|
|
| #2  10th September 2007, 12:46 PM | ||||
| ||||
| ده أى مواطن بيغيره براحته من الملف الشخصى سواء فى حالة مصر أو أى دولة غيرها.. فوق على اليمين فيه قائمة "ملفك الشخصى".. إختارى من القائمة دى "تعديل الخيارات".. هاتطلع لك صفحة خياراتك الشخصية.. إنزلى تحت عند "خيارات التاريخ والوقت".. ودى بتزبطى منها موقع دولتك ومدى إنحراف التوقيت عن توقيت خط جرينتش.. يعنى مصر كمثال فهيه +2 فى التوقيت.. فى نفس الحتة دى فيه حاجة إسمها أكتشاف تلقائي لإعدادات DST.. دى بقى بتاعة التوقيت الشتوى والصيفى.. الوضع الإفتراضى هنا إن الدولة أوتوماتيك تغير التوقيت الشتوى والصيفى لوحدها.. والخاصية دى شغالة عادى.. لكنها بتاخد تاريخ تغيير التوقيت بحسب التغييرات الدولية مش بتاريخ 1 سبتمبر زى ما مصر بتعمل.. حتى اللى عنده كمبيوتر هايلاقيه لسة ماغيرش الساعة برضه.. ويا إما يغيرها يدوى (والكمبيوتر هايغيرها تانى فى تاريخ التغيير الدولى بعد كام يوم.. ووقتها هايعوز يرجع اللى عمله يدوى تانى).. أو إنه يفوت الكام يوم دول ويستنى الكمبيوتر لما يغيرها وحده.. باختصار يعنى العملية هنا مشابهة.. لو سبتى الساعة الحالية هاتتغير لوحدها وتتزبط على التوقيت الشتوى بس فى تاريخ متأخر عن 1 سبتمبر بكام يوم لإعتبارات دولية.. عايزة الكام يوم دول مزبوطين.. يبقى تخشى من الخيارات اللى فاتت وتلغى الDST فى الشتاء دائماً وتفعليه فى الصيف دائما.. __________________ نحن نثق فيمن لا نعرفهم لأنهم لم يخدعوننا من قبل..  |
| #5 16th September 2007, 05:08 AM | ||||
| ||||
| إقتباس:
طب ما التلاجات والتكييفات والمراوح،والكموبيوترات ،والراوترات والسويتشات شغالة عمال على بطال بلاش دي عواميد"عمدان" النور في الشوارع ،منورة طول النهار المصالح الحكومية،مليانة خلاطات وسخانات وغلايات وشواحن موبايل وكاسيتات"قبل اختراع الام بي 4" عمالة تسحب كهرباء شركة الكهرباء كدا كدا هتكسب مليارات حتى لو عملوا توقيت خريفى وربيعى كمان ودة اللي خلا شركة نظافة القاهرة تتمحك في فاتورة الكهرباء ،وتقول اهو ينولنا من الحب جانب تعرف انا ليا واحد صاحبي كل لما يفتح تلاجته يلاقي العيال سايبين نور التلاجة منور،تقول ايه استهتار بقى |
| #6 16th September 2007, 04:52 PM | ||||
| ||||
| علي فكره لمبه البيت (اللي هيا جت عليها...)) تصنف طبقا لمعدلات استهلاك الطاقه ب 60 watt/h..علي الاقل وطبعا سيادتك مابتنورش لمبه واحده اكيد لما بتنور بتنور النجفه كلها...ومش سيادتك بس اللي منور... + اعمده الاناره العامه + الاعلانات العامه + اضاءه المحلات و المعارض ... |
| #7 16th September 2007, 10:41 PM | ||||
| ||||
| يا جدعان اللى بينور بينور علشان الدنيا ضلمت.. مش الساعة جت كذا.. حتى عمدان النور على الطرق فى السفر بتنور مع المغرب (خصوصاً فى رمضان وبيظبطوها بدقة أكبر من بقية الأيام علشان اللى مسافر يعرف إن المغرب أدن ويقدر يفطر وهوه فى السكة) فمش فاهم ايه علاقة الكهرباء بالساعة؟ فهمونى ينوبكم ثواب.. __________________ نحن نثق فيمن لا نعرفهم لأنهم لم يخدعوننا من قبل.. |
| #8 17th September 2007, 02:52 AM | ||||
| ||||
| علاقه الطاقه بالتوقيت الشتوي و الصيفي... التوقيت الشتوي : عدد ساعات الليل من الساعه 6.00 الي الساعه 4.00 التوقيت الصيفي : عدد ساعات الليل من الساعه 7.00 الي الساعه 5.00 الواضح ان عدد ساعات الليل ثابته = 10 ساعات (تختلف الدول جميعها في هذا العدد طبقا لقربها من خط الاستواء) ساعات الذروه في استهلاك الكهرباء تنتهي الساعه الواحده صباحا صيفا و شتاءا اذن في الصيف ذروه استهلاك الكهرباء من الساعه 7.00 الي الساعه 1.00 =6.00ساعات اما في الشتاء ذروه استهلاك الكهرباء من الساعه 6.00 الي الساعه 1.00 = 7.00 ساعات و مع وجود ساعة اضافية من ضوء الشمس في الصيف, تنخفظ استخدام الطاقة الكهربائية في المنازل و المحلات و الشركات من الاناره بشكل ملموس و بالتالي توفير جيد للطاقة قد يبدو الموضوع هين لكن تخيل معي ان محاسبه شركه توزيع الكهرباء للاستهلاك التجاري تعادل ثلاث اضعاف الاستهلاك المنزلي !! و تكلفه تشغيل محطات التوليد في الساعه الواحده تعادل المليارات !!!! كان الأمريكي بنجامين فرانكلين أول من طرح فكرة التوقيت الصيفي في 1784, ولكن لم تبدو الفكرة جدية إلا في بداية القرن الـ20, حيث طرحه من جديد البريطاني ويليام ويلت الذي بذل جهودا في ترويجها. انتهت جهوده بـمشروع قانون ناقشه الـبرلمان البريطاني في 1909 تحققت فكرة التوقيت الصيفي لأول مرة أثناء الحرب العالمية الأولى حيث أجبرت الظروف البلدان المتقاتلة على وجود وسائل جديدة للحفاظ على الـطاقة. كانت ألمانيا أول بلاد أعلنت التوقيت الصيفي وتابعتها بريطانيا بقليل. |
| #9 17th September 2007, 06:13 AM | ||||
| ||||
| يا أعزائي انا بقول ان احنا عندنا استهلاك كتير ملوش لازمة من الكهرباء ،لما نبقى نوفره ،نبقى نتبع التوقيت الصيفي عشان نوفر يعني انا من المألوف ليا اني اشوف عمدان منورة في عز الضهر ،وفي الصيف مش في الشتاء ،كمان،عشان محدش يقولي الدنيا كانت مغيمة في اوروبا والدول المتقدمة يا ميراج مش بيظبطوا العمدان على المغرب ،في عندهم شرايح حساسة للضوء اول ما الضوء يقل العمدان تنور لوحدها توماتيكي ،ولما الضوء يرجع تطفي لوحدها وبرضو توماتيكي ،بتنور توماتيكي سواء الدنيا ليلت ولا غيمت ،ولا حصل كسوف |
| #10 17th September 2007, 05:12 PM | ||||
| ||||
| الزميل man of honor الفرق شاسع يا زميلى بين توفير ستهلاك كتير ملوش لازمة من الكهرباء وبين الترشيد الفعلي لاستهلاك الطاقه تماما كما الفرق بين المقاومه الشعبيه و الجيش النظامي.. انا معاك انه في عادات سيئه كتيره اوي في مجتمعنا تجاه مستلزمات الحياه الاساسيه من طعام و مياه و طاقه... |
 |
| أدوات الحوار | |
|
|
