الراهب الشيطان.2
تم النشر في 20th May 2008 الساعة 01:16 PM بقلم basbosa
كل ما مرت بخاطرى حياة راسبوتين تذكرت هذه الرباعية
أنا الذي أبدعت من قدرتك
فعشت أرعى في حمى نعمتك
دعني الى الآثام حتى أرى
كيف يذوب الإثم في رحمتك
تقريبا نفس الفكرة أن الفرد يمكن أن يصبح أكثر قربا من الله إذا ارتكب عمدا اثما ثم تاب توبة نصوح .. و قد كانت هذه الفكرة او هذا "الايمان" هو الاساس الذى ارتكزت عليه افعال راسبوتين
دا يرجعنى لنقطة الايمان عند راسبوتين
عندى قناعة ان الرجل كان مؤمنا برغم افعاله و اراء الناس فيه الا ان كل هذه الافعال انما كانت ترجمة لايمان الرجل
حتى و ان كنا كافرين بايمانه ..
منذ طفولته كانت تظهر له رؤى عن القوى الالهية بل انه كان يستطيع ان يشفى حصان مريض بمجرد ان يلمسه.. ومثل هذه الوقائع كانت السبب فى انتشار سمعته كشافى من الامراض و قادر على ازالة اى الام
و نتيجة لهذه السمعة الطيبة و القدرات الاعجازية تم اللقاء بينه و بين الامبراطورة الام ثم انتقاله الى سان بطرسبرج بعد ذلك
اى ان الرجل كانت له سمعة طيبة كرجل دين له قدرات خارقة فى شفاء المرضى من الامراض المستعصية معتمدا فى ذلك على صلواته المستمرة
بل انه فى بعض الاحيان كانت تداهمه رؤى يخرج منها برؤى مذهلة عن المستقبل
فى احدى تلك الرؤى التى داهمته "امام جمع من الناس فى مدينة ساروف اثناء الاحتفال باعلان قداسة الراهبSeraphim"
تنبا بولادة ولى العرش فى الامبراطورية الروسية
بل انه تنبا بموته و بنفس الكيفية البشعة التى حدث بها و كان ذلك قبل حادث اغتياله باشهر قليلة..
لنا عودة ..
أنا الذي أبدعت من قدرتك
فعشت أرعى في حمى نعمتك
دعني الى الآثام حتى أرى
كيف يذوب الإثم في رحمتك
تقريبا نفس الفكرة أن الفرد يمكن أن يصبح أكثر قربا من الله إذا ارتكب عمدا اثما ثم تاب توبة نصوح .. و قد كانت هذه الفكرة او هذا "الايمان" هو الاساس الذى ارتكزت عليه افعال راسبوتين
دا يرجعنى لنقطة الايمان عند راسبوتين
عندى قناعة ان الرجل كان مؤمنا برغم افعاله و اراء الناس فيه الا ان كل هذه الافعال انما كانت ترجمة لايمان الرجل
حتى و ان كنا كافرين بايمانه ..
منذ طفولته كانت تظهر له رؤى عن القوى الالهية بل انه كان يستطيع ان يشفى حصان مريض بمجرد ان يلمسه.. ومثل هذه الوقائع كانت السبب فى انتشار سمعته كشافى من الامراض و قادر على ازالة اى الام
و نتيجة لهذه السمعة الطيبة و القدرات الاعجازية تم اللقاء بينه و بين الامبراطورة الام ثم انتقاله الى سان بطرسبرج بعد ذلك
اى ان الرجل كانت له سمعة طيبة كرجل دين له قدرات خارقة فى شفاء المرضى من الامراض المستعصية معتمدا فى ذلك على صلواته المستمرة
بل انه فى بعض الاحيان كانت تداهمه رؤى يخرج منها برؤى مذهلة عن المستقبل
فى احدى تلك الرؤى التى داهمته "امام جمع من الناس فى مدينة ساروف اثناء الاحتفال باعلان قداسة الراهبSeraphim"
تنبا بولادة ولى العرش فى الامبراطورية الروسية
بل انه تنبا بموته و بنفس الكيفية البشعة التى حدث بها و كان ذلك قبل حادث اغتياله باشهر قليلة..
لنا عودة ..
عدد التعليقات 7
التعليقات
 |  همممم.. لا اسمحلى يا بسبس أختلف معاكى شوية.. فكرة الرباعية وإن كانت إبراز رحمة الله.. إلا أنها تؤخذ بنظرة فنية أكثر منها دينية.. لكن على النطاق الموضوعى ففكرة الرباعية فيها إستعباط.. حد يقول لمراته سيبينى أخونك علشان يبان مدى مسامحتك مثلاُ؟ ده أكيد واحد بيستهبل مراته ولو صدقته (جدلاً) تبقى عاطفية مش عملية.. أصل معلوماتنا عن الله مش كونه رحيم وبس.. الله عادل كمان.. لو إفترضنا إمكانية تطبيق الرباعية عملياً يبقى باظ العدل لأن كدا اللى يعمل حاجات غلط زيه زى اللى ماشى صح وكله ربنا مسامحة.. برضه ده كلام منطقى؟ رحمة الله.. مقننة بعدلة.. مش زى ما خدعوك فقالوا إنها منحة وهبة بلا مقابل فى المطلق كدا.. حتى لما يسامح أو يغفر ذنوب فلازم يسبقها توبة.. وتكون صادقة كمان مش توبة نص كم.. إنا لو أنا غلطان وباضايقك وباقعد أغلط وأضايقك وعايز أكمل على كدا علشان تسامحينى فى المطلق كدا.. يبقى هاتيجى المسامحة منين غير ومعاها كمية لا بأس بها من الهبل؟ هيه الرباعية قوتها الفنية فى استحالة حدوثها.. نقطة تانية.. بشكل عام لما واحد بيعمل حاجات خارقة.. فده مش معناه إن مصدره إلهى.. لو هانبص برؤية دينية صرف.. فإيه المانع إن مصدر الخوارق يكون شيطانى مثلا؟ ولو ركنا الدين كله على جنب.. إيه المشكلة فى الرد لمصدر باراسيكولوجى؟ ليه دايما ميتافيزيقى يعنى؟ راسبوتين مؤمن؟ ماشى ولو أنها غريبة حبتين.. لكن مؤمن من أنهى نوع يعنى وتصنيف إيمانه ده ايه.. ماهو حتى الشيطان ذاته مؤمن بالله وبقدرته.. الإيمان ليس فضيلة.. الإيمان مجرد قناعة.. الإيمان هو الضد للشك.. ومن ناحية تانية فالشك ليس خطيئة.. الشك هو أحد طرق الوصول ليقين.. الشك هو عملية تفكير.. (أضربى السطرين اللى فاتو دول فى الخلاط لأنى عارفهم مكلكعين) صعب أحط راسبوتين فى إطار الخير وهوه كان بيقدم البركات لمن تلد منه إبن سفاح.. هو بالنسبة لى أطاره الأمثل أقرب لعبدة الشيطان.. |
  |
| |  اطلاقا يا ميراج.. الرباعية ليست فكرتها فنية بحتة فمن المعروف عن عمر الخيام انه كان يعيش حياة السكر و العربدة و حينما سطر رباعياته وجدت نفس الفكرة الراسبوتينية "ان جاز هذا التعبير" تامل الرباعية دى: خير لي العشق وكأس المدام من ادعاء الزهد والإحتشام لو كانت النار لمثلي خلت جنات عدن من جميع الأنام الرجل يرى انه يستحق الجنة بل يتعدى مجرد الاستحقاق ليرى انه ان لم يستحقها فلا احد سيفعل ارى ان الرباعية الاولى تلخص فكرة عمر الخيام عن الايمان التى تطابق الى حد كبير فكرة راسبوتين بس خد بالك انها فكرة راسبوتين "او كما قلت مسبقا,هكذا كان ايمانه," و ايمانه قد يكون من نوع غريب علينا لكنه بلا شك مؤمنا راسبوتين مؤمن؟ ايوة و ليه لا؟ لمجرد افعال قد نختلف فى تفسيرها طيب اقرا معايا الفقرة الجاية دى: " آهٍ هذا النور .. كم أرغب في أن أتمكن من الاقتراب منه ولمسه .. إنه نجمة .. نجمة تنزلق على انعكاسات المياه .. ها قد أصبح سواد السماء أزرقاً .. آهٍ أيتها القديسة العذراء .. آهٍ يا مريم .. يا سيدتي ذات الرداء الأزرق والأبيض .. لقد جئتُ هذه الليلة الأخيرة إلى هذه المدينة الميتة لكي تأخذيني أنت التي كنت محقة .. أنت أم جميع الأمهات .. لم أطعك كما يجب .. لم أعد أشعر بشيء .. نعم ... خذيني إلى البحر القريب. . هناك إلى الشمال .. إرفعيني إليك يا مريم .. لكي أتمكن أخيراً من تقبيل أهداب ثوبك الأزرق .. وأسألك الغفران". اى ايمان ينقص هذا الرجل الذى يتلو مثل هذه الصلوات ؟ نعم كان ينغمس فى ملذاته احيانا لكن فى احيان اخرى معتكفا فى خلواته الروحانية المتعددة الطويلة مش بالضرورة انك تتقبل ايمان الاخر لكن لا تنزع عنه ايمانه شوف.." بعض" الخوارق اللى جرت على يديه ممكن يكون ليها تفسير علمى بطريقة ما..لكن مش كلها مثلا لما انقذ الامير Alexis وريث العرش من النزيف حتى الموت"كان الامير مصابا بمرضhaemophilia" فى حين عجز عن ذلك اطباء البلاط الملكى من الممكن تفسير ذلك "كما قيل" بانه قد نوم الامير مغناطيسيا ,و من المعروف ان التنويم المغناطيسى بيقلل الheart rate و بالتالى يخفض من شدة تدفق الدم.. تفسير علمى مقبول لكن ازاى نفسر ان تمثال العذراء الذى صلى عليه و بعث به الى الامبراطورة كان له نفس التاثير فى حالة النزيف؟ و غيرها كتير من حالات الشفاء و تخفيف الالام هل سنفسرها كما فسرها اعداؤه على انها سحر اسود؟ شوف يا ميراج.. مازلت ارى اننا لم نعرف عن راسبوتين الا ما اراد معارضوه نشره عنه فلم نعرف الا الblack side لم نعرف الا راسبوتين الداعر الزنديق الفاجر الفاسق الغارق فى الخمر اما راسبوتين المتصوف المتعطش روحيا للمعرفة و العلم الديني .. الذى قرر الرحيل و الالتحاق باحد التجمعات الصوفية تاركا زوجته الحامل بطفلهما الثاني في أشهرها الآولى .. فيرحل باحثا عن الله و عن ذاته في خلوة امتدت لأشهر عديدة راسبوتين الذى كان زوجا صالحا و أب دائم الحضور و غزير العاطفة و الحنان بشهادة اولاده من بعده راسبوتين المتشرد بين البقاع ناشرا كلمة الحق و مساعدا المرضى على الصبر و الشفاء هذا هو راسبوتين الذى لم نعرفه |
 |
| | أوكى.. كدا أنا فهمتك أكتر فى جزئية الرباعية.. متفقين.. فى جزئية راسبوتين المؤمن لسة شويتين.. كلامه اللى بيخاطب بيه العذراء برضه شعر أكثر من إنه صلاة.. وحتى على الناحية الدينية خاطئ فى تعبيرات زى "لم أطعك" أو "اسألك الغفران" لأنه كدا بيكلم إله مش بيكلم العذراء.. (وده راجل متعلم ومتنور مش راجل غلبان بيبيع كياس جوافة يعنى علشان يغلط الغلطة دى من غير قصد) ثم تعالى هنا وفهمينى.. يعنى حتى لما عايز يكلم ربنا يروح جايب واسطة نسائية؟ ليه مابيتكشفش على رجالة ولا ايه؟ ده دماغة لاسعة ومش هاياكل معايا.. بالنسبة للخوارق.. فأعتقد إنك بتتكلمى عن العلم المادى فقط.. الباراسيكولوجى بيقدم تفسير لموضوع التمثال اسمه السيكومترى.. شوفى.. هوه ممكن نتفق إنه شخصية عبثية + كونه ESPer.. |
| |
| |  يا عم ميراج أي حد يقرا كلامك يفكر أنك ضد المسيحية لاني بصراحة شايف في كلامك حاجات كتير تخالف تعاليم المسيحية زي حكاية الراجل ومراته إللي أنت ضربت بها مثال "بالنسبة لي تساوي" >>> وصية المسيح لأتباعة (كما ذكرها الأنجيل)"من ضربك على خدك فاعرض له الآخر ايضا" وقلت برضه (إنا لو أنا غلطان وباضايقك وباقعد أغلط وأضايقك وعايز أكمل على كدا علشان تسامحينى فى المطلق كدا.. يبقى هاتيجى المسامحة منين غير ومعاها كمية لا بأس بها من الهبل؟) يعني أعطاء الخد الأخر هبل مش تسامح ؟ وأنت قلت برضه (كلامه اللى بيخاطب بيه العذراء برضه شعر أكثر من إنه صلاة.. وحتى على الناحية الدينية خاطئ فى تعبيرات زى "لم أطعك" أو "اسألك الغفران" لأنه كدا بيكلم إله مش بيكلم العذراء.. (وده راجل متعلم ومتنور مش راجل غلبان بيبيع كياس جوافة يعنى علشان يغلط الغلطة دى من غير قصد)) أعتقد أن كل المسيحيين الأرثوذكسيين يؤمنون بقداسة العذراء وشفاعتها ويصلون لها طالبين شفاعتها وقلت (ثم تعالى هنا وفهمينى.. يعنى حتى لما عايز يكلم ربنا يروح جايب واسطة نسائية؟ ليه مابيتكشفش على رجالة ولا ايه؟ ده دماغة لاسعة ومش هاياكل معايا..) طيب هو ربنا أصلا محتاج واسطة رجالي أو حريمي يا ميراج ؟ على الأقل العذراء معروف عنها معرفة الشمس للأعمى أنها أقدس نساء العالمين وبخلاف راهب مثل راهب دير محرق مثلا مش عاوزك تضايق من كلامي لكن عاوزك تراجع كلامك بالنسبة للخوارق.. فأعتقد إنك بتتكلمى عن العلم المادى فقط.. الباراسيكولوجى بيقدم تفسير لموضوع التمثال اسمه السيكومترى.. |
| تم التحديث يوم 22nd May 2008 في 08:06 AM من قبل payoo |
| | كلامه اللى بيخاطب بيه العذراء برضه شعر أكثر من إنه صلاة.. وحتى على الناحية الدينية خاطئ فى تعبيرات زى "لم أطعك" أو "اسألك الغفران" لأنه كدا بيكلم إله مش بيكلم العذراء.. (وده راجل متعلم ومتنور مش راجل غلبان بيبيع كياس جوافة يعنى علشان يغلط الغلطة دى من غير قصد) اكيد انت اقدر منى على الحكم على الفقرة ان كانت صلاة ام شعر لكن حتى لو كانت زى مابتقول شعر اكيد الشاعر مر بتجربة شعرية او لنقل روحانية لكى "يتلو" مثل هذا الشعر الرائع يعنى لازم يكون حاسس اوى بالكلام الرائع اللى هو كاتبه.. حاسس و متذوق و مستمتع يعنى اقرب للحالة الروحانية العالية للمصلى زى الشعراء الصوفيين مثلا... تفتكر لو راسبوتين كان فعلا ESPer ايه اللى يخليه "يتمحك" فى الدين.. بل و لا ينسب الفضل لنفسه فى اى من الخوارق التى يفعلها فيقول: " لست ذاك الذي يشفي من الأمراض .. بل هو الله القادر على كل شيء " يعنى"فى تخيلى" لو واحد كاريزماتيك زى راسبوتين يمتلك هذه القدرة فى ذاك الزمان كان من الممكن ان يرفعه الناس لمصاف القديسيين "و ربما الالهة" دون ان ان يحاول هو ان يرتدى عباءة التدين لم يكن راسبوتين فى حاجة الى هالة الدين حوله و مع ذلك ترك الدنيا و اعتكف فى الاديرة ثم رحل شاردا فى الارض بحثا عن الله ثم ترقى الى ان اصبح كاهن الاعتراف للامبراطورة.. |
| |
| |  بصى يا بسبوسة انا عايزة ااقول حاجة قدرة بعض الاشخاص على رؤية ما لا يراة احد مرفوع عنهم الحجاب يعنى او قدرتهم على شفاء المرضى ...مالهاش دعوة ابدا بالايمان او عدمة عندك مثلا العزيز فرعون مصر زمن سيدنا يوسف لما شاف رؤية وطلعت حقيقية ما كانش مؤمن ولا حاجة كمان قدرة بعض الناس على الشفاء برضة لا يلزمها الايمان ممكن تكون قدرات خارقة عند بعض الاشخاص بس الناس دايما بتحب تشوف صاحب القدرات مؤمن وانا مع ميراج ان ممكن الشخص اللى عندة قدرات خارقة دة يكون بيستعين بالشيطان وايمانة الراسغ جواة ايمان بالشيطان مش باللة وكمان ما ينفعش نمثل مسامحة ربنا لعبادة لمسامحة البشر بعضهم لبعض وللة المثل الاعلى تفتكر لو راسبوتين كان فعلا ESPer ايه اللى يخليه "يتمحك" فى الدين.. بل و لا ينسب الفضل لنفسه فى اى علشان يدى لتنبؤاتة المشروعية اللى تخلى الناس تسمعة كقديس وليس كدجال " لست ذاك الذي يشفي من الأمراض .. بل هو الله القادر على كل شيء " ماهو لازم يقول كدة امال يقول انا القادر المقتدر .....ساعتها الناس هتقول علية شيطان او متألة او كافر بصى يا بسبوسة هوة ما ينفعش انة يقول انا الة ......لكن ينفع انة ينتظر حكم الناس فية سواء هما قالوا انة الة علنا ....او اعتنقوة كألة فى فكرهم وبعدين انا مؤمنة بحاجة ان الانسان احيانا بيكدب الكدبة ويصدقها |
| تم التحديث يوم 24th May 2008 في 03:44 AM من قبل ophilia |
| | عزيزتى ophilia فرق كبير بين الخوارق التى كان يفعلها راسبوتين و الرؤية التى يراها النائم رؤية العزيز كانت مجرد رؤية نائم اما الرؤى التى كانت تنتاب راسبوتين كانت حالة روحانية ينغمس فيها وسط الناس و هو فى كامل وعيه متفقة معاكى ان تفسير تلك الخوارق قد يكون مرجعه الى السحر الاسود او قد يكون مرجعه "كما قال ميراج" الى قدرة عقلية خاصة لكن سؤالى هو ليه يلجا لغطاء الدين؟ ماهو كان ممكن" مثلا" يكون ساحر البلاط بدلا من ان يكون "كاهن البلاط" و فى الحالتين كان هيكون له نفس النفوذ و السلطة لان السبب فى نفوذه كان اولا شخصيته قبل معجزاته |
| |
 نشر تعليق |
تدوينات basbosa الحديثة
- ايوة..فى مشكلة (15th July 2008)
- نفسى اصورها (26th June 2008)
- الراهب الشيطان.2 (20th May 2008)
- الراهب الشيطان.1 (18th May 2008)
- تابع (الراهب الشيطان) (16th May 2008)
