|
|
| |||||||
| الميدان الحرّ للحوار الحرّ فيما لا يدخل تحت نطاق الساحات الأخرى |
 |
| | LinkBack (1) | أدوات الحوار |
 #1  21st January 2008, 04:00 PM | ||||
| ||||
| حكاية روشة طحن .. صباح الإشطة يا ولاد مصر تعالوا أحكيلكوا حكاية روشة طحن لسة حاصلة معايا مفيش تلت ساعة بصوا .. طبعا عارفين موضوع نانسى وعماد وقضيتهم المهم بعد ما كتبت موضوعهم وقلت أبعته للبشر .. للناس .. اللى بتحس .. علشان الكل يتضامن مع منحهم حقهم الطبيعى اللى ما بيختلفش عليه أتنين بس شكل بلدى ماطلعتش من الأتنين .. طلعت حد تانى خالص .. بعته لكام جروب مشتركة فيهم .. وقلت الناس تعرف .. ونساند مصريين زينا مفيش شوية ولقيت رسايلى بتنط فـ وشى و مكتوب عليها Not Approved إتعفرت .. هو فى أيه .. رسايلى لا فيها إهانة ولا تقليل من شأن حد ولا تعرض لأى فرد أو مُعتقد أو مُقدس أمال مش أبروفد ليه ؟؟؟ المهم .. فتحت واحدة منهم لقيت الأدمن بتاعت الجروب أون لاين ومنورة قصادى بعت لها ... صباح الخير .. ردت : صباح النور أنتى الأدمن .. ردت : خيراً إن شاء لله قولت لها خير إنشالله بس فى أيه.. مالها رسايلى بتترفض ليه.. ؟ ومن هنا بدءنا فى حوار من إياهم .. هى بتتكلم فى وادى وأنا فى وادى هى مصرة على نقاش دينى بحت والحكم على الرسالة وأصحابها واللى كاتبينها بأنهم بينشروا الكفر والضلال وإنتى تعرفى مين البهائيين ومجتمعنا لن يدعم الوثنية و و و وأنا أحاول أفهمها إن دى ناحية حقوقية إنسانية بحتة وحرية أفراد ومالناش دعوة و و و إنها تفهم مفيش.. شوية ودخلت على أمريكا والحريات والفساد والضلال وبعدين دخلت على إنى بفتح الباب للترويج للعلاقات المنحرفة والشذوذ وأهو كله زى بعضه .. وحاجات كتير كدة .. المهم أنى تعبت هى بتتكلم فى سكة وأنا فـ سكة لا عاوزة تفهم .. ولا أنا مقتنعة بخلط جانب حقوقي مع حوار مقارنة أديان لا كدة مش هانخلص .. قفلت الكلام ومشيت ... وقولت خلاص هما حرين ويعملوا اللى يعملوه .. وقفلت على الموضوع بس اللى جاى باءة هو اللى إستغربت له شوية ولقيت سيل من الرسائل من نفس عنوان الأدمن ينهال من الجروب .. هما 3 جروبات تحديدا وهى الأدمن ليهم ..بس مش هاقول أسماء .. رسايل إشى عن البهائية وضلالها وإشى البهائية تحت رعاية اليهودية العالمية وحاجات كتير كدة .. المهم إنى إستغربت أوى .. للدرجة دى أثار الموضوع الذعر فى تفكير البعض فعلطول أخد موقف دفاعى وبدء – فى نظره – عمل حائط صد لمواجهة فكر قد يكون مختلف عنهم قليلاً ..؟ للدرجة دى بنعانى ونعتقد فى ضعف العقول وبنترعب من أى شئ مختلف ؟ فين أرضنا الصلبة اللى واقفين عليها ! خلصت حكايتى .. بس إستغرابى ودهشتى لسة ماخلصوش .. حُرّر بواسطة mariana : 21st January 2008 في الساعة 04:05 PM.  |
| #2 21st January 2008, 05:49 PM | ||||
| ||||
| إقتباس:
فالايمان البهائى هو الاخ الاصغر و الاقرب للاسلام و حتى لو وثنيين هل هذا سبب اكثر يمنحنا الحق فى اضطهادهم و انكارهم و حتى لو كما تقول كتابات اعدائهم البهائية ذراع للصهيونية و مؤامرة غربية وو عدد العرب المسلمين فى اسرائيل يفوق عدد البهائيين فى مصر |
| #3 21st January 2008, 07:24 PM | ||||
| ||||
| أنا علقت على الموضوع ده فى مدونة "باقة ورد".. وبالتالى مش هاكرر.. حد شاف دى من مدونة "بهائي مصري"؟  حد ممكن يجاوبنى على السؤال التانى؟؟ طيب لحظة.. ممكن نقرأ هنا شوية الأول قبل التفكير فى إجابة؟ ظپظٹ ظ…ط§ط¯ط© ط#ظ‚ظˆظ‚ ط§ظ„ط¥ظ†ط³ط§ظ† ط¨ط¬ط§ظ…ط¹ط© ط§ظ„ط¥ط³ظƒظ†ط¯ط±ظٹط© ط¨ظ€ط§ ظ‚ظ€ظ€ظ€ظ€ط© ظˆ ط± ط¯ عزيزى مسلم قبطى.. تعال هنا جنبى.. أنا اللى أعرفه إن لو هناك جاسوس أو عميل أو متخابر والكلام ده.. فالمفروض يتقبض عليه من واقع أدلة وبراهين مش أشاعات وكلام مساطب.. مش فاهم إزاى الربط بين المعتقد الدينى والتخابر مع إسرائيل ! يعنى لو مسكنا جاسوس وكانت ديانته مسلم يبقى الإسلام بيشجع على الصهيونية وأرمى القرآن ورا ضهرى ولا ايه؟ هل حد شاف أى حاجة فى التعاليم البهائية بتقول "أنا باحب إسرائيل وباكره حسنى مبارك" بعكس ما غنى المواطن المصرى بياع الفجل؟ هل حد فينا فتح كتاب الأقدس وقرا فيه ايه أصلاً قبل ما يلقى الإتهامات جزافاً.. فحكاية الربط بين البهائية وإسرائيل لا أرى فيها سوى حجة التاجر المفلس والفكر التآمرى المعتاد.. ومعتقدش العملية دى أصلاً خالت عليك.. إنت تلاقيك بتتكلم بمنطق من يقول ذلك.. مع كامل إحترامى.. فأنا رافض المنطق ده من أساسة لأنه محدش يربط بين الجاسوسية والدين ونسمى ده فيه ذرة عقل ولا منطق.. البهائى اللى يتخابر مع إسرائيل.. هايلاقى نفس جزاء المسلم والمسيحى اللى يتخابروا مع إسرائيل.. ده كلام مفروغ منه.. إلا قول لى صح.. هوه جوستاف لوبون برضه بتاع مسطبة ومسمعش عن حاجة اسمها الديانة اليهودية؟ طيب مسمعش حتى عن أخناتون وإنه أول من نادى تاريخياً بالتوحيد قبل الأديان بتاعتنا دى؟ والله الواحد بقى فخور بنفسة إنه يعرف عن معتقدات الآخرين أكتر من جوستاف لوبون  تحياتى.. __________________ نحن نثق فيمن لا نعرفهم لأنهم لم يخدعوننا من قبل.. |
| #4 21st January 2008, 08:23 PM | ||||
| ||||
| إقتباس:
و فى مداخلة اخرى قلت لو لم يكن هناك اسلام لكنت بهائى و ذلك من تقديرى للبهائية إقتباس:
إقتباس:
و معتقدش برضه انك من النوع اللى ممكن ياخد الجملة بشكلها السطحى و يحكم بسببها على الكاتب بدليل انك عرفت قصدى فوق عامة لا لوبون بتاع مساطب و لا انا بتهم البهائية بانها مؤامرة من الاعداء بل على العكس تماماُ العالم فى حاجة لمزيد من البهائيين و من لوبون  تحياتى |
| #5 21st January 2008, 09:51 PM | ||||
| ||||
| لية فاقدين ادوات التعامل مع الاخر انها قضية تستحق الاهتمام بها فنحن لم نتعلم كيف نتفاعل ونتعامل مع الاخر ونحترمه دون النظر الى دينه بل نتعامل معه على انه انسان له الحق فى الوجود فى هذا العالم فهذا العالم ليس ملك او حكر لاحد انه ملك لله وحدة فكيف نحكم فيه ونسمح لناس بممارسة اديانهم بحرية ولا نسمح لناس اخرى لمجرد اختلاف دينهم وكيف يعقل ان نسمح بتواجد اديان عن اديان وافراد عن افراد ان الله ذات نفسة لم يغصب احد على الايمان به فكيف بنا نحن العباد الحقراء ونحن انفسنا لا نملك الخيار فى النفس الخارج منا من منا يملك ان يتحكم فى تاريخ ميلاده او تاريخ مماته فهل فجأة اصبحنا الحاكم بامر الله ؟ ام فجأة نتشارك مع الله فى ملكة " يقول سبحانة " العزة والكبرياء ردائى من قاسمنى فيه شطرته نصفين " افبعد كل هذا نجرأ على مشاركته ؟ |
| #6 22nd January 2008, 03:13 AM | ||||
| ||||
| "ولو شاء الله لخلقكم أمة واحدة" الله ارحم بغير المؤمنين من الانسان بنفسه و الدليل وجودنا نحن و المسيحيين و اليهود و الهندوس و الزرادشتيين و التاويين و الملحدين حتى الان خصومتنا و اقتتالنا على اسمه و على شعبه جعلتنا نمر على تلك الحقيقة بدون ان نستوعبها |
| #7 22nd January 2008, 03:32 AM | ||||
| ||||
| كاعادة يسيبوا مشكلة ويدخلوها فى مشكلة تانية،هى المشكلة فى العقلية اللى بتفكر ازاى عندك دين كفل لك حقوقك وحريتك فيما تعتنق وتشريع قضائى يعتمد على الادلة والبراهين وبالرغم من ده كله لا انت اخدت حريتك وحقوقك كإنسان ولا الاخر اخد حقه فى الحرية،انت مش تجبرنى اكون على فكرك او عقيدتك غصب عنى انا ليا حقوق لازم اخدها والمفروض اننا نكون ثابتين على ارض صلبة مصريين والعبادة بينى وبين ربنا اعبده كما اريد وكما اشعر انه قريب منى وانا معه فى صلاتى ،واتمنى ان يحسم القضاء المصرى تلك المهزلة فكيف لاناس اصحاب اشغال واعمال تتوقف كل اعمالهم ويفقدون حق من حقوقهم وهو الانتماء لوطن لمجرد كلمة خانة الديانةوكأن الكون لابد له من التوقف لمجرد تلك الكلمة ،ربنا لم يخلقنا نحن مسلمين فقط او مسيحيين او يهود او اى معتقد على وجه الارض له فحسب بل خلقنا شعوب وامم واجناس والوان واعراق لنتألف لا لنتشاجر ونسلب حقوق الغير.............  __________________ لا تقلق قد لايحدث أبداً ولكن إن حدث ........... يمكننا أن نستعيده . |
|
| أدوات الحوار | |
|
|
 LinkBacks (?) LinkBack to this Thread: http://forum.sonsofegypt.net/t2307.html | ||||
| بواسطة | For | Type | بتاريخ | |
| ظ…ط§ ظٹطط¯ط« ظ„ظ„ط¨ظ‡ط§ط¦ظٹظٹظ† ظٹظˆطµظپظ‡ ط§ظ„ظ‚ط§ظ†ظˆظ† ط¹ظ„ظ‰ ط§ظ†ظ‡ ط§ط¨ط§ط¯ط© « ط¨ظ€ط§ ظ‚ظ€ظ€ظ€ظ€ط© ظˆ ط± ط¯ | This thread | Refback | 23rd January 2008 11:32 PM | |
| حوارات سابقة ذات صلة بموضوع: حكاية روشة طحن .. | ||||
| الحوار | الكاتب | الساحة | تعليقات | آخر مداخلة |
| حكاية ايناس يحيى | error | الميدان الحرّ | 4 | 1st March 2008 11:11 AM |
| حكاية ليلى ...وحبل المشنقة | mariana | البهو الثقافي | 0 | 3rd December 2007 05:51 PM |
| حكاية أول عيد للفطر فى القاهرة | `Ra | الميدان الحرّ | 1 | 16th October 2007 05:40 AM |
| حكاية فنان | masry | الواحة الفنّية | 7 | 30th June 2007 02:43 PM |
