سؤال لو سمحتم

انطلاقا من المبدا المعمول بيه هنا فى بلدنا اقصد فى دولة ابناء مصر ان اللى عايز يلعب يلعب عند بيته يعنى اللى عنده راى يقوله فى مدونته احسن له بدل ما ينشره فى حوار مفتوح و لو انى مش فاهمة ليه لكن.. ما علينا
انا عندى سؤال محيرنى من زمان و نفسى حد يرد عليه بس من غير فلسفة و فزلكة

هو ربنا خلقنا ليه بالضبط؟ و بلاش الاجابة اللى سمعتها الف مرة"وما خلقت الجن و الانس الا ليعبدون" لان اكيد فى اسباب تانية هو مش فى ملايكة بتعبده ليل مع نهار من غير تقصير؟؟ طيب احنا هنقدر نعمل زيهم؟!! مش ممكن و اكيد اللى خلقتا عارف كدة
طيب كان زمان فى المدرسة بيقولولنا ان رينا خلق بنى ادم علشان يعمروا الارض..مش ممكن طبعا ويعمروها ليه و لمين ما كلنا فى الاخر ميتين

طيب تفتكرو لو واحد بيشوف شغله كويس و مش بيازى حد يعنى راجل تمام بس مش بيعبد يعنى مش بيصلى مثلا او مش بيصوم يبقى ربنا هيجحمه فى جهنم زيه زى واحد مفترى عاش حياته يعيث فى الارض فسادا؟
طيب حاجة كمان لو واحد اتوجد فى النيا فقير و مسكين و عاش حياته هم و غلب و نكد و برده زى صاحبنا الاولانى يبقى برضه هيكون معاه فى جهنم؟ يعنى لا يتنصف دنيا ولا اخرة؟

با ريت لو حد عنده توضيح , تفسير ,اجتهاد ...