قيّم هذه التدوينة

5 : ممتاز 4 : جيّد 3 : متوسّط 2 : سيئ 1 : فظيع

لحظة

تم النشر في 22nd March 2008 الساعة 09:19 PM بقلم ophilia

اول مرة اكتب فى دولة ابناء مصر
عاجبنى الحوارات الدينية بشكلهاالشبة عقلانى
بس مش عاجبنى الاتجاة السائد الى
معظم الناس متبعاة
الهجوم والدفاع
المتهم ووكيل النيابة
لية انا كمسلم بشوف بس السىء فى المسيحى
ولية انا كمسيحى بشوف السىء بس فى المسلم
ولية لما بنعامل حد مسلم اومسيحى
ويعاملنا بطريقة سيئة بنعتبروا حجة على دينة
ببساطة لاننا ماتعلمناش ازاى نقبل الاخر
وحاجة كمان
الحب يا جماعة
لو انت بتحب حد بتقبلة بعيوبة ومميزاتة
وبعدين ان غدا لناظرة قريب
بكرة نعرف مين الصح ومين الخطأ
يوم القيامة

منشورة في ‏تبويب غير محدّد

مشاهدات 136 التعليقات 9 Trackbacks 0

التعليقات

1. 	ييييييييييااااااااااااااااا و الله لو فضلت تقولى لحد بكره أنسى هما هيفضلو كده لحد ما تيجى طيره كبيرة تاخد ناياشينا كلنا بس ساعتها و لما نبقى زى العراق كله هيندم مسلم و مسيحى و لو فى هندوسى كمان هيندم لان المصيبه ان احنا جداد فى الكار و موضوع التعصب الدينى ده جديد علينا فبنتصرف بغوشوميه
   	تم النشر في 22nd March 2008 الساعة 10:08 PM بقلم kaydahom

2. 	يامساء الدماغ العالية بصى يا اوفليتى بالنسبة لوكيل النيابة وخلافه فهى هنا كصورة تخيلية لدولة مصر ،وبالنسبة لساحة الاديان انت لو تلاحظى انها مقفولة وده ليتداول جهاز العمل فى الدولة كى ينسقوا هذه الساحة بعدما بدأت تأخذ منحنى اخر غير الذى كانوا يأملونه وعند ميراج الخبر اليقين وانصحك تدخلى على الاماكن دى وهاتفهمى ولو القليل فى الدولة اه وابقى فهمينى ربنا يكرمك, الدستور والمواثيق
   	تم النشر في 22nd March 2008 الساعة 10:24 PM بقلم مذكرات

3. 	شكزا على التعليق كيداهم الخوف ليظهر على رايك هندوس كمان فى البلد وبدل ما دولتنا اسمها مهد الديانات السماوية هتكون لحد الديانات السماوية والارضية والهوائية كمان وعدى القتلىوعلى الدنيا السلام ونغنى ونقول عظيمة يا دولة مصر يا ارض الملل
   	تم النشر في 22nd March 2008 الساعة 11:26 PM بقلم ophilia

4. إقتباس: ببساطة لاننا ماتعلمناش ازاى نقبل الاخر لما أفتح تليفزيون الدولة الرسمى و ألاقى الشيخ علان بن ترتان بيقول إن الإسلام هو الدين الأعلى و الأسمى و الأرقى لما أفتح الدستور ألاقيه بيقول الإسلام هو الدين الرسمى و الشريعة الإسلامية هى المصدر الأساسى للتشريع لما أفتح كتاب القراءة لأطفال إبتدائى ألاقى مقتطفات قرآنية تتكلم عن إن اليهود و النصارى لن يرضوا عنك إلا لو إتبعت ملتهم بعد ده كله .. يعنى إيه نتقبل الآخر ؟؟؟ هو فيه فى مصر " آخر " !!! دين الدولة الرسمى هو الإسلام .. يعنى الآخر ده " بما فيهم المسيحيين و اليهود و البهائيين و الملحدين " دول ناس مش رسميين يعنى الآخر ده فى نظر دولتنا الكريمة حاجة شاذة كده و مش طبيعية يادوب قاعدين فى البلد لغاية لما ينقرضوا يأما ربنا ينعم و يهديهم إلى الدين الأعلى و الأرقى و الأسمى و من يبتغى غير الإسلام دينا فلن يقبل منه إقتباس: وبعدين ان غدا لناظرة قريب بكرة نعرف مين الصح ومين الخطأ يوم القيامة كان المفروض الكلام ده يتقال للشعراوى لما كان بيطلع على تليفزيون الدولة يكفر المسيحيين و هو زمانه دلوقتى عرف كويس قوى الصح من الغلط

   تم النشر في 23rd March 2008 الساعة 12:49 AM بقلم Gregory

5. المشكلة هنا فى دولتنا ان الاغلبية مسلمين يعنى هية دولة اسلامية طيب لو كانت الاغلبية فيها مسيحية او يهودية تفتكر انك لو فتحت كتاب القراءةولقيت بيقول ان الدين الحق هوة اليهودية او المسيحية تفتكر هوة دة الصح وضع المسيحيين فى مصر هوة نفس وضع المسامين فى الى دولة مسيحية عمرك شوفت امريكى مسلم يطالب حكومتة بتطبيق الشريعة الاسلامية طبعا لا ومش معنى كدة انة ماشى جنب الحيط لكن متعايش مسالة انى اقول للشيخ الشعراوى او غيرة من الشيوخ عن رايي دة همة نفسهم دعوا لدة قبل كدة ودلوقت بس احنا مشكلتنا ان احنا ما بنشوفشى غير الى احنا عايزين نشوفوا وبعدين سيبك من الاشخاص الى بتقول الدين الاسلامى كذا وكذا الاشخاص نفسها بتغلط وكمان النفس البشرية دايما بتحب تضع بصمتها الشخصية على كل شىء بتقولوا سواء حب او كرة احترام او ازدراء خليك مع الاصول الدينية الكتب السماوية بتقول اية القساوسة والكهنة نفسهم بيضعوا بصمتهم الشخصية من حب وكرة واحترام وازدراء للاخر فى احاديثهم ولما نشوف قسيس على احدى القنوات الفضائية بيقول ان المسيحية هى الدين الحق وان المسلمين عايشين فى الضلال ومصيرهم غضب الرب تفتكر هوة دة الصح القضية كلها اتحسمت فى الاسلام بقانون ما فيهوش ثغرة لكم دينكم ولى دين انا ما كنش قصدى وانا بتكلم فى الموضوع دة انى اتكلم عن الدين بس قصدى نتعامل مع بعض كبشر فينا الصالح وفينا الفاسد دعوة جديدة نغرسها جوانا ونعلمها لولادنا لان ما قد كان كان ومش فى ادينا نغير ماضى

   تم النشر في 23rd March 2008 الساعة 12:45 PM بقلم ophilia

6. إقتباس: ما قد كان كان ومش فى ادينا نغير ماضى فى إيدينا نغير الدستور .. و الأمريكان معندهمش الطائفية اللى عندنا زى ما بتحاولى تلمحى و إن كان المسيحيين أغلبية فى أمريكا فهل لقيتى دستورهم بيقول إن المسيحية هى الدين الرسمى للدولة ؟ محصلش .. اللى عمل كده بس الدول الإسلامية .. و مظنش فيه قسيس مسيحى قال إن المسلمين فى ضلال .. و حتى لو قال فهو مش هيبقى زى قاضى لما يحكم مثلا بنسب أبناء المسيحية للأب الذى أسلم بحجة أنه صاحب الدين الأعلى و الأرقى و الأسمى !!! و بحجة أن الإسلام يعلو و لا يعلى عليه ! بالنسبة لكلامى عن الشيخ الشعراوى فأنا مش أقصد إهانة و أعتذر لو المعنى وصل كده لكن أقصد إننا لو عايزين فعلا يبقى عندنا الفكر بتاع إن كل واحد يخليه فى دينه و الكل هيعرف الصح من الغلط يوم القيامة .. يبقى المفروض نستأصل من مجتمعنا أمثال الشعراوى اللى بيكفروا من يشاءون بدعوى أنهم بيشرحوا الدين

   تم النشر في 23rd March 2008 الساعة 09:39 PM بقلم Gregory

7. ارائك ممنطقة جدا يا gregory بس انا مش قصدى بما قد كان كان ومش فى ادينا نغير الماضى بالنسبة لافكارنا احنا كبشر كمواطنين وليس كحكام ارائنا فى بعض ومش راى المحكوم فى الحاكم او الحاكم فى المحكوم جرد نفسك من لقبك وانا كمان وتعال نتعامل تعرف الحرية اية هية انك تتجرد من كل شىء الا علاقتك بربنا يعنى تتجرد من لقبك من كرهك او تعلقك باى شىء الا ربنا وبعدين عامل الاخر على انة اخرزية زيك لكن احساس الاعلى والادنى هوة دة الى بيقتلنا سواء انا او انت انا كمان مش هابقى مبسوط لو انا الحاكم ومن احكمهم يكرهونى وكمان يا عم خليها فى سرك احنا كمان مش مبسوطين من حكامنا يعنى حالى حالك يمكن تكون شايفهم مضيقينك بس احنا شايفنهم خذلونا كحكام وليس كعلماء و شيوخ لان لازم لكل واحد فينا مبادئة التى لا تتجزأ تعرف خذلونا فى اية الاسم دولة اسلامية اما الواقع دولة رقصت على السلم

   تم النشر في 24th March 2008 الساعة 02:56 AM بقلم ophilia تم التحديث يوم 24th March 2008 في 03:33 AM من قبل ophilia

8. لية انا كمسلم بشوف بس السىء فى المسيحى ولية انا كمسيحى بشوف السىء بس فى المسلم ولية لما بنعامل حد مسلم اومسيحى ويعاملنا بطريقة سيئة بنعتبروا حجة على دينة ببساطة لاننا ماتعلمناش ازاى نقبل الاخر اوفيليا .....ارجعي كده بالذاكره عمر ما كان في فرق ما بين المسلمين و المسحيين دايما مع بعض سواء مدرسه , جامعه , شغل انما بالنسبه للعنصريه انا مسلم و انت مسيحي يعني اناا حسن منك مش عايزه اقول انها عمرها ما كانت موجوده لا حصل بس حالات فرديه عمرنا ما كنا بنحس بيها و عند قرائتي لمواضيع العقائد و الاديان استغربت من مواقف المسلمين و المسحيين و الملحدين فعلا من حق كل انسان انه يدافع عن عقيدته و عن ايمانه ....بس في الاخر كلنا مصريين.

   تم النشر في 26th March 2008 الساعة 05:43 AM بقلم eve_y

9. ببساطة زى ماقالت العزيزة ايف ان الحكاية ومربط الفرس اننا ماتعلمناش ازاى نقبل الاخر بكافة اختلافاته فى مثل بيقول فى التنوع يكمن الجمال ولو كان ربنا عايزنا كلنا مرايات بعض لكان خلقنا شبه بعض ولكن حكمته ابلغ واجمل من التشوية اللى عملناه فى بعضنا البعض ياريت نفهم ونعرف ليه احنا اتخلقنا مختلفين وكمان لو فهمنا الهدف من خلقنا ومهمتنا فى هذا الكون وتعايشنا مع بعض اكيد هنحقق جنة الله على الارض ولا هنقول مسيحى ولا مسلم ولا بهائى ولا بوذى وراح نقول كلنا انسان وبس

   تم النشر في 26th March 2008 الساعة 07:31 AM بقلم ronnyvolcano

Trackbacks

ophilia

• تاريخ القيد بسجلات الدولة Mar 2008
• المداخلات 254
• التدوينات 11

• ابحث في تدوينات ophilia

  التي تحتوي على النص: البحث في العناويين فقط

  بحث مُتقدم
• أبواب المدونة

  • تبويب غير محدّد
• التعليقات الحديثة

  • تحقيق صحفى مع ابليس.... بقلم لا يملك حق المواطنة
  • أحذروا هؤلاء الرجال الستة بقلم kaydahom
  • أحذروا هؤلاء الرجال الستة بقلم ophilia
  • لحظة بقلم ronnyvolcano
  • الحب كالعمر يسرى فى جوارحنا حتى اذا ما مضى لا شىء يبقية بقلم مذكرات
• التدوينات الحديثة

  • فى الحب لا نرفض الوصاية
  • تحقيق صحفى مع ابليس....
  • الوحدة
  • أحذروا هؤلاء الرجال الستة
  • أحذروا هؤلاء الرجال الستة
• آخر زوار المدونة

  • فارس طيبة
  • مذكرات
  • bolbol
  • Gregory
  • kaydahom

• الأرشيف
  <   >  ديسمبر 2008
  Su	Mo	Tu	We	Th	Fr	Sa
  23	24	25	26	27	28	29
  30	1	2	3	4	5	6
  7	8	9	10	11	12	13
  14	15	16	17	18	19	20
  21	22	23	24	25	26	27
  28	29	30	31	1	2	3