اصبحت مطرودة من رحمة الله
تم النشر في 9th April 2008 الساعة 12:40 PM بقلم basbosa
من فترة صغيرة جاءتنى شابة لا يزيد عمرها عن 20 سنة و معها احدى شرائط اختبار الحمل المنزلى و سالتنى على النتيجة و ببساطة قلتلها.. مبروك يا مدام فى حمل
الشابة نظرت لى غير مصدقة و قالتلى مش ممكن انت متاكدة؟ قلت لها ان النتيجة واضحة جدا بس طبعا الاحسن انك تعملى تحليل حمل فى المعمل علشان تحليل الدم هو المؤكد
تانى يوم جاءتنى بتقرير المعمل و تانى قلتلها مبروك حامل فى حوالى 3 شهور
البنت كان هايغمى عليها و شبه انهارت و دخلت فى نوبة بكاء هيستيرى
طبعا دخلتها وهديتها و اكيد من غير ما اسال فهمت ان موضوع الحمل دة مشكلة
و بدون الدخول فى تفاصيل.. اعتقدت انه لابد من افعل ما استطيع حفاظا على مستقبل الفتاة و رحمة لها من الفضيحة
و بالفعل بعد معرفة المعلومات اللازمة اعطيتها الدواء المقصود و بعد يومين اتصلت بي لتشكرنى وسط بكاءها لانى ساعدتها و انها لن تنسى لى موقفى معها الى اخر كلام الشكر و العرفان..
بعدها و بالصدفة اتفتح موضوع مشابه فى دروس احدى المساجد المجاورة فخطر لى ان اسال "الشيخ" اللى بيحاضر فى الموضوع دة
انتظرته فى مكتبه بعد الدرس و حكيت له اللى حصل
تعلافوا قالى ايه؟ انى مذنبة مثل الخاطية و ربما اكثر لانى بمساعدتى لها باشجعها على ان تقع فى الخطيئة مرة تانية و تالتة قلت له ازاى بس يا عمو الشيخ هو مش المفروض ان درء الضرر اولى؟و بعدين هي ندمت على فعلتها يبقى المفروض نستره مش نفضحها.. فاذا به ينفعل و بشدة : و لما حضرتك فقيهة كدة بتسالى ليه؟ امثالك هما السبب فى نشر الفساد و الرزيلة بين الناس انت مش ممكن ربنا يرحمك باللى انت عملتيه دة
مش قادرة اقولكم خرجت من عنده شكلى عامل ازاى
والله العظيم كل اللى كنت بافكر فيه لما ساعدتها انى بارحمها من الفضيحة ومستقبل اسود "ان وجد" انى باديها فرصة تبتدى من جديد خاصة و انها ندمت على اللى عملته..
اذا كان ربنا بيرحم و بيستر المفروض انى كنت افضحها؟
الشابة نظرت لى غير مصدقة و قالتلى مش ممكن انت متاكدة؟ قلت لها ان النتيجة واضحة جدا بس طبعا الاحسن انك تعملى تحليل حمل فى المعمل علشان تحليل الدم هو المؤكد
تانى يوم جاءتنى بتقرير المعمل و تانى قلتلها مبروك حامل فى حوالى 3 شهور
البنت كان هايغمى عليها و شبه انهارت و دخلت فى نوبة بكاء هيستيرى
طبعا دخلتها وهديتها و اكيد من غير ما اسال فهمت ان موضوع الحمل دة مشكلة
و بدون الدخول فى تفاصيل.. اعتقدت انه لابد من افعل ما استطيع حفاظا على مستقبل الفتاة و رحمة لها من الفضيحة
و بالفعل بعد معرفة المعلومات اللازمة اعطيتها الدواء المقصود و بعد يومين اتصلت بي لتشكرنى وسط بكاءها لانى ساعدتها و انها لن تنسى لى موقفى معها الى اخر كلام الشكر و العرفان..
بعدها و بالصدفة اتفتح موضوع مشابه فى دروس احدى المساجد المجاورة فخطر لى ان اسال "الشيخ" اللى بيحاضر فى الموضوع دة
انتظرته فى مكتبه بعد الدرس و حكيت له اللى حصل
تعلافوا قالى ايه؟ انى مذنبة مثل الخاطية و ربما اكثر لانى بمساعدتى لها باشجعها على ان تقع فى الخطيئة مرة تانية و تالتة قلت له ازاى بس يا عمو الشيخ هو مش المفروض ان درء الضرر اولى؟و بعدين هي ندمت على فعلتها يبقى المفروض نستره مش نفضحها.. فاذا به ينفعل و بشدة : و لما حضرتك فقيهة كدة بتسالى ليه؟ امثالك هما السبب فى نشر الفساد و الرزيلة بين الناس انت مش ممكن ربنا يرحمك باللى انت عملتيه دة
مش قادرة اقولكم خرجت من عنده شكلى عامل ازاى
والله العظيم كل اللى كنت بافكر فيه لما ساعدتها انى بارحمها من الفضيحة ومستقبل اسود "ان وجد" انى باديها فرصة تبتدى من جديد خاصة و انها ندمت على اللى عملته..
اذا كان ربنا بيرحم و بيستر المفروض انى كنت افضحها؟
عدد التعليقات 28
التعليقات
 |  والله أنا خايفه أرد عليكى يتقلب موضوع دينى وبعدين يقفلوه الناس اياها بصى يا ستى مافيش مخلوق على وجه الأرض يقدر يقدر يقول أنك خرجت من رحمة ربنا .اذا كان الكافر لما يعرف ربنا بيتغفر له وربنا قال "لا تقنطو من رحمة الله" اما الشيخ اللى انتى سألتيه فيا ريت يورينا التوكيل اللى معاه من ربنا .والتحريم فى تصرفك كان من ناحية الطفل اللى الدين بيكفل له الحياه حتى لو كان طفل غير شرعى وبيحميه حتى من أمه لأنه مخلوق ضعيف أما موضوع انك بتشجعيها فده كلام عارى من الصحه لأن لو هى دى أخلاقها تبقى مش مستنياكى تشجعيها ولو هى أنسانه كويسه يبقى خلاص بس انتى عملتى مصيبه كان ممكن توديكى فى داهيه افرضى ان البنت دى لأى سبب جسمها لم يتحمل الدوا وحصل لها نزيف وماتت ورأيى انك تسألى شيخ عدل لأن أعتقد ان الموضوع فيه كفاره عشان الطفل |
  |
| |  مبدأيا احنا ناخد الجزء الغلط يابوس بوس. انك غلطى لأنك مش طبيبة انت صيدلانية يعنى ماتعرفيش التاريخ المرضى للحالة اللى قدامك مجرد تحاليل حمل. وكانت ممكن تعرضك للمسئولية القانونية وتبقى انت الجانى والضحية ايضا فى نفس الوقت،على الرغم من انها المذنبة. أما بالنسبة لسؤال الشيخ ففى حاجة اسمها اختلاف لآراء العلماء فى الدين يعنى ده ممكن يكفرك التانى يحملك جرم قتل نفس بغير حق وهكذا تتعدد الآراء. وفوق كل ده يابوس بوس ان الله غفور رحيم وأحب العباد الى الله التوابون كثرت ذنوبك أو قلت فالله يحب عباده التوابون.وتحاولى ترجعى لبعض الفقهاء وانا ياستى متبرعالك بالموضوع ده وهاسألك استاذ فقه وشريعة كمان وماتقلقيش رحمته كبيرة . |
| |
| |  موضوع المسئولية القانونية و احتمال وفاة البنت دى حاجة مش تفوت عليا اولا مافيش مسئولية قانونية اطلاقا ثانيا انا شفت تحاليل البنت"غير تحليل الحمل " بنفسى و كانت صحتها كويسة بالاضافة لان دة كان اول حمل يعنى حالة الرحم ممتازة المشكلة كلها انى مش متخيلة انى بجد قتلت روح يعنى دة ممكن يحسب قتل خطا مثلا؟ بس خطا ازاى؟ يبقى قتل عمد؟ مذكرات ..هاستنى ردك عليا فى اقرب فرصة |
 |
| |  بصي يا بسبوسه القاعده الفقهيه بتقول "لا ضرر و لا ضرار " المشكله في الاصل هي حمل البنت لو كان الحمل دا استمر مكنش هايضر البنت بس لا دا هي و اهلها و عيلتها و احنا كمان في مجتمع شرقي يعني هاتبقي هيصه .......فالاجهاض هاينقذ البنت من الفضيحه. اما بقي الطريقه اللي كان بيتكلم بيها الشيخ بتنطبق علي حالات تانيه . يعني مثلا ام حامل و الحمل مش جي علي هواها او عايزه تاخره تقوم تروح تعمل اجهاض دا بيبقي اسمه دلع اما بالنسبه للمسئوليه القانونيه فانتي ادري بيها بالنسبه لمجالك . |
| |
| |  بصي يا بسبوسة أنا مقتنعة تماماً باللي إنتي عملتيه لأني قادرة أتخيل إنتي عملتيه بأي دافع وقادرة أتخيل حالة البنت طبعاً ، أما بالنسبة للشيخ الفاضل اللي المفروض يكون عارف كويس إن حتى لو إحنا إتصرفنا بجهالة فهو المفروض يستخدم أسلوب النصيحة مش التعالي علينا بما أوتي من العلم فيعني بصراحة لو مكانك كنت هقوله دي لو بنتك كان ده بردو هيكون رد فعلك كمان الرحمة والغفران وكل الحاجات دي خاصة إلهية ومفيش حد على وجه الأرض يقدر يقولك إنتي أخرتك إيه |
| |
| |  إقتباس: المشكلة كلها انى مش متخيلة انى بجد قتلت روح يعنى دة ممكن يحسب قتل خطا مثلا؟ بس خطا ازاى؟ يبقى قتل عمد؟ رغم أنه من الصعب إدراك مجتمعنا - المتدين بالتخلف - لما سأقوله الأن. لكني سأجيبك إعتقاداً بأن البعض القليل قد يقدر على الإستيعاب وأن يكون مختلفاً. أنا هنا أحاور هذه الأقلية فقط وغيرها لن يفهم ولن يعي. ما فعلتيه يا زميلة، يندرج تحت قائمة الـ"Euthanasia" المقطع EU يعني الرحيم / الطيب / الخيّر / الحسن / الميسّر والمقطع THANASIA يعني الموت / القتل وعليه، فإن لفظة الـ"أوتانازيا" تعني "القتل الرحيم" / "الموت الخيّر" ما قمتِ به يسمى فى صورته التطبيقية Euthanasia Directe (القتل الرحيم الفعّال/المباشر" (هناك صوراً متعددة لممارسة الـ"أوتانازيا") تكمن الإستشكالية الحقيقية أن المجتمعات المتخلفة حضارياً - كمجتمعنا - يعتبر الدين هو الوعاء الأخلاقي الوحيد. من الصعب على إنسان العالم الثالث أبتكار قيماً وأخلاقاً غير مردودة للمشيئة الإلهية. وتعتبر إستشكالية الأوتانازيا مشكلة إنسانية وقانونية شغلت الفقه والقضاء على السواء - من دون حسم - وأعتبرها مثالاً حياً للتفرقة بين مستويات التفكير من حيث التقدم / التخلف الحضاري. صلب المشكلة يكمن في أن مثل هذا القتل لا ينبعث عن نفس إجرامية، وإنما على العكس من ذلك فهو منبعث عن نفس رحيمة. لكي تصبح النظرة أكثر عمقاً، سأعود ببعض حالات الدراسة الشهيرة، (يتبع) |
| |
| | 1ـ في عام 1912 قتل أحد وكلاء النيابة الفرنسيين زوجته المصابة بشلل نصفي ناشئ عن إصابة دماغية، وقرر أمام المحكمة أنه قام بواجبه تجاه زوجته التي كانت تعاني آلاماً لا تطاق. 2ـ في عام 1925 قتلت الفتاة "يومنيسكا" خطيبها الذي كان مصاباً بالسرطان وأجريت له عملية جراحية ونقل دم، ولكن الآلام التي ظل يعاني منها كانت آلاماً لا إنسانية ولا يمكن أن تحتمل، فراح يتوسل إلى خطيبته بصورة ملحة لتنهي آلامه فضعفت إرادتها وحقنته بكمية كبيرة من المورفين لتخديره ثم قتلته بمسدسها. 3ـ في عام 1950 قتل الطبيب الأمريكي "ساندر" سيدة تدعى "بورتو" عمرها 59 عاماً بحقنها ثلاث مرات متتابعات بعشر سنتيمترات مكعبة من الهواء ففارقت الحياة بعد دقائق من الحقن، وكانت تلك السيدة قد دخلت المستشفى قبل عام ونصف لإصابتها بالسرطان وأجريت لها عملية، ثم عادت إلى المستشفى بعد ان انتقل السرطان إلى الكبد والكليتين وغشاء المعدة والغدة الدرقية والليمفاوية، وأظهر الكشف الطبي أنها سائرة قدماً نحو نهايتها المحتومة وكانت السيدة قد ذاب لحمها ولم يبق سوى العظم والجلد حيث انخفض وزنها من ستين كيلو جرام إلى 25 فقط ولم تعد قادرة على مضغ الطعام أو ابتلاع الماء فقرر الأطباء تغذيتها بصورة اصطناعية، واشتدت آلامها وفقدت الأدوية المسكنة تأثيرها في تهدئة الآلام. حين واجهت النيابة ذلك الطبيب بالتهمة أجاب بأن زوج المريضة رجاه مراراً أن ينهي آلام زوجته، وكان هو أيضاً يتألم لآلامها فأقدم على إنقاذها من تلك الآلام، وأضاف بأنه عملياً ما كان ممكناً أن تعيش أكثر من أسبوع آخر وأن زوجها حين أعلمه بموتها قال: "الحمد لله.. إنا سعيد أنها استراحت.." 4ـ في عام 1961 قتل الطبيب البلجيكي "كاسترس" طفلة كانت مصابة بتشوه فظيع عند ولادتها سبب انهيار والدتها وصراخها حين رأت ابنتها على تلك الهيئة، وتوسلت إليه بأن ينقذ طفلتها من تلك المأساة الإنسانية. تلك أمثلة لبعض الوقائع التي ثارت أمام القضاء وأثارت معها ضجيج الرأي العام، قضت المحاكم في بعضها بالإدانة وبالبراءة في بعضها الآخر، ليس لأن القتل كان فيها بدافع الشفقة وإنما انسياقاً وراء ضغط المشاعر الإنسانية التي تنطق وتتحدث بها تلك الوقائع، الأمر الذي جعل للمشكلة أهمية تستوجب البحث لها عن حلول. صحيح أن مشكلة كتلك لم تعرض بعد على أي قضاء عربي ولكنها قابلة بين لحظة وأخرى لأن تثور، الأمر الذي يستلزم بحثها. وبادئ ذي بدء فالفقه الجنائي في شقه الأعظم يرى أن المشكلة (وهمية) لا تثير شبهة في التطبيق القانوني الصحيح، إذ يعتبر هذا القتل جريمة مهما كانت حدة الدافع على ارتكابها، لأنه "لا عبرة في القانون بالبواعث" ومع ذلك يبقى للمشكلة وجهها الإنساني إذ أن النوايا تنطق بأنها خيّرة وحسنة، الأمر الذي دفع بجانب ضخم من المفكرين إلى القول بتبرير هذا القتل ولذلك أسموه: الموت الرحيم. نهاية يا سيّدتي، لو كنت مكانك لفعلت مثلك تماماً لأني أثق بإله يحاسبني على النوايا، ولا أثق ببشر غير قادر على الغوص بداخلي وقراءة صدري ولا يأخذ إلا بظاهر الفعل (القتل)، لن أثق ببشر حتي لو كانوا فقهاء ورجال دين في هذه المسألة لأنها أكبر وأعقد منهم. سأفعلها وضميري مرتاح تماماً لطالما إمتلكت القدرة التقنية على التشخيص والتنفيذ. ولو لم أفعلها لوصمت نفسي بالخذلان. لن أخاف لوصمي بالقاتل، إذ إنهم - بوصفهم هذا - يقلدونني وسام الرحمة دون أن يدركون. إحترامي.. |
| |
| |  أعتقد أن الموضوع لا يتبع القتل الرحيم إطلاقاً يا أوريجانوس. وآرائك في هذا الموضوع توضح مع الأسف أنك شخصية نرجسية فوق النقد. عفواً يا صديقي لا وقت لدي للنقاش في مثل هذه المواضيع, لكن دعني أهمس في أذنك أن تقرأ قصة جوني اريسكون التي أصيبت بالشلل في ربيع عمرها وكان ممكن أن ينقذها "رحيم" مثلك من الآمها وينهي حياتها دون أن تترك أثراً للبشرية, لكنها وجدها معنى حياتها في معاناتها وكثيرين مثلها وجدون المعنى في الألم. السؤال الذي يواجه كل منا يومياً يا عزيزي هو ليس ماذا أعطتنا الحياة لكن ماذا أعطينا للحياة كي نستحق أن نعيش. لماذا لا نفعل كما كان يفعل مساجين معسكرات النازية بالجري نحو السور المكهرب وإنهاء حياتهم؟ إذن هيا بناRUN TO THE FENCE!! كنت ناوي أروح مخصوص بكرة مؤتمر بتاع مصريون ضد التمييز عشان أشوفك لكن صرفت نظر!! أما الست بسبوسة فهاقول حل يمكن تعتبريه سخرية لكن المرة الجاية ابقى قولي للبنت دي فيه اختراع اسمه كوندوم. أرجو أنك متتصرفيش زي ابن الفيشاوي اللي راح اخد فتوى مغلفة بورق سوليفان بإجهاض بنته من الشيخ إياه. تحياتي. |
| تم التحديث يوم 10th April 2008 في 02:46 PM من قبل hany78 |
| | اوريجانوس..اعتقد انى قد استوعبت ouda و eve ومذكرات ميرسى انكم تفهمتوا و ميرسى اكتر للsupport kaydahom هانتظر ما اردت كتابته المدونات لا يمكن اغلاقها "على ما اعتقد" hany واضح ان وجهة نظرك لا تختلف عن وجهة نظر الشيخ اياه يعنى انت شايف ان استكمالا للموقف المفروض انصحها بالاحتياطات اللازمة للمرة الجاية؟؟؟!! دة على اعتبار انى باشجعها برده؟؟ افرض "لا قدر الله" زوجتك او اختك او بنتك حصلت لها حادثة ترتب عليها موقف مشابه ساعتها هاتعمل ايه؟ |
| |
| |  خايفة اكون قاسية معاكى يا بسبوسة او اكون زى الشيخ الى سألتية وضايقك باسلوبة وما حدش يقدر ينكر انك كنتى فى موقف صعب ... حسن النية لا يبرر ابدأ الاعمال الخاطئة ....... وعشان كدة( انما الاعمال بالنيات) العمل سبق النية يعنى العمل هوة الى بيثبت ع النية وليست النية الى بتثبت العمل.... الى قالة الشيخ ليكى يا بسبوسة....حقيقة وفعلا صح بس ممكن يكون قالة بطريقة فقهية بحتة يعنى كحكم شرعى زى الشرع ما قال ....وما حاولش يقنعك بالناحية الشرعية وهدفها.... واكيد فى حكمة من التشريع ..... والمفروض الشيخ كان فهمك بطريقة احسن ودة يمكن قصور فى الشيخ نفسة ....وطالما انتى عايزة تعرفى ...موقف الدين يبقى انتى عندك قناعة من جواكى ان فية حاجة حصلت خطأ ....وبعدين طالما البنت دى اخطأت لية ما تتحملش خطأها بنفسها لية تورطك انتى؟؟؟؟ ...او انتى تورطى نفسك لية ؟؟؟....كدة كدة البنت دى كانت هتحل المشكلة بطريقتها ....مش محتاجة مساعدة من حد اصل سهل انها تتخلص من الجنين ....فية 100 طريقة...ودى مش انانية بس فعلا نتحمل نتيجة افعالنا .... بالنسبة لموضوع القتل الرحيم ...انا مش مقتنعة بيها ....لان فعلا رحمة ربنا وسعت كل شىء...واكيد فى حكمة من شعور البشر بالالم والمعاناة وفعلا انا معاك يا هانى ...معنى وجودنا بيحسب بقدر معانتنا....واخيرا ربنا تواب رحيم وربنا يغفرلك ويغفر لنا ودى تجربة اكيد هاتستفيدى منها ...ويمكن يكون الى ما تشعرين بة من الم دلوقتى يكون لية معنى فى حياتك كبير ...ممكن ما تشوفيهوش دلوقتى ممكن تشوفية فى المستقبل.... |
| |
| | اطلاقا يا ophilia.. لم يساورنى اى شك فى صحة موقفى و لم الجا لاعرف موقف الدين انما هو الموضوع كان already مطروح بالصدفة يعنى انا اصلا مافكرتش ان موقفى فيه خطا "و للان" صعب اوى انك تشوفى حد فى ازمة و فى ايديك تحلى الازمة دى و ماتقدميش مساعدة.. انا على الاقل ماقدرش .. |
| |
| |  أوريجانوس أتفهم حالات القتل الرحيم وأختلف معك أن هذه الحالة تندرج تحت هذا المسمى basbosa لا أحد يطرد من رحمة الله فرحمة الله لا يسعها شيء حقاً لا أستطيع أن أعطيك رأياً واضحاً فيما فعلتيه (والحقيقة لا أعرف ماذا سأفل إن كنت مكانك) لكن ربما نتبادل بعض الأفكار سأحاول أن أجد وقتاً أكبر للنقاش |
| |
| | يظهر فهمتيني غلط يا بسبوسة, الكلب اللي عمل كدة مطلق السراح وممكن يكررها مع واحدة وتانية وتالتة زي احمد الفيشاوي تمام اللي حاول يعمل نفس اللي عملتيه بفتوى مغلفة بورق سوليفان زي ما قلت من شيوخ الفتاوي المعلبة. يعني اللي حصل مش هو الحل نهائياً |
| |
| |  صراحة الزملاء قالوا بما فيه الكفاية واستفاضوا في الشرح من اكتر من زاوية واكتر من رأي .... يعنى مش هديلك اكتر من اللى قالوه ,,, لكن انا متفهم وجهة نظر الشيخ اللى سألتيه ... لان في قواعد وثوابت ومحددات فقهية مجرد الانحراف عنها او تجاهلها بتعمد بيجعلك تقعي في اشكالات دينية ... يعنى مثلا ... شربتى الخمر متعمدة ... ليها جزاءها .. قتلتي , سرقتى , زنيتى .,... الخ كل شيء له عقوبة او جزاء او تحديد فقهي ... وفي حالتك 3 شهور شرعيا يعنى روح موجودة .. وانتى ساعدتي على اجهاض ادي لقتل نفس حية ... يمكن في غالبية الامر وخصوصا لو في وضعك دة بيكون تعاطف كبير جدا جدا جدا جدا لامراه او لفتاة مثلها عن اذا كان رجل .. وخصوصا ان كانت الفتاة غير متزوجة وهناك احتمالات حدوث فضيحة وما يترتب عليها .. فحسن النية متوفر لإنقاذ الامر ,,, ولكن التصرف المباشر بهذا الامر وبهذه الصورة أرى انه شابها الكثير من الاخطاء ولن اقول مطرودة من رحمة الله ولكن اتوقع ان التصرف يحتاج لتفكير من عدة زوايا ولن اقول دينية فقط ودعينى اسالك سؤال بسيط ... ماذا وان كانت تلك الفتاة ليست كما نظن .. ولن اقول انها محترفة بغاء او ما الى ذلك .. ولكن فقط لنقل انها فتاة مستهترة وضعي تحت مستهترة بعض الخطوط .. فما الذي سيمنعها من تكرار الامر في وجود ( صيدلانية جدعة وممكن تعمل اللازم وتفيد في الموضوع دة ) وماذا اذا كان لها رفيقة مستهترة ووصفت لها صيدليتك على انها ملاذ الفتيات المستهترات ضحايا الانفلات الجنسي الغير محسوب ... ما رايك ؟ ودعينى اسألك سؤال اكثر اهمية ... ماذا لو جاءت لك نفس الفتاة مرة اخرى بتحليل او ما الى ذلك ووجدتي ان الامر تكرر ؟؟؟ هل ستقومين ايضا بما قومتى به في المرة الاولى لان اسباب المرة الاولى لم تنتفي بعد وما زالت الفتاة عرضة للفضيحة والمشاكل .... الخ ؟ |
| |
| | انا أوافق سقراط ان هذا الموقف لايندرج تحت بند القتل الرحيم و لا حتى من باب الرحمه بالأم والمواقف التى ذكرت من أوريجانوس حدثت فى دول لاتحتكم فى قانونها الى الدين ومع هذا ادينت بعض الحالات ولا أرى عيبا اذا كنت ادين بديانة ما ان اعرف ما حكم خالقى ومن اعبده فيما أفعل فعندما أسافر دوله أعرف قوانينها كى لاأخطىء فما العيب ان أعرف قوانين رحاة حياتى حتى لاأضر ليس فقط بنفسى و لكن بالآخرين ايضا اما موضوع ثبوت العمل بالنيه أو العكس فأنا أختلف مع أوفيليا لأن "لكل امرء ما نوى"وأنا لا أعرف الحكم تحديدا فى هذه الحاله ولكنى اثق بأن القانون الالهى ليس كالقانون الوضعى فى جزئية ان الجهل بالقانون لا يعفى من المسئوليه وان رحمته وسعت كل شىء وعليا النعمه اللى هيقول على اى حاجه فى الرد ده شخصنه ولا معرفش ايه انا اللى هعلم على وشه 10علامات اجرام |
| |
| | انا أوافق سقراط ان هذا الموقف لايندرج تحت بند القتل الرحيم و لا حتى من باب الرحمه بالأم والمواقف التى ذكرت من أوريجانوس حدثت فى دول لاتحتكم فى قانونها الى الدين ومع هذا ادينت بعض الحالات ولا أرى عيبا اذا كنت ادين بديانة ما ان اعرف ما حكم خالقى ومن اعبده فيما أفعل فعندما أسافر دوله أعرف قوانينها كى لاأخطىء فما العيب ان أعرف قوانين رحلة حياتى حتى لاأضر ليس فقط بنفسى و لكن بالآخرين ايضا اما موضوع ثبوت العمل بالنيه أو العكس فأنا أختلف مع أوفيليا لأن "لكل امرء ما نوى"وأنا لا أعرف الحكم تحديدا فى هذه الحاله ولكنى اثق بأن القانون الالهى ليس كالقانون الوضعى فى جزئية ان الجهل بالقانون لا يعفى من المسئوليه وان رحمته وسعت كل شىء وعليا النعمه اللى هيقول على اى حاجه فى الرد ده شخصنه ولا معرفش ايه انا اللى هعلم على وشه 10علامات اجرام |
| |
| |  أنا كنت بفكر شوية فى موضوع القتل الرحيم لقيت المعارضين للقتل الرحيم بيقولوا إيه ؟؟؟ القتل .. ما يجعل القتل خطية هو إن الإنسان بيقوم فيه بدور الله و يتخذ قرار بإنهاء حياة إنسان و بالتالى الطبيب اللى بيعمل كده فيبقى سرق حاجة مش بتاعته قام بدور مش بتاعه بدافع الرحمة ؟؟؟ هل الله عجز عن فعل الرحمة هذا !!! الله يرى هذه النفس المتألمة و يعرف أكثر من أى شخص آخر كم هى متألمة و مع هذا ظل صامتا .. فما الذى يجعلك أيها الإنسان تتجرأ و تتخذ قرار إنهاء حياة و كأن الله عجز عن فعل الرحمة هذا و لكن فى نفس الوقت .. توجد مواقف يقوم فيها الطبيب بإتخاذ قرار إنهاء الحياة هذا بدافع المهنة و متطلباتها أم تلد .. و حالة الجنين سيئة و فيها خطر على الأم و الجنين لن ينجو يتخذ الطبيب وقتها قرارا بإنهاء حياة الجنين حفاظا على حياة الأم هذه أشياء فرضتها أصول و قواعد علوم الطب قديما قبل معرفة البنج و التخدير .. هل كان كل من لديه ضرس يؤلمه يقتل نفسه !!! |
| تم التحديث يوم 11th April 2008 في 06:08 AM من قبل Gregory |
| | توجد إشكالية آخرى .. مريض مصاب بالسرطان مثلا و يعانى آلاما رهيبة لا تحتمل و يطلب من الطبيب أن يقتله قتل الرحمة هل يجوز أن يقوم هذا المريض بقتل نفسه بنفسه و لا يسمى هذا إنتحارا !!! مبدأ الهروب من الألم .. بدافع اليأس من وجود شفاء أليس هذا هو مبدأ كل منتحر !!! هل تفرق أن يقوم الشخص بقتل نفسه أو أن يؤجر آخر يقوم بهذا نيابه عنه !!! هل الألم الجسدى مبرر للإنتحار ؟ ماذا عن الآلام النفسية !!! إنسان يصاب بالإكتئاب فينتحر هل وقتها نسميه قتل نفسه رحمة بنفسه ؟ أم مازال يسمى إنتحار ؟؟؟ بالنسبة للفتاة التى وقعت فى الزنا فحبلت هل صارت هذه نهاية الدنيا ؟؟؟ ألم يكن هناك أى وسيلة لتصحيح هذا الخطأ غير قتل طفل برئ عمره ثلاث شهور ؟؟؟ أنا كتبت فى صفحة الجوجل كلمة abortion أى إجهاض لقيت صور لإجهاض حدث بعد 8 أسابيع .. الصور قاسية جدا .. لم أرد وضعها هنا لكن هذه الفتاة إن رأت مثل هذه الصور ستفكر ألف مرة قبل الإجهاض لا يوجد خطأ بدون علاج .. لا يوجد خطأ يترتب عليه أن الدنيا تقوم و لا تقعد و إن قتلها أهلها فربما صار هذا تكفيرا عن ذنبها و إن صارت لها فضيحة لربما أيضا صار تكفيرا عن ذنبها و صارت عبرة لغيرها لكن أن تقتل جنين برئ لا ذنب له فهذا هو الهروب و ستذهب تزنى مرة آخرى .. و ستلجأ لوسائل الــ Safe Sex عشان تاخد بالها المرة الجاية و إن حدث حمل عن طريق الخطأ مرة آخرى .. فالحل سهل جدا أحدا آباء الرهبنة القبطية قال ما معناه " المغفرة اللى بتيجى بالساهل .. بتضيع بالساهل " لما الواحد يغلط و يلاقى إن الموضوع عدى عادى جدا هيغلط تانى و تالت و رابع و يا أخت بسبوسة .. الله رحمته واسعة ولا أحد مطرود منه المهم أن نعرف خطأنا و نعترف به و لا نكرره ربما شيخ الجامع أراد تنبيهك لجدية الأمر فأستخدم أسلوب قاسى http://img178.imageshack.us/img178/8...f8a1cs8yc1.jpg |
| تم التحديث يوم 11th April 2008 في 06:05 AM من قبل Gregory |
| | لا يا Gregory ربنا رحيم و علشان كدة لم يقف صامتا بل ارسل رحماته لهؤلاء المرضى التعساء فى صورة طبيب رحيم فى نقطة احب اوضحها انا مش اول مرة اكون فى الموقف دة كتير قبل كدة جتنى سيدات ما بين من حملت و لا تريد المزيد من الاولاد او من حملت و تدعى ان فى هذا الحمل خطر على صحتها او تتذاكى مدعية ان ال period متاخرة او حتى مواقف اكثر صراحة "اووقاحة" لسيدات يطلبن مباشرة"اى حاجة علشان الحمل ينزل" لكنى ابد لم افكر فى ان اتعامل مع ايا منهن لكن البنت دى كان واضح جدا حالتها و مشكلتها مش ممكن تكون كانت بتمثل الهلع و الرعب او تكون بتالف الحكاية اللى حكتهالى و لم افكر للحظة انى اتدخل فى مشيئة الهية او انى باقتل طفل برئ بل على العكس.. "غلاباوى" تعال نفترض فرض تانى ان اللى حصل دة كان فى حد زاته درس للبنت فاستقامت و ربنا هداها يبقى التصرف دة اداها فرصة تانية و صلح من شانها او على الاقل اعادها للطريق كلنا بنحتاج فرصة تانية لو غلطنا ليه مش عايزينها تاخد فرصتها؟ |
| |
| | إقتباس: لا يا Gregory ربنا رحيم و علشان كدة لم يقف صامتا بل ارسل رحماته لهؤلاء المرضى التعساء فى صورة طبيب رحيم بل يحاول العلاج أولا .. الفتاة فى هذه الحالة .. الطفل فى بطنها لا يمثل أى خطر طبى عليها .. بل خطيتها هى الخطر عليها و هذه علاجها بالزواج من الشخص الذى فعل هذا " إن كان حدث بدافع الحب " أو الإبلاغ عنه إن كان إغتصاب مثلا مبدأ الرحمة هذا قد يجعل الصيدلى يبيع أدوية مخدرة لمدمن رآه يتعذب من الحاجة إلى المخدرات فهل هذه رحمة منه ؟ هل الله أرسل هذا الصيدلى رحمة منه لهذا المدمن المتآلم ؟ أعتقد من الناحية العقيدية المسيحية .. هناك روح تكونت داخل أحشاء الأم إنسان جديد يتكون بالفعل ... الأم تشعر به .. و هو يشعر بها و إجهاضه يعتبر قتل فى الحقيقة .. أنا برضه محتار فى بعض المواقف التانية يعنى أنا ممكن أتعاطت مع الفتاة اللى فوق لو كانت حامل نتيجة لإغتصاب مثلا خصوصا إن إبنها لو جه هيفضل طول عمره مجرد رؤيته هتفكر الأم بوحشية الحادث اللى إتعرضت له و مش عارف دى حلها إيه .. و إن كنت لا أشجع الإجهاض أيضا اللى أعرفه فى دول غربية إن موضوع التبنى موجود بسهولة أزواج لم ينجبوا بيعملوا إعلانات يطلبوا فيها أبناء يتبنوهم " أو يكفلوهم يعنى " ممكن يكونوا أيتام .. و ساعات أطفال " غير مرغوب فيهم " " غير مرغوب فيهم " دى نوع من تحايل الأم حتى لا يكون الحل الوحيد هو قتل الأطفال مش عارف الحاجات دى تنفع معانا هنا و لا لأ |
| |
| | بص يا gregory الموقف بتاع المدمن دة مختلف تماما عن موقف البنت.. فى فرق انك تحط نفسك فى مشكلة بكامل ارادتك و انك تتحط "غصب عنك" فى مشكلة المدمن دة خد قراره و لازم يتحمل نتيجة القرار دة و بعدين الصيدلى اللى هايديله المخدر مش بيساعده ولا بيحل له مشكلة دة بيزود الطين بلة لكن فى الحالة التانية البنت ماخدتش القرار انها تحط نفسها فى المشكلة هى اتحطت فيها و كان لازم حد يساعدها.. موضوع التبنى دة مش ممكن ينجح فى مصر خصوصا تبنى "الاطفال الغير مرغوب فيهم" |
| |
| | كلنا بنحتاج فرصة تانية لو غلطنا ليه مش عايزينها تاخد فرصتها؟ بصى يا بسبوسة اية عرفك ان الفرصة الى انتى اديتيهالها .....ممكن تستخدمها صح .....دة اولا... تعالى نفرض حاجة تانية ...لو عيشتى انتى احساس الطفل البرىء دة وهوة بيسلب منة حقة فى الحياة الى ربنا اعطاة لية ودة بس علشان استهتار ام واب ما عندهومش اى احساس بالمسئولية ....ما دوروش على حاجة غير انانيتهم ولذتهم بس ...سواء الى حصل دة كان بسبب حب او غريزةوبعد ما شعروا بالسعادة مش عايزين يتحملوا نتيجة سعادتهم المزعومة والمفروض حد تالت يتحملها.... |
| |
| | وبعدين كل الى بنمر بية فى الحياة من محن بتكون ابتلاءات من ربنا سبحانة وتعالى....ربنا بيشوفنا هنحقق شريعتة فى الارض ولا شريعة انفسنا.... وانا شخصيا مش بقول الكلام دة ليكى بس ...انا بقولة لنفسى بصوت عالى حتى لا انسى .... |
| |
| | الجميع يتكلم كان حياة هذا الطفل هذا لو فرضنا ان اهلها سمحوا لها بانجابة اصلا كانت ستكون مفروشة بالورود او حتى انة كان سيعترف لة بهذا الحق. ان الجرائد تمتلىء بحكايات هؤلاء الاطفال الاتى لم تجد امهاتهم من يساعدهن على الاجهاض... وتنوع مصير اولئك الاطفال بين الالقاء من شباك المنور او على مقلب زبالة حيث تكفلت بة القطط الضالة... العيب ليس فيمن فكرت فى المساعدة فلم تجد سوى هذة الطريقة بل العيب فى المجتمع الذى لم يجعل امام اى احد سوى هذة الطريقة... اما عن هند االحناوى لما طابت بحقها فى اثبات زواجها العرفى ونسب بنتها وهاج عليها المجتمع كلهم لاموها على عدم اجهاضها ومطالبتها بحقوق ابنتها اللى فى نظرهم مش شرعية دلوقتى الناس ضميرها صحى وبقى الطفل الغير شرعى لة حقوق وحقوقة عند امة فقط فين حقوقة الاول اللى عند المجتمع. |
| |
| |  اضم صوتى للاخت فتاة مصرية ان هذا المجتمع هو السبب ف ظهور مثل هذه الحالات فعدم الموضوعية والرؤية المستقبلية لعدم قبول مثل هذه الحالات فى مجتمعاتنا كانت السبب الاعظم والرئيسى لظهور اجنة فى اكياس الزبالة ولو نظرنا لمعالجة افلام زمان لوجدتى الفتاة تذهب للعيش مع اقارب الاسرى حتى تضع مولودها وتضعه فى ملجأ او على باب جامع او بيت لكن الافلام لم تعالج المسألة بالطريقة الفجه التى يتعامل بها المجتمع الان مع هذه الحالات وللاسف احنا امامتا طريق طويل مليئ بالاشواك حتى نستوعب طريقة التعامل مع مثل هذه الحالات وعلى الرغم من ان المجتمع الغربى اللى المفروض منحل اخلاقيا لا يعالج هذه المساءل بهذا الاسلوب ابدا بل هناك بلدان تحارب الاجهاض تماما وليست فكرة قابلة للمناقشة بل الاعجب ان بوش بجلالته استغل هذه النقطة كى يكسب الانتخابات الامريكية لان المجتمع الامريكى ضد سياية اجهاض الاجنة المجتمع الغربى يرحب بفكرة الام العزبة كما انه يساعدها فى هذا خاصة اذا لم تكن الام تريد ان تربى هذا الكائن البرئ الا انه يوفر له الاسرة البديلة والتى توفر لهذا الطفل كامل الرعاية والحب اللازم لنموه كطفل طبيعى اين نحن من هذه الرؤيا والمنظور المتطور لدرجة ان هذه المسالة حلت مشكلة الام العاقر والاب اللى نفسه فى طفل لكن شتان الفارق بين ثقافتنا وثقافتهم نقطة الحرمانية انا اتفق مع كل من يقول انها حرمانية لانها بالفعل حرام وحسب البهائية ان الروح تتعلق بالجسد من ساعة تكون النطفة فى الرحم وليس كما يقال 3 شهور لذا الاجهاض بدون سبب طبى عمل قذر وقميئ فمن انا لاحرم هذا البرئ من حقه فى الحياة ؟ وكما ذكرت من قبل ان الروح تأتى لهذا العالم لتترقى وتكتسب الكمالات اللازمة لها فكيف ازهق روح واحرمها من هذا الترقى ولسوف اكتب موضوع عن رؤية البهائية فى الاطفال التى ازهقت ارواحهم ما هو موقفهم عند الله وتابعينى ايتها العزيزة وحقيقى مش ناسيه تساؤلاتك الا انى مشغوله كما تعلمين فى المؤتمر اه بخصوص الشيخ دة بنى ادم زيه زيك اراؤه تحتمل الصح والخطأ ولكن فى النهاية الصح صح الخطأ خطأ ولكن المشكلة فى طريقة عرض الاثنين |
| تم التحديث يوم 13th April 2008 في 02:34 AM من قبل ronnyvolcano |
| | طيب بما انكم شاركتونى المشكلة من اولها جبيت اشرككم فى نهايتها... احلى دعوة فرح وصلتنى كانت النهاردة.. البنت دورت عليا و سالت لغاية ما وصلت لمكانى الجديد علشان تيجى" و معاها شاب زى السكر" و يعزمونى على فرحهم احساسى انى السبب بطريقة او باخرى فى حالة السعادة دى كان احساس اكتر من رااااااااااااااااائع "لا مش غرور صدقونى" بس بجد احساس جميل اوى انى اتاكد ان تصرفى كان سليم و احساسى كان صادق.. |
| |
| |  |
| |
| | ربنا يوفقهم .. و تكون دى بداية حياة جديدة نقية |
| |
 نشر تعليق |
تدوينات basbosa الحديثة
- ايوة..فى مشكلة (15th July 2008)
- نفسى اصورها (26th June 2008)
- الراهب الشيطان.2 (20th May 2008)
- الراهب الشيطان.1 (18th May 2008)
- تابع (الراهب الشيطان) (16th May 2008)
