ايوة..فى مشكلة
تم النشر في 15th July 2008 الساعة 05:37 AM بقلم basbosa
مشكلتى معاه من زمان.. مش من زمان اوى بس ساعات احس المشكلة اوى و ساعات تانية الدنيا تاخدنى و انساه و انسى مشكلته معايا..
مشكلتى مش معاه هو شخصيا لكن مع الوسطاء اللى بيختارهم مابينا
يعنى انا عارفة و متاكدة انه بيحبنى..لا لا مش زى ما بيحب البشر كلهم..انا باحس انه بيحبنى انا على وجه الخصوص
و دة اللى بيخلينى احيانا اكلمه واساله
هو ليه مصر على الغموض بالشكل دة؟ ليه ماحددش من الاول هو مين و عايز ايه و عايزه ازاى؟ ليه بيصعب الامتحان كدة طيب..هو ليه بيمتحنا اصلا؟؟
اما مشكلة الوسطاء دى فهى اللى فعلا محيرانى
يعنى لو هو عايز يعرفنا عليه و يعرفنا ازاى نوصل له ليه اختار اكتر من وسيط باكتر من طريقة وطقوس و شعائر و..و..و..
هو ليه بيصعبها كدة؟ ليه كل ماقنع نفسى بيه الاقى مليون علامة استفهام ترجعنى تانى لتحت الصفر؟؟
انا بجد تعبت من التفكير و نفسى استريح
مشكلتى مش معاه هو شخصيا لكن مع الوسطاء اللى بيختارهم مابينا
يعنى انا عارفة و متاكدة انه بيحبنى..لا لا مش زى ما بيحب البشر كلهم..انا باحس انه بيحبنى انا على وجه الخصوص
و دة اللى بيخلينى احيانا اكلمه واساله
هو ليه مصر على الغموض بالشكل دة؟ ليه ماحددش من الاول هو مين و عايز ايه و عايزه ازاى؟ ليه بيصعب الامتحان كدة طيب..هو ليه بيمتحنا اصلا؟؟
اما مشكلة الوسطاء دى فهى اللى فعلا محيرانى
يعنى لو هو عايز يعرفنا عليه و يعرفنا ازاى نوصل له ليه اختار اكتر من وسيط باكتر من طريقة وطقوس و شعائر و..و..و..
هو ليه بيصعبها كدة؟ ليه كل ماقنع نفسى بيه الاقى مليون علامة استفهام ترجعنى تانى لتحت الصفر؟؟
انا بجد تعبت من التفكير و نفسى استريح
عدد التعليقات 11
التعليقات
 |  الجبلاوى؟ |
  |
| |  ايون... تمااااااااااااااااااااااااااام |
 |
| | مش عاوز أقولك إسألى أدهم وإدريس وجبل ورفاعه وقاسم. يعنى هما اللى شافوه وسمعوه وكلموه..... إجابة غبية صح؟ بس انت انسان يعنى لكى عقل عمرك ماهتبطلى تفكير،إلا إذا بطل عقلك. التفكير بالنسبة للعقل زى عضلة القلب بالنسبة للجسم، يعنى لو القلب وقف انسى انك تعيشى. |
| |
| | ايوة بس بس فى تفكير ممكن يوصل للجنون و انا مش عايزة اتجنن انا عايزة اعرف.. عايزة اوصل يعنى تضمنى منين انهم "ادهم و ادريس و..و..الى اخر القائمة" تضمنى ازاى انهم فعلا كلموه و بعضهم شافه؟ |
| |
| |  أوقات بشوف أنه مش موجود و سراب إشتياقنا لوجوده بيخلقه.. بس ارجع و أحس أنه موجود و أنى مدين له بالفضل.. و ما بين ده و ده.. أشعر انى تعبان، فبهرب من التفكير فيه.. بس بشعر انى بفكر برضة بيه.. |
| |
| |  إقتباس: هو ليه مصر على الغموض بالشكل دة؟ ليه ماحددش من الاول هو مين و عايز ايه و عايزه ازاى؟ ليه بيصعب الامتحان كدة طيب..هو ليه بيمتحنا اصلا؟؟ فترك لنا الفرصة لا أن نكسر وصاياه فقط بل أن نرفضه ونكفر به لو كان واضحاً لما كانت لدينا هذه الفرصة هوه أداكي حتة منه عشان تعرفي أنه موجود وعشان تدوري عليها أستفتي قلبك قبل عقلك يمكن حياتي مش كبيرة بس أنا مريت بتجارب كتير وبعيد عن كلام الكتب سواء المقدسة أو غيرها أنا متأكد أنه موجود |
| |
| |  هو ليه مصر على الغموض بالشكل دة؟ ليه ماحددش من الاول هو مين و عايز ايه و عايزه ازاى؟ ليه بيصعب الامتحان كدة طيب..هو ليه بيمتحنا اصلا؟؟ [size="3"]هو واضح وضوح الشمس فى نفوسنا فى اعطائك المقدرة على البحث عنة فى حريتك انك تعرفى عنة معلومات كتيرة ومختلفة ومتناقضة وتجتهدى انت للوصول هو عايز يشوفك هتوصليلة ازاى وهتبذلى اية علشان توصلى لحظات حيرتك دى اسمها اجتهاد و وقت لما توصلى لية تكونى شخص مميز حاول وفكر واجتهد ......وكل دة حب منك لية .....وهو اعطاكى فرصة للوصول لية باعطائك الحرية ....ودة حب منة ليكى و هو لية بيمتحنا علشان يعرفك مقدار ايمانك بية اذا كان زائف او حقيقى فهو لا يحتاج الابتلاء لكى يعرفك هو يعرفك لانك صنعة |
| |
| | اما مشكلة الوسطاء دى فهى اللى فعلا محيرانى الوسطاء مش هما المشكلة على الاطلاق..... الوصول لية ليس سببة الاساسى الوسطاء طيب فية قبائل بدائية لم يصل لها وسطاء ....ولكنهم استطاعوا ان يصلوا لية مش شرط عرفوة باسمة اللى احنا نعرفة ولا بطقوسة اللى الناس انقسمت عليها ولكن عرفوة .....ولم ينتظروا وسيط احترامى |
| |
| | الوسطاء هما السبب فى شكوكنا"او شكوكى انا على وجه التحديد" يعنى اذا كان الوسطاء دول وثقوا فيه وامنوا بيه لانهم بيقولوا انهم اما شافوه او كلموه او يعنى عرفوه بطريقة ما.. فلما نيجى احنا كمان و نؤمن بيهم و بيه و احنا و لا شفناهم و لا عرفناهم و لا اتعاملنا معاهم ولا واثقين من انهم اساسا اتصلوا بيه يبقى حاجة من اتنين اما ان ايماننا اكتر من ايمانهم بكتير او.. اننا مغفلين مجرد معرفته مش كفاية يعنى تخيلى ماكينة ما لقيتى ليها اكثر من كتالوج و كلهم هيمشوها تمام بس اكيد الشركة اللى صنعتها اعتمدت لها كتالوج واحد.انهى نسخة بقى؟ منعرفش طيب مادام الماكينة ماشية كويس هل دة يشفعلها فى الاخر لو ماكانتش ماشية على الكتالوج الاصلى؟ برده منعرفش ووسط الحيرة دى الواحد يلاقى نفسه بيشك فى الماكينة واللى عملها ومندوبين البيع والشركة اللى مصرة تحيرنا معاها مع ان كان ممكن اوى تسهل علينا الامور المشكلة مش اننا نوصل له المشكلة انه محدد طرق معينة علشان نوصله بيهاcertain pathways ماينفعش نمشى فى غيرها عارفة لو كان قال كل واحد يدور عليا و يلاقيتى كانت الامور بقت اسهل من انه يبعت مندوبين هما اللى يعرفونا بيه. |
| |
| |  إفتكرت مقولة من فيلم " Stigmata " ... Jesus Said The kingdom of God is inside you and aII around you not in mansions of wood and stone SpIit a piece of wood and I am there Lift a stone and you wiII find me |
| |
| | الدين الزائف- طاغور أولئك الذين يعانقون الوهم باسم الدين فيقـتـُلون ويـُقـتـَلون حتى الملحد يحصل على بركة الله فلا تفخر بدينك إنه يوقد في خشوع مصباح العقل ويقدم تمجيده لا إلى الكتب ولكن لكل شئ طيب في الإنسان إن الطائفي يلعن دينه حين يقتل إنساناً من غير دينه وهو لا يقوم السلوك على ضوء العقل ويرفع في المعبد العلم الملطخ بالدماء ويعبد الشيطان في صورة الإله كل هذا الذي تم عبر الأحقاب والعصور مخجل ووحشي قد وجد ملاذه في معابدكم التي تحولت إلى سجون لقد سمعت أصوات أبواق التدمير تبلغ الزمن بمكنستها الجارفة لتكنس كل المهملات كل ما يحرر الإنسان يحولونه إلى قيود وكل ما يوحده يحولونه إلى سيوف وكل ما يحمل الحب من النبع الخالد يحولونه إلى سجون يحاولون اجتياز النهر في سفينة مثقوبة يا إلهي دمر الدين الزائف وانقذ الأعمى ولتهشم ولتهشم المعبد الملطخ بالدماء ودع هزيم الرعد ينفذ إلى سجن الدين الزائف واحمل إلى هذه الأرض التعسة نور المعرفة هدية لك على ضؤ المتحدثين بأسم الإله و بركة "الملحد" الذى جاء ينتقم من نفس الإله.. |
| |
 نشر تعليق |
تدوينات basbosa الحديثة
- ايوة..فى مشكلة (15th July 2008)
- نفسى اصورها (26th June 2008)
- الراهب الشيطان.2 (20th May 2008)
- الراهب الشيطان.1 (18th May 2008)
- تابع (الراهب الشيطان) (16th May 2008)
