|
|
| #1  1st January 2010, 04:48 PM | ||||
| ||||
| خد... دى ....وادعيلى.... نؤيد سيادتك للشاعر الكبير أحمد فؤاد نجم نؤيد سيادتك لفترة جديدة نكمل خلالها المسيرة السعيدة وبالمرة فيها نبيع الحديدة مفيش حاجة تانية نبيعها خلاص نؤيد سيادتك لأجل المزيد من اللي تحقق بفضلك أكيد بقينا خلاص ع الحميد المجيد وربك لوحده فى إيده الخلاص نبايع سيادته ولا حد غيره كفايا علينا نبرطع في خيره ونوم شعب مصر العظيمة وشخيره يقول للحرامي ما تسرق كمان نبايع سيادته وإبنه وحفيده مفيش زي فكره قديمه وجديده خرابك يا مالطة حيحصل بإيده ومين فيكي يعني بيسمع آذان نبوس إيد سيادتك ورجلك كمان تخليك معانا يا ريس عشان وجودك ضرورة فرضها الزمان ومن غير وجودك حقيقي نضيع دي مصر بتاعتك وإحنا ضيوفك كفايا علينا يا ريس نشوفك وعاذرين سيادتك وفاهمين ظروفك عليك بس تؤمر و احنا نطيع في جزمة سيادتك كلابك يبوسوا وفوق الغلابة بجزمهم يدوسوا وشعبك ليلاتي يا ريس غموسه مذلة ومهانة وحوجة ومر لكن يعني ما دمنا شعب إنتساب ودايما وأبداً فى حالة غياب متعملش لينا يا ريس حساب دي عزبة سيادتك وفيها أنت حر ودستور ما دستورشى مش فارقة خالص كلام فاضي كله يا فندم بناقص كفايا علينا الفساد اللي ماصص عرقنا ومعشش وضارب جذوره وإيه يعني تهري جتتنا البلاوي يوماتي كوارث، فضايح، رشاوي كفايا علينا القعاد في القهاوي بنستنى لما الوريث ييجي دوره   |
| المواطنين الذين شكروا ابو هنا على هذه المداخلة: | ||
احمديدو (1st January 2010) | ||
 |
| لجلب مزيد من القرّاء، أنشر هذه الصفحة على المواقع التالية: |
| أدوات الحوار | |
| |
دخول بتأشيرة Facebook 
