|
|
| #1  30th July 2008, 08:11 PM | ||||
| ||||
| الأخطاء الشهيرة في الكتابة باللغة العربية " الضعف الإملائي " " لُغتُنَا العَربِيَة يُسرٌ لا عُسر ولنا أن نَملِكُها كما كانَ الأقدمون يَملِكُونَها " كلمات صاغها عميد الأدب العربي " طه حسين " وحيث ان التاريخ يذكر ان اللغة العربية بدأت غير منقوطة واستمرت ذلك حيناً من الدهر إلى أن تم وضع النقاط فوق الأحرف لتفادي مشاكل كثيرة -زعم البعض وجودها والآخر نفاها رغم أنها بحق معضلة تاريخية- ولكن المشكلة التي لا يستطيع أحد بمكان ما إنكارها هي الضعف الإملائي للمتعاملين باللغة العربية كتابةً وحيث أننا من المتعاملين باللغة العربية في هذا الموقع -نطقاً وكتابةً- لذا فلقد وجدت نفسي على إستحياء أتقدم بمحاولة بسيطة للتغلب على بعض الأخطاء الشائعة في الكتابة باللغة العربية -ولست ازعم أني بمتخصص في قواعد الكتابة باللغة العربية فقط تجربتي الشخصية هي ماتؤهلني للكتابة ولتغفروا لي أخطائي إن وُجدت- واو الجماعة واو الجماعة هي " واو وهمزة وصل " وهي تضاف إلى الأفعال فقط ومن اسمها يظهر أنها للجماعة وليست للفرد وأصلها كانت " واو ونون "وحذفت النون لقواعد لغوية " جزم ، نصب ، ..." وهي ليست بأشهر الأخطاء على الإطلاق ولكنها فعلاً مشكلة بسيطة ولكن يعاني منها الكثيرون .... كيف ذلك ؟ أجد كثيراً من الكُتاب عندما يسطركلمة يقع في آخرها " واو " يسارع بطبع همزة الوصل بعدها وهو بذلك يلغي كلمات كثيرة -وأفعال- تنتهي فعلياً بحرف الواو -حرف الواو حرف أصيل فيها غير زائد- وجمبعها مفردة وليست واو الجماعة فمثلاً : أفعال مثل " يرنو ، يصبو ، يحبو ، يبدو ، يحذو ، يرجو ......" يضيف إليها الكاتب همزة الوصل دون أن يدري خطؤه وأشهرها على الإطلاق " يبدو ، يرجو " فنجدها تحولت بقدرة رهيبة إلى " يبدوا ، يرجوا " ملحوظة بسيطة : الكلمات السابقة في المفرد المضارع المذكر الغائب ولتحويلها إلى المضارع المؤنث/المخاطب نستخدم أحرف " التاء ، والألف " على التوالي فتصبح " تبدو/أبدو ، ترجو/أرجو " وخطؤها الشائع " تبدوا/أبدوا ، ترجوا/أرجوا" وللتغلب على مثل تلك المشكلة ينصح العلماء بتبيان ماإذا كان الفعل المكتوب للمفرد أو للجماعة وفي حالة الجماعة تنطبق عليه قواعد واو الجماعة وفي غير ذلك لا يصح وجود همزة الوصل مع الفعل .... ولنا تكملة __________________ في عينيكي حقيقة وأنا كدبة بـــريئة ترحل في دقـــيقة ..... إسمها إنسان  |
| #2 30th July 2008, 08:43 PM | ||||
| ||||
| أيون.. أنا قاعد هنا ومتابع لحد الدرس بتاع الهمزات لأنها عاملة لى عقدة.. كنت زمان باقلد كتابة واحد صاحبى وكنت كل ما أتزنق أحط الهمزات بزيادة (يعنى "اعتبر" اكتبها "إعتبر") وكان الموضوع ده مشكلة لأن فيه ناس استطاعت التمييز وفقست إن اللى بيكتب مش صاحبى إياه بسبب حكاية الهمزات دى.. فالواحد لازم يذاكر الدرس ده كويس علشان يتقن التنكر مستقبلاً وماتفضحش  __________________ نحن نثق فيمن لا نعرفهم لأنهم لم يخدعوننا من قبل.. |
| #3 30th July 2008, 09:37 PM | ||||
| ||||
| أصبت كبد الحقيقة يا صديقي فالهمزة تُعتبر بحق هي المُحتكر الرئيسي لمعظم الأخطاء اللغوية في الكتابة خاصة أنها تحكمها قواعدٍ عدة ولم أبدأ بها نظراً لتعقيدها الذي أوضحت عاليه فإرتأيت البدء بأخطاءٍ خفيفة وسهلة وبسيطة خشية ملل القارئ -كما أن الكتابة بهمزة صحيحة هي مرحلة متقدمة جداً من مراحل التغلب على الضعف الإملائي- لذا فانا أستمحيك عذراً تأخر موضوع الهمزة إلى بعد حينٍ من التواجد والتغلب على كثير من الأخطاء البسيطة أعتقد أن الموضوع المقبل هو الهاء والتاء المربوطة وحتى لا نُحرم من وجودك معنا إليك معلومة بسيطة عن الهمزة علها تستبقيك معنا إلى فترة مستقبلية طويلة أنواع الهمزات في بداية الكلمة : همزة وصل وهمزة قطع همزة الوصل هي ألف وتكتب " ا " ولا تنطق أما همزة القطع فهي همزة مكتوبة على ألف وتكتب " أ ، إ " وتنطق -ماعدا ألف لام التعريف " الـ " فلا تكتب وتنطق- وللتفرقة بينهما -الوصل والقطع- كان أستاذي ينصحني بإدخال حرف " الواو أو الفاء "على الكلمة التي تأتي الهمزة في أولها فإن نطقت الألف ففي هذه الحالة تُعتبر همزة قطع وجب كتابتها " أ ، إ " ولكن لَزَمَ التنويه بأنه علينا مراعاة وجود همزة الوصل في أفعال الأمر __________________ في عينيكي حقيقة وأنا كدبة بـــريئة ترحل في دقـــيقة ..... إسمها إنسان |
| #4 31st July 2008, 04:36 AM | ||||
| ||||
| أنا غالبا لن يجدى معى نفعا لأنى بعد قراءة الموضوع 10 مرات مش فاهمه حاجه طول عمرى العربى عقدتى حدش يعرف لى مدرس عربى كحيان أستفيد من علمه ؟ __________________ أن تنتقد الفكر هذا حقك أن تنتقد صاحب الفكر تصبح حمار برأس عجل |
| #5 31st July 2008, 12:46 PM | ||||
| ||||
| انا أبسطهالك يا كايداهم.. (بس على قد مقدرتى يعنى ماتمليش إيدك قوى) فيه درسين فوق.. ناخد الأولانى.. عندنا فى العربى الأفعال ليها 3 حركات أساسية.. إما مرفوعة.. أو منصوبة.. أو مجرورة.. وطبعاً أكيد عارفة القاعدة الرئيسية بتاعة الفعل المفرد البسيط (مرفوع بالضمة.. منصوب بالفتحة.. مجرور بالكسرة) كل الكلام اللى فات ده داخل فى نطاق التشكيل.. وبما إننا مش بنكتب الكلام متشكل فمش بتفرق ومحدش بيلاحظ حاجة غلط لو رفعت المجرور ونصبت المرفوع لأن أدوات التبيين (اللى هيه علامات التشكيل) إحنا مش بنحطها.. أوكى لحد دلوقتى؟ فيه بقى أفعال تانية مش بتتجر وتترفع وتتنصب بالتشكيل.. بتترفع وتتجر وتتنصب بحروف عربى تتشال أو تتحط.. هاضرب لك مثال.. ذهب - يذهب - ذهاباً.. ده فعل معناه واحد رايح مشوار وربنا يرجعه بالسلامة.. لو شوية ناس رايحين مشوار (جمع يعنى) فبنستخدم واو الجماعة.. يعنى لو الفعل مرفوع بنقول "يذهبون".. لو الفعل مجرور أو منصوب بنقول "يذهبوا".. أخدتى بالك بقى.. الحروف نفسها إختلفت نتيجة موقع الفعل فى الجملة.. والحاجات دى بتكون مفضوحة لأنها مش زى التشكيل اللى إحنا مش بنكتبه.. هانمسك فى المجرور والمنصوب.. اللى هوه "يذهبوا" ده النطق بتاعه متشابه مع حاجات تانية أخرها واو.. لكن مالهاش علاقة بالقاعدة النحوية بتاعة النصب والجر للأفعال.. يعنى كلمة زى "بدا - يبدو".. دى المضارع بتاعها آخرها واو.. ونطقها مشابه للنطق بتاع القاعدة اللى فاتت.. فتلاقى ناس غلطت وكتبت "يبدوا" (زودت ألف - خطأ - فى آخر الكلمة) ده بالزبط اللى بيتكلم عليه رحرح.. إزاى نفرق بين واو الجماعة (اللى هيه مش من أصل الفعل وإنما إتضافت علشان دول جمع).. وبين كلام تانى أخره واو أصلية فى الكلمة.. اللى أخره واو أصلية ده مش بيتحط بعدها ألف.. ده خطأ إملائى.. نيجى للدرس التانى بتاع الهمزات.. وده انا فاشل فيه بصراحة.. أولاً فيه حتة أنا هالوم عليها المدرس رحرح.. مفيش حاجة اسمها "همزة وصل".. الهمزات دائماً إسمها "همزة قطع".. وإحنا دلوقتى بنوضح الفرق بين حاجتين.. ألف الوصل Vs همزة القطع.. ألف الوصل من اسمها كدا بتوصل الكلام.. بتدى (صوتيا) تأثير زى الفتحة.. بتمد الكلام عادى.. وهيه الألف المعتادة.. أما همزة القطع فمن اسمها كدا بتقطع الكلام.. بتدى (صوتياً) تأثير زى الهمزة.. زى لمؤاخذة صوتك وإنت بتحزق فى الحمام.. ودى ممكن تتكتب مستقلة "ء" أو تتحط فوق أو تحت الألف اللى فوق "أ" / "إ" بحسب القواعد اللغوية هيه اللى بتحكم نحطها إزاى.. ودى فعلاً مستواها عالى جدا ومعقد جدا جداً.. وبتخش بينا فى دهاليز ء، أ، إ، آ، ئ، ؤ، ـئـ، (الله يخرب بيتها لأنها معقدة كل النحاة) يعنى على فكرة فلفظة زى "القرآن" (ودى الألف بتاعتها بالمدة.. ممدودة.. يعنى ألفين.. ألف × 2..) ممكن تتكتب سماعياً "القرءان" (نفك الألف الممدودة ب2 ألف.. الأولى همزة قطع "ء" والتانية ألف وصل "ا") يعنى حاجة كدا مجرمة وكأنك بتفك وتصحح فلوس وعملات وكأن الموضوع له علاقة بالإقتصاد مش باللغة.. المهم.. سيبكم من كل اللى فات.. إحنا بالبلدى كدا عايزين نركز فى حاجتين إتنين.. حرف الألف اللى بهمزة سواء "أ" / "إ" وحرف الألف اللى من غير همزة "ا" الأولى اسمها "همزة قطع" والتانية اسمها "ألف وصل" باختصار امتى أحط الهمزة مع الألف وإمتى مأحطهاش؟ يعنى كلمة زى "اعلان" (بدون همزات) هيه اللى صح ولا كلمة "إعلان" (همزة تحت الألف) جه الحجيج رحرح وراح مدينا حركة صياعة.. قال لك حط واو أو فاء قبل الكلمة وشوفها تتنطق ولا لاء.. طيب ما انا عارف الموضوع ده.. المصيبة إن الإتنين سماعياً بالنسبة ليا مقبولين (مع إن ودنى موسيقية والله وغاوى شعر.. بس فعلاً مش قادر أميز!) يعنى سواء نطقتها: "ف ا ع ل ن".. أو "ف ء ع ل ن" فمش قادر أحدد والإتنين واحد بالنسبة ليا.. فيا أيها النحاة أغيثونا الله ينتقم منكم! __________________ نحن نثق فيمن لا نعرفهم لأنهم لم يخدعوننا من قبل.. |
| #6 1st August 2008, 12:54 AM | ||||
| ||||
| يابني حرام عليك هاتضيع علينا القرشينات اللي كانوا هايطلعولنا الست كيداهم بتقولك " مدرس عربي كحيان " نيجي لحاجتين في مداخلتك أولاً همزة الوصل ده اسمها من زمان -ماسمعتش انها غيرته في البوطاقة لألف وصل- والله برضه هادور وأقولك على اللي لاقيته بالنوسبة بقى للهمزة -مش قلتلك دي معلومة صغيرة اوي يعني لسه مااستفضتش في موضوع الهمزة ككل- انا بحاول أرجع للفعل وأضيف حرف الواو وأشوف الدنيا ماشية إزاي أولا قاعدة الفاء والواو دي ممشينها على الأفعال بس ومنها نقدر نشوف حل لكلمة " إعلان " بتاعتك بقى نقدر نجيب الفعل اللي اشتق منه المصدر إعلان هنلاقيه "أعلن " في الماضي ونحط عليه الفاء ونقول " فأعلن ميراج عن وجوده في موضوع الاخطاء " ...... -نطقنا الألف اهوه تبقى قطع كمان لاحظ حاجة صغيرة إن الفعل عندنا في الأصل ثلاثي وغير كده -رباعي وخماسي وسداسي- بتبقى حروف زيادة " أ ، س ، تـ ، تكرار لحرف موجود أصلاً في الفعل " يبقى لما نيجي نزيد حرف الهمزة مع فعل ثلاثي اعتقد إنها ليها قاعدة تانية بقى نكملها في وقتها بصي بقى يا ست نحمده الموضوع هنا مش هايفيدك غير بعد مانعمل موضوع عن اللغة كلها وتبقى تقريه واما تخلصي الهوم ورك اللي عليكي فيه تبقى تيجي هنا وبعدين إزاي تقاطعيني وانا بشرح  اتفضلي اخرجي برة الحصة وماترجعيش هنا تاني غير ومعاك حد إنتي ولية امره سبب واحد خلاني أبدأ الموضوع ده -طبعاً غير حبي للتصحيح- قريت في جريدة المصري اليوم -وأنا قليل جداً لما أقرا الجريدة دي- موضوع مكتوب عنوان " فإن همو ذهبت أخلاقهم ذهبوا " وكمان مااكتفوش بكتابتها في العنوان إلا إنهم كمان حطوها جوة المقال كده احترت واحتار دليلي -هابقى أجيبلكم اللينك بعدين السيرفر عندهم عطلان- المهم قعدت ادور على النت على أصل الموضوع -أصل هم ضمير ومابيزيدلهاش حاجة مع الرفع- كمان لاقيت على النت واحد كاتب موضوع لو تلاحظوا إنه ماإكتفاش بزيادة حرف الواو للضمير "هم " لا كمان راح حاطط همزة وصل دليل على واو الجماعة بصراحة أنا شاكك في نفسي ومش فاهم حاجة __________________ في عينيكي حقيقة وأنا كدبة بـــريئة ترحل في دقـــيقة ..... إسمها إنسان |
| #7 1st August 2008, 01:18 AM | ||||
| ||||
| إقتباس:
بس بصراحة اللغة العربية لغة صعبة و رخمة - بقول كده و أنا كنت بجيب درجات عالية فيها - اللغة الإنجليزية أكتر عملية منها .. و الفرنساوى أرق و أحلى من الإتنين |
| #8 1st August 2008, 01:27 AM | ||||
| ||||
| ماشى يا مستر رحرح بترمينى بره الفصل  أنا مش هرد عليك هسيبك للزمن وعلى فكره يا جريجورى أنا دارسه فرنساوى وجرامير بتاعها أصعب من العربى 100 مره بس أنا حبيت اللغه عشان أول واحد درسها لى كان بيعرف يوصل المعلومه كويس عكس اللى حصل معايا فى العربى  Doubleposting merged by ”Tifnout”, an Artificial Intelligent Robot to Prevent Flooding أنا فى الأخر هفتح محل فول وطعميه تقريبا __________________ أن تنتقد الفكر هذا حقك أن تنتقد صاحب الفكر تصبح حمار برأس عجل |
| #9 1st August 2008, 01:45 AM | ||||
| ||||
| تسجيل متابعة لدسامة الطرح...... وكما قال أحد الأشخاص فى يوم ما... "فلتحيا اللغة العربية وليسقط سيبويه" كثير من دارسى اللغة العربية يتأزمون من النحو والصرف وهذا ليس عيب فى اللغة بل عيب فى من يلقى على أسماعنا مفردات اللغة وتكويناتها اللغوية. وبشأن الهمزة وتعقيداتها لى معها جولات ،مع نفسى ومع أصدقائى ،كم كانت تمتعنى حصة الإملاء.... خالص تحياتى؛ |
| #10 10th August 2008, 03:28 PM | ||||
| ||||
| واخدة واخدة يا خابيبي أنت موش يتكلم مع سيبويه هنا نجيب من الأول واو الجماعة (وا) عشان الموضوع يبقى واضح يبدو - تكتب للمفرد المذكر تبدو - للمفرد المؤنث يبدوا - ديه موقفها أيه من الإعراب يعني صح للجمع ولا غلط علي طول الخط؟؟ إقتباس:
الفرنساوي ممكن يكون رقيق بس ألعن من العربي الأنجليزي في رأيي أسهل بكتير من الأثنين __________________ "كثيراً ما تكلمت وندمت أما عن السكوت فلم أندم قط" - أنبا أرسانيوس |
 |
| كلمات مفتاحية |
| الأخطاء, الشهيرة, العربية, الضعف الإملائي, الكتابة, باللغة |
| أدوات الحوار | |
|
|
