المدونة دى عملتها عشان الناس تعرف انى مش من كوكب تانى وانى عايشة وسطهم من زمان زى اى واحدة من الشعب فى مقولة بتقول من الخطاء ان تسأل الاعمى عن جمال غروب الشمس فكيف تسأل البصير الاعتراف بوجودك فالاثنين واحد فى مثل تلك الحالة
عشان كدة حبيت اتشارك معاكم بمذكراتى حتى تعترفوا بوجودى بينكم فدائما الانسان يخاف من الشيئ المجهول ولذا اردت الا اكون مجهولة
عشان كدة حبيت اتشارك معاكم بمذكراتى حتى تعترفوا بوجودى بينكم فدائما الانسان يخاف من الشيئ المجهول ولذا اردت الا اكون مجهولة
مرحلة الابتدائى
تم النشر في 23rd January 2008 الساعة 12:22 AM بقلم ronnyvolcano
تم التحديث يوم 25th January 2008 في 01:56 AM من قبل ronnyvolcano
تم التحديث يوم 25th January 2008 في 01:56 AM من قبل ronnyvolcano
طبعا الكل دخل عشان يشوف اية حكاية مذكرات واحدة دى ويا ترى هتقول فيها ايه؟ 
بصراحة الفكرة جتنى فى يوم وليلة وكانت بطريق الصدفة البحتة انا فكرت ان اكتب مذكراتى مش لازم الواحد الناس تعرف مذكراته بعد مماته عشان تتعلم منها بس كمان لازم تشوفها وهو عايش عشان تستفيد منها فى حياتها انا بشوف انى اعرف المشاكل اللى بيقابلها الناس امامى واتعلم منها دة شيئ مهم ومفيد.
لذا بدأت تختمر الفكرة فى راسى وبعدين لاقيت ان المثل اللى بيقو " تعرف فلان ؟نعم ...عاشرته؟ لا.... تبقى متعرفوش بصراحة مثل حقيقى فكتيرا من الناس لا تعلم اى شيئ عن البهائيين او عن معاناتهم 
او حتى من هم والكل ماشى وراء اشاعات
بيعيد ويزيذ فيها ومحدش فاهم حاجة وعشان كدة حبيت اتشارك معكم فى يومياتى اللى ممكن تعطيكم نبذة بسيطة عن البهائيين وعن معاناتهم بس ياريت تقرؤها على انها مذكرات واحدة من عامة الشعب المصرى مش واحدة بهائية والسلام وتحاولوا تتخيلوا انفسكم مكانى وياريت كل واحد فيكم يسأل نفسه لو كان فى نفس موقفى هذا ماذا سيفعل ؟ لو كان تعرض لمثل ما تعرضت له كيف سيكون موقفه؟
انا بخاطب فى المذكرات دى نفسى اكثر ما بخاطب غيرها يعنى بتكلم معها بس بصوت عالى حبتين ونبتدى الحكاية :
اولا : الحكاية بدأت معايا عندما كنت فى الصف السادس الابتدائى يعنى كنت لسه حتة قطة مغمضة
كل همها امتى تكبر وتتخرج عشان متصحاش بدرى 
وتروح المدرسة وكمان تخلص من الامتحانات ووجع قلب المذاكرة
وتتفرج على التليفيزيون فى اى وقت وبالاخص برنامج اخترنا لك دى كانت كل امنياتى ومكنانش يفرق معايا انا عايزة اكون اية لما اكبر ودة طبعا تفكير طفلة فى مثل سنى 
.
اذكر انى كنت فى هذه الفترة زى اى واحدة من باقى التلاميذ بتذاكر وبتعمل وجباتها المنزلية حتى لما كنت بسأل على حاجة تخص المادة التى بندرسها كانت اجابات المرسين عجيبة مكنوش على ايامى بيعلمونا حاجة اى شيئ عندهم نحفظه صم من غير مناقشة ولا فهم
ولما كبرت عرفت ليه ...
لانهم متعلموش يفهموا على اد ما اتعلموا يحفظوا وبالطبع فاقد الشيئ
لا يعطيه المهم كنت بحفظ والسلام وبعد الامتحان انا زى الحمارة
معرفش حاجة لدرجة انى كنت بليدة جدا فى المواد الاجتماعية والعربى والانجليزى ويا سلام على شهداتى اللى الكحك منورها وطبعا كان لازم ينوبنى من الحب جانب يعنى شوية تهزيء واللذى منه المهم كنت يوم فى الفصل وجاءت الابلة بورق البيانات الخاصة بالتلاميذ عشان نملاءها وكانت موجودة خانة الديانة فكتبت ديانتى (البهائية) واذا بالدنيا قامت ومقعدتش وجابت الابلة باقى المدرسات وندهت للناظرة وقالتلى ساعتها ابلة الناظرة بكرة تجيبى ولى امرك ومكدبش عليكم انا اترعبت وتسألت 
هو انا عملت ايه؟ طيب اروح اقول لبابا يجى ليه؟ المهم ذهبت لبابا وقلت ليه اللى حصل .
تانى يوم جاء معى اعظم واحب واكبر سند لى فى هذه الدنيا ويارب لا يحرمنى منه ويجعل يومى قبل يومه المهم تقابل والدى مع الناظرة ودار هذا الحوار
الناظرة : اية اللى بنتك كتبته ؟
ابى: كتبت دينها
الناظرة: بس دة مش مذكور فى شهادة ميلادها
ابى: واية اللى مكتوب ؟
احضرت الناظرة الملف ووجدت امام خانة الديانة( شرطة )
وهنا قال ابى على اى اساس صنفتيها انها مسلمة وليست مسيحية
قالت على اساس اسمها ثم انها كانت بتدرس دين اسلامى منذ دخولها للمدرسة ولم تعترضوا
قال ابى لها وايه المشكلة لما تدرس الدين الاسلامى وهى مش مسلمة؟ هى بتتعلم حاجة عيب ابنتى تعرف انه دين اخر غير دينها وكمان بتجيب فيه الدرجات النهائية ولكنى لم ادخلها المدارس عشان لما تسأل عن دينها تكذب وتخبئ
فقالت له احنا مش هنمتحنها دين اسلامى احنا هنمتحنها سلوكيات ودة منهج يمتحنه كل من هو ليس بمسلم او مسيحى فقال لها ابى مش مشكلة حتى لو امتحنتيها فى الدين اللى درسته.
لاحظت فى حديث ابلة الناظرة بعض السخرية ودى طبعا يلقطها اى طفل على طول وكنت متعجبة لماذا وفيها اية وفين المشكلة ما انا بذاكر وبجيب درجات حلوة فى الدين الاسلامى . ذهبت فى هذا اليوم لفصلى وتعجبت من ان المدرسين كانوا بيجوا ويتفرجوا على ويتهامسوا وبيبصولى بنظرات غريبة 
ترجمها عقلى الصغير على انها نظرات شر ولكن لما كبرت عرفت ما معنى تلك النظرات اصلها ملازمانى حتى الان
كل دة لم يهزنى بس اللى هزنى تعامل باقى اصحابى فى الفصل معى فيه اللى ابتعد عنى ومبقاش بيكلمنى وفيه اللى كان بيضربنى ويشدنى من شعرى
والا الفسحة كانت مسخرة كانوا بيزفونى 
على مسمع ومرأى المدرسين( البهائية اهى)
( اللى مش مسلمة اهى) وبصراحة مكانوش وصلوا فى تلك الفترة الزمنية من العمر لكلمة كافرة والحمد لله
كانت حالتى سيئة للغاية ومكنتش بحب اروح المدرسة كل اصحابى مش بيكلمونى وحتى اللى بيكلمنى منهم بيعيب فيا طيب اعمل ايه؟
لقيت حل جميل
هو انى لا انزل معهم الفسحة واسبيها ليهم مخضرة وبناقص وكنت بقعد فى الفصل لكن دة معجبش المدرسين وكانوا بيطردونى خارج الفصل للفسحة ومن يوم ما اتعرف انى بهائية مبقيتش بحضر حصة الدين خالص 
وبيسرحونى فى الحوش عشان ميصحش احضر دين مش دينى وبصراحة مكنتش بحب الموضوع عشان كنت ببقى وحيدة فى الحوش لو بس كان فى حد تانى مطرود مثلى اللعب معاه المهم خلصت السنة السادسة وذهبت لمدرسة الاعداية بنات.
بصراحة كنت مبسوطة انى هروح مدرسة تانية مفيهاش مدرسين مش بيحبونى ولا اطفال مش عايزين يصاحبونى
واذكر اليوم اللى قبل اى عام دراسى مكنتش بعرف انام من فرحتى
بقدوم العام الجديد وبأنى سوف اذهب للمدرسة بالشراب والجزمة والشنطة الجديدة لدرجة انى كنت بنام بيهم الليلة اللى قبل اليوم الدراسى .
وفعلا ذهبت للمدرسة الجديدة وكلى امل
فى سنة جميلة لا تشوبها احزان او دموع تنسال من على خدى كل ليلة
وذهبت يومها للمدرسة الاعدادية
.
عارفين المثل اللى بيقول يطلع من نقرة يقع فى ضحضيرة اهو دة بالضبط اللى حصل معايا
وللحديث بقية انتظرونى......
بصراحة الفكرة جتنى فى يوم وليلة وكانت بطريق الصدفة البحتة انا فكرت ان اكتب مذكراتى مش لازم الواحد الناس تعرف مذكراته بعد مماته عشان تتعلم منها بس كمان لازم تشوفها وهو عايش عشان تستفيد منها فى حياتها انا بشوف انى اعرف المشاكل اللى بيقابلها الناس امامى واتعلم منها دة شيئ مهم ومفيد.
لذا بدأت تختمر الفكرة فى راسى وبعدين لاقيت ان المثل اللى بيقو " تعرف فلان ؟نعم ...عاشرته؟ لا.... تبقى متعرفوش بصراحة مثل حقيقى فكتيرا من الناس لا تعلم اى شيئ عن البهائيين او عن معاناتهم او حتى من هم والكل ماشى وراء اشاعات بيعيد ويزيذ فيها ومحدش فاهم حاجة وعشان كدة حبيت اتشارك معكم فى يومياتى اللى ممكن تعطيكم نبذة بسيطة عن البهائيين وعن معاناتهم بس ياريت تقرؤها على انها مذكرات واحدة من عامة الشعب المصرى مش واحدة بهائية والسلام وتحاولوا تتخيلوا انفسكم مكانى وياريت كل واحد فيكم يسأل نفسه لو كان فى نفس موقفى هذا ماذا سيفعل ؟ لو كان تعرض لمثل ما تعرضت له كيف سيكون موقفه؟انا بخاطب فى المذكرات دى نفسى اكثر ما بخاطب غيرها يعنى بتكلم معها بس بصوت عالى حبتين ونبتدى الحكاية :
اولا : الحكاية بدأت معايا عندما كنت فى الصف السادس الابتدائى يعنى كنت لسه حتة قطة مغمضة
كل همها امتى تكبر وتتخرج عشان متصحاش بدرى وتروح المدرسة وكمان تخلص من الامتحانات ووجع قلب المذاكرة وتتفرج على التليفيزيون فى اى وقت وبالاخص برنامج اخترنا لك دى كانت كل امنياتى ومكنانش يفرق معايا انا عايزة اكون اية لما اكبر ودة طبعا تفكير طفلة فى مثل سنى .اذكر انى كنت فى هذه الفترة زى اى واحدة من باقى التلاميذ بتذاكر وبتعمل وجباتها المنزلية حتى لما كنت بسأل على حاجة تخص المادة التى بندرسها كانت اجابات المرسين عجيبة مكنوش على ايامى بيعلمونا حاجة اى شيئ عندهم نحفظه صم من غير مناقشة ولا فهم
ولما كبرت عرفت ليه ...لانهم متعلموش يفهموا على اد ما اتعلموا يحفظوا وبالطبع فاقد الشيئ
لا يعطيه المهم كنت بحفظ والسلام وبعد الامتحان انا زى الحمارة معرفش حاجة لدرجة انى كنت بليدة جدا فى المواد الاجتماعية والعربى والانجليزى ويا سلام على شهداتى اللى الكحك منورها وطبعا كان لازم ينوبنى من الحب جانب يعنى شوية تهزيء واللذى منه المهم كنت يوم فى الفصل وجاءت الابلة بورق البيانات الخاصة بالتلاميذ عشان نملاءها وكانت موجودة خانة الديانة فكتبت ديانتى (البهائية) واذا بالدنيا قامت ومقعدتش وجابت الابلة باقى المدرسات وندهت للناظرة وقالتلى ساعتها ابلة الناظرة بكرة تجيبى ولى امرك ومكدبش عليكم انا اترعبت وتسألت هو انا عملت ايه؟ طيب اروح اقول لبابا يجى ليه؟ المهم ذهبت لبابا وقلت ليه اللى حصل .تانى يوم جاء معى اعظم واحب واكبر سند لى فى هذه الدنيا ويارب لا يحرمنى منه ويجعل يومى قبل يومه المهم تقابل والدى مع الناظرة ودار هذا الحوار
الناظرة : اية اللى بنتك كتبته ؟
ابى: كتبت دينها
الناظرة: بس دة مش مذكور فى شهادة ميلادها
ابى: واية اللى مكتوب ؟
احضرت الناظرة الملف ووجدت امام خانة الديانة( شرطة )
وهنا قال ابى على اى اساس صنفتيها انها مسلمة وليست مسيحية
قالت على اساس اسمها ثم انها كانت بتدرس دين اسلامى منذ دخولها للمدرسة ولم تعترضوا
قال ابى لها وايه المشكلة لما تدرس الدين الاسلامى وهى مش مسلمة؟ هى بتتعلم حاجة عيب ابنتى تعرف انه دين اخر غير دينها وكمان بتجيب فيه الدرجات النهائية ولكنى لم ادخلها المدارس عشان لما تسأل عن دينها تكذب وتخبئ
فقالت له احنا مش هنمتحنها دين اسلامى احنا هنمتحنها سلوكيات ودة منهج يمتحنه كل من هو ليس بمسلم او مسيحى فقال لها ابى مش مشكلة حتى لو امتحنتيها فى الدين اللى درسته.
لاحظت فى حديث ابلة الناظرة بعض السخرية ودى طبعا يلقطها اى طفل على طول وكنت متعجبة لماذا وفيها اية وفين المشكلة ما انا بذاكر وبجيب درجات حلوة فى الدين الاسلامى . ذهبت فى هذا اليوم لفصلى وتعجبت من ان المدرسين كانوا بيجوا ويتفرجوا على ويتهامسوا وبيبصولى بنظرات غريبة ترجمها عقلى الصغير على انها نظرات شر ولكن لما كبرت عرفت ما معنى تلك النظرات اصلها ملازمانى حتى الانكل دة لم يهزنى بس اللى هزنى تعامل باقى اصحابى فى الفصل معى فيه اللى ابتعد عنى ومبقاش بيكلمنى وفيه اللى كان بيضربنى ويشدنى من شعرى
والا الفسحة كانت مسخرة كانوا بيزفونى على مسمع ومرأى المدرسين( البهائية اهى)( اللى مش مسلمة اهى) وبصراحة مكانوش وصلوا فى تلك الفترة الزمنية من العمر لكلمة كافرة والحمد لله كانت حالتى سيئة للغاية ومكنتش بحب اروح المدرسة كل اصحابى مش بيكلمونى وحتى اللى بيكلمنى منهم بيعيب فيا طيب اعمل ايه؟
لقيت حل جميل
هو انى لا انزل معهم الفسحة واسبيها ليهم مخضرة وبناقص وكنت بقعد فى الفصل لكن دة معجبش المدرسين وكانوا بيطردونى خارج الفصل للفسحة ومن يوم ما اتعرف انى بهائية مبقيتش بحضر حصة الدين خالص وبيسرحونى فى الحوش عشان ميصحش احضر دين مش دينى وبصراحة مكنتش بحب الموضوع عشان كنت ببقى وحيدة فى الحوش لو بس كان فى حد تانى مطرود مثلى اللعب معاه المهم خلصت السنة السادسة وذهبت لمدرسة الاعداية بنات.بصراحة كنت مبسوطة
انى هروح مدرسة تانية مفيهاش مدرسين مش بيحبونى ولا اطفال مش عايزين يصاحبونىواذكر اليوم اللى قبل اى عام دراسى مكنتش بعرف انام من فرحتى
بقدوم العام الجديد وبأنى سوف اذهب للمدرسة بالشراب والجزمة والشنطة الجديدة لدرجة انى كنت بنام بيهم الليلة اللى قبل اليوم الدراسى .وفعلا ذهبت للمدرسة الجديدة وكلى امل
فى سنة جميلة لا تشوبها احزان او دموع تنسال من على خدى كل ليلة وذهبت يومها للمدرسة الاعدادية
.عارفين المثل اللى بيقول يطلع من نقرة يقع فى ضحضيرة اهو دة بالضبط اللى حصل معايا
وللحديث بقية انتظرونى......
عدد التعليقات 1
التعليقات
-
قصه جميله جدا وعلي العموم الدين لله والوطن للجميعتم النشر في 26th October 2008 الساعة 11:15 PM بقلم الشبح
 نشر تعليق |
