|
|
| #1  18th February 2008, 11:16 AM | ||||
| ||||
| ممكن نضحك شوية؟؟ واحد اتحشر في زحمة المرور فلقى واحد بيخبطله على شباك السيارة فتح الشباك و سأله عايز ايه قاله : الرئيس حسنى مبارك خطفوه و الفدية 5$مليون دولار و لو الفدية ماتدفعتش .. الخاطفين هددوا يدلقوا عليه بنزين و يولعوا فيه و احنا بنجمع تبرعات .. تحب تشارك ؟ الرجل سأل: " و في المتوسط الناس بتتبرع بكام" الرجل الثاني : " من 5 الى 10 لتر بنزين ------------------------------------ مرة سيادة الريس مد إيده في جيبه لقي 5 مليون جنيه!! فزعل قوي وخاف وقال: إيه الفلوس دي الفلوس دي حرام؟ فسأل أحد مساعديه فدله على طريق الشيخ طنطاوي رئيس الأزهر وقال له: اسأل الشيخ وهو يقول لك الحل . ما كدبش خبر وجري على طنطاوي وحكا له القصة فرد: 5 مليون بس .. إيه النزاهة دي؟ دي بسيطة خالص يا ريس ما تزعلش نفسك؟ كل اللي هتعمله هتروح تستغفر ربنا بالطواف حوالين الكعبة، لفة لكل مليون جنيه وخلاص . الريس راح لقي عمنا صفوت فقال له: أنت بتعمل إيه هنا؟ أنت هتلف كام لفة؟ عمنا صفوت :78 لفة . الريس: يخرب بيتك؟ ده أنت خربت البلد !! عمنا صفوت: أنت جاي علي انا؟ روح شوف علاء ابنك جايب موتوسيكل وبقاله 3 أيام بيلف ------------------------------------- كان فى سرير المرض حينما أخذ يلقى بوصاياه الأخيرة لوزيره نظيف : - وصيتك الحكم من بعدى يا احمد .. - فى رقبتى يا ريس .. كله تمام والسلطة هياخدها جمال .. (ثم راح فى غيبوبة .. أفاق منها بعد قليل ) - وصيتك الشعب من بعدى يا احمد . - ما تخافش يا ريس .. الشعب ياكل الزلط ... ( ثم راح فى غيبوبة .. أفاق منها بعد قليل ) - احمد - نعم يا ريس؟ - ماتنساش .. توكيل الزلط لعلاء ----------------------------------------- كان حسني مبارك بيخطب في الشعب .. فكل شويه واحد يقوم ويقول عاش حسني مبارك موحد الاديان ويقعد يروح حسني مكمل كلامه وشويه ويقوم الراجل ويقول عاش حسني مبارك موحد الاديان فااتمسك امن دوله وطااااااااخ ويقولوله ايه الي انت بتقوله دا ازاي موحد الاديان دي مصر فيها مسيحين ويهود ومسلمين وطااااااخ فرد عليهم يا باشا ماهوه اللي مكفرنا كلنا ---------------------------------- بيقولك واحد تانى لقى الفانوس السحرى ودعكه طلعله العفريت وقاله:شبيك لبيك تطلب أيه؟ قاله الراجل: أنا عايز كوبرى بين القاهره وأسوان العفريت قاله: دى صعبه قوى .. نقى حاجه تانيه الراجل قاله:خلاص خلى حسنى مبارك يسيب الحكم العفريت قاله:أنت عايز الكوبرى رايح جاى ولا رايح بس -------------------------------- إخبرنى بصراحة يا نظيف ولا داعى للمجاملة أو النفاق . نظيف : أمرك يا ريس الريس : أنا الأفضل ولا عبدالناصر ؟ نظيف : انت طبعا يا ريس .. جمال مين اللى كان بيخاف من الروس !! الريس : طيب أنا الأفضل ولا السادات ؟ نظيف : سادات مين ياريس اللى كان بيخاف من الأمريكان !! الريس : طيب أنا الأفضل ولا عمر بن الخطاب ؟ نظيف : انت طبعا يا ريس .. عمر بن الخطاب كان بيخاف من ربنا .. انت لأ  |
| #2 18th February 2008, 11:46 AM | ||||
| ||||
| إيه النكت اللى تودى ورا الشمس دى ... طب نكتة حديثة بمناسبة إختفاء الدقيق من البلد ... بيقولوا الريس راح جنينة الحيوانات يطمن ع الحيوانات " هى نكتة رمزية شوية " أول واحد شافه كان الحمار .. إيه الأخبار يا حمار ؟ كله تمام يا ريس .. البرسيم مالى البلد و كل الحيوانات بتدعيلك بعد كده شاف الفيل .. عامل إيه يا فيل ؟ كله تمام يا ريس .. الخير كتير قوى و ربنا يخليك لينا بعد كده لقى القرد قاعد يتنطط .. عامل إيه يا قرد ؟ الحمد لله تمام يا ريس ... راح الريس قال له .. طب ما تعمل لنا عجين الفلاحة ؟ راح القرد قال .. و هو إنت خليت دقيق فى البلد يا ريس !!! " هى نهاية النكتة مكنتش بالظبط يا ريس بس كانت كلمة تانية الرقابة شالتها  "و نكتة قديمة ... واحد صاحب قهوة حاطط فى القهوة عنده صور لعبد الناصر و السادات و مبارك جه واحد خواجة مش عارف الناس دى و سأل عليهم راح صاحب القهوة قال ... ده عبد الناصر اللى عمل ثورة يوليو و طرد الملك و ده السادات اللى عمل حرب أكتوبر و ده مبارك .. أبو شريكى و نكت كمان بيقولك حسني كان عاوز يغيـر دولارات و مش لاقي في السوق , فراح منادي عاطف:مفيش دولارات في السوق ليه يا ابن الهرمه ؟ -عاطف :الحج و العمرة ياباشا خلصوا على الاحتياطي -بقولك ايه ..حج ايه وبتاع ايه .. من السنة الجاية الحج يبقى في مصر -عاطف:يا باشا .. ازاي بس -اتصرف -بعد يومين رجع عاطف و قاله : كله تمام يا باشا خلاص الحج حيبقى عندناالريس: طب و الكعبة حتعمل فيها ايه ؟ -حنعملها في ميدان الحجاز - مصر الجديدة و يبقوا يلفوا حواليها -الريس: طب و السعي ؟ -ياباشا يبقوا يجروا في طريق صلاح سالم لغاية المطار و يرجعوا -الريس: و عرفه ؟ -يطلعوا المقطم ياباشا -الريس: طب و رجم إبليس يا فالح ؟ -إتعب معانا شوية بقى يا ريس و بيقولك كمال الجنزوري جالو بعد ما شالوا من الوزارة وقالوا عايز أعرف انت شيلتنى ليه ياريس قالوا يا كمال يا حبيبي التغيير سُنة الحياه ، قالوا طيب شيلت وزير المواصلات ليه قالوا يا كمال يا حبيبي التغيير سُنة الحياة ، قالوا طيب ممكن أسالك سؤال اومال ليه انت الوحيد اللى مابتتغيرش قالوا ياحبيبي تغييركم انتم سُنة لكن أنا وجودي ” فرض "  |
| #3 18th February 2008, 05:10 PM | ||||
| ||||
| إيه اللى بتعملوه ده!! نكت سياسية؟ دا إنتوا ناويين تودونا فى داهية.. أنا أتذكر لما كنا بنحارب فى فيتنام (ماهو أنا كنت قائد عسكرى كبير بس الزمن) وقعدنا أنا وزمايلى القادة العسكريين نولع لنا سيجارتين ونتجاذب أطراف الحديث على أقوى الأجهزة أمنية على الكرة الأرضية.. طبعاً الجماعة اللى هناك أمريكان وكانوا عايزين يحصروا الأجهزة الأمنية الممتازة ما بين الFBI وبين الCIA والإتنين أمريكان.. انا قلتلهم مينفعش الكلام ده وإن جهاز الأمن المصرى أقوى من دول كلهم.. طبعاً مصدقونيش.. أنا الجلالة خدتنى وقلتلهم طيب أنا مستعد أبعت رسالة SMS بنص جنيه لأخويا وحبيبى "حبيب العادلى" يبعت لنا فرقة شرطة مصرية ونعمل مسابقة بينها وبين الCIA والFBI بتوعكم وانا واثق من النتيجة لصالح شرطة مصر.. بس إنتو إتجدعنوا وهاتوا الCIA والFBI هنا فى فيتنام.. طبعاً أنا قلت كدا على أساس إنهم مش هايعرفوا يجيبوهم.. ولاد الإيه جابوهم بجد (أنا أصدقائى العسكريين الأمريكان واصلين قوى) طبعاً أنا مش أقل منهم.. رحت لكشك السجاير العمومى بتاع فيتنام وإتصلت بحبيب العادلى (ماهو صاحبى الروح بالروح وانا واصل قوى معاه).. وقلتله يا حبيب يا خويا الأمر كذا كذا كذا.. وإحنا دلوقتى لازم نخش ونهزمهم.. بصراحة حبيب كان قلقان شوية لأن الخصوم برضه مش ساهلين.. بس انا طمنته على العيال بتوعنا لما قلتله انا اللى هامسك المسابقة.. فراح بعتهم هما كمان.. المسابقة اللى عملتها كانت بسيطة خالص ومن وحى البيئة الفيتنامية.. فيتنام مافيهاش أرانب فى الغابات بتاعتها.. انا رحت جبت أرنب بلدى (كنت جايبه أكله مع الملوخية لما الحرب تخلص) ووريته للتلات أجهزة أمنية المتنافسة.. وبعدها قلتلهم غموا عنيكم وأنا هاطلقه فى الغابة ونشوف تعرفوا تيجيبوه بعد قد ايه.. (طبعاً أنا مطلقتش الأرنب أصلاً علشان أسقطهم وأحسسهم بالعجز من ناحية.. ولأن الأرانب نادرة فعلاً فى فيتنام وكدا مش هاعرف أكل الملوخية بالأرانب مستقبلاً) الCAI دخل أول واحد.. طبعاً إنتوا عارفينهم الجماعة بتوع الCIA دول.. بتوع مولدر وسكالى وإكس فايلز والكلام الكبير ده.. قعدوا يلفوا فى غابات فيتنام.. ويجيبوا عينات للفحص.. وشرحوا شجر ونباتات كتير قوى.. وفى الآخر طبعاً ملقيوش حاجة فقدموا تقرير بعد 15 بحث قالوا فيه إن كائنات فضائية إختطفت الأرنب فى طبق طائر !! الFBI دخل تانى واحد.. طبعاً إنتوا عارفينهم الجماعة بتوع الFBI دول.. بتوع المطاردات على الطرق السريعة اللى لازم كل عربيات الشرطة تتدشدش وتخرب بيت المنتج وتخليه يسب الدين والكلام ده.. قعدوا يلفوا فى غابات فيتنام.. وولعوا فى أم الشجر علشان الأرنب يهرب قدامهم.. وقعدوا يعملوا سربنة علشان يخاف ويجرى.. وفى الآخر طبعاً ملقيوش حاجة فقدموا تقرير بعد 15 يوم بحث قالوا فيه إن الأرنب ده زعيم من زعماء المافياً ونجح فى الهروب من حدود فيتنام إلى المكسيك بباسبور مزور.. جه بقى دور البوليس المصرى.. أول ما شفت الفريق بتاع المخبرين بتاعنا وهما ماسكين الخرزانات وشنباتهم يقف عليها الكلب.. عنيا رغرغت بالحنين لوطنى (ماهو انا مصرى يا جماعة ودول أهل بلدى) رحت فى الخباثة كدا طلقت الأرنب اللى حيلتى فى الغابة قبل ما يدخلوا بعشر دقايق.. وضحيت بوجبة الملوخية بالأرانب فى سبيل نجاح بلدى وتصدرها وحرق دم الأمريكان.. البوليس المصرى دخل الغابة.. هيه نص ساعة بس تحسبها على إيدك وطلعوا وهما ماسكين "دب قطبى" ومعلقينه من قفاه وشكله مضروب لما طالع دين أمة والدب المسكين بيتلوى من الألم ويصرخ: "أنا أرنب أنا أرنب.. انا باعترف إنى أرنب" والله ماكان ليها داعى التضحية بوجبة الملوخية بالأرانب والعيال أهم بيتصرفوا.. أنا عموماً اللى أستاهل خسارة الأرنب البلدى اليتيم اللى حيلتى لأنى شككت فى قدرات بوليس بلدى ومخبرين بلدى ! __________________ نحن نثق فيمن لا نعرفهم لأنهم لم يخدعوننا من قبل.. |
| #5 18th February 2008, 05:46 PM | ||||
| ||||
| لو عجبتك يا إيرور هاحنتفها فى تدوينة.. ماهو المدون لما يفلس يدور فى مداخلاته القديمة..  خد دى ع السريع.. مواطن مصرى ركب الأوتوبيس.. لقى الناس بتتكلم عن غلاء الأسعار.. راح مصرخ بعلو صوته "ماهو كله منه.. ماهو كله منه" (قصده على سيادة الرئيس) الأوتوبيس كان فيه كام مخبر.. راحوا حفظوا شكل الراجل وسابوه المرة دة.. تانى يوم نفس المواطن ركب نفس الأوتوبيس.. لقى الناس بتتكلم عن البطالة.. راح مصرخ بعلو صوته "ماهو كله منه.. ماهو كله منه" (قصده على سيادة الرئيس) الأوتوبيس كان فيه نفس المخبرين.. قالوا لا مابدهاش بقى.. مسكوا الراجل وضايفوه فى قسم العمرانية كام ساعة.. وعملوا معاه أحلى واجب وسابوه ع الصبح كدا.. تالت يوم نفس المواطن ركب نفس الأوتوبيس.. لقى الناس بتقول "سوزان حامل".. راح مصرخ بعلو صوته "مش منه.. مش منه" __________________ نحن نثق فيمن لا نعرفهم لأنهم لم يخدعوننا من قبل.. |
| #7 18th February 2008, 08:50 PM | ||||
| ||||
| إقتباس:
إقتباس:
:hehehe : __________________ لا تقلق قد لايحدث أبداً ولكن إن حدث ........... يمكننا أن نستعيده . |
| #8 18th February 2008, 09:30 PM | ||||
| ||||
| مرة الريس عايز يزود شعبيته فقال لرئيس الوزراء يعلي الأسعار فالناس تتضايق يقوم هو ينزلها، فعلا رئيس الوزراء زود الأسعار، بس الناس ما اتكلمتش، عادي خالص الريس استغرب قوي، وقاله: طب خلي الضرايب على المرتبات خمسين للمية. زود رئيس الوزراء الضرايب خمسين فى المية، الناس هزت دماغها وسكتت. الريس اتجنن وقال لرئيس الوزرا بص، طلع أي قرار غشيم من عندك يخلي البلد تولع رئيس الوزرا عمل ضريبة اللي يعدي كوبري يدفع عشرة جنيه، الناس نفخت و ضربت كف بكف ودفعوا فقام رئيس الوزرا خلى اللي يعدي يدفع عشرة جنيه وهو طالع، وعشرة جنيه وهو نازل من الناحية لتانية الناس قالت اللهم طولك يا روح و أمرنا لله و دفعوا. رئيس الوزرا كبرت فى دماغه، وأمر إن اللي يعدي بعد ما يدفع عشرة جنيه، و هو خارج من الكوبري ياخد على قفاه، و نزل الريس بنفسه متنكر يتابع الموقف الناس تدفع وهية طالعة الكوبري عشرة جنيه، و عشرة جنيه و هية نازلة و تاخد على قفاها وتمشي شوية و لقى واحد بيزعق و متضايق، وطى على ودنه قال له "مالك؟" قال له "حاجة تقرف! أنا متعطل هنا بقالي خمس ساعات..ما ينفعش كدة ..لازم يزودوا الناس اللي بتدينا على قفانا " تلاته خرجوا فرحلة سفاري..واحد مصري والتاني صومالي والتالت أمريكاني..دخلوا كهف و ناموا وصحيوا بعد 300سنة!..كل واحد فيهم قام رجع بلدة.. الصومالي شغل الراديو سمع: (الصومال لن تتنازل أبدا عن حقها الشرعي والتاريخي في ولاية نيوجيرسي) الأمريكي شغل الراديو سمع: (سيدافع الجيش الأمريكي عن البلاد لآخر جندي!) المصري شغل الراديو سمع: (إخترناه..وبايعناه.. .وعشان كده احنا اخترنااااااااااااااا ااااه!) عسكرى مصرى بيسأل عسكرى اسرائيلى بتقبض كام قالوا الف دولار بدل سكن والف دولار بدل موصلات والف دولار بدل ترفية والف دولار مكافأة فالعسكرى الاسرائيلى سأل العسكرى المصرى بتقبض كام قالوا سبعين جنية قالوا بدل اية ؟ قالوا بدل ما شحت مبارك جمع شيخ الازهر والبابا شنوده وقالهم انا جمعتكم النهارده علشان اقولكم ان ابنى جمال هيبقى رئيس مصر سنه 2010 قام البابا شنوده وقال اللهم صلى ع النبى شيخ الازهر قاله انت كده اسلمت ياشنوده ؟ البابا شنوده قاله ماهى حاجه تخلى الواحد يطلع عن دينه |
| #10 19th February 2008, 12:13 PM | ||||
| ||||
| إقتباس:
::من ساعة مانزلها ياعمرو وانا عمالة اضحك حتى بقوله عليها قالى ماهو انا اللى على اليمين بس تفتكر اى يمين فيهم __________________ لا تقلق قد لايحدث أبداً ولكن إن حدث ........... يمكننا أن نستعيده . |
 |
| أدوات الحوار | |
|
|
 حوارات سابقة ذات صلة بموضوع: ممكن نضحك شوية؟؟ | ||||
| الحوار | الكاتب | الساحة | تعليقات | آخر مداخلة |
| ممكن ترحيب | دلــــــــــوعة دبي | قاعة الإستقبال | 17 | 5th December 2008 07:43 PM |
| احم..ممكن استفسار؟ | basbosa | قصر الرئاسة | 3 | 9th October 2008 04:11 AM |
| ممكن مساعدة؟؟؟ | FERO | البهو الثقافي | 4 | 4th October 2008 04:50 PM |
| ممكن سؤال | مذكرات | النادي الإجتماعي | 17 | 4th January 2008 08:15 PM |
)))))))))))
