها حاجة و يتمشى فى الزمالك .. و تجيبه رجليه .. و حظه المهبب .. عند فيلا الست "أم كلثوم" .. كلب الست معجبوش منظر إسماعيل الغلبان .. قام إيه ؟؟ هبشه .. وحصل اللى حصل .. واللى وصفه "نجم" فيما يلى "كلب الست" ف الزمالك من سنين و ف حمى النيل القديم قصر من عصر اليمين ملك واحدة من الحريم صيتها أكتر م الأدان يسمعوه المسلمين و التتر و التركمان و الهنود و المنبودين ست فاقت ع الرجال ف المقام و الاحترام صيت و شهرة و تل مال يعني في غاية التمام قصره يعني هي كلمة ليها كلمة ف الحكومة بس ربك لجل حكمة قام حرمها م الأمومة و الأمومة طبع ثابت جوه حوا من زمان تعمل ايه الست جابت فوكس رومي و له ودان فوكس دا عقبال إملتك عنده دستية خدامين يعني مش موجود ف عيلتك شخص زيه يا اسماعين و اسماعين دا يبقى واحد م الجماعة الغلبانين اللي داخو ف المعاهد و المدارس من سنين حب يعمل واد فكاكه و يمشي حبه ف الزمالك و القيامة و الفتاكة يرموا طبعا ع المهالك عم سمعه من قيامته حب يعمل فيها فله بعد ما ألوظ بيجامته اشترى حتة مجله قول مشى بيقرا ف حكاية من حكايات الغرام و اندماجه ف القرايه خلا مشيه مش تمام ع اليمين يحدف بعيد خطوتين و تروح شمال لمحه فوكس من الحديد قال دا صيد سهل و حلال هب نط ف كرشه دوغري جاب بيجامته لحد ديلها اسماعين بدال ما يجري قال يا رجلي رجلي مالها بص شاف الدم سايح من عاليها و من واطيها و ياللي جاي و ياللي رايح المجلة مش لاقيها حبه و إتلمو الظنايا اللي هما البوابين و الهكايه و الروايه قال لهم دا كلب مين ؟ كلب مين ما كلب مينشي سمعه لبخ حبتين قال له واحد فيهم امشي اللي جابك انده مين قال دا شارع يا مواشي للجميع راكب و ماشي كلمة من دا و كلمة من دا ظاطو و انقلبت فضيحة قول نهايته و القصد من دا اسماعين شرب الطريحة راحو اسم الشرطة جمعا و النيابة كفيلة بيهم و اترموا ف الحجز طبعا لما ييجي الدور عليهم حبه والشاويش امين قال سعيد النقشبندي قام غريم عم اسماعين قاله محسوبك يافندي قام سي سمعه يروح معاه الشاويش قال غور بدمك وفوق قفاه كف طرقع ... داهيه ف امك تفتكر يفضل سي سمعه قد ايه في القسم نايم استضافه الحجز جمعه يابلاش آدي العزايم شاف بلاوي ما تنحكيش م الهفايا المحبوسين قال يا عالم يا شاويش يا نيابة .. يا مسؤلين خلصوه بعد المناهدة جثه من جحر الديابه هي يمكن ساعة واحدة كان ف مكتب النيابة قال له ـ مالك يا اسماعين قال له ـ زي البمب مالي قال له ـ عضك فوكس فين قال له ـ سيبني أروح لحالي انت شوف سي فوكس يمكن خد تسمم غصب عني الوكيل قال برضه ممكن و الشاويش قعد يغني انت فين و الكلب فين انت قده يا اسماعين طب دا كلب الست يا ابني و انت تطلع ابن مين بشرى لصاحب الديول وإللي له أربع رجول بشرى لسيادنا البهايم من جمايس أوعجول اللي صاحبه يا جماعة له أغاني ف الاذاعة راح يدوس فوق الغلابة و النيابة بالتباعة انت تسوى ف النيابة تسعمية من الغلابة طب يا ريت يا فوكس كنا و لا تربطنا الجرابة هيص يا كلب الست هيص هيص يا كلب الست هيص ليك مقامك في البوليس بكرة تتولف وزارة للكلاب يخدوك رئيس احمد فؤاد نجم __________________ "Two things are infinite: the universe and human stupidity; and I'm not sure about the universe" Albert Einstein |
 |
| لجلب مزيد من القرّاء، أنشر هذه الصفحة على المواقع التالية: |
| أدوات الحوار | |
| |
دخول بتأشيرة Facebook 
