الى ابى الحبيب
تم النشر في 16th February 2008 الساعة 01:31 AM بقلم basbosa
وحشتنى اوى يا بابا مش قادرة اصدق ان 3 سنين عدت من غير ما اشوفك.. بكلمك كل يوم و انا عارفة انك سامعنى و باشتكيلك وانا عارفة انك حاسس بيا اكتر من اللى حواليا بس البعد وحش اوى يا بابا كل حاجة وحشة من ساعة ما سيبتنى ايوة باكل و باشتغل و بضحك بس مش بانساك ولا بابطل تفكير فيك عارف انا ساعات كتير بافكر ان ربنا بيعاقبنى ببعدك دة بس مش عارفة ليه..ليه ربنا يعمل فيا كدة ليه يعذبنى و ياخدك منى وانا محتاجالك. قالولى الحزن بيبتدى كبير و بعدين يصغر قالولى الدنيا بتلهى و مسيرك تنسى بس كل دة ماحصلش و صدقنى يا بابا وجود كل الناس حتى القريبين حواليا مابيعوضنيش عنك
باستناك تزورنى فى الحلم كل يوم بس انت مش بتيجى مش عارفة ليه شايلة صورتك معايا فى كل جتة لانى خايفة انسى ملامحك بس لا انا مش ممكن انسى انا حافظة كل حتة ف وشك كويس اوى فاكرة صوتك و كلامك وحركاتك حتى رنة ضحكتك فاكرة كل حاجة بس..
وحشتنى
باستناك تزورنى فى الحلم كل يوم بس انت مش بتيجى مش عارفة ليه شايلة صورتك معايا فى كل جتة لانى خايفة انسى ملامحك بس لا انا مش ممكن انسى انا حافظة كل حتة ف وشك كويس اوى فاكرة صوتك و كلامك وحركاتك حتى رنة ضحكتك فاكرة كل حاجة بس..
وحشتنى
عدد التعليقات 3
التعليقات
-
بسبوستى انا عايزة اقولك حاجة بس قبل ما اقولها عايزاكى تعرفى انى مش ممكن ابدا اشعر بمدى حزنك وافتقادك لابيكى وارجو ان يتسع لى صدرك الرحب ويتفهم من اى منطلق اتحاور فيه معكى
من قال ان اللى بيرحل بيختفى من حياتنا هو عايش معانا بذكراه الجميلة فما احلى نعمة التذكر والذكريات وما اجملها ذكرى شخص بالشيئ الحسن فكم من الناس ترحل وانا افضل كلمة رحيل عن كلمة موت فكم من الناس ترحل وتجدى الناس مش فاكرة هذا الشخص الذى رحل وان افتكروه جايز يترحموا علية وجايز يقولوا ريح واستريح لذا مهم جدا ان الانسان يترك ذكرى حلوة ليتذكرها الناس من بعده وهذه الذكرى موجودة عندك اقولك حاجة مهمة والدك لم يرحل عنك انه يراكى ويشعر بكى وبألامك ويدعوا لكى بالتوفيق فى كل خطواتك والا لما قال الله القدير ادعوا لهم كما يدعون لكم
الموت عند البهائيين مفهومه مختلف شوية عن باقى الاديان الاخرى فهم يعتقدوا ان الموت مرحلة من مراحل انتقال الروح من عالم الانسانية الى عالم الارواح اللى هو اصلا مكانها لذا فإعلمى ان كل الارواح مكانها فوق فى عالم الارواح ولكن هناك سبب اساسى فى نزولها فى هذا العالم الانسانى وفى هذا الجسد وكل روح لها مهمتها اللى لما تنتهى فى هذا العالم تصعد وترجع لعالمها الخاص بها ولذا تجدين البهائيين يستقبلون الموت بمنتهى السعادة والكل يتمنى ان يكون فى مكان الشخص الذى رحل فهو انتقل لعالم احسن من اللى احنا فيه فالروح فى هذاالعالم حبيسة الجسد ولكن لفتره وبرحيلها عن هذا العالم تتحررر من تلك القيود وتسير فى العوالم الالهية بمنتهى اللطف والشفافية وتترقى فى العوالم الالهية اللا متناهية لذا كونى على يقين ان والدك لازال بقلبك ومعك ويراكى ويشعر بكى بس المشكة انه فى مرتبة اعلى منكى تسمح له ان يراكى ولاترينه لانكى بالنسبة له فى مرتبه ادنى من مرتبته فانتى محدودة بمرتبتك
بالمناسبة اتعلمين ان هناك ثلاثة اشياء هى التى تساعد الروح المتصاعدة على الترقى اولها فضل ربنا وانه يشملها برحمته الواسعة وثانيها الدعاء الذى يدعوه اهل المتصاعد له وثالثها الاعمال الخيرية التى تقام على اسمه فى هذه الدنيا
بصراحة انا بعمل جلسات دعاء للمتصاعدين من اهلى داعية لهم بالترقى والغفران وعلى فكرة هناك ادعية للمتصاعدين عند البهائيين بعضها خاص بالاطفال وبالإماء وبالرجال المتصاعدين وانا سأدعى فى جلسات دعائى الجماعية لوالدك وسلامى ختام كلامىتم النشر في 16th February 2008 الساعة 02:58 AM بقلم ronnyvolcano
-
ياااه رونى بجد وحشتينى ..صدقينى بالرغم من انهم بيقولو ان فراق بابا اصاب قواى العقلية لكن انا متاكدة انه بيشوفنى و بيحس بيا.. انا حتى مش قادرة اقول على اللى حصل له موت انا باقول فراق او بعد مش عارفة قلبى مش بيطاوعنى اقول موت..
بادعيله على طول و ياريت انت كمان تفتكريه فى دعاكى على طول
ميررسى يا رونى.. رقيقة و متفهمة و بجد انا باستريح لكلامكتم النشر في 17th February 2008 الساعة 03:01 AM بقلم basbosa -
لا أستطيع أن أعبر لك عن مدى تأثري بمدونتك التي تجسدي فيها مدى صعوبة فراق والدك(رحمه الله) لأنني أعيش منذ زمن بهاجس لا يفارقني أبدا وهو لحظة فراق والدي لهذه الدنيا وهذا الهاجس البغيض يجعلني اتخيل كيف ستكون الحياة بدون والدي (أطال الله في عمره)
أنا أكن لوالدي قدر من الحب والاحترام لا أستطيع أن أعبر عنه أبدا بالكلمات
وتخيلي للحياة بدونه يجعل حالتي النفسية في أدنى مستوياتها
بالرغم من أنني تخطيت سن الثلاثون وأعتمد على نفسي منذ زمن
وبالرغم من أنني رب أسرة صغيرة مكونه من زوجة وأبن وأبنه
وبالرغم من أنني أتولى على عاتقي شئون إدارة هامة في مؤسسة كبيره
وبالرغم ... وبالرغم .... إلا أنني أشعر أنني لا أستطيع أن أستغنى عن والدي أبدا ولا عن حكمته ولا عن خبرته في الحياة ولا عن نصائحة التي يعطيها لي دائما ولا أوفى صديق في الدنيا
إن الأب كـرمز شيئ كبير جدا وإذا كان هذا الأب صاحب شخصية غير عادية فإنه يمثل شيء عظيم جدا جدا لا نستطيع أن نوفيه حقة إن تحدثنا عنه
أتمنى أن تعيشي دائما على ذكرى والدك(رحمه الله) إلى الأبد وان تتذكري كل ما غرزه فيكي وتصرفي دائما وكأنه يراكي في كل خطوة
شكرا على هذه المدونة التي لمست جزء خفي من مشاعرنا في ظل طاحونة الحياة اليوميةتم النشر في 7th March 2008 الساعة 06:46 PM بقلم payoo
مجموع الـ Trackbacks 0
