|
|
| #1  11th August 2008, 05:05 AM | ||||
| ||||
| معاك فلوس تعيا؟!!! دخل الرجل الصيدلية و فى احدى يديه روشتة الطبيب و فى الثانية ورقة مالية من فئة ال20 جنيه و قال: "يا دكتورة معايا 20 جنيه, اختارى الحاجات المهمة اللى فى الروشتة" العلاج الاساسى فى الروشتة كان يتعدى ال500 جنيه طيب اذا كان الراجل غير مشمول باى نوع من انواع التامين الطبى لا الحكومى و لا الخاص وواضح طبعا انه لن يستطيع ان يتكفل بمصاريف العلاج اللى هاتتكرر مرتين شهريا الى ان يحين الاجل فالمفروض ان الراجل دة يعمل ايه؟ دى حالة.. فى حالات تانية لامراض مستعصية "من عينة فيروس c مثلا" روشتة العلاج تتجاوز ال4 الاف جنيه.. ايوة اربعة الاف جنيه شهريا روشتة العلاج و ان كانت معظم الحالات اللى شفتها تتمتع بتامين طبى ممتاز لكن اكيد فى حالات تانية كتير زى الراج بتاع ال20 جنيه..الناس دى تعمل ايه؟ تروح تموت احسن؟؟!!!! __________________ Those who can make you believe absurdities can make you commit atrocities  |
| #2 11th August 2008, 01:28 PM | ||||
| ||||
| المفروض حضرتك ست العارفين بالمواضيع ماشية في البلد إزاي بس نقول كمان... "اللي معوش ميلزموش" "معاك قرش تسوى قرش" "اللي ملوش ضهر ينضرب على بطنه وقفاه وكل جسمه لحد ما يورم" لأن دي بلد َ#@% فالرد الطبيعي في الحالة دي محدش قاله يعيا !! __________________ يلا باي بقى يا عفاريت النت, تووووب علينا يا رب من النت وبلاويه واللي بيحصل فيه |
| #3 11th August 2008, 11:46 PM | ||||
| ||||
| عارفة يا بسبوسة فى محافظتى المستشفيات الحكومية كانت تذكرة الكشف فيها ب125 قرش صحيح الخدمة مش ادمية و دكاترة عايزين الحرق بس اهى مستشفى تقضى غرض الغلبان على الاقل وبكشف بسيط + علاج بسيط برضة وفجأة اصبحت التذكرة بعشرة جنية + برضة الخدمة اللى غير ادمية والدكاترة اياهم احنا فى ارياف الناس على قدها اوى كنت باشترى طلب من محل وناس بتتكلم فى الموضوع دة وبيقولوا طيب والغلبان يعمل اية ؟ راح واحد رد وقال بعد كدة العيان الغلبان دة يموت جنب الحيطة لا مستشفى ولا دكاترة بجد شىء يوجع القلب ....يعنى اهانة للبنى ادم ما بعدها اهانة واللة المستعان __________________ فى انتظار الشمس ...تعلم أن تنضج فى الجليد |
| #4 12th August 2008, 03:08 AM | ||||
| ||||
| طب حبة وجع قلب كمان ... خدوا الخبر ده http://www.alwatanvoice.com/arabic/content-130534.html ثري خليجي يرسل سيارته اللامبورغيني إلى بريطانيا لفحص الزيت تاريخ النشر : 2008-08-01  إقتباس:
ليه يارب ما عملتنيش سوريسار ... !!!  |
| #5 12th August 2008, 04:44 AM | ||||
| ||||
| التأمين الصحى وضعه فى مصر غير سليم أو حتى منظم. فهناك حالة انعدام فى التوزيع الجغرافى والمادى وأقصد هنا بالمادى أى الأدوية فكل ماهو موجود مجرد برشام ريفو أو مجموعة اسعافات أولية معدمة. وعن المستشفيات الحكومية أحدثكم  أخوكم سوابق فى المستشفيات مريض طبعا  وياسلام على الدكاترة  طبعا هتقولولى مش كلهم يامذكرات فى أكيد دكاترة كويسين هقولكم طبعا وأنا واثق من كده ولا أقولكم بلاش أنشر غسيلى قدامكم المهم فى أزمة فى التأمين الصحى يعنى موظف مرتبه 300 جنيه مثلا ومن الــ 300 بيتاخد نسبة عبارة عن تأمين صحى يتبع المصلحة الحكومية،من خلاله يتم الكشف على الموظف المريض ومنه أيضا يتم تحويله إلى الطبيب المختص بعد العرض على طبيب المصلحة الحكومية. وبعد ذلك يكتب له المختص العلاج المخصص..... وهنا تأتى الكارثة فاتورة العلاج تتعدى الــ300 جنيه وبالطبع مبلغ التأمين لن يغطى مبلغ الفاتورة. أكمل رغى بعدين بقى إقتباس:
 بس للأسف مع أول طرقعة شبشب هتنتهى وهتبدأ الدورة الغذائية والتى تتمثل فى قدوم سرية من النمل تحمل حضرتك إلى الملكة "ملكة النمل بالطبع" وإلى بطون النمل مثواك أيها السوريسار  |
| #6 14th August 2008, 03:31 AM | ||||
| ||||
| لا المصيبة الكدبة الكبيرة اللى اسمها "العلاج على نفقة الدولة" يعنى لما واحد مش عنده تامين بيقدم طلب و يطلعوا عينه لحد ما يثبت انه غير قادر ماديا للتكفل بمصاريف علاجه الشهرية و بعد مشاويييييييييييييييييير و روح و تعال و هات امضاء و هات ختم و اخيرا ييجى المريض علشان يصرف علاجه اللى على نفقة الدولة دة يلاقيه شوية براشيم لا تساوى30-40 جنيه مع ان العلاج الاصلى اللى المفروض انه ياخده بيكون اضعاف اضعاف اضعاااااااااااااااف المبلغ دة.. طب ليه؟ اقولكم بقى فى اختراع اسمه مناقصة وزارة الصحة للادوية ودى بتنزل باسم المادة الفعالة للدواء مش الاسم التجارى يعنى لو افترضنا ان 4 شركات بيعملوا نفس المادة الفعالة دى ب4 اسماء تجارية مختلفة فكل شركة بتقدم عرضها لوزارة الصحة "اللى المفروض انها بتفحص العروض دى فنيا قبل ما تفحصها ماديا" الى ان تستقر على شركة منهم تقوم بتوريد الصنف المذكور..كويس كدة؟ لا مش كويس خالص لان اللى بيحصل ان الشركة علشان تورد بسعر المناقصة من غير ما تضحى بمكسبها الكبير فبتعوض فرق السعر بالغش فى المواد الفعالة لدرجة ان بعض الشركات فيها لاين انتاج خاص بمستشفيات وزارة الصحة بعيد عن لاين الانتاج المعتاد اللى هيتباع فى الprivate market و النتيجة ان الدوا اللى بياخده المريض الغلبان دة يكاد يكون خالى من اى مادة فعالة يعنى المسكين كانه بياخد placebo عاصرت المشكلة دى بنفسى ايام التكليف مع الانسولين المصرى اللى اتفرض بالقوة على المستشفيات الحكومية و كانت النتيجة مشاكل لا تنتهى مع المرضى لان الانسولين مش بيجيب نتيجة يعنى الناس بتاخد علاجها بانتظام و برده السكر عالى" دا غير الاثار الجانبية اللى اكتشفها المرضى بنفسهم" من الاخر كدة العيا فى بلدنا دى بقى رفاهية لا يستطيع ان يتحملها المواطن و زى ما قال Hany.. اللى مامعهوش فلوس مايعياش احسن __________________ Those who can make you believe absurdities can make you commit atrocities |
| #7 14th August 2008, 04:02 AM | ||||
| ||||
| إقتباس:
أقولك أنا بقى هو هيكون راح يتعالج فى مكان تانى خالص بعد المشورة دى كلها.  هيكون فوق  وبخصوص الأنسولين بصراحة ووضوح وشفافية بنجيبه مستورد حتى السرينجات مستوردة هى كمان اللى لونها برتقالى تصدقى شكلها بيبقى حلو فى الكيس بتاعها. ولما تفتحيها كده تفتح نفسك على العلاج واهو 80 مل يتعبوا ويدخلوا تحت الجلد وخلاص. |
| #8 14th August 2008, 04:20 AM | ||||
| ||||
| قصدك 80 وحدة فى حد ياخد 80 مل انسولين يا مفترية؟!!!!!!!!  Doubleposting merged by ”Tifnout”, an Artificial Intelligent Robot to Prevent Flooding لاننا اضعف و اكثر جهلا من ان نستطيع تخليق انسولين و لو حتى بنصف كفاءة الدانمركى دة __________________ Those who can make you believe absurdities can make you commit atrocities |
| #9 14th August 2008, 04:41 AM | ||||
| ||||
| إقتباس:
يعنى مذكرات كشكول المورق يبقى زى الناس العادين يعنى 80 مل كده يظبطوا البنكرياس وان شا الله ماحد حوش. آل 80 وحدة آل .ويا سلام لو معاه حباية أماريل 4 جرام طبعا هتتفزلكى وتقولى لا مجم يا مذكرات هقولك مش بيحوق ناقص تقوليلى aza thioprine 50 mg ان ما كانش 50 جرام محترم كده علشان يجيب القاضية يبقى أى كلام يا شيخة روحى كده  ده اسمه كلام ده مسألة انه دانماركى معروفة من زمان ومصر كلها عارفاها،لكن المشكلة مش فى كده وبس. يعنى عندنا شركات أدوية وكمان مواد خام ونقدر نصنع البديل ومع ذلك بيطلع البديل مفعوله ضعيف. واللى يتعب أكتر لما يكون الأدوية بتاعتك انتاج بره وتلف الصيدليات ويكون غير متوفر طيب يادكتور لما انت بتكتب دوا مش تعرف ان كان موجود ولا لأ يا ساتر دكاترة اخر زمن. |
| #10 14th August 2008, 02:09 PM | ||||
| ||||
| صدقيني مش فزلكة ابدا لكن لما تشوفي حاجة غلط في نطاق تخصصك"حتي لو كانت مجرد expression or unit" فلازم تصححيها ... مش كدة واللا ايه؟!!! __________________ Those who can make you believe absurdities can make you commit atrocities حُرّر بواسطة basbosa : 14th August 2008 في الساعة 02:15 PM. |
 |
| كلمات مفتاحية |
| معاك, تعيا؟, فلوس |
| أدوات الحوار | |
|
|
