|
|
| #1  29th July 2008, 11:37 AM | ||||
| ||||
| حملة جديدة بجملة الحملات اللي شغالة اليومين دول حملة لمنع تنظيم النسل أيوة منع تنظيم النسل يا جماعة ديه حاجة بتاعة ربنا دي قدر والتدخل لمنع القدر محرم شرعاً مقدمة الموضوع لـ Admin إقتباس:
مفترض مفترض يعني أن المنتدى اللي مكتوب فيه الكلام ده منتدي للمبرمجين المصريين واخدين بالكم المبرمجين المصريين Egypt-Developers Forum - View Thread - طظˆظ„ ط´ط¹ط§ط± ظ‚ط¨ظ„ ظ…ط§ ظ†ط²ظٹط¯ ظ…ظˆظ„ظˆط¯ ظ†طھط£ظƒط¯ ط§ظ† طظ‚ظ‡ ط¹ظ„ظٹظ†ط§ ظ…ظˆط¬ظˆط¯ __________________ "كثيراً ما تكلمت وندمت أما عن السكوت فلم أندم قط" - أنبا أرسانيوس  |
| #2 29th July 2008, 11:52 AM | ||||
| ||||
| يا سقراط إنت بتجيب حاجات بتحسسنى إن مصر والمصريين اللى أنا أعرفهم دول عالم متقدم جداً بالنسبة لمصر والمصريين المنتشرين وبيعملوا حملات تخلف.. أنا مش قادر أستوعب إن فيه ناس كدا!! طبعاً كتعليق عريض فمعنديش حاجة أقولها غير: مع وجود كل هؤلاء.. فمن الذى يحتاج إلى أعداء؟! ربنا لا تؤاخذنا بما يدعوا إليه السفهاء منا! __________________ نحن نثق فيمن لا نعرفهم لأنهم لم يخدعوننا من قبل.. |
| #3 29th July 2008, 12:33 PM | ||||
| ||||
| إقتباس:
 إقتباس:
يعني دول ناس متعلمين من الأخر فيه أسوأ من كده بس ربنا يقدرني وأجيبلك الباقي إقتباس:
أو واحد زي ما تسي تنج بتاع الصين (مش كان أسمه كده!!) ويقولك قال حملة عشان حجب المواقع الإباحية أنا رأيي إحنا نسيب الإباحية ونسيب الدينية ونقفل على المدونات والمنتديات ويا سلام لو نقفل على مواقع الكتب بس نسيب الأفلام وكل راجل يتصرفله فاس وجاروف وقفة والستات تقعد في البيت تخلف وساعتها أكيد أكيد مش هانتسول على موائد الغرب __________________ "كثيراً ما تكلمت وندمت أما عن السكوت فلم أندم قط" - أنبا أرسانيوس |
| #4 29th July 2008, 08:56 PM | ||||
| ||||
| المال و البنون زينة الحياة الدنيا . . . العيل بيجى و معاه رزقه ... بدل ما تطالبوا بتحديد النسل .. شغلوا الشباب دول .. و شوفوا الصين كام مليار و الشباب هناك شغالة تحديد النسل معارضة لــ " مشيئة ربنا " كل دى أفكار مترسخة جوه ناس مصريين كتير و الأخطر إنه أحيانا يروج لها رجال دين ( أعتقد موجودة أكتر عند الإخوة المسلمين ) يعنى أحيانا سمعت خطب لشيوخ بيقولوا إن حملة تنظيم \ تحديد النسل المصرى هى مؤامرة لتقليل نسل " دولة إسلامية " كبيرة زى مصر يعنى حرب على الإسلام و المسلمين من الآخر و الشيوخ دول موجودين و صوتهم مسموع أكتر من " شيوخ الحكومة " اللى بيقولوا ربنا خلق لينا عقل نفكر بيه إلى آخره .... و أنا حاسس إنها واخدة حتة عند بقى يعنى الشعب المصرى من فترة و هو هواية عنده " و معاه حق " إنه يغيظ الحكومة و خلاص و مش عارفين إنهم أصلا بيبوظوا عيشتهم هما نفسهم لما يزنقوا نفسهم فى المواصلات .. فى حين رجالة الحكومة بيركبوا عربيات براحتهم و لا حاسين بزحمة المواصلات لأن الشوارع بتتفضى ليهم أصلا و هما ماشيين و ممكن تكون فيها حتى شوية غباء فى بعض الأحيان ...  على رأى سمير غانم فى مسرحية موسيقى فى الحى الشرقى لما جاب مش عارف كام عيل رغم إنه " هو نفسه " كان بياخد حبوب منع الحمل أنا رأيى الحكومة تبطل الحملة دى خالص بلاش الجمل العبيطة دى بتاعة نحكم عقلنا ناكل كلنا و نتعالج كلنا و نشرب كلنا إلى آخره ... هى الحكومة تطنش خالص و يمكن تطلع إعلانات تقول للشعب خلف و هيص زى ما إنت عاوز و تقولهم الشباب هايص و الشغل مرطط و الشقق بالهبل يعنى ما تقلقوش على عيالكوا بعد عشرين تلاتين سنة و إن شاء الله البرنامج الإنتخابى لسيادة الرئيس جمال مبارك هيكون واخد باله كويس من كل الحاجات الصغيرة دى و إحتمال يعملوا ساعتها كمان مشروع " إبنى قبرك " لمساعدة الشباب المصرى المقدم على الإنتحار نتيجة للزهق من إن كل حاجة سهلة فى البلد بطريقة مملة كده |
| #5 29th July 2008, 09:36 PM | ||||
| ||||
| يخيليك ليا يا سقراط يا حبيبى ياللى مش حارمنى من حاجة  كنت باتكلم النهاردة مع الغائبة الحاضرة ماريانا.. وجات سيرة الموضوع بتاعك ده هوه والحملة التانية بتاعة غلق المواقع (يا ما أحلى مجايبك الصراحة) المهم إنى وصلت لنتيجة مخيفة جدا.. زى ما فيه تحركات تنويرية بتزيد.. فيه تخلف بيزيد.. الوسطية خلاص هاتنقرض قريب حتى على المستوى الفكرى والثقافى.. مفيش مرونة فكرية أو مناطق مشتركة.. تلاقى إما تنويرى بيسب ويلعن التخلف وبيحتمى بالعقل.. وإما متخلف بيسب ويلعن التنوير ويصفه بالفجور والمجون وبيحتمى بالدين.. يعنى ممكن كمان كام سنة ماتلاقيش ناس على الحياد ولا متزنة فى أى حاجة.. إما ملحدة وإما متطرفة دينياً.. مفيش مؤمن مفكر ده خلاص إنقرض.. إما فيلسوف لاسع وإما صعيدى قفل.. مفيش عقول عادية تكون قنطرة بين الإتنين.. إما أثرياء وحرامية.. وإما فقراء فقر ضنك مليان حقد على الأغنياء.. مفيش متوسطى الدخل اللى بيعملوا تجانس بين الطبقتين.. يا جريج الموضوع الواحد كرهه خلاص.. معقولة الناس الدين عندها بقى موروث للدرجة دى ومش قادرة تفرق بين المأثورات الشعبية وبين الدين؟ حكاية العيل ييجى ورزقه معاه دى مقولة متخلفة ماقالهاش أى دين.. دى مأثورات شعبية بتتقال لما واحد يقول "أصرف على اللى جاى منين" فالناس تهديه وتقول له "ياراجل ماتقولش كدا دا إنت مؤمن والأرزاق بيد الله" وتقلب نفس كتاب الأمثال الشعبية تلاقى النقيض على طول زى "إسعى يا عبد وأنا أسعى معاك".. كمان صفحتين تلاقى مثل شعبى تانى يرجعك تانى لورا ويقول "يرزق النايم على صرصور ودنه" كمان صفحة تانى فى أمثال الرزق تلاقيه براجماتى لدرجة التشجيع على النصب ويقول "الرزق يحب الخفية" يعنى متقدرش توصل لنتيجة محددة فى أى إتجاه.. الأمثال والأقوال والمأثورات المحفوظة دى إخترعتها الستات العواجيز قليلة الحيلة اللى قاعدة للساقطة واللاقطة.. تشوف اتجاه لليمين.. تروح مادة إيدها فى الشوال مطلعة حاجة.. تشوف اتجاه لليسار.. تروح مادة إيدها فى نفس الشوال مطلعة حاجة عكس الأولانية خالص.. الشوال ده لازم يترمى فى الترعة.. والست العجوزة دى لازم تقابل ربها بقى وكفاية تجديد خدمة لحد دلوقتى..  __________________ نحن نثق فيمن لا نعرفهم لأنهم لم يخدعوننا من قبل.. حُرّر بواسطة Mirage Guardian : 29th July 2008 في الساعة 09:47 PM. |
| #6 30th July 2008, 02:34 AM | ||||
| ||||
| شوفو يا جماعه الموضوع ده ليه أكتر من وجه يعنى فى فرق بين إنى أفهم ظروفى وأعرف أنا أقدر أربى كام طفل وبين إن الموضوع يكون غصب عنى زى العقوبات اتى تفرض فى الصين على من ينجب أكتر من طفل فى العاصمه وطفلين فى الريف وعلى فكره هما نفسهم بيعانو حاليا من مشاكل إجتماعيه نتيجه لموضوع الطفل الواحد وده طبقا لفيلم وثقائقى كان معروض على الجزيره المهم إن ده إختيار شخصى مش من حق الحكومه أو الأهل أو whoever تحديده ومثلا فى أمريكا لما حد بيخلف عدد كبير من الأطفال بيكون من حقه بعض المساعدات من الحكومه وفى شركات خاصه بتدعمه ببعض المنتجات كنوع من الدعايه ومحدش بيشاور عليه ويقول متخلف وفى ناس كتير هناك بتخلف بالسته والسبعه ولو عايزين إحصائيه أعمل لكم إحنا اللى محتاجينه مش تحديد النسل او عدمه إحنا محتاجين نعلم الناس إزاى يتقبلوا الفكر الآخر فى ناس بتحب تخلف وفى ناس مش عايزه كل واحد حر فى قراره وكمان المفروض نسعى فى إتجاه توجيه الشركات الخاصه لتقديم منتجاتها كنوع من الدعايه بدل إعلانات برسيل اللى ماليه البلد والمنحات الدراسيه من الجامعات الخاصه للمتفوقين اللى أقصده إن إحنا نتبنى جميع الأفكار بدل ما نوقف عسكرى أمن مركزى فى كل غرفة نوم وعلى فكره التوكل على الله مش عيب ولا تخلف أى حد ممكن يبقى مرتب حياته كويس جدا وربنا يبعت له بلوه تهدها وأظن كلنا شوفنا حاجات زى دى فى حياتنا بس كمان ربنا خلق لنا عقل نفكر بيه وصحيح المال والبنون زينة الحياة الدنيا بس ربنا ما بيديهمش لأى حد وعلى العموم 6 أطفال يدوب ولا إيه رأيكم __________________ أن تنتقد الفكر هذا حقك أن تنتقد صاحب الفكر تصبح حمار برأس عجل |
| #7 30th July 2008, 11:19 AM | ||||
| ||||
| إقتباس:
أنا هاخد الكلمتين دول وأبتدي منهم المؤتمر اللي أتعمل طلع شعار قال فيه قبل ما نزيد مولود نتأكد إن حقه علينا موجود يعني أعقلها وتوكل لا عملوا زي الصين ولا حطوا عسكري أمن مركزي في أوض النوم بس بيقولوا يا جماعة كل واحد يفكر قبل ما يظرب العيال وبعدين يقول ربنا يرزقني برزقهم ده مبقاش توكل ده بقى تواكل لما يختم الأخ صاحب الموضوع موضوعه بجملة زي إقتباس:
ده ببساطة معناه ألغي عقلك وتواكل على الله ومعتقدش أي دين قال كده ده أحنا لسه بنقول أعقلها وتوكل أعقلها الأول وبعدين الباقي علي ربنا __________________ "كثيراً ما تكلمت وندمت أما عن السكوت فلم أندم قط" - أنبا أرسانيوس |
| #8 30th July 2008, 11:21 AM | ||||
| ||||
| يا ميراج أنا مقلتش " الدين بيقول ... " أنا قلت إن الأفكار دى الخطر فيها إنه أحيانا بيروجلها رجال دين و بيقدروا يبرروا دينيا الأفكار دى يعنى مثلا فى الكتاب المقدس الله لما خلق أدم و حواء قال لهم " أثمروا و أكثروا و أملئوا الأرض ... " و مثلا فيه حديث منسوب لرسول الإسلام بيقول ((تزوجوا الودود الولود فإني مكاثر بكم الأمم يوم القيامة)) و غيرها كتير كتير ... و حاجات زى دى بيعتمد عليها رجال الدين فى الطرفين للدعوة إلى كثرة النسل بلا حساب أنا عارف كويس إن الحاجات دى سهل الرد عليها لكن كل اللى قصدته إن الستات العواجيز اللى عندهم شوال يبرروا بيه أى حاجة .. موجودين ضمن رجال الدين كمان و ده الأخطر فى تآثيره على شعب زى مصر |
| #9 30th July 2008, 12:13 PM | ||||
| ||||
| إقتباس:
هو بيفترض معرفة الحقائق و بيحاول يفرضها على البعض و ترويجه لمعرفته التى لا تمس للمعرفة بشئ يصادف أحياناً قبول بين أشباهه و أحياناً تجده يخلط الأمور و المفاهيم كأخينا الجاهل بتاع العولمة و العلمانية.. __________________ أترى حين افقأ عينيك؟! ثم اثبت جوهرتين مكانهما، هل ترى ؟! هي اشياء لا تشترى! حُرّر بواسطة bolbol : 30th July 2008 في الساعة 12:27 PM. |
 |
| كلمات مفتاحية |
| حملة, جديدة |
| أدوات الحوار | |
|
|
 حوارات سابقة ذات صلة بموضوع: حملة جديدة | ||||
| الحوار | الكاتب | الساحة | تعليقات | آخر مداخلة |
| أكيد حملة جديدة | Socrates | الميدان الحرّ | 5 | 18th August 2008 04:01 AM |
| اجمل 40 جملة | tigeregypt | الواحة الفنّية | 4 | 19th January 2008 02:14 PM |
| حملة أوقفوا حبس الصحفيين في مصر | mariana | سياسة وأخبار | 0 | 12th October 2007 02:20 AM |
