|
|
| |||||||
| الميدان الحرّ للحوار الحرّ فيما لا يدخل تحت نطاق الساحات الأخرى |
 |
| | LinkBack | أدوات الحوار |
| #1  28th June 2008, 01:51 PM | ||||
| ||||
| ثورة يوليو المجيدة... بلا نيلة يظل ذكر حركة يوليو مبعث فخر وفرحة للبعض ومبعث حزن لآخرين.. أبناء" الثورة "أو الذين قرروا أنهم كذلك ينتشون لهذه السيرة ويترحمون علي أيام جمال عبد الناصر أخر زعيم حقيقي في المنطقة الي اليوم"كما يزعمون" بينما يتذكرها الاخرون ومذاق الحنظل في حلوقهم إزاء عصور الخوف والكذب علي الشعب والتدليس عليه وتخويفه وتسليمه من مستبد الي اخر.."وأخيرا إلي أكثر استبدادا!!" انا احد المنتمين الى هؤلاء" الاخرون" احد المؤمنين ان حركة يوليو كانت تمثيلية عظيمة ..اداء رائع و جمهور غافل فى الحقيقة لا ارى فارق بين عصر الملكية و عصر الضباط بل ان الضباط "على راسهم عبدالناصر طبعا" كانت لهم خطة اقل ما توصف به انها "خبيثة" بدأ عبد الناصر تنفيذ سياسته بتهميش كافة المؤسسات المدنية لكيان الدولة فأعلن حل الأحزاب وإلغاء مجلس النواب والشيوخ وأحل محلهم ما سمي وقتها بمجلس الأمة. أما الأحزاب السياسية فقد أحل محلها ما سمي حينذاك بهيئة التحرير ثم الاتحاد القومي فالاتحاد الاشتراكي.. وحكمت هذه التنظيمات من خلال قاعدة تخصيص نسبة للعمال والفلاحين لا تقل عن 50% حتى تصبح كيانات يسهل السيطرة عليها.. وهو ما حدث بالفعل الآن... وبذلك هدم الضباط المجتمع المدني وضربوا مؤسساته بعدها أبرموا اتفاقية الجلاء وهي الاتفاقية التي دفعت بريطانيا إلى فصل السودان عن مصر، وبذلك تحطمت وحدة منطقية، مقابل السعي العابث لوحدة وهمية مع سورية، انفضت بموقف مأساوي بعد عمر قصير.. ماذا بقى من حركة يوليو؟ لا يوجد اختلاف كبير "بل لا ابالغ اذا قلت انه لا يوجد اختلاف اطلاقا" بين الوضع الان و ما كان.. مازال الحاكم يتجاهل راى الاغلبية و يعتمد على حزب الاقلية مازالت الحالة الاقتصادية فى مصر تسير من سئ الى اسوا لا يوجد اى نوع من انواع العدالة الاجتماعية بين طبقات الشعب و بالتالى فاذا حاولت تقييم حركة يوليو تجدها فاشلة بكل المقاييس و بعد كل هذا لازلنا نحتفل بذكرى حركة يوليو؟؟؟!! اجدها مناسبة للحداد لا الاحتفال __________________ Those who can make you believe absurdities can make you commit atrocities  |
| #2 3rd July 2008, 05:17 AM | ||||
| ||||
| إقتباس:
لأنى لا أستطيع الحكم على الفعل والأشخاص الذين قامو بالفعل بنفس الميزان يعنى لما واحد يسرق عشان هيموت من الجوع وبيسرق ما يسد رمقه ويبقيه على قيد الحياه هنا متفقين إن الشخص ده مسكين لم يكن أمامه حل آخر حتى دينيا ليها فكره بس فى نفس الوقت كلنا متفقين أن act السرقه جريمه وغلط وكل حاجه ماشى انا فى إعتقادى الشخصى (وهجيب من الأول) ان الملك فاروق لم يكن شيطانا كما صوروه لنا فتره طويله ولكنه لم يكن هذا الملاك الذى حاول المسلسل الأخير تصويره وهديكى مثال بسيط قد يبدو للبعض تافه ولكن من يكذب فى التافهه فمن باب أولى يكذب فى الكبيره فى المسلسل كان طالع انه مظلوم وانه مش زير نساء وانه كان بيحب مراته وهى اللى كانت عصبيه وفاهماه غلط مع ان الكل قرأ مذكرات لمليون شخص بيؤكدو وبيحكو تفاصيل عن علاقاته مع الممثلات والراقصات ومنهم الممثله اللى ولعت بيها الطياره مش فاكره اسمها يعنى البيه كان شبيه جون كيندى (انا عارفه انه جه بعده) الغلطه الوحيده اللى حاولو يوظفوها على انها ضعف حاكم هو انه كان بيذل مراته لإنجابها البنات دون الذكور (وكان المفروض بتوع الثوره يولعو فيه عشان الحكايه دى) طب نيجى للثوره وجمال عبد الناصر نمسك الأول الثوره الact نفسه دى حاجه تعتبر فى جميع المجتمعات تتطور وكل الثورات فى كل دول العالم نقلت شعوبها الى الأحسن والعالم كله كان يبارك هذه الثورات والفتره دى وما سبقها كانت فترة تحرر لعدد كبير من الدول سواء من الإستعمار أو الملكيه طب نيجى لجمال من وجهة نظرى المتواضعه انه كان صادق ولم يريد سرقة البلد ولكن تنفيذه للفكره شابه الكثير من الأخطاء وده لأسباب منها إن الخوف كان من الإنجليز والملك والإنقلابات وكذا حاجه فكان الحل هو انه يثق فى ناس تقدر تحكم مصر بيد من حديد الغلط لم يكن فى جمال ولكن فى الحاشيه انا مش بقول انه ملاك بس انا شايفه انه اعطى للبلد أكثر ما أخذ منها يعنى مثلا جت فتره على مصر الأرز كان المفروض يزيد ثمنه ولكنه رفض لأن ده سلعه أساسيه بصى طول عمره كان بيلبس ايه لما مات كان طبعا ليه معاش وأذكر من كذا سنه ان كان فيه اعتراض من حد على ان المعاش بتاع مراته وصل ألف جنيه أعتقد انه خرج منها زى ما دخلها وأخر حاجه كانت فى دماغه السرقه وانا مش بتكلم عن ولاده دلوقتى دول قصه تانيه المصيبه كانت مع الإنفتاح بعدين نكمل لو عايزه تعرفى الإنفتاح امعى قصيدة نجم يا اللى فتحت البتاع __________________ أن تنتقد الفكر هذا حقك أن تنتقد صاحب الفكر تصبح حمار برأس عجل |
| #3 3rd July 2008, 06:15 AM | ||||
| ||||
| بصي يا كيداهم انا متفقه معاكي جمله و تفصيلا في الكلام عن فاروق انا كنت قريت اكتر من مره عن فاروق و قد ايه الشعب كان بيحبه و في نفس الوقت قريت برضه عن علاقاته النسائيه و علي فكره الممثله اللي ولعت بيها الطياره اسمها كامليا .... طيب بالنسبه لعبد الناصر بقي الموضوع مختلف من وجهه نظري شايفه ان بسبوسه بتتكلم صح الفرق الوحيد مابين وقت عبد الناصر و دلوقتي ان عبد الناصر اخد البلد متبهدله فكان الطبيعي ان اي حاجه يعملها هاتبقي انجاز دا طبعا بعد ما طير محمد نجيب و استولي علي البلد هو الحاشيه او بمعني اصح "شله الحراميه" و علي راسهم عبد الحكيم عامر __________________ احنا يا عروسه شبابك , تكتبي نقرا كتابك ,تتعبي بنشيل عذابك ,تؤمري بنكون جاوبك , و احنا صافيين زيك انتي , و انتي دايما باقيه انتي طاهره زي الشمس صافيه زينا ...يا عروسه النيل تعيشي يا مصرنا |
| #4 3rd July 2008, 06:38 AM | ||||
| ||||
| كمان انا موافقه ان البلد كانت متبهدله ومش مسألة أى حاجه تبقى إنجاز ده راجل خارج بدوله من إستعمار و ثوره ومتفككتش ده فى حد ذاته إنجاز ده غير ان التركيز فى الفتره دى كان لازم يكون على البنيه العسكريه عشان الظروف السياسيه ولا سيما إن بريطانيا كانت فاكره انها هترجع مصر فى نزهه للجيش وعبد الناصر كان راجل عسكرى وفاهم دى وكمان إسرائيل اللى كانت بتسن سنانها وقصة تأمين القناه دى كانت فيلم لوحدها و انجاز على جميع المقاييس انا لحد دلوقتى مش عارفه أحكم هل كان عبد الناصر فى موضوع القناه كان راجل صعيدى بجد قلبه جامد ويفوت فى الحديد ولا مجنون وعمل عمله لم يكن يحسب نتائجها بس اللى انا كنت عايزه أوضحه ان الراجل ما كنش هدفه السرقه وهو مطيرش محمد نجيب عشان يلهف الكرسى الوضع كان مختلف وشلة الحراميه دول هما اللى لمو بصى كلهم عملو إمبراطوريات ماليه بس عبد الحكيم عامر مش مسألة حرامى كان إنسان مضطرب نفسيا ده غير انه كان نقطة ضعف بالنسبه لعبد الناصر __________________ أن تنتقد الفكر هذا حقك أن تنتقد صاحب الفكر تصبح حمار برأس عجل |
| #5 3rd July 2008, 08:04 PM | ||||
| ||||
| أعتقد اللى حصل فى يوليو كان إنقلاب عسكرى مش ثورة شعبية ضباط من الجيش إستولوا على الحكم و أعلنوا للشعب إنهم قضوا على الظلم و الطغيان و الإقطاع .. إلى أخره و إجتذبوا أكبر عدد من الناس عن طريق قوانين الإصلاح الزراعى و مجانية التعليم و غيره لكن هى فى الآخر مش ثورة برضه و يمكن تكون مشكلة عبد الناصر بحسب ما قريت عنه إنه فضل أهل الثقة عن أهل الخبرة لكن موقف الشعب بالنسبة للثورة عامل زى المشهد بتاع مسرحية " تخاريف " كانت فى حالة عدم إستقرار أمنى و ضرب نار ..و جه تلات شباب منهم هانى رمزى و كانوا خايفين من الإضرابات اللى فى البلد و مش عارفين إيه اللى بيحصل .. و مكنوش عارفين اللى حصل ده ثورة و لا إنقلاب راح هانى رمزى قال " إحنا نشوف اللى هيحكمنا .. لو جه راجل كويس تبقى ثورة .. لو جه راجل وحش يبقى إنقلاب " و أعتقد ده اللى حصل معانا بالظبط ده غير إن ثورة يوليو عملت زى الثورة اللى حكاها الكاتب جورج أورويل فى روايته " مزرعة الحيوان " بحس إن الرواية دى بتعبر كتير عن حالنا قبل و بعد الثورة  الرواية هنا http://alrdwa.com/downloads.php?cat_...ownload_id=473 و تشتغل بالبرنامج ده SourceForge.net: Downloading ... |
| #6 3rd July 2008, 08:33 PM | ||||
| ||||
| رأى، أرى أن الثورة كانت رجوعاً للخلف على مستوى الفكر و الثقافة و الحياة السياسية.. حتى لو كان للثورة بُعد إجتماعى شوهه الكثيرون.. رأى أخر، لم تكن ثورة تطبيقاً للمعاير التاريخية و السياسة، كان إنقلاباً عسكرياً على الملك.. رأى اخير، الإنقلاب العسكرى لا يُمكنه أن يُصلح وضعاً سياسياً أو إقتصادياً.. الرجل العسكرى مكانه ساحات القتال، و أحياناً عندما يتّملكه الشعور الجنونى بالعظمة يزحف لينال السلطة، و سيكون أشد فتكاً من زحف الإمام للسلطة.. و بين الجمهورية الإسلامية و جمهورية صدّام مات كثيرون.. يصعب عليّ تقدير من منهم أسوء من الأخر.. الثورة مجدت الجيش و ألهته بحيث يكون سلطة موازية و تدير الثلاث سلطات الأخرى.. فتجد بعبثية ظابط الجيش يفخر بعدة أشياء لو فهمها لبكى و عرف أن ما يفخر به يجب أن يخزى منه، فتجده يرى فى فساد الدولة تأميناً لمستقبله، تجده لا يفهم فى السياسة و الأقتصاد و ربما أيضاً كرة القدم، لكنه لا يوفر دُرره فى الجهل بكل شئ فى أى حوار معه.. فهو كظابط جيش، يعرف أن كل شئ على ما يرام و أن الأمن مستتب، يرى فى النظام الذى يوفر قوته عدلاً و حنكة سياسية.. الإنقلاب جعل العسكر يمتلكوننا و يظنون أننا ميراثاً و جنوداً لهم.. الإنقلاب كان و سيظل دائماً ردّة حضارية أرجعتنا الكثير من السنين للخلف.. و مازلنا نرجع للخلف.. الإنقلاب جعل التعليم مجانى، و جعل المتعلم بلا ثمن.. الإنقلاب جعلنا كلنا فقراء، و يتفنن فى كيفية إدارة شئون الفقراء.. الإنقلاب قضّى على الإقطاع، و وضع اليد على مصر كلها، شعباً و أرضاً و حياة.. دعونا نترحم على مصر و على الحياة السياسية فى مصر! سلام عشان أنا نكدى.. جريجورى، شكراً على الرابط و شكراً أنك طلعت الموضوع.. __________________ أترى حين افقأ عينيك؟! ثم اثبت جوهرتين مكانهما، هل ترى ؟! هي اشياء لا تشترى! |
| #8 4th July 2008, 02:41 AM | ||||
| ||||
| وعدت نفسى وانا باكتب الموضوع الا ادع كراهيتى لعبدالناصر تتدخل و لكنى مرغمة.. شوفى يا kaydahom الطريق الى جهنم مفروش بالنوايا الحسنة اوك الراجل كان شريف و امين طاهر اليد .. بس كان شايف المسؤول اللى بيسرق و المجرم اللى بيهتك الاعراض و يسجن و يعذب و يسحل و..و..و و هو مبسوط و متكيف اوى كمان بدعوى انه بيحمى الوطن تارة من الشيوعيين و اخرى من الاخوان و فى معظم الاحيان بيحمى الوطن من ابنائه اكتر حاجة بتنرفزنى فعلا مشهد قيام الثورة اللى فى فيل رد قلبى..فاكرينه؟ مش عارفة ليه مش قادرة اصدق ان هو دة كان رد فعل الشعب انا مع GREGORY ان الناس ماكانتش فاهمة ايه اللى بيجرى اصلا و معاه كمان فى عدم تسميتها ثورة انما هى انقلاب عسكرى.. و من ساعتها و احنا محكومين بالعسكر  Doubleposting merged by ”Tifnout”, an Artificial Intelligent Robot to Prevent Flooding إقتباس:
__________________ Those who can make you believe absurdities can make you commit atrocities |
| #9 5th July 2008, 08:21 PM | ||||
| ||||
| بصو جايز انا حياديه شويه لأنى لا تضررت ولا استفدت بس مش من المنطق ان احنا نهاجم شخص بسببه ناس كتير فى مصر اتعلمت وناس أكتر عرفت تعيش بكرامتها بعد ما طلعت على المعاش أظن إنكم كلكم عارفين إن مجانية التعليم الحقيقيه كانت مع الثوره والمعاش كان بسبب الثوره متقوليش ان مصر اللى كان شهادة البكالوريا الموازيه للثانويه العامه تعتبر من الشهادات العليا فيها لم تستفيد كان زمنا زى السوريين اللى التعليم مش من أساسيات المجتمع ولا الراجل اللى كان بيشتغل 30 سنه وفى الأخر يكافؤه بمبلغ ولما يخلص المبلغ يبتدى يدور على وسيله فى السن ده لكسب المال مش معنى ان التقسيم الطبقى الذى غيره عبد الناصر رجع تانى بعد أكتر من 60 سنه من الثوره أن دى غلطته __________________ أن تنتقد الفكر هذا حقك أن تنتقد صاحب الفكر تصبح حمار برأس عجل |
| #10 5th July 2008, 08:30 PM | ||||
| ||||
| مصر فى عصر الملكية كانت بتقدم خدمات و التعليم كان مستواه عالى جداً لدرجة أن بعد الثورة تم طرد كل المعلمين الفرنسيين و الإنجليز من المدارس.. ثم هناك شئ؟! التعليم فى جودته و ليس فى مجانيته! فى أوروبا المصروفات المدرسية تُقدر حسب دخل الأسرة.. فالأسرة الفقيرة ستدفع ما يُناسبها و الأسرة الغنية كذلك.. لكن ليس عادلاً أن يُصبح التعليم مجانى و يقدم عقول ممسوخة بجهل و سطحية ثقافية.. و النتيجة.. أقل مدرسة فى أوروبا قد تكون فى مستوى أرقى مدرسة فى مصر.. __________________ أترى حين افقأ عينيك؟! ثم اثبت جوهرتين مكانهما، هل ترى ؟! هي اشياء لا تشترى! |
|
| كلمات مفتاحية |
| المجيدة, بلا, ثورة, يوليو, نيلة |
| أدوات الحوار | |
|
|
 حوارات سابقة ذات صلة بموضوع: ثورة يوليو المجيدة... بلا نيلة | ||||
| الحوار | الكاتب | الساحة | تعليقات | آخر مداخلة |
| فى ذكرى ثورة يوليو | mariana | سياسة وأخبار | 4 | 27th July 2007 04:45 AM |
| نجاد يرسل لأول مرة برقية تهنئة إلي مبارك بمناسبة ثورة يوليو | baaseem | سياسة وأخبار | 0 | 23rd July 2007 04:58 PM |
